1 Kor 16
16
Nar kï kaw kïta ngékawna kï Jerusalem
1Dø tat lo nar kï kaw kï nat kïta deg kïjaþat lo Luwah kam døning Judet, m'el ngékawnag kam døning Galilet nya'n sumba kad ðan. În tø, i ðan titbe. 2Dø ndøt kï dasabang lo ndø kïtanãimïta ye, kï dekïðen nda nar lon køtko kïða kïgo køjt'n øj kamïnt kïtakad lon m'aw m'tee dansït tã, i ða i kawïn kadkarig losï kïnat al. 3Na lon m'tee rosït woi a ne, deg'n i køtïnd ye, m'a m'lad kï maktub jidt kad awïn kï kadkarig losï þebot kï Jerusalem. 4Îla sumba kad m'aw a ne, a awïn sem nat.
Pol øj kamïnt kï n'aw þebot kï Korent
5Na m'a m'aw rosït kï ðob kï Masedøan, m'a m'tøi kï døning'n non. 6Maj a ne, m'a m'ndï nat sesï mbã, kad kaglo þar kï kud tïga. Kad i ðan sem kï nya kï jisït kad m'aw kï kete. 7Kïtø îla m'aw rosït tajigla a ne, m'a m'oosï kï njam dõ koon, na m'ndig titbe al. M'nda kamm døt kad m'ndï nat sesï dø kaglo ngonsî, îla Bïraþe tee ta ðob adïm. 8Na m'a m'ndï kam þebot kï Epesï þaitø mbã ndø Pentekot. 9Kïtø tabit mad kïbo ða tag nëbe kïtam kïtakad m'ða kïla mad kïbo tit, na madngétag în ngãi. 10Îla Timote tee rosït a ne, oon maj kad ndï sesï kari kïkanj þool. Kïtø ndï ða kïla lo Bïraþe tit'n m'ndï m'ðan tø. 11Kïtø 'nten ot kadïn de mad kida, na i ðan sia dø kawa mbaht kad tel kï romt kï kamkïsokïber. Kïtø m'ndï m'ngooa nat kï ngankõg. 12Na dø tat lo ngonkõj Apolos, m'køa ngãi kad aw rosït nat kï ngankõ madg, na nda kamïnt kï n'aw tajigla al bat. Titbe kaa lon a ngah kaglo a ne, a aw wai.
Døboi køjg kï lapia kï ða
13I ndïn døgt. I ðan bijir kam kadkamt, i ðan dïngam. I høn rosï ngang. 14Kï i ðan nyag tube kïgo lo tart. 15Tajigla ngankõ, i gerïn Stepanas kï ngékïþe loa în deg kï dasabang'n adïn kamd Krist kam døning Akayt, adïn rod kad'n ðan kïlaþer n'adïn deg kïjaþat lo Luwah. 16M'køsï kï i lan døsï girr tøgt lo deg kï tit îg'n non, mbã kï lo deg tube'n høn sej go kïla lo Bïraþe, ndï ørïn kamt tø. 17M'ndï m'ða ronel dø ðe Stepanast kï Portunatus kï Akayus, kïta deg'n non ðan nya'n i ngahn ðob ða al. 18Deg'n non adïn kamm sokïber, adïn kamsï so kïber tø. Maj kad i gerïn dø deg kï tit îg'n non køikøi. 19Ngékawnag kam døning Asit ðasïn lapia. Akïla kï Prisil ðasïn lapia kam Bïraþet nat kï ngékawna kï ndï kawïn na kam kujt lod. 20Ngankõ kï nëbe tube ðasïn lapia. I ðan na lapia kï ji kï hø kïjaþat.
21Mî Pol m'ndang ta lapia 'nten kï jim mî kïþe, m'an mî Pol m'ðasï lapia. 22Îla de mad tar Bïraþe al a ne, kï ndï kï ndøl dønt. Maranata. Girra i titbe Bïraþe loj ndï ðe. 23Kï majkurr lo Bïraþe Jeju Krist i nat sesï. 24Tar lom ndï nat sesï tube kam Krist Jejut. Amin.
Currently Selected:
1 Kor 16: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.