2 Timoteo 3
3
1 #
1 Tim 4:1. Konye kojen na ebe kapaarasia nukawasia epote apakio nuetioko. 2#Rom 1:29. Naarai eraunos ituŋa lueminas bonik, lueminas apesan, Iuituros, luepogaka, ikainyanakinak, luiulakinito ikauriakakec, lumam imalaete, luemamei alaunit, 3lumam eminanara, Iuiketara, ikasabak, lumam itikokinos, ikadedeŋak, lumam eminas ajokis, 4#Pil 3:19. ikabilak ibotei, luemositos, luedakakina, lueminas aitelelio itia amin Edeke, 5#Mat 7:15,21; Rom 2:20; Tit 1:16. ejaas kaput naka ayoŋit Edeke, konye koŋeritos apedorike. Kiboŋok ŋul epur. 6#Mat 23:14; Tit 1:11. Naarai kotomakec ejaas ŋul luelomanarete otogoi, kijoreoto aŋor nubaŋiok nuelaŋirikito adiakanareta, nuiriarit aiŋobel naka iponesio luipu, 7#2 Tim 2:25. isisiaete apaarasia kere, komam epedorete cut adolokin ajenun abeit. 8#Any 7:11,22; 1 Tim 6:5; 1:12. Kwape aponiata Yane ka Yambure kobwoikiniata Musa, kwape kwaŋin ebwoikiniata kwi da abeit, ituŋa luemunaara acoa, luegiritoi kakiro nuka aiyuun. 9Konye mam iyatanakinos noi, naarai ideleleuni akecebaŋaanut kotuŋa kere, kwape kideleleunio abaŋaanut naka ŋul kaluarei.
10Konye jo ibu kotup akaisisianakin, ka ekapone, ka nualosikinit, ka aiyuun, ka aŋirikin, ka amin, ka atitiŋikin, 11#Asw 13:14-52; 14:1-20; Sab 34:19. bobo da areio, ka aiticanio, akiro nukadoikinete ko Antiokia, ka Ikonio, ka Lusitura, areio naetia nen naekanyakinit; konye abu Ejakait kayu eoŋ kotoma kaŋun kere. 12#Mat 16:24; Asw 14:22. Ido da ereunio kere luekotos aijar kayoŋit Edeke kotoma Kristo Yesu. 13#1 Tim 4:1. Konye ituŋa lukaronok ka ikamodak iyatanakinos aroniar, iŋalaete ido kiŋalas da. 14#2 Tim 2:2. Konye kosal ijo toma akiro nuisisiat, ka aitogogoŋ, ijeni mama ka lukaŋai kisisiaunia, 15#Yok 5:39; Sab 119:99. ebe da ameun keiditeu ibu kojen nuiwadikatai nukalaunak, nuepedorete aitocoun jo kiton aitajario kanuka aiyuun naejai toma Kristo Yesu. 16#2 Pet 1:19-21; Rom 15:4. Ŋinikirot naiwadikatai naiyeŋakit Edeke ejai ajokis aisisianakinia, aikwenyaria, aitetenia, aituutooria da toma adolit, 17#1 Tim 6:11. tetere ilosikino etuŋanan loka Edeke, loisilosikinitai kotoma ŋiniswamisioit naejok.
Currently Selected:
2 Timoteo 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.