1 Ikorinton 15
15
1Iinacan, ketejenik yes Akiro Nukajokak nuabu kalimonok yes, nuipotu yesi kijaut, nuicasitotor da, 2kanuka ŋun da kitajario, arai kiricata noi akirot naabu kalimonok yes-dimikito iyuunito atai.
3 #
Isa 53:5-12. Naarai abu kejaik yes nusodit nuabu eoŋ da kejau, ebe abu Kristo kotwana kanuka adiakanaretawok, kwape ejaatar nuiwadikatai, 4#Sab 16:8-10; Mat 12:40; Asw 2:24-32; 2 Ika 20:5; Isa 54:7; Kos 6:2; Yok 1:17. ebe da aponi konukai, ebe da aponi kitajarunai kapaaran kanakiwuniet, kwape ejaatar nuiwadikatai, 5#Mat 28:16-17; Mk 16:14; Luk 24:34,36; Yok 20:19. ebe da kitakanikin Kepa, kosodi lutomon kaluarei. 6Kosodi kitakanikin irwan atipet iinacan luadeparito akwat akany, luipu kotomakec ejarete kiton kwana, konye ajotooros ice. 7#Luk 24:50. Kosodi kitakanikin Yakob, kosodi ikiyakia kere. 8#Asw 9:3-6; 1 Kor 9:1. Awasia naka ituŋa kere, abu ketakanikin eoŋ da, kwape ikoku yenikijecuna. 9#Asw 8:3; Pes 3:8; Mat 5:19; 1 Tim 1:15. Naarai arai eoŋ loadit noi kokiyakia kere, lomam kebusakinit anyarao ekiyakia, naarai abu kemanite ekanisa loka Edeke. 10#2 Kor 11:5,23; 6:1. Konye kanuka asianut naka Edeke arai kwape araar kwana, akesianut da mamakaŋ mam kerai naatitai; dimarai abu keyatak noi aswam adepar kes kere, kwabo mere eoŋ, dimarai asianut naka Edeke nakijaar. 11Aso arai kerai eoŋ, arai kes, kilimonokini kwaŋin, kwaŋin da ŋes ipotu kiyuuniata.
12Konye arai elimonokinio Kristo ebe aponi kitajarunai kokatwak, inerasi biai ice kayesi ebe emamei ajarun naka ikatwak? 13Konye arai emamei ajarun naka ikatwak, mam Kristo da itajarunitai. 14Konye arai mam Kristo itajarunitai, aso erai akosilimonokin atitai, akusiiyuun da atitai. 15#Asw 1:22; 5:32. Ido kitakani kirai ikajenak luka Edeke lukeŋalak, naarai kitejenunit nuka Edeke ebe abu kitajar Kristo, lomam abu kitajar arai mam ikatwak itajarunio. 16#1 Kor 6:14. Naarai arai mam ikatwak itajarunio, Kristo da mam itajarunitai. 17Ido arai mam Kristo itajarunitai, erai akusiiyuun atitai, isalakinito toma adiakanaretakus. 18Ido ŋul da lukejotooros kotoma Kristo aoliosi. 19Arai kimunokina Kristo kotoma aijar kana bon, kirai lukitimitoi adepar ituŋa kere.
20 #
Kol 1:18; 1 Kor 11:30. Konye kwana adau Kristo aitajarunio kokatwak, ŋes araito nugeet nuka ŋul kaluejotooros. 21#Age 3:17-19; Rom 5:12,18. Naarai kwape ajaunia atwanare kanuka etuŋanan, kwape kwaŋin ajau da ajarun naka lukatwak kanuka etuŋanan, 22Naarai kwape etwakiata kere kotoma Adam, kwape kwaŋin ejarete da kere kotoma Kristo. 23#1 Ses 4:16; Apu 20:5. Konye ŋinituŋanan kwape ebeikinia: Kristo ŋes araito nugeet; kosodete naebunio ŋesi ŋul lueraas luka Kristo. 24#Dan 2:44. Kosodi edoluni esaŋe, naijaikinia ŋesi Edeke Papa ajakanut; naedaunia aitapalaun airumit kere, ka apolou kere ka apedor da, 25#Sab 110:1; Mat 22:44. Naarai ibusakinit ŋes airumit aitodol naicakakinia lukasurupoke kere kwap kakejeneke. 26#Apu 20:14; 21:4. Lokasurup lokawasia amudiario ŋes atwanare. 27#Sab 8:6. “Naarai itononokikini Edeke iboro kere kwap kakejeneke.” Konye naetemaria ebe itononokikinio iboro kere, idelelei ebe mam elimunitoi ŋol lokitononokikini iboro kere. 28Naitononokikinitere iboro kere, ŋes konyet itononokikinitere Okoku da elopet mama ejai ŋol lokitononokikini iboro kere, tetere eraun Edeke loka kere kotoma kere.
29Ikonakinete bo do ai luibatisauna kanuka lukatwak? Arai mam cut itajarunio ikatwak, kanukinyo kibatisaere kes kanukec? 30#Rom 8:36. Kanukinyo do kijaar sio ationis ŋolisawa? 31#2 Kor 4:10,11. Iinacan, etogogoŋit kanuka aoloboboteka kanukus nakijaar toma Kristo Yesu Ejakaitiwok, ebe, atwani ŋinipaaran 32#Isa 22:13. Arai apotu kajioto kitiaŋ kotoma Epeso, kwape etuŋanan, ajokis anyoin? Arai mam itajarunio ikatwak, aso, “Kanyama, kamata, naarai kitwaki moi.” 33Sirikiŋalas; “Aup kalueroko emunaari iponesio luejok.” 34#Rom 13:11; Pes 5:14; 1 Kor 6:5; Asw 26:8. Kikwarut kadolit, ido siridiakanarete, Naarai ejaas ice lumam ejenete Edeke. Enera ŋun aisurumia yes ileic,
35Konye etemari ituŋanan atiar, “Ikwaikini ai itajarunio lukatwak? Ido epote kakuan anyoin?” 36#Yok 12:24. Ibaŋaana ijo, ŋin yeniyei mam ejari dimikito ketwana. 37Ŋin da yeniyei, mam iyei akuan naejauni, nabarai ikinyomit bon, motoko akimait, arai yenika epone ece. 38#Age 1:11. Konye Edeke einakini ŋes akuan kwape akotor, einakini ŋolikinyomit akuanake bon. 39Naarai akiriŋ kere mam eputonoro; konye ejai akiriŋ naka ituŋa, ace naka itiaŋ, ace da naka ikweny, ace da naka lukecor. 40Ejaas da awat nuka akuj, ka awat nuka akwap; konye aibuses nakokuju erai ace, aibuses da nakokwap erai ace. 41Ejai aibuses naka akoloŋ, aibuses ace naka elap, ka aibuses ace da naka aacer: naarai egelegela aacerit adiopet kaacerit ace kotoma aibuses.
42Ikoni nen ajarun naka Iukatwak, 43#Pil 3:20,21. Eyeio komamei aibuses; itajarunio kaibuses; eyeio kakalanyanut; itajarunio kapedor. 44Eyeio akuan naka akiriŋ; itajarunio akuan naka emoyo. 45#Age 2:7; Yok 6:63; 2 Kor 3:6,17. Iwadikatai kwanata ebe, “Korau etuŋanan losodit Adam ekesa loejari.” Korau Adam lokawasia emoyo loeinakini aijar, 46Konye lokemoyo mam kerai losodit, dimarai lokakiriŋ; kosodi konyet ŋol lokemoyo. 47#Age 2:7. Abuni etuŋanan losodit kotoma alup, ŋes lokapua; etuŋanan lokiareit abuni kotoma akuj. 48Kwape ejaar etuŋanan loka apua, ikote nen luka apua; kwape ejaar da loka akui, ikote nen luka akui. 49#Age 5:3. Kwape kiputooro etuŋanan loka apua, kiputoori da lokokuju, 50#1 Kor 6:13. Konye iinacan, enera nu ebe, mam epedorete akiriŋ ka aokot airum ajakanut naka Edeke; ido aibos mam irumi amamus aibos.
51 #
1 Ses 4:15-17. Koany, kalimokinete nakaiyeiyea ebe: Mam oni kere kijotoor, konye kilocokinio kere, 52#Mat 24:31; 1 Ses 4:16. katipet, bala arwakakin akoŋu, keruiki arupepe nakawasia; naarai erui arupepe, itajarunio lukatwak kamamus aibos, kilocokinio oni da. 53#2 Kor 5:4. Naarai ibusakinit naebosi na ainap amamus aibos, ibusakinit da naetwani na ainap amamus atwanare. 54#Isa 25:8. Naebosi na naenapia amamus aibos, naetwani na da naenapia amamus atwanare, ŋes konyet itodolikinor akirot naiwadikatai ebe:
“Ejwenyario atwanare kotoma aipikor.”
55 #
Kos 13:14; Isa 25:8. “Wu jo atwanare, ai bo ejai akoniipikor?
Wu jo atwanare, ai bo ejai ekonitidot?”
56 #
Rom 7:13; 6:14. Etidot loka atwanare ŋes aronis; apedor da naka aronis kes ikisila. 57Konye kimalai Edeke lokiisipikori oni kanuka Ejakaitiwok Yesu Kristo.
58 #
2 Siit 15:7; Apu 14:13. Aso do ikainacan luminan, kicata, komam iriaŋiriaŋas, kiyatanakis ŋinipaaran aswam naka Ejakait, naarai ijenete ebe mam itaaritos atai kotoma Ejakait.
Currently Selected:
1 Ikorinton 15: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.