Luk 4
4
Sitan ná Jeju kam dïlalot
(Oo Mat 4:1 teen 11; Mrk 1:12 teen 13)
1Jeju ðoosï kï Ndil kïkunjðang, þai ta bah Jurdët ndï tel kï gog, Ndil Luwah ørra aw sia kam dïlalot. 2Nu la sitan náa ndø døsøø, kam ndøt kï døsøø'n non sanya mad al; na lon ndøg'n non tøin woi ye, þo õa. 3Na sitan ela an: Îla i ngon Luwah a ne, el mbal'n ðan ad tel nyasa. 4Na Jeju tur an: Ndangïn kam maktubt: De a ndï kï døn dõ kïtakul nyasa hã kïðabe al, na kïtakul ta kïðen'n ndï tee ta Luwaht tã. 5Kamla sitan ørr Jeju aw sia lot mad kï þai kïdõ ngãi daa kõþeg kï døningt tube. 6Sitan el Jeju an: M'a m'adi tøg dø kõþegt 'nten tube kïmajd kïta mî la admïn ye, na dekïðen m'ndig káda a ne, m'a m'ada. 7Îla i so kïnõmt, øsï døi ber nõmt a ne, nyag 'nten tube a telïn loi. 8Jeju tur an: Ndangïn kam maktubt a øsï døi ber nõ Bïraþe Luwaht, î kïðabe la a i ða þer loa ye. 9Got sitan ørra aw sia þebo Jerusalemt, ndaha dø bøg kuj ndub Luwaht, ela an: îla î ngon Luwah a ne, i kïla i so kïber nëbe. 10Kïtø ndangïn kam maktubt: Luwah a ndamber malaikag lon kad oon goi. 11Malaikag a toin kï dajid, na þeta i ga njai mbalt. 12Jeju tur an: Elïn kam maktubt anan: A i ná Bïraþe Luwah loi al. 13Lon sitan ná Jeju kï ðob kïdandang tïga woi ye, tî nyàa kaglo tëbe.
Jeju mba girr kïla lon døning Galilet
(Oo Mat 4:12 teen 17; Mrk 1:14 teen 15)
14Kamla Jeju tel ðe døning Galilet. Tøg Ndil Luwah i nat sia. Hoia ørr lo wom kï døningt'n non tube. 15Ndï ndoo deg kam kuj kawnagt lo juipg. Deg tube øsïn gona.
Deg kï kam þet kï Najaret mbetïn Jeju
(Oo Mat 13:53 teen 58; Mrk 6:1 teen 6)
16Kamla Jeju aw kam þet kï Najaret lot'n tonat. And kam kuj kawnat lo juipg kï ndø taakò kïgo nyabeþelt loa, þai ða dõ kad n'da Maktub lo Luwah. 17Lan Maktub lo ngekelta kï ta Luwaht Esai adïna. Tee Maktub, na ngah lo'n ndangïn ta 'nten tit anan: 18Ndil Bïraþe i dømt kïta wurïm, kï m'la mber hoita kïmaj ngéndog, lam kad kï m'la mber deg'n hønd dangãit kad în kï taa nya dõ, kad mundog oon lo ar nyang, kï m'taa deg'n dan kumd ndo m'nyàd dõ, 19kï m'la mber þal kamkë lo Bïraþe. 20Jeju þir maktub'n non ad ut, tel la ji ngekoogo kuj kawnat, na ndï ber. Deg tube kï kam kuj kawnat lo juipg ye, ndan kumd kï døat ndã. 21Mbagirrr keld ta an: Þone tølïn ta ta 'nten lon i ndï oon dø kï mbisï. 22Deg'n non tube hitïn Jeju. Tag kïmaj maj'n ndï teen taat yad ngãibe ad anan: De'n ndïn ye i ngon Jojep ale?
23Jeju eld an: Rota a i elmïn terrta 'nten: Ngekî maj kad i yoot roi. A elïn tø anan: Nyag tube'n oon dø m'ða þebo Kapernawm nõ ye, kï m'ða nëbe kam þekoojïmt ho. 24Kamla Jeju el an: Rota la m'ndï m'elsï ye; ngekelta kï ta Luwaht ye, deg kï þekoojat a ndigna al. 25Na rota la m'ndï m'elsï ye, ngéngawkoig ngãibe ndïn nõ kaglot lo Eli, ngekelta kï ta Luwaht kam døning Israelt. Kaglot'n non Luwah ut dørã, ad ndii ed al þal mïta kï nah kïkïbojidet, ad þo kïbo so døningt tube; 26na Luwah la Eli ro kïkïðat kudt al, na laa ro ngengawkoit mad kam þet kï Serepta kam døning Sidõt tã. 27Ngébanjg ngãibe tø ndïn dan Israelgt nõ, kaglot lo Elije ngekelta kï ta Luwaht na yootïn kïkïða kudt al, na Naama'n i de kï Sirit tã. 28Lon deg tube'n ndïn kam kuj kawnat lo juipg oon dø tag 'nten ye, wong tøld søkïrr. 29Þain dõ, tuþana kï tïga gid þet, kamla ørrïna awïn sia mbã kï tasom mbalbot'n ndahn þe lod døt, kïtakad øsï lana kïber. 30Na Jeju tee dandt tøi.
Ta lo de kï ngendïl kïyerr
(Oo Mrk 1:21 teen 28)
31Kamla Jeju tee þebo Kapernawmt, kam døning Galilet. Ndoo koosïdeg kï ndø taakò kam þet'n non. 32Nyandoo loa ya død kïta ta loa aw kï tøg. 33Kam kuj kawnat lo juipg de mad kï ngendïl kïyerr ndït nõ, þako kï ndin kïbobe an: 34A. Jeju kï Najaret ði goj nat sei? I ðe kïta nuj'j kø ø? M'geri maj, î Ngekunjðang lo Luwah.
35Jeju ndánga an: I ndï tai mbo. I tee kam det'n ðan kø.
Ndil kïmajal ørr laa dan ngékawnat, kamla tee kamat kø, na ðaa majal al. 36În tube ta yad biw, ad elïn na ta kudt anan: Ta ði kïbe ten a? Ða ndáng ndil kïyerrg kï kam kï misïmisï, kï tøg, ad teen tø.
37Hoi nya'n non ørr lo wom kam døning Galilet kïtaagbe.
Jeju yoot deg koosïg
(Oo Mat 8:14 teen 17; Mrk 1:29 teen 34)
38Jeju tee kam kuj kawnat lo juipg, aw þe lo Simõ. Mum Simõ nélbo ndaa mburung, ad to ber kï køtïn, ndïjen Jeju kad ða nya mad kï tøa. 39Jeju aw ða døat, ndáng nélbo'n non, ad nélbo tî nyàa. Tentenbe þai dõ oo go mbahg kï nyasa. 40Lon kàd ndï ud ye, deg tube, îgïn awïn kï ngérotog'n mõig kïdangdang ðad ye, ðen sed ro Jejut. Î tø nda jin dødt kïða kïða tube yootdïn 41Ndilg kïmajal teen kam degt ngãibe a kon anan: Îla î ngon Luwah ye, Jeju ndángd, nyad ad elïn ta al, kïta gerïn maj i Krist.
Jeju tee aw kïta la mber ta
(Oo Mrk 1:35 teen 39)
42Lon loti ye, Jeju tee aw lot mad kï de gotot. Deg koosïg þai sahna mbã teen døat, ndigïn kad Jeju aw al, na kï ndï sed. 43Na eld an: Sumba kad m'la mber hoita kïmaj kõþe lo Luwah kam ndeg þe madgt ho kïta 'nten la Luwah lamïn ye.
44Ða la mber ta kam kuj kawnagt lo juipg kï døning Galilet.
Currently Selected:
Luk 4: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.