2 Timoteo 2
2
1Aso do jo, ikakoku, kogogoŋor kotoma asianut naejai toma Kristo Yesu, 2Nuibu kopup da kamakaŋ kotoma ikajenak luipu, kititiŋ ŋun ituŋa lumunon, ido Iuibusakinito aisisianakin ituŋa ice. 3#2 Tim 1:8; 4:5. Kiticaneneno nepepe keoŋ kwape eserikalet lokajokan loka Kristo Yesu, 4Mam eserikalet ekacakin kotoma aitaaritoi naka aijar kana kapak naka ejie, tetere itojoki lokiwadikai ŋes araun eserikalet, 5#2 Tim 4:8. Arai da eboloboloi ituŋanan, mam einakinio aboko, arai mam eboloboloi kwape icorakinitere. 6#1 Kor 9:7,10. Ibusakinit ekakorion loitaaritoi ageun ayaŋaar araito. 7Koomoom nuener, naarai kiinakin Ejakait ajenun kotoma akiro kere.
8 #
Rom 1:3; 2:16; 1 Kor 15:4,20; 2 Sam 7:12. Kiitu Yesu Kristo, loetajarunio kotoma okatwak, loka aur naka Daudi, kwape ejaatar Akakiro Nukajokak, 9#Pes 3:1,13; Pil 1:12-14; 2:17. nueticanitor kiton aenio kwape loiswamai aronis. Konye akirot naka Edeke mam eenio. 10#Kol 1:24. Kanuka ŋun ŋes atitiŋikinio kere, kanuka luseuna, tetere kes da edumunete aitajario naejai toma Kristo Yesu nepepe kaibuses naka ikar kere. 11#2 Kor 4:11. Namunot akirot ŋin: naarai arai kipou katwaka nepepe kaŋes, kijari da nepepe kaŋes; 12#Mat 10:33; Luk 12:9. arai kititiŋikini, kirumi da nepepe kaŋes; arai kiŋeri ŋes, ŋes da kiŋeri oni; 13#Rom 3:2,3; Mar 23:19. arai mam kirai lumunon, esali ŋesi erai Iomunot, naarai mam epedori ŋesi aŋerokin bon.
14 #
1 Tim 6:4; Tit 3:9. Kisiitu kes ŋun, kicor kakonyen nuka Edeke, kinyeis ejie kakiro, numam iŋarakinete, nuitotolikinete luepupete. 15#1 Tim 4:6; Luk 12:42; Tit 2:7,8. Kinyikok aitoduun bon korai lokitojokit Edeke, ekeswaman lomam ipuda kirumata ileic, loitubi kotenan akirot naka abeit. 16#1 Tim 4:7. Kinac akiro nutai, numam eraas nuka edini, naarai itedeparos kotoma amamus ayoŋit Edeke, 17#1 Tim 1:20. enyami kes akecekirot kwape eŋoti. Kotoma kaŋul ejai Kumenaio ka Pileto, 18luapaasi kotoma aiyuun, kinerasi ebe adau ajarun ajaun, itotolikinete da aiyuun naka ituŋa ice. 19#Mar 16:5,26; Yok 10:14; Isa 26:13; 28:16,17. Konye icasit apetetait naegogoŋ naka Edeke, ejai aipucet na ebe, “Ejeŋi Ejakait lueraas luke,” ido ebe, “Konyou kotoma amamus adolit, ŋin kere yenelimori ekiror loka Ejakait.”
20 #
1 Kor 3:12. Konye kotoma togo lokapolon mam ejaunos iboro luka esabu ka luka epuesa bonik, dimarai luka akito ka luka elupe, ice da luka aibuses, ice da lumam aibuses. 21#2 Tim 3:17. Aso arai itesegaar ituŋanan kaŋun, eraun ibore yenika aibuses, yenitalaunitai, yenibusakinit ejakait aitwasam, yenitemonokinitai ŋiniswam naejok. 22#1 Tim 6:11; 1:5. Aso koker eimiel loka atumun, konye kotup adolit, aiyuun, amin, ka ainapakin da, nepepe kaŋul luiwoneete Ejakait kotoma otauon luelaete. 23#1 Tim 4:7. Konye koŋer ipegeta luka abaŋaanut, ka lumam aisisianakinio; ijeni ebe euriete ijiisio. 24#Tit 1:7. Ido mam ibusakinit ebulesit loka Ejakait ejie, dimarai araun loiyapepera mama ejaas kere, ekesisianakinan, loetitiŋikin, 25#1 Tim 2:4. loicori kaiyapepera luirebirebete. Motoko einakini Edeke kes aitoronikin kodoloto ajenun cut abeit, 26ido ikwaaros anyoun kotoma atacit naka Satan, kedau ŋesi aikamun kes aswam nuekoto Edeke.
Currently Selected:
2 Timoteo 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.