2 Ngar 3
3
Joram õþe dø Israelt
1Joram ngon Akab mbagirr kõþe dø Israelagt Samari kam þalt kïkïlah gidaijijoo lo Josapat ngar kï Juda. Õþe þal kïlah gidaijoo. 2Ða nya kïmajal takum Bïraþet. Be kaa ða majal tit kïlo bøwa kï kõa al. Tïnda yo Baalg'n bøwa ða, tød køsïkøsï.
3Na hø go majalkïða lo Jeroboam ngon Nebat'n ad Israel ða, na nyàgo al.
Joram ro kï Moab
4Mesa ngar kï Moab i ngékulbatg, na þal kïðen a ba lambo lo Israel kï ngan batg dub þu, kï bal batg dub þu. 5Go koi Akabt ngar kï Moab taðøø ngar kï Israel. 6Ngar Joram þai Samarit, kaw Israelag tube kïnat, 7so ðobo na la kïla kï ro Josapat't ngar kï Juda an: Ngar kï Moab taam ðøø. I ndig kaw nat sem kad kï ðøø Moab a? Josapat tur an: M'a m'aw. Mî tit î deg lom tit'n deg loi, sïndag lom titïn sïndag loi tø. 8El an: J'a kï j'un ðob kï ðah a? Joram tur an: ðob'n gang dïlalot kï Edom.
9Ngar kï Israel, ngar kï Juda kï ngar kï Edom son ðobo na got'n ndian ndø tanãimïta ye, man goto kïta ngéðøø kï dãg'n ndulon god. 10Kamla ngar kï Israel el an: Hai. Bïraþe kun ngarg kïmïta'n ðan kad'n lad ji Moabiagt a. 11Na Josapat el an: Ngekelta kïta Luwaht goto ne kad kï ndïje ta Bïraþe kï takula a? Kïkïða ku ngékïlaþergt lo ngar kï Israel tur an: Elije ngon Sapat'n ü man ji Elit i ne. 12Josapat el an: Ta lo Bïraþe i roat. Titbe ngar kï Israel kï Josapat kï ngar kï Edom awïn roat.
13Elije el ngar kï Israel an: Ði gom nat sei a? Aw ro ngekelta lo bøwi kï ngekelta lo kõi, na ngar kï Israel el an: A a, kïta Bïraþe kun ngarg kïmïta'n ðan kad lad ji Moabiagt. 14Elije el an: Tit'n Bïraþe Ngekoosïg'n mî þer loa ndï'n kï døn dõ ye, kan m'tur go ta lo Josapat ngar kï Juda al a ne, m'a m'gah døit al, m'a m'ooi al tø. 15Tajigla i ðen kï ngekugkïndeh romt. Lon ndï ug kïndeh ye, ji Bïraþe i dø Elijet 16ad el an: Titbe kel Bïraþe; Ad urïn beg kam hoollot kïtut 'nten.
17Kïtø titbe kel Bïraþe: A oon nel al, a oon ndi al tø, na hoollo kïtut 'nten a ðoosï kï man. A ãin, in kï nyakulg losï, 18na nya 'nten i nya kï tëbe takum Bïraþet. A la Moab jisït. 19A i tetïnðøø þebog kïngang kï þebog kïmajg tube, a i gan kagg kïmaj tube, a utïn ta man'g tube na a i nujïn ndøøg kïmaj tøi tube kï mbal. 20Na, kïsî døkàd la kadkarit, man tee kï ðob kï Edomt ad døning ðoosï kï man.
21Lon deg kï Moab oon kad ngarg'n non ðen kïta ðøø sed ye, kunïn deg tube. Ad i de kïdødug mbã, deg kïtag'n asïn kaw ðøø na kawïnd kïnat ta ðobnin døningt. 22Þain kïsî ritit na lon kàd øsï dømant Moabiag oon man ða nõdt kïrre tit mosï be, 23ad elïn anan: I mosï rota. Ngarg'n non ðøøn ad tølïn na. Tajigla Moab, ad j'aw kï tirïn nyag lod.
24Na lon awïn kam gongt lo Israel ye, Israelag þai ðøøn kï Moabiag ad ãin na nõdt. Israelag tuþan god, tølïnd. 25Tøøn þebog øin mbalg ünd kam ndøøgt kïmaj tøi, utïn ta man'g tube, gan kagg kïmaj tube na ngeðøø kï bïjag gugïn dø þe kï Kir Hareset, ðøøn sia mbã nya mad kïðang gotot, na mbalg koon.
26Lon ngar kï Moab oo kad ðøø tøi tøgïn ye, køt ngéðøø kï kiya asï þu tanãimïta kad sahn kaw ro ngart kï Edom na asïn al. 27Kamla un ngonderïn in a õþe gotïnt, Iaa kadkari kïlahorrt dø ndogbørrt. Wong tøl Israelag søkïr kïta nya 'nten, ad tî nyana, telïn kï kam døningt lod gog.
Currently Selected:
2 Ngar 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.