PĀ GƏ̄ 16
16
Deē ń Nə́ɓā ɔrə̄n kɔ̄ɔ́ ta yo tə́ ní
1I pā yā Dabid.
Nə́ɓā ī-ngɔ̄mə̄m̄, tɔdɔ̄ i ḭ̄ n m̄-rāāī loo ɓɔ̄ɔ̄ rɔ̄ yāḿ tə́ ní.
2M-ə́dá Kɔ́ɔ̄ɓē na i ni n i Kɔ́ɔ̄ɓē ní.
m̄-ndi rɔ̄ Kɔ́ɔ̄ɓē tə́ anī m̄-ndi majə ngá̰ý.
3Ɓesə̄ gə̄ kə́ dɔ nang tə́ laā,
adə̄ i tɔ́gə gə̄ ń nelə̄m̄ sedə́ kété ngá̰ý ní,
4nujən̄ loo ngɔlaā tɔȳ kə́ kété ɓáý.
De gə̄ bə̄gān̄ naā aw̄n̄ gōdə́ tə́.
Banī mā m-ā m̄-tə́té mósə nang tə́ yā ndējə̄də́ to̰ aĺ ō
taḿ a əda rīdə́ to̰ aĺ ō.
5Kɔ́ɔ̄ɓē, ndɔ̄ḿ gə̄ malang i kem jīí tə́.
ḭ̄ i yá̰a̰ ndəbā yāḿ ō, yá̰a̰ ka̰ȳ yāḿ kə́ sɔɔ̄ dɔḿ kem kopoó ō,
6Yá̰á̰ ń wə̄lā kə́ túgə̄ əhɔ adə̄m̄ ní to rɔ̄nel̄ ngá̰ý,
m-ə́nge i yá̰á̰ kə́ majə al̄ naā.
7m̄-ndadə̄ m-ādə̄ Kɔ́ɔ̄ɓē nge kadə̄m̄ kɔjə̄,
m̄-to ndɔ̄ɔ́ anī gír̄ yāḿ ɔjəm̄.
8M-á̰á̰ Kɔ́ɔ̄ɓē ta kumḿ tə́ ngándáńg.
Ni i dɔ jī ko̰ḿ tə́ adə̄ m-ā m̄-ndi ngan̄g.
9M-ə̄nā kemḿ m̄-ndiń adə̄ m̄-rāā rɔ̄nel̄ ō,
m-ḭ́ḭ bal walya ō.
10Tɔdɔ̄ ā ə́ya̰m̄ ɓádá alé,
ā ə́ya̰ deē yāí kadə̄ a̰a̰ bāá yon kə kumneé alé.
11Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄.
Ré deē i rɔ̄í tə́ ngɔr anī rɔ̄n nelə̄n ngá̰ý.
Rɔ̄nel̄ kə́ ngándáńg i dɔ jī ko̰í tə́.
Currently Selected:
PĀ GƏ̄ 16: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.