1 Tim 2
2
Nyandoo dø keltat kï Luwah
(Oo Jer 29:7; 1 Pie 2:12 teen 15; 3:1 teen 6; Heb 2:9; Tit 2:3 teen 5)
1Kete nõ nyagt tube, m'ndah mber ngétaata lo Krist kad køn Luwah, kï elïn ta kï Luwah, kï høn ndo nõat kï rotîd, kï ðana mersi kïta deg tube. 2Maj kad elïn ta kï Luwah kïta ngarg tube ho, kïta deg tube'n ndïn kï tøg kõþe, kïtakad kï ndïn kï døj dõ kam duniat lom ho, kï kamkïsokïber kam nyaðat kïgo lo Luwaht kï kam nyaðat kï asï ta køsïgon ho. 3Nya 'nten i nya kïmaj, i nya kï nel Luwah kï Ngekaj'j. 4Luwah ndig kad deg tube ajïn, ndig kad deg tube teen kï ger rotat tø. 5Kïtø Luwah i kïðabe do, Ngeðambïnat i kïðabe tø, ngeðambïna Luwaht kï deg, i de, ad i Jeju Krist; 6în ad ron koi kad ban dø deg tube. Titbe la, ðen kï najkïma kïgo kaglot'n Luwah øj kete woi, n'ndig jeje kad deg tube ajïn. 7I kïta 'nten Luwah ndahm ngelamber ta ho ngombangkïla ho, adïm kï m'ndoo girrdeg kïdangdang kad adïn kamd Krist ho, kï gerïn rota tø. I rota la m'ndï m'el ye, na i takïbal al. 8Kïtø 'nten m'ndig kad dekïdïngãg elïn ta kï Luwah kï log tube, kï øin jid kï dõ elïn ne ta kï Luwah kï ngarkam kïjanjoi, kïkanj wong, kïkanj gakï. 9M'ndig kad dekïdëg lan kubg kï sumba lo ngétaata lo Krist rodt, kad lan kubg kï tøi loa al, kï în kï hal kïjaþat kïmaj. Sumba kad ðan mand kï bisïdø kï hø nomnom, ke kï l'ør, ke kï medkøsïg, ke kï kubg kï gatd i ngãi al. 10I soot kad ðan rod ad majkood i kam kïlaðat kïmaj tit'n sumba lo ngétaata lo Krist, kï dekïdëg ngékel kan nyaðad i kïgo lo Luwaht. 11Maj kad dekïdëg oon dø nyandoo tad mbo, kï hal tel ro go tat kïtaagbe. 12Na m'nyà ta ðob m'ad dekïdë kï ndoo dekïdïngãg al, ke kï la dø dekïdïngãg girr tøg'nt al tø; na maj kad ndï tan mbo. 13Kïtø Luwah þah Adam kete, kamla tel þah Hawa ye. 14Na i Adam hã goolïna al, na i dekïdë i kïþe la ad goolïna dasa ye, ad tel ngetøidøta lo Luwah. 15Be kaa ne, dekïdë a aj kï lo kooj ngan'gt, îla hø tøgïn bá kam kadkam Luwaht kïkam tart, kï nyaða kïjaþat, kï hal kïmaj takum Luwaht.
Currently Selected:
1 Tim 2: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.