1 Ikorinton 16
16
1 #
Rom 15:25-26; Asw 11:29; Gal 2:10; 2 Kor 8:9. Konye nuka atukonokin iboro kanuka lukalaunak; kwape ekorakinitor ikanisan luka Galatia, kiswamata yesi da kwape kwaŋin. 2#Asw 20:7. Apaaran nasodit naka asabato kiŋadak ŋinituŋanan kayesi kidiat, kwape ekerianar, kinyeinai atukonokin naabunio eoŋ, 3Konye naadolunio, luitojokete yesi kobalua, ŋul eyakiari ayaŋaar akusiinakineta Yerusalem. 4Arai ibusakinit eoŋ da alosit, kiupari kesi keoŋ.
5 #
Asw 19:21. Konye abuni mamakus naadaunia aitor Makedonia, naarai etori Makedonia, 6#Rom 15:24; Tit 3:12. Konye motoko asalakin mamakus, arai adaun apak naka aterot kayes, tetere kinyamakinete eoŋ nealosi kere. 7#Asw 20:2; 18:21. Naarai mam akoto aanyun yes kwana etori aitor; naarai amuno asalakin kayes apak arai keesiiki Ejakait, 8#Leb 23:15-21; Ikis 16:9-11; Asw 19:1,10. Konye asalakini Epeso kiton naka Pentekote, #Asw 19:8-10. 9#2 Kor 2:12; Kol 4:3; Apu 3:8. naarai kaŋaikinitai ekek loepol kanuka aswam, ido ejaas luipu luirebirebete.
10 #
1 Kor 4:17; Pil 2:20. Arai kebu Timoteo, kocoito ebe ejai kayes komamei akurian, naarai iswamai aswam naka Ejakait, kwape kaeoŋ. 11#1 Tim 4:12. Kinyek ituŋanan kere aimen ŋes. Konye kinyamakisi ŋes kainapakin, tetere ebuni mamakaŋ; naarai edaret ŋes nepepe kiinacan.
12 #
1 Kor 1:12; 3:6. Nuka onac Apolo, abu keŋaiŋa ŋes noi abunore mamakus nenipe kiinacan, kwabo mam erai akoteke nepepec da abunore kwana. Konye ebuni naedumunia apak.
13 #
Sab 31:24; Pes 6:10. Kokwenyete, kicata kotoma aiyuun, kiswamata ekiliokone, kogogoŋoto 14Kiswamata akusikiro kere kotoma amin.
15 #
1 Kor 1:16; Rom 16:5. Aso iinacan, ijenete lukokale luka Sitepan, ebe eraas lugeet luka Akaia ido ejaikinos aswam naka aijaanakin lukalaunak; keŋaiŋait yes, 16#Pil 2:29. kononokikisi yesi da ituŋa luikote nen, ka ŋinituŋanan yenikeswaman nenipe kakes ka yenitaaritoi da, 17Alakara kanuka abunore naka Sitepan ka Porutunato ka Akaiko, naarai apotu kelelebikis eoŋ nueŋoŋara kamakus; 18#1 Ses 5:12. naara esiyeŋut ekamoyo, ka imoyonokus da. Aso kojenete noi ituŋa luikote nen.
19 #
Asw 18:2,18,26; Rom 16:3,5. Kiyogaete ikanisan luka Asia yes. Kiyogaete da Akuila ka Pirisika noi kotoma Ejakait, ka ekanisa da loejai orekec. 20#Rom 16:16; 2 Kor 13:12; 1 Pet 5:14. Kiyogaete iinacan kere yes. Kiyoganakinos kainu nakalaunan.
21 #
Kol 4:18; 2 Ses 3:17. Eoŋ Paul ŋes ewadikat ayogan na kakanika elopet. 22#Gal 1:8,9. Arai ejai yenimam emina Ejakait, korau yenikenitoi. Ebunit Ejakait! 23Asianut naka Ejakait kojai kayes. 24Kojai akamina kayes kere toma Kristo Yesu Amen.
Currently Selected:
1 Ikorinton 16: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.