Luk 5
5
Jeju kun nawg søø
(Oo Mat 4:18 teen 22; Mrk 1:16 teen 20)
1Ndø mad Jeju ða ta bahbo Jenejaret't. Deg koosïg ða þan'na kï roat kad kï n'oon dø ta lo Luwah. 2Jeju oo toog joo ndïn ta bahbot. Nawg teen kamdt kï'n tugon bandg lod. 3Jeju and kam toot kïkïða ku toogt kï joo'n ndïn ta baht, too'n non i lo Simõ, ndïjea kad øsï too kï kam mant ngonsî. 4Lon nya takelta ye, el Simõ an: Øsï kï døþult, ün bandbïrag losï nëbe, i høn ne kanj.
5Simõ tura an: Ngeem, j'ør dan kondø tube kï ndang kari, kanj hø nya mad; na kïgo tat loi m'a m'ün bandbïrag.
6Lon ðan nya 'nten ye, høn kanjg ngãibe, mbã bandbïrag lod ða kï'n gang. 7Kunïn namdg'n ndïn kam toot kï nu nõ kï jid kad ðe ðan sed. Ðe doosïn toog kï joo'n non kïkanj, mbã toog ða kin nduin. 8Na lon Simõ Pierr, oo ye, øsï gojïn nõ Jejut, an: Bïraþe i ða kï sãi, kïta mî ngeðamajal. 9Kïtø yad biw, kï tubeg'n in sia nãt, kïta tir kanj'n høøn. 10Titbe tø la Jakï kï Jã ngan Jebede kï în madna sed Simõ, nya 'nten yad ngãi ho, kamla Jeju el Simõ an: Ot þool nëbe kïnõt a i naw hø deg.
11Lon ðen kï toog lod kï ta gøsï baht ye, nyan nyag lod, na ndulon go Jeju.
Jeju yoot ngebanj
(Oo Mat 8:2 teen 4; Mrk 1:40 teen 45)
12Lon Jeju ndï kam þet mad ye, de mad kï banj ganga i nõ. Lon oo Jeju ye, so ber kï takumïn ningt nõ Jejut, køa an: Bïraþe, îla i ndig a ne, asï karïm.
13Jeju la jin øda'n an: M'ndig kï ar.
Tentenbe banj goto roat. 14Kamla Jeju ndaa mber kï ot kel de mad, na ela an: Aw, i da roi ngéjamosï kadkarig ad kadkari kï Moij eltaa kïtakad deg gerïn ne banj goto roit.
15Na hoia ørr go log kï tøi, ad deg koosïg kawïn na kïroat kad oon dø ta loa, na kad yootd dø rotogt lod ho. 16Na Jeju tø ron aw kam dïlalot, elta kï Luwah nu.
Jeju yoot ngerokoinjør
(Oo Mat 9:1 teen 8; Mrk 2:1 teen 12)
17Ndø mad Jeju ndï ndoo deg, Parisï madg kï ngéndoo mberkïnda lo Moij ndïn roat, îgïn hã þain ðen kokam ngon þet kï ðen kam døning Galilet, kï kam døning Judet, kï kam þebo Jerusalemt. Na tøg Bïraþe i nat sia kad yootïn deg. 18Deg unïn de mad kï ngerokoinjør kï nyatoa, a sahn kï n'andïn sia, kï'n lana nõ Jejut. 19Na lon ngahn ðob kand sia al kïta koosïdeg ye, alïn sia dø kujt, ðan bulo døkujt, tuin nyato kï ngerokoinjør tot dan degt kï nõ Jejut. 20Lon Jeju oo kadkam lod kad i kadkam kï jeje ye, el an: Dekïdïngã, majalg loi în kï nyàgo kø. 21Ngéndoo maktubg kï Parisïg mban girr gah ta kamdt anan: De kï ngekelta kïmal dø Luwaht kï titbe i nõ a? Nõ asï nyàgo majalg kø a? Luwah kïðabe tã. 22Jeju ger tagahd þet, turd an: Kïtøði i gaan ne taag 'nten kamsït a? 23Oon ye kï ðah i soot a? Kad de el ngerokoinjør an: Majalg loi în kï nyàgo kø, a ke kad ela an i þai dõ i þaning? 24Na kïtakad i gerïn Ngon de ndï kï tøg døningt ne kad nyan go majalg lo de kø ye, Jeju el ngerokoinjørr an: M'eli m'an i þai dõ, un nya toi, na aw þe loi.
25Tentenbe þai ða nõdt, un nyaton, na aw þe lon, a øsïgon Luwah. 26Ta ya deg tube biw, ad þool tøld søkïrr. Øsïn gon Luwah anan: J'oo nyag kïdang þone.
Jeju kun Lebi
(Oo Mat 9:9 teen 13; Mrk 2:13 teen 17)
27Gog go nyagt 'nten, Jeju tee aw, oo de mad kï ngetirrdønya, tøa i Lebi, ndï lo tirrdønyat, ela an: I ndulo gom. 28Lebi þai ndulo goa. 29Lebi ða mburr nam kïbobe kam þet lon kïta Jeju. Koosï ngétirrdønyag kï deg madg ndïn sed ta nyasat. 30Na Parisï madg kï ngéndoo Maktub lod nyurïn ta dø ngéndoogt lo Jeju, anan: Kïtøði i ndï san ne, i ndï ãin ne sed ngétirrdønyag kï ngéðamajalg a?
31Jeju turd an: Ngérongang a geen døktor al, na ngémõig tã. 32M'ðe kïta deg kïdenesew al, na kïta ngéðamajalg kad tørrïn ndid tã.
Ta ndïje dø køgro nyasat
(Oo Mat 9:14 teen 17; Mrk 2:18 teen 22)
33Deg madg elïn Jeju anan: Ngéndoog lo Jã øgïn rod nyasa kï nja natnatbe, ndï elïn ta kï Luwah, titbe ngéndoog lo Parisïg ndï ðan ne ho, na ngéndoog loi ndï san ho ndï ãin ho.
34Jeju eld an: Lon de kï ngeða lo ta dekïdë kij i nat kï namïng þai tø ye, oo kad asïn hø rod dø nyasat e? Be al. 35Na kaglo a ðee nõ lon a unïn de kï ngeða lo ta dekïdë kij rodt kø la, a høn rod dø nyasat ye? 36Jeju el terrta 'nten tø an: De kï til ta gaj kub kï kij la'n lew køn kub goto. Îla i ða titbe a ne, a til kub kï kij, tagahj kub kï kij'n non a þona kï kon kub al. 37De kï a ut kasïnduu kï kij kam kõn galgt goto kïta îla i titbe a ne, kasïnduu a ndu galg ad kasïnduu ü kø, galg tø a tujïn. 38Na kari na a utïn kasïnduu kï kij kam galgt kï kij. 39De kï ãi kon kasïnduu kete woi, kï ndig kãi kï kij goto, kïta a el an: kõna maj tøi kï kij.
Currently Selected:
Luk 5: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.