PĀ GƏ̄ 99
99
Kɔ́ɔ̄ɓē i mban̄g, ni i de kə́ táĺ
1Kɔ́ɔ̄ɓē i mban̄g.
Ādə̄ gír nápar de gə̄ ndewn̄!
Kōr̄ kāgə̄ mbang yān ndi i dɔɔ́ dɔ de kə́ dɔ rā̰ tə́
kə́ ngé ngɔ̄m̄ loo gə̄ tə́.
Ādə̄ dɔ nang ndebə ngin ngin!
2Kɔ́ɔ̄ɓē i de kə́ bo kem ɓē kə́ Siyo̰ tə́ ō,
ni i dɔ gír de gə̄ tə́ malang ō.
3Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!
4Mban̄g ń ɓō háĺ kə́ rɔ̄kum rāān ní a ndi ngan̄g.
I ḭ̄ n i nge rāā kadə̄ yá̰a̰ un gō naā kə gōó majə ní.
I ḭ̄ n i nge rāā kadə̄ yá̰á̰ kə́ súmūú ō, yá̰á̰ kə́ gōtə́ ō,
to dan ngán Jakob gə̄ tə́ ní.
5Ɔ́siī gɔn Kɔ́ɔ̄ɓē Nə́ɓā yājí,
ɔ́siī nosí nang tə́ no yá̰a̰ kəndā nja#99.5 Yá̰a̰ kəndā nja, aláa kōr̄ kāgə̄ mbang yā Kɔ́ɔ̄ɓē i sandúkə madə̄ naā yān. Á̰a̰ī 1 Yá̰a̰ 28.2 yān tə́!
Ni i de kə́ táĺ!
6Moijə nin̄ kə Aaro̰ i dan ngé tun̄ yá̰a̰ yān gə̄ tə́, ba ɓāŕnən̄.
Samuel i dan ngé rāān ɓɔ́ kadə̄ kə rāā sedə́ gə̄ tə́, ba ɓārə́n.
Nin̄ ɓārə́n̄ Kɔ́ɔ̄ɓē,
anī ni ndigədə́.
7Ni-ɔr̄ najə̄ sedə́ dan kil̄ man̄ kə́ ra kə ngālāá ɓururu tə́.
Nin̄ ngɔ̄mə̄n̄ najə̄ gə̄ ń ni ədadə́ ní ō,
ndū najə̄ yān gə̄ ń adə̄də́ ní ō.
8Kɔ́ɔ̄ɓē Nə́ɓā yājí, i īkɔ́ n ī-ndigə ɓār̄ yādə́ ní.
Ḭ̄ i Nə́ɓā yādə́ kə́ nge tə́gā taí dɔdə́ tə́,
banī yá̰á̰ kə́ majaĺ gə̄ ń nin̄ rāān̄ ní ḭ̄ ə́ndádə́ najə̄n tə́.
9Ɔ́siī gɔn Kɔ́ɔ̄ɓē Nə́ɓā yājí.
Ɔ́siī nosí nang tə́ kumsí sɔɔ̄ mbal̄ yān kə́ táĺ,
tɔdɔ̄ Kɔ́ɔ̄ɓē Nə́ɓā yājí i de kə́ táĺ!
Currently Selected:
PĀ GƏ̄ 99: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.