2 Ngar 4
4
Yib lo ngengawkoi
1Dekïdë mad ku në ngan ngékelta kïta Luwaht ko kïdø Elijet an: Þer loi kï ngawïn oi i ger þet þer loi i ngeþool Bïraþe. Na, ngekad kïrra ðe nõ kad'n hø nganïm kïjoo n'teld þergt lon. 2Elije ela an: I gee kï'm'ða ði m'adi a? Elïm ði i kam kujt loi a? Tur an: Þer loi aw kï nya mad kuju al, na yib ku kïðabe koon. 3Elije an: Aw i ndima kúg ro madþeigt, kúg kï kamd to kari, na i ndïmad tëbe al. 4Lon i tel and kuju loi gog a ne, ut ta kuj døit, î kï ngani, i mbel yib kam kúgt tube, na îgïn ðoosïn ye, i ndad køtko kïða.
5Kamla dekïdë nyàa, na þai aw. Ut ta kuj dønt kï nganïn. Ngana adïna kúg na mbel yib tit. 6Lon kúg ðoosïn kï yib woi ye, el ngonïn kïdïngã mad an: Adïm kú kïðang þaitø. Na tur an: Kú goto ta. Titbe yib kïkam kút tïga tø ho. 7Dekïdë aw el de lo Luwah, ela an: Aw i ðaw yib'n non i ban kïrra kïdøit, na ndega kïnãi, î kï ngani a oon ne go rosï.
Ta lo dekïdë Sunem kï ngonïn
8Ndø mad Elije aw þet kï Sunem. Dekïdë kï ngenya mad køa kï rotîn kad sanya þe lon. Titbe la kaglo kïðen ndï tøi kï ðob'n non a ne, a aw þe lon kad n'sanya.
9Dekïdë'n non el ngawïn an: Oo, m'ger þet, de'n non a ðe mbah rojt kïndøgndøg, i de kïjaþat lo Luwah. 10Ad kï ða ngon kuj mad dø ndogbørrt, kï nda tïra, kï table, kï kagndï, kï lamba kamt kï tøa kad lon ðe þe loj a ne, tot.
11Elije aw Sunem gog na to kam kujt kïdõ'n non. 12El þer lon Gehaji an: I kun dekïdë Sunem'n ðan. Gehaji kuna ad ðe ndï nõat. 13Elije el Gehaji an: Ela an; Oo, i ða sej maj ngãi titbe ye, i ndig kad ði j'a kï ða j'adi a? I ndig kad m'elta loi ngar ke bïradø ngéðøø a? Tur an: M'ndï maj dan degt lom. 14Elije el an: Ka kï ða ði kïtaa a? Gehaji tur an: Oo, ngona kïdïngã goto na ngawa i bïga. 15Elije el an: I kuna. Gehaji kun dekïdë na ðe ta kujt.
16Elije ela an: Kaglot kïtit 'nten, þal'n ndï ðe ye, a i to ngon kïdïngã kadit. Dekïdë el an: A a ngeem, de lo Luwah, ot gool þer loi. 17Dekïdë'n non ndan ngon, na ooj kïdïngã kaglot'n non þalt kïkij tit'n Elije elan.
18Ngon tøg, na ndø mad aw ngah bøwïn go ngetet nyakot. 19El bøwïn an: Døm, døm. Bøwa el þer lon an: Una aw sia ro kõat. 20Þer una aw sia ro kõat. Ngon to dø nja kõnt mbã kad ða dan þet kamla oi.
21Kõa al sia dø, Iaa kam tïrat lo de lo Luwah, tee na ut tabit døat. 22La go ngawïnt an: M'køi ad þer kïða ðe kï kõ korro kïða adïm kïta m'ndig kaw kanang ro det lo Luwah na m'a m'tel. 23Ngawa ela an: I ndig kaw roat þone kïta ði a? Kïtø i kij nah al ho, i ndø taakò al tø ho. Tur an: A an: I kari. 24Kamla nda sirg dø korrot na el þer lon an: I ndah girra ad j'aw kïdõt, îla m'eli al a ne, ot duba.
25Titbe so ðobo, aw ro det lo Luwah dø mbalbo Karmelt. Lon i sãi þaitø de lo Luwah el þer lon Gehaji an: Oo dekïdë Sunem ndï ðe. 26Ãi ngød, i la taa, i ndïjea an: Î kï lapia a, ngawi i kï lapia a, ngoni i kï lapia a? Tur an: Ton lapia. 27Lon tee ro det lo Luwah dø mbalbot ye, hø njaa. Gehaji ndøt kïroat kïta køsa kïgog, na de lo Luwah el an: I nyàa, kï tø roa ata kãrïr, na Bïraþe yam dø ta loa ad m'ger al.
28Kamla dekïdë el an: M'ndïje ngon kïdïngã ro ngeemt a? M'eli m'an: Ot goolïm, m'el be ale? 29Elije el Gehaji an: I døþoi, un kagtøsï lom jiit, aw. Îla i ndød de mad a ne, ot ðaa lapia, îla de mad ðai lapia a ne, ot tura. A i la kagtøsï lom takum ngont. 30Kamla kõ ngon el an: Tit'n Bïraþe ndïn kï døn dõ, na i ndï kï døi dõ tø ho ye, m'a m'nyài al. Titbe Elije þai aw sia.
31Gehaji tøi kete nõdt, la kagtøsï takum ngont, na ngon elta al ho, ød ron al ho. Gehaji tel ndød Elije, ela an: Ngon tøsï ndool al. 32Lon Elije ðe and kuju, oo ngon kïkøi dø tïratat. 33Elije, ut tabit dødt tujoo na elta kï Bïraþe. 34Al, to dø ngont, nda tan taa ngont, kuma dø kumat, jia dø jiat, na ndaj ron døat ad ro ngon tel tïnga gog. 35Elije, tee, ndia kam kujt, aw ho, tel ho kamla al gog, ndaj ron dø ngont þaitø. Ngon ud kïdïse nja tanãimïta na tee kumïn. 36Elije kun Gehaji el an: I kun dekïdë Sunem nõ. Î tø kuna na lon ðe ye ela an: Un ngoni. 37Ðe, so ber njaat, øsï døn ningt. Un ngonïn kïdïngã ka nõ, tee tïga.
Elije ad nyasa kïmajal tel kïmaj
38Elije tel kï Gilgal na þo so kam døningt. Lon ngan ngékelta ta Luwaht ndïn nat ye, Elije el þer lon an: I nda jo kïbo horro, i ndirr nyasa kïta ngan ngékelta kïta Luwaht.
39Kïkïða kudt aw kam gawt kïta sah mbikámg, na ngah gowïn ro kïmut. Ja kanda, ðoosï kadïn, telïn kï þe. Riyad nat sîsî ü kam jot na de kï ger nya 'nten goto.
40Adïn deg kad san, na lon san nya 'nten oi ye, kon anan: Oo, de lo Luwah, koi i kam jot 'nten. Asïn san al. 41Elije el an: I ðen kï nduj, na ü nduj kam jot na el an: Ad deg'n ndïn san, nya kï majal goto kam jot ta.
Elije ad nyasa deg
42De mad kï Baal Salisa ðe kï kand kïdasa lon, ad i bïnã nyako ørrj asï døjoo, kï dø nyako kïkij, kam þølt lon ad de lo Luwah. Elije el an: Ad deg san. 43Na þer loa el an: Titbãi m'a m'ad nyasa 'nten deg þu a? Na Elije el an: Ad deg san, kïta titbe kel Bïraþe: A san na ndega a nãi. 44Titbe nda bïnã nõdt ad san, na ndega nãi kïgo tat lo Bïraþe.
Currently Selected:
2 Ngar 4: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.