Rom 2
2
Ta kïgang kïdenesew lo Luwah
(Oo Mat 7:1 teen 5; Jak 2:12 teen 13)
1Kïtø 'nten, î dekïðen'n i ndï gangta dø det mad, î asï kørrta døit al, kïta nya'n i ndï i gangïn ta dø det mad nõ la, i ndï i høn roi kï ta ho ye, kïta î kïþe'n i ndï i gangta nõ i ndï ta ða nyat kï kï ða'n non. 2Kï ger ta kï gang lo Luwah dø degt'n ndïn ta ða nyagt kïmajal tit'n non i goðobat. 3Î de kï ngegangta dø degt kï ngéðanyag kïmajal kï titbe, na i ndï i ðad ho ye, ooa an: A i tee ta takïgangt lo Luwah nyai a? 4I ndï i kid ðamaj loa kï ngãi, kï ndïdøt loa, kï kïre ro njirrir loa a? Na i ger kad ðamaj lo Luwah ndï ørri kï tørrndit ale? 5Na kïta kami kï kongkong i mbet tørrndii, ad i ndï ørrïn wong lo Luwah kï døit, kam ndø wongt. Ndøt'n non, Luwah a gangta dø degt kïgoðobat. 6Luwah a ba dekïðen kïgo kïla ðaat. 7A ad kumkajir kï mbãkïnõt deg'n ndï sahn køsïgon, kï tøko kïro kï dum ndum, kï lo høtøgbát kamðamajt. 8Na wong kï tïngabil lo Luwah i dø deg madgt'n ndï jangïn kï na, ndï telïn rod go tat al, ndï telïn rod go nyaðat kïdenesew al tø. 9Nya kï to kï kamkøl a ða dekïðen kï ngeðamajal, a ða juipg dasa, kamla a ða grekg ho ye. 10Na Luwah a ad tøko kï køsïgon kï kamsøllom dekïðen kï nge hø ða maj, a ad juipg dasa kamla a ad grekg ho ye. 11Kïtø kørr de dene goto ro Luwaht. 12Deg tube'n ndï ðan majal kïkanj ger mberkïnda lo Moij, a nujïn kø kanj mberkïnda ho, na deg tube'n ndïn kï mberkïnda lo Moij jidt na titbe kaa ndï ðan majal ye, mberkïnda a gangta dødt. 13Kïtø ngékoo dø mberkïnda hã în deg kïdenesew nõ Luwaht al, na îgïn ndï ðan kïgo mberkïndat la a ørrïn ta dødt ye. 14Lon girrdeg'n gerïn Luwah al, kï mberkïnda lo Moij goto jidt, na ndï ðan nya kïgo mberkïndat ye, i tit mberkïnda i kamdt, ke mberkïnda lod goto kaa ne, în kïþeg kï død în mberkïnda mad kï køsï død. 15Deg'n non ndï øjïn kad kïlag kï kam mberkïndat lo Moij i kï ndang ngarkamdt. Ta kï kamdt ndï manaj døt, kaglo mad tagahd a hød kï ta, kaglo mad a ndig døt sed. 16A oon titbe kam ndøt'n, Luwah a gangta kïtakul Jeju Krist dø nyangt'n deg ðan gid tilt, kïgoo hoitat kïmaj'n m'ða m'la mbera.
Juipg kï mber kï nda lo Moij
(Oo Jer 8:8 teen 9; Jak 4:16 teen 17; Rom 14:13)
17Na î i ndï i kun roi Juip, i ndï i ndïna roi kad mberkïndat, i ndï i gaburo kïta Luwah loi, 18i ger ndig lo Luwah þet, mberkïnda ndï ndooi tørr go nyag kïmaj kï kïmajal nat, 19în i ndï oo roi an: Î ngekørrta ðob mundog, î kunj kïta deg'n ndïn kam tilt. 20În i ndï oo roi ngekøj nya deg kï ngékumja al, kï ngendoo ngan kïdug kïta i ndï kï nyager, i ger rota kïtaagbe kam mberkïndat. 21Î kï ngendoo deg ye, i ndoo roi ale? În i ndï ndamber kï de þog al, yela i ndï i þog yo? 22În i ndï i ndoo deg kï sahn dekïdëg al, kï ðan ngaw al ho ye la, i ndï i sah dekïdëg yo? În i ndï i ndoo deg an: Yo i nya kï køked yela i ndï i þog nyag kï kam kuj yogt yo? 23În i ndï i gaburo an: I ger mberkïnda køikøi yela, i ndï i tøi dø mberkïnda i lan rosøl dø Luwaht yo? 24Kïtø 'nten la, ndangïn ne kam maktubt kï kunjðang anan: Girrdeg'n gerïn Luwah al ndï kidïn Luwah, kïta kïla ðasï kïmajal.
25Rota gajkïja taa kara tot, îla nya ða de kï ngejagaj i kïgo mberkïndat, na îla ndï tøi dø mberkïnda a ne, gajkïja loa tel gajkïja al. 26Kïtø 'nten îla de kï ngejagaj al ndï tel ron go ngan mberkïndagt kï kam mberkïndat a ne, Luwah a oo gajkïja al loa ad i gajkïja ale? 27De'n jana gaj kam dãrot al, na ndï ða kïgo mberkïndat a ne, a gangta døit î Juip'n i ndï kï maktub lo Luwah jiit, jain gaj tø, na i ndï i tøi dø ta ye ale? 28Kïtø Juip kï jeje hã i Juip kï koo kï kum kï tïga al, gaj kï jeje hã i gajkïja kï dãrot tïga koon al. 29Na Juip kï jeje i de'n Luwah mbel ngarkama, na gajkïja kï jeje i gaj'n Ndil Luwah ja ngarkam det. I kïla ða Ndil Luwah, na i kïgo tat kï ndang kam maktubt al. Juip kï tit'n non a ngah køsïgon kokïro degt al, na kokïro Luwaht tã.
Currently Selected:
Rom 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.