Mrk 14
14
Kïbog lo Juipg sahn ðøb tøl Jeju
(Oo Mat 26:1 teen 5; Luk 22:1 teen 2)
1Kam ndøt kïjoo a ne, a i ðanah Pakï, kï ðanah bïnã kïkanj berr kasï. Kïbog lo ngéjanyamosïkadkari, kïbog lo ngéndang maktub sahn ðob mad kad kï'n høn Jeju kïkanj kad koosïdeg gerïn kad n'tølïna. 2Kïtø elïn na anan: Maj kad kï høa kaglo Pakït al, na þeta kïse þai.
Dekïdë mad urr yib kï kootmbî dø Jejut
(Oo Mat 26:6 teen 13; Jã 12:1 teen 8; Luk 7:36 teen 50)
3Jeju i kam þet kï Betanit, kam kujt lo Simõ kï ngébanj, lon ndï san nya þaitø ye, dekïdë mad ðe kï kú albatïr, kï yib nard kï kootmbî kï gata i ngãi kamt, dekïdë'n non tø kú ye, urr yib kï kootmbî kï kamt dø Jejut. 4Deg madg ku îgitïn ndin lo nyasat ye, ðan wong, ad elïn anan: Kïtøði dekïdë ða tujïn yib kï kootmbî titbe a? Kara i ði a? 5Kïtø yib'n non, îla de ðaw a ne asï kad ngah nar kï a tee þu mïta kari, kïta ðan kï ngéndog. Wong ðad ad kølïn kï dekïdë'n non ngãi. 6Na Jeju eld an: I nyan dekïdë nõ jen. Kïtøði i ðan sia wong a? Nya kïmaj la ða sem ye. 7Kïtø ngéndog ndïn nat sesï kï ndøgbe, îla i ndigïn a ne, a asïn ða sed maj kï kaglo tube; na mî taa ne, m'a mî nat sesï kï ndøgbe al. 8Dekïdë'n non ða nya'n asï ða; kïta wur dãrom kï yib kï kootmbî kïta ðan lo dubïm. 9I rota la m'ndï m'elsï ye. Lokïðen a lan mber Hoita Kïmaj kam døningt kïtaagbe a ne, a ørrïn hoi nya'n dekïdë'n ðan ða, kad kam deg woi dø al.
Judas ndig la Jeju ji madngétaagt
(Oo Mat 26:14 teen 16; Luk 22:3 teen 6)
10Judas Iskariot, kïkïða ku ngéndoogt kïkïlah gidaijoo aw ro kïbogt lo ngéjanyamosïkadkari kïtakad'n la Jeju jidt. 11Kïbog lo ngéjamosïkadkari lon oon dø ta 'nten ye, ðan ronel ngãi ad unïn kød kad n'adïna nar. Ad Judas sah kaglo kïmaj kad n'la Jeju ji madngétaagt.
Jeju sanya nat kï ngéndoog lon kï ndø Pakï
(Oo Mat 26:17 teen 36; Luk 22:7 teen 14,21 teen 23; Jã 13:21 teen 30; 1 Kor 11:23 teen 25)
12I ndø kï dasabang lo ða nah bïnã kïkanj berr kasï, ad i ndø'n a tølïn ngan batg kïta Pakï. Ngéndoog lo Jeju elïna anan: Lokïðen i ndig kad kï j'awt kï ðago nya kïta sa Pakït j'adi a? 13Jeju la kï ngéndoog lon joo, eld an: Awïn kam þet, a i ngahn de mad kï to þir man. I ndulon go de'n non. 14Lon and kam kujt mad a ne, a elïn kïþe ngekuj anan: Bïraþe ndïje an: Ke kuj ða mbah'n n'an sanya Pakït kï ngéndoog lon ye i ða? 15De'n non a dasï kuj mad kïbobe kï dõ, kï nyag kï kamt i kïða go tube woi; i nõbe la a i ðan go nyagt kïta Pakï kïtatøj. 16Ngéndoog tee awïn kam þet, nyag tube'n eld taa ye, ðan nya tit'n eldïn ye be, ad ðan go lo kïta sanya Pakït nõbe.
17Lo ndï dub, Jeju aw kï ngéndoog lon kïkïlah gidaijoo. 18Lon ndïn ber ta nyasat, na mbã girr sanya nat ye, Jeju eld an: Rota la m'ndï m'elsï ye, kïkïða kusït a lam ji degt, ad i de'n ndï sanya nat sem. 19Ngéndoog loa mbã girr ða kamkil, na ndïjen Jeju kïða kïða anan: I mî a? 20Jeju eld an: I kïkïða ku kïkïlah gidaijoot, i de'n ndï la jin go lomt kam ngo nyasat kïðabe. 21Rota, Ngon de ðe døningt kïta koi tit'n Maktub kïndang elta dan døa kete, na de'n a la Ngon De ji madngétaagt ye, taa tø rum. Maj tøi kad oojïn de'n non al.
Nyasa lo Bïraþe
(Oo Mat 26:26 teen 30; Luk 22:14 teen 20; 1 Kor 11:23 teen 25)
22Lon ndï san nya þaitø ye, Jeju un bïnã, njang dø, hø tet, ad ngéndoog lon, na eld an: I taan. In ten i darom. 23Kamla, un kop man nduu, got'n ða mersi Luwah ye, ad ngéndoog lon ad ãin. 24Jeju eld an: În ten i mosïm, ad i mosï kunkø'n ü kø kïta koosïdeg. 25Rota la m'ndï m'elsï ye, m'a mãi man kand nduu gog al ta, mbã ndøt'n m'a mãi man kand nduu kï kij a ne, a i kam kõþet lo Luwah.
26Jeju kï ngéndoog lon øsïn pa Psom, kamla awïn dø mbalbo birgt.
Jeju el Pierr kete kad a maj ta gerïn
(Oo Mat 26:31 teen 35; Luk 22:31 teen 34; Jã 13:36 teen 38)
27Jeju eld an: În tube a i nyàmïn kø, kïta ndangïn kam maktubt kïkunjðang anan: M'am nda ngéngombatg m'tøla, na batg tø, a tîn na kïða kïða. 28Na got'n m'a m'þai ku ngékoit ye, m'a m'aw kete nõsït kad'm ngoosï døning Galilet. 29Na Pierr el an: Ke deg tube mbetn kaa ne, mî m'am mbet al. 30Jeju tura an: Rota la m'ndï m'eli ye, ndøla 'nten kete kad kïnja ko nja joo a ne, a i maj ta gerïm nja mïta. 31Na Pierr tel elta kï tøgïn þaitø an: Ke i kï lo koit kaa ne, m'a m'oi sei, na m'am maj ta geri al bat. Titbe tø la ngéndoog tube elïn ne ho ye.
Jeju elta kï Luwah lot kï tøa i Jesemani
(Oo Mat 26:36 teen 46; Luk 22:40 teen 46)
32Gog got awïn lot mad kï tøa i Jesemani, Jeju el ngéndoog lon an: I ndïn ber nëbe, na m'a m'aw m'elta kï Luwah kamtã. 33Jeju un Pierr, kï Jak, kï Jã nat sen, mba girr tõ ðusïðusï, ad kama ud mut kï rotagt. 34El ngéndoog an: Ndilm høndo tøi dø mbã tee koi; i ndïn nëbe, i ndïn døgt. 35Ndøt kï kete ngonsî, aw so ber, elta kï Luwah an: Îla i goðobat a ne, kï kaglo daiyo'n non kï tøi kø. 36El an: Aba, Bøw i asï ða nyag tube, îla i root a ne, un køp daiyo 'nten kø; na kad i ndig lom al, na kï i ndig loi tã. 37Jeju tel ðe ro ngéndoogt lon, na ngahd to þin. El Pierr an: Simõ, i to i þi e? Asï ndï døgt døkàd kïða ale? 38I ndïn døgt. Elïn ta kï Luwah i køn ne kad i ðan bijir lon násïn ne. Rota, ndil ndig ða maj, na dãro i tõ.
39Tel aw gog, elta kï Luwah, ro ta kïkïða'n el Luwah kete nõ la tel el tø ye. 40Tel ðe gog ro ngéndoogt lon, ngahd to þin kïta kumd øi dïrïr, oon ta kï kad turïna al. 41Jeju aw, na tel ðe gog kïkõmïta eld an: I to i þin þaitø ø? Ye, i þin þaita. Døkàd asï woi, oon. A lan Ngon de ji degt kï ngéðamajalg. 42I þain dõ ad kï j'awïn. Oon de kï ngelam ji madngétaagt i nderrbe.
Judas la Jeju ji madngétaagt ad høna
(Oo Mat 26:47 teen 56; Luk 22:47 teen 53; Jã 18:2 teen 12)
43Lon Jeju ða elta þaitø ye, Judas, kïkïða ku kïkïlah gidaijoot ðe. Koosïdeg'n nat sia. Kïbog lo ngéjanyamosïkadkari, kï ngéndang maktubg, kï kïbog lo juipg ton nyaðøøg kï gølg jidt. 44Judas kï ngelaa ji madngetaagt ad'd nyakøj mad kete woi, el an: De'n m'am ðaa lapia njuta a ne, de'n non la i î ye. I høna, ørrïna, awïn sia, na i ngomïna maj.
45Lon ðe teen rodt ye, tentenbe Judas ndøt kï ro Jejut ela an: Ngendooj. Kamla ðaa lapia njuta. 46Taa ne, deg'n non ndan jid dø Jejut, høna ne. 47Na kïkïða ku ngéndoogt loa'n ða lot'n non ye, tui kiyaðøø lon kam hawat, gan mbi þer lo bïra ngéjanyamosïkadkari gang þat. 48Jeju eld an: I ðen kï kiyaðøøg kï gølg kad i hømïn ne, tit deg kï ngéhø de kï ngekumðob be. 49Kï ndøg tube mî nat sesï kam kuj ndub Luwaht ho, m'ndoo deg ho, na i hømïn al, na nya 'nten ða nya kïtakad takïndang kam maktubt tølïn konïn. 50Kamla ngéndoog lo Jeju tube tînyàna, na ãin na kïða kïða. 51Basa mad ndulo go Jeju ga kub drap koon la dønt ye, ad høna, 52na basan'n non tî nya kub drap kø, na su lui kï ron kï kil yolil.
Awïn kï Jeju lo gangtat lo Juipg
(Oo Mat 26:57 teen 68; Luk 22:54 teen 55,63 teen 71; Jã 18:13 teen 24)
53Ørrïn Jeju awïn sia ro bïra ngejanyamosïkadkarit. Kïbog lo ngejanyamoskadkari, kï kïbog lo juipg ngéndang maktub kawïn na tube kï nat. 54Pierr ndulo go Jeju ko sãi, mbã tee natþet lo bïra ngejanyamosïkadkari. Aw ndï nat sed ngékïlaþerg ndï tiw horr.
55Kïbog lo ngéjanyamosïkari, kï kïbog lo juipg tube sahn ta mad kï ngang kï'n lan dø Jejut kad ngangïn ne ta koi døat, na ngahn ta mad al bat. 56Kïtø 'nten deg ngãibe man naj kï ngom døat, na manaj lod so go nat al. 57Kïmadg þain dõ, man naj kï ngom døat anan: 58J'oo dø el an: M'a m'tuj kuj ndub Luwah'n ðan, în deg ðan kïjid kø, na kam ndøt kïmïta a ne, m'a m'ða kïðang kïkanj ji deg.
59Na titbe kaa ne, najkïmag lod son go nat al. 60Taa ne, bïra dø ngéjanyamosïkadkari þai ða dõ dan degt, na ndïje ta Jeju an: A kï ta mad kad i tur dø tagt lo deg'n ða elïn kï døit ale? 61Na Jeju ða gon mbo, turta mad al. Bïra ngéjanyamosïkadkari tel ndïjea ta gog an: Îla i Krist Ngon Luwah kï asï ta ndub yo? 62Jeju tur an: Ã, i mî, a oon Ngon de a ndï dø jikõ Luwaht kï Ngetøg tube, a ðe kam kilndiit kï dõ dørãt. 63Taa ne, bïra ngéjanyamosïkadkari hø kub lon til, na el kïbo an: Kï gee ngémanajg mad døt tø ø? 64Oon dø takïmal'n el dø Luwaht ye, ta ði i gaan døt a? Deg tube gangïn ta dø Jejut anan: Ta høa, asï koi. 65Kïmadg mbã girr tiw horrtad døat. Utïn takuma kï jid, urïn jid tïgan ne døa kamla elïna anan: I ndø ndil øj'j de'n tïgai nõ. Got a ne, ngéðakïlag lo ngéjanyamosïkadkari, ðe høn Jeju, tïndana kï dajid.
Pierr maj ta ger Jeju
(Oo Mat 26:59 teen 75; Luk 22:55 teen 62; Jã 18:15 teen 18,25 teen 27)
66Lon Pierr i ber nat þet þaitø ye, þer kïdë mad lo bïra ngejanyamosïkadkari ðe. 67Oo Pierr ndï tiw horta, nøla ngãi kamla ela an: Î kaa ne, i nat kï Jeju kï Najaret ho al a? 68Na Pierr tura an: M'ger ta'n i ndï el nõ al. Kamla tee ða tabit ndogt tïga. Taa ne, kïnja kø. 69Þer kïdë'n non oo Pierr þaitø, na tel el deg'n ðan lot'n non gog an: De'n ðan, i kïkïða ku ngéndoogt lo Jeju ho. 70Na Pierr maj gog tø. Got ngonsî a ne, deg'n ðan lot'n non ye, elïn Pierr gog tø anan: I je, î kïkïða kudt ho kïta î de kï Galilet ho. 71Kamla Pierr mba girr nda yo an: Kï Luwah ndølïm, îla m'ndï m'eltakïbal; m'ger de'n i ða elïn ta loa nõ al bat. 72Na kïnja ko, kïkõjoo. Taa ne, kam Pierr gah dø tat'n Jeju ela nõ: Kete kad kïnja ko nja joo a ne, a i maj ta gerïm nja mïta. Lon kam Pierr gah dø tat'n non ye, nõ ngãi.
Currently Selected:
Mrk 14: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.