1 Tim 3
3
Ngékoogo ngékawna
(Oo Tit 1:5 teen 9; 1 Pie 5:1 teen 4; Knk 6:1 teen 6)
1Ta 'nten i ta kï jeje; îla de mad ndig kïla koogo ngékawna a ne, i kïla kïmaj la kama ndig ye. 2Kïtø 'nten maj kad ngekoogo ngékawna i kïkanj ta mad kïgang dønt, i ngedekïdë kïða, ngekire ron dø nyagt kïmajal tube, i ngehal kïmaj, i ngeðanya kïgoðobat, i ngeða mbahg, i ngegoosï ndoo deg. 3Sumba kad i ngekãi kasï al, ke ngeðøø kï deg, na i de kïsøl. Sumba kad i ngesah ta al, i ngeða ta nar al. 4Sumba kad ger go ðob kõþe dø ngékïkam kujt lon kï køsï døn maj, kï ger go ðob hø nganïn girr tøgïnt kad telïn rod go tat loa kï lo køsïgont. 5Îla de mad ger go ðob kõþe dø ngékïkam kujt lon kï køsï døn al a ne, titbãi hã a asï koogo ngékawna lo Luwah a? 6Sumba kad i ngétaata lo Luwah kij al, na þeta døa sir ad Luwah gangta døat tit'n gangïn ta dø sitant. 7Dø tat 'nten tø, sumba kad ngekoogo ngékawna ngah najkïma kïmaj ro ngémbet Luwaht, na þeta deg a elïn ta kïmal døat; ad so kam gumt kï ya lo sitan.
Ngékïlaþer lo ngékawna
(Oo Knk 6:1 teen 6; 1 Kor 4:2)
8Titbe tø ngékïlaþerg lo ngékawna, sumba kad în deg kï asïn ta køsïgon, kï în deg kï ngékelta køjoo al. Sumba kad în ngékãi kasï boot al, ke deg kï ngéða ta nya kïngah døt kïgootal.
9Sumba kad ngomïn takïmulnd'n Luwah tee dø ad ngétaata lo Krist sem, na kï kamd hød kï ta dø majalt mad al, na kï kamd i kïjanjoi. 10Na kï nánd oon kete, îla ta mad goto dødt, kamla kï ðan kïlaþer koogo ngékawna ye, 11titbe tø, nëdg maj kad asïn ta køsïgon, kï în ngélata kø degt al. Sumba kad în ngékire rod njirrirr dø nyagt kïmajal tube, kï ngéðanya kïro kam nyagt tube. 12Sumba kad ngeðakïlaþer lo ngékawna i ngedekïdë kïðabedo, kï ngeger ðob kørnõ nganïn kï deg kï kam kujt lon maj. 13Ngékïlaþerg'n ndï ðan kïla'n non maj ye, deg a gerïn død ho, a asïn kelta kï kam kï misïmisï dø kadkamt'n jîn kamt kïða nat kï Krist Jeju.
Ta nya kïmund kïbobe
(Oo Ep 2:19 teen 22)
14Tag 'nten la m'ndï m'ndang m'adi ye, m'ndah kammt kad m'a m'aw roit nderrbe. 15Na îla m'tee roit kanang al a ne, m'ndig kad i ger kïtakul maktub 'nten, nyaða kï sumba kad deg høn ða kam kujt lo Luwah, în hã i ngékawna lo Luwah kï Kumkajir. Ngékawna lo Luwah i ngékøsïgo rota kï ngendïnaa kï dõ. 16Ã, 'nten i ta kïmund kïbobe lo nyandoo loj, de kï asï maj nya 'nten goto. Krist tee kï rojt kam dãro det, kïtakul Ndil Luwah la Krist în kï tee dø ad kï gerïn i kïdenesew ho ye. Malaikag oona, lan mber ta loa ku girrdegt kïdangdang ad gerïna, deg adïna kamd døningt ne, na kam dørãt dõ, ngah køsïgon lo Luwah.
Currently Selected:
1 Tim 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.