2 Kronikas 3
3
Salaman tempel watla ba mâkisa
(1 Ki 6.1-38)
1Salaman Dawan watla ba mâkaia tâ krikan Jerusalem ra, Moria ilka ra, bahara sika Dawan ba Debit ra latan takan ba, witin ba Salaman aisika; Debit bui baha pliska ra ridi daukan Dawan watla ba mâkaia, wibia kaka Ornán Jebús uplika ba pliska kum kata, bahara plawar taya saki kan. 2Bahara watla ba mâkaia tâ krikan, lî wainhka kati lapta wâl, ai kingka lâka ba mani walhwal bri kan piua ra.
3Tempel watla mâkaia playa nani Salaman bapan ba, yarika ba 90 pît bara twaknika ba 30 pît bri kan. 4Watla ra dimaia durka ba 30 pît bri kata yarika ba, baha watla bîla yahpika wal baku, pura tani ra 180 pît, baha bîla aiska ba gul lalauban. 5Bara watla bahamna dusa ba Chipre dusa wal paskan bara gul aihwa wal lalauban, bahara supa dusa wahia sâtka nani bara sîn nani wal purara bukan. 6Watla ba sin walpa klauhira painkira wal lalauban, gul kau pain ba ni paskan 7Baku bamna, watla bîla playka ba utla tâ baiki ba tnaya nani bara dur nani ba sut gul ni lalauban, bara kirubin lilka nani utla tnaya ba ra prakan.
8Baku sin holikira pali Pliska#Imp St 26.33-34. ba daukan yarika ba 30 pît kata watla mawan ba, bara bîla ba 30 pît, bara gul kau pain ba 25 ton ni lalauban. 9Bara sabaia sialaka kumi ba gul 20 auns ni paskan, bara pura rumka ba sin gul ni lalauban.
10Bara bilara holikira Pliska ba ra upla wâl lilka paskan kirubin dusa nani wâl daukan, baha nani sin gul wal lalauban kan. 11Kirubinka nani tnawa yarika ba 20 pît bri kan, tnawa kumi yarika ba 5 bri kan bara utla kangbi kata; wala ba sin 5 pît bri kan. Tnawa kum ba kirubin wala tnawa kat kangbi kata. 12Baha sim natka ra, kirubin tnawa wala ba 5 pît bri kan, tnawa ba utla tnaya kat kangbi kata, bara wala ba lika 5 pît bri kan ba ra, kirubin wala tnawa tâ ba kat kangbi kata. 13Naha kirubinka tnawa nani ba sakban ba ra 20 pît bri kata, ai mina ra bûi kan, ai mawan lika utla ba tani ra kata.#Imp St 25.18-20. 14Pamaia kwalka#Imp St 26.31. ba pauni, balianta talia bara linin ni paskan; baha ni kirubin nani tnawa ba sin bukan kata.
Playka tara nani wâl ba
(1 Ki 7.15-22)
15Watla ba mawanra playa tara wâl daukan, 35 pît bri kan ai pura tani ra, baha ba tempel tâ baikanka kata. 16Baku sin, sîn nani paskan lilura baku, baha playka tara nani ba purara paman, bara bras ni dus mâ baku 100 paskan bara sîn nani ba ra paman. 17Bara playka tara wâl tempel mawanra mangkan ba, kumi smihka ra bara wala aihkika ra. Mihta aihkika ra ba nina mâkan Jaquín, bara mihta smihka ra ba nina Bóaz mâkan.
Currently Selected:
2 Kronikas 3: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua