2 Kor Takïdøt
Takïdøt
Go maktubt kïdasa lo Pol, hoitag ðen ko Korent't, na maktub madg i kï lan ko nu ke komad: Ðob nina 2. Mbïna Pol kï ngétaata lo Krist kï Korent tel majal ngãi. Kete kad aw Korent't gog tø ye, Pol ndang maktub ad'd kad nyag'n non mbelïn kamtã.
Kam ðob ninat kïkïða teen ðob ninat kïtanãimïta, Pol ørr naj dø ront kad deg gerïn kad kïla ngombangkïla lo Jeju Krist 'nten i kïlaþer lon. Køjða loa kïðabe i kïtakad deg gerïn Luwah kï Bøw, kï Jeju Krist kï log tube. Kam kïlaþert'n adïna ye, nyakïtorog, kï darondog, kï sotakosït în ngãi. Na Pol ire ron njirrirr kï ndïdøt kam nyagt'n non. Lo keltat titbe dø ron ye Pol sah kad Korentiag mbetnïn kï nyandoo lon al.
Kam ðob ninat kï 8 kï 9, Pol ndïje ngétaata lo Krist kad adïn nyag lod kï ronel ðan ne kï ngéndog kï ngétaata lo Krist kï Jerusalemt. Nyamajg kï ngãi lo deg madg sumba kad ðan ne kï deg'n nyad goto. Kaglot'n Pol ndï ndang maktubt, Korent i þebo kï ngah nya ngãi. Ðagat aw kï kete kete ngãi kamt, na deg oon ndaa nar ngãi ho. Ðob ninag 'nten kï tagah dø ðakïnat. Jeju Krist i ngenya tel ron ngendot kad n'telïn ngéndog ngényangaht. Nya'n non ða ad ðakïna i root ro degt.
Kam ðob ninat kï 10 teen 13, Pol øj ðob kî ngombangkïla lo Jeju Krist girr joo. Kam ngékawnag kï Korent dad ta pa kïta deg madg'n ða lan mber hoita mad kï tadang kï lo Pol. Ðob nina 11: 3 teen 4. Hoita mad kïdang kï kï lo Pol, în deg'n non ða lan mbera ye ad kumndà deg ngãi kam ngékawnat. Kïtø deg'n non øjïn rod tit ngombangkïlag kïbog be.
Pol da nyakøj mad kï kad de gerïn ngombangkïla. Ngombangkïla lo Jeju Krist a ða ron kïdut kad n'telïn kïmadg kïbot. A ndig kad n'î tõ kïta ndï ngo ta tøg'n ji Luwaht. A ndïje nya mad kïta ron al, ke køsïgon ke nyangah. Pol ad kam Korentiag gah dø mber Hoitat kïmaj'n lad kanj ndïjed nar. 'Nten i goosï kel kan tar lo Luwah kïta deg i kadkari kïtaagbe. Luwah ndïje nyamad got't al.
Currently Selected:
2 Kor Takïdøt: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.