Mrk 15
15
Awïn kï Jeju nõ Pilat't
(Oo Mat 27:1 teen 2,11 teen 14; Luk 23:1 teen 5; Jã 18:28 teen 38)
1Kisî ritït, kïbog lo ngéjanyamosïkadkari sed kïbog lo juipg kï ngéndang maktubg, kï ngékoogota ku juipgt øjïn na ta dø Jejut. Ad døn Jeju, ørrïna awïn sia lana ji Pilat't. 2Pilat ndïje Jeju an: Î ngar lo juipg je e? Jeju tura an: Îla el nõ.
3Kïbog lo ngéjanyamosïkadkari tetïn tag ngãibe kï dø Jejut. 4Ad Pilat tel ndïjea ta gog tø an: I turta mad ale? Oo tag tube'n tetïn kï døit nõ ale? 5Na Jeju turta mad gog al, ad ta ya Pilat biw.
Deg gangïn ta koi dø Jejut
(Oo Mat 27:15 teen 26; Luk 23:13 teen 25; Jã 18:39; 19:16)
6Kaglo ðanah Pakït kïðen ye, i nyabelþe lo Pilat kad ørr de kïða dangãit, ad i de'n koosïg ndïjena kad nyàa dõ. 7De mad tøa i Barabas ða kam dangãit nõ sed nama ngéndu ðøøg. Deg'n non tølïn de mad lon ndun ne ðøø deg kï Romt. 8Koosïdeg awïn kï ro Pilat, lo gangtat, mbã girr ndïjea kïgo nyabelþet loa. 9Pilat turd an: I ndigïn kad m'ørr ngar lo juipg m'adsï e? 10Kïtø Pilat ger þet kad kïbog lo ngéyanyamosïkadkari lan Jeju jint kïgo jangt. 11Na kïbog lo ngéjanyamosïkadkarig sïlan koosïdeg ad elïn anan: Ørr Barabas adj.
12Pilat tel ndïjed an: Ði i ndigïn kad m'ða kï de'n i ndï kunïna ngar lo juipg ye a? 13Turïna kï ndid kïbo anan: I gaa kagdosït. 14Na Pilat eld an: Kïtøði? Majal ði ða a? Deg tel kon kï tøgd tø anan: I gaa kagdosït.
15Na Pilat ndig kï'n sølkam koosïdeg ye, ørr Barabas ad'd. Na ad ndan Jeju kï ndeh riw riw, kamla laa ji degt kad gana kagdosït.
Asïgarg tajïn Jeju
(Oo Mat 27:27 teen 31; Jã 19:2 teen 3)
16Asïgarg ørrïn Jeju awïn sia natlot kï tøa i Pretoir, ad i kuj kõþe lo ngekõþe. Kunïn þut ngéðøøg tube kï nat. 17Lana kub kï kïrre worwor, kad gona ne, gan jøg kon lan døat. 18Kamla mbã girr ðaa lapia anan: Lale Ngar lo juipg.
19Tïndan døa kï kadnya, tiwïn horr tad døat. Øsïn gojd ber nõat ho, øsïn død ber nõat tø. 20Got'n hã gona woi ye, ørrïn kubji kï kirre'n non roat kø, na lana kubg loa. Kamla got gog ørrïna kïtïga, awïn sia kad gana kagdosït.
Gan Jeju kagdosït
(Oo Mat 27:32 teen 56; Luk 23:26 teen 49; Jã 19:17 teen 37)
21De mad tee ko gid þet, tøa i Simõ, i bøw Alegjandïr kï Rupus, i de kï Sirent, þai ndøøt lon a tøi, ngéðøøg ndødïna dø ðobt, na høna kï lo ngetøgt kad to kagdosï lo Jeju, 22ørrïn Jeju awïn sia lot mad kï tøa i Golgota, girr tø lo'n non i lokadø.
23Nõ be adïn Jeju man nduu kï bur kï myrr kad kï ãi, na Jeju ãi al. 24Asïgarg gana dø kagdosït got yan yuk kï n'oon ke dekïðen a un kub loa a? Kamla kegïn na kubg loa kudt. 25I kï sî kï nõkadnda la gana ne kagdosït ye. 26Ndangïn maktub ndan dõ dø Jejut, na tag'n ndangïn la ten: Ngar lo juipg.
27Asïgarg gan ngékumðobg joo kagdosït kad Jejut. Kï kïða ko kõat ho, kïmad ko gelat. 28Titbe tølïn ne ta ta'n ndangïn kam maktubt anan: Tïdana nat kï ngétøidøtag.
29Deg'n a tøin nõbe ye, gan død misïmisï, kamla tajïna hoho, kï takïmal anan: Þai þa'a. Î kï ngetø kuj ndub Luwah, na ðaa gog kam ndøt kïmïta ye, 30Aj roi, na i ðisï dø kagdost ad j'oo. 31Titbe tø la ngéjanyamosïkadkari kï ngéndang maktub, oon Jeju. Kamla elïn kudt anan: Aj deg madg, na asï kajron al ma?
32Ad Krist Ngar lo Israel ðisï tajigla dø kagdosït kï ber kïtakad j'oo a ne, j'adïn kamj. Deg'n gand kagdost kad Jejut ye tajïna ho.
Koi Jeju kagdost
(Oo Mat 27:45 teen 56; Luk 23:44 teen 49; Jã 19:28 teen 30)
33Kàd ða ngawdenþet, na til dub ut døning tube, mbã teen kàdt kïmïta kï lokïsøle. 34Kï kàd kïmïta baaba, Jeju ko kï ndin kïbo an: Eloi, Eloi, lama sabaktani? Girra i titbe: Luwah lom Luwah lom, kïtøði i nyàmïn kï nõbe a? 35Deg madg ku îgïtïn ðan lot'n non oon dø ta'n el ye, elïn anan: Oon ða kun Eli.
36Kïmad kudt ãi ngød aw la ndøkøro kam kasïnduut kï masï jugug, un ta kadnyat ðen kad Jeju ãi. El an: I ngoon ad j'oo ke Eli a ðisï sia dø kagdosït a? 37Na þa ko kï ndin kïbobe kamla oi ye.
38Tajigt kub ganglo kam kuj ndub Luwah til dene joo, þai dõ mbã ü ber. 39Lon bïradø ngéðøøg'n ða nõ Jejut sumban sew oo titbãi Jeju oin ye el an: Rota de'n ðan i Ngon Luwah jeje.
40Dekïdë madg ðan nõ, ða oon nyag'n ða nya nõ ko sãi; Mari kï Magdala, Mari kï kõ Jak kï du, kï Jose kï Salome în kudt. 41Dekïdëg'n non ndulon go Jeju maði ho, ðan kïlaþer adïna lon în døning Galilet ho. Dekïdëg madg ngãibe tø ndulon goa, awïn sia Jerusalemt.
Duwïn Jeju bulombalt
(Oo Mat 27:57 teen 61; Luk 23:50 teen 56; Jã 19:38 teen 42)
42Ndøt'n non, i ndø ðago nyag tube kïta loti i ndø taakò lo Juipg. Lon losøl woi ye, 43Jojep de kï Arimatet, i de kïbo ku ngékoogota mbïna Juipgt, na ndï ndahkamïn dø kõþet lo Luwah'n þet a ðe. Jojep ire kamïn njirrirr, na aw ngah Pilat ndïjea nîn Jeju. 44Ta ya Pilat kïta koi'n Jeju oi kanangbe. Ad kun bïradø ngéðøøg ada ðe roat, kamla ndïjea an: Ðingãt hã Jeju oi a? 45Lon bïradø ngéðøøg ad Pilat ger ta koi Jeju jeje ye, Pilat ad nîn Jeju Jojep. 46Jojep aw ndugo kub nîn, gotïn ørrïn nîn Jeju dø kagdosït kïber ye, Jojep dulo nîn kï kub nîn'n non, na laa þe nînt'n urrïn kam mbalt. Kamla ut ta bulo'n non kï mbal kïbobe. 47Mari kï Magdala kï Mari kõ Jak oon lon lan nîn Jejut.
Currently Selected:
Mrk 15: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.