Mag 4
4
Arkatê ka urang drāk pajeh
(Ma-thi-ơ 13:1-23; Lu-ka 8:4-8)
1 #
Lu 5:1-3. Pô Yê-su gilaic raup lang pato gah takai tathik. Hu tha tapôr mưnuix biak ralô patom nhom yơng Bhô nan yơ Bhô xang tamư dok ngok tha thruh gilai, dok abih bôl bhap yơ dang ngok ar. 2Bhô angui arkatê pato pakai khol nhu ralô kabha. Dalam tuk pato, Bhô bican: 3“Xang pang ni! Hu tha urang tabiak nao drāk pajeh. 4Dalam tuk drāk tha thanôn athar lek tui jalan, cim mưrai dôn ƀang bih. 5Tha thanôn pakan lek ngok tanưh rađeh, ciêt hu takik haluk, kaywa lam ôh jalam nan yơ vêt tamuh tagôk. 6Min tuk ia harei tamuh tagôk gok pađiak cuh yơ nhu bôi thu kaywa nhu ôh hu gha. 7Tha thanôn pakan lek di krưh rôm darôi; darôi tamuh tagôk glong ngak ka tadar var thong ôh athal jiơng bihu. 8Tha thanôn pakan vơk lek ngok di libik tanưh siam bloh hu athal jiơng prong tagôk thong cak rôk, tha athar tabiak klau pluh, athar pakan nam pluh, athar pakan tha rituh.” 9Bhô gilaic bican: “Thei hu tangi piêh pang, xang pang!”
Ar anưd arkatê
10Tuk Pô Yê-su dok vơk tha drei, dôm urang dok yơng Bhô thubik thong tha pluh dwa Xêh Pachai mưrai tanhi Bhô ka dôm arkatê. 11Bhô bican: “Gruk palih kabal anưd Dit Biya Pô Lingik krung bihu ƀai brei ka khol hư; min jom thong mưnuix lingiu, yơ abih gruk jang dok dalam dôm arkatê, 12piêh ka khol nhu:
Iơk yơ kưk iơk, bloh ôh ƀôh,
Pang yơ kưk pang, bloh ôh thau;
Kađa laic mưnok nhu tumal bloh bihu ampun glaic kaic.”
13Bloh Bhô đôm: “Khol hư ôh thau arkatê ni habar? Yau nan yơ ngak habar thau bihu abih arkatê pakan? 14Mưnuix drāk pajeh, ar nạn drāk anga. 15Dôm athar tak jalan nạn dôm ra krung hu ciup pang anga bihu drāk tabiak, min nhu birau pang bloh yơ Sa-tan binhêt mưrai, poh blah anga krung hu drāk dalam tian khol nhu. 16Lijang yau nan rei, dôm athar drāk libik tanưh rađeh nạn dôm mưnuix tuk pang anga bui ôn takabal vêt; 17min anga ôh rak gha dalam tian, ciêt dok kađong tha kal; hajiơng tuk kaywa anga bloh gōk rijan hai gơk tatơk, khol nhu binhêt hanek jalơh. 18Dôm athar krưh rôm darôi drơh yau dôm urang pang anga, 19min gruk uh tarak di rai ni, gruk palwô ngal di ginup mưda, thong gruk ragơh tathrưg dôm paka pakan mưk khik tian khol nhu ngak ka anga gok tadar var ôh athal jiơng bihu. 20Dok dôm athar bihu drāk ngok tanưh siam drơh yau dôm mưnuix pang anga yơ takabal thong athal jiơng, athar ni jiơng klau pluh, athar pakan nam pluh, athar pakan vơk tha rituh.”
Arkatê ka mưnhưk
(Lu-ka 8:16-18)
21 #
Mat 5:15; Lu 11:33. Pô Yê-su gilaic tanhi mưnok nhu: “Hu thei ba mưnhưk cek ala jāk ngan ala katong lei? Ngan nạn cek di ngok kapuk mưnhưk? 22#Mat 10:26; Lu 12:2.Kaywa ôh hu kabha haget padaup dađaup, bloh ôh xang pabiđang, ôh hu kabha haget halaup bloh ôh bihu ba tabiak tanrak hadah. 23Mưyah thei hu tangi piêh pang, xang pang!” 24#Mat 7:2; Lu 6:38.Bhô gilaic bican: “Xang xanưng iơk kabha drei pang. Khol hư hakak ka khol hư nưm halei yơ khol hư lijang mưca bihu hakak vơk nưm nan, thong dok bihu brei paƀlwak vơk. 25#Mat 13:12; Mat 25:29; Lu 19:26.Kaywa thei hu mưca bihu brei paƀlwak; dok thei ôh hu mưca gok mưk takung kabha drei krưh dok hu.”
Arkatê ka athar pajeh
26Bhô bican vơk: “Dit Biya Pô Lingik lijang drơh yau tha urang drāk pajeh trun di tanưh, 27kanê đih ngan mưdơh, kanê mưlam ngan harei, athar pajeh jang kưk canưk mưta thong tamuh tagôk bloh urang nan ôh thau yau halei. 28Kaywa tanưh êng mưnưk mưboh mưla mưlêu, tamưrơp nạn phun danih, bloh throh thong jiơng athar. 29Tuk padai tathak, urang nan mưk vang tabiak ywak binhêt, kaywa bilan ywak krung hu mai.”
Arkatê ka athar kachwa
(Ma-thi-ơ 13:31-32; Lu-ka 13:18-19)
30Bhô gilaic bican: “Khol drei hu mưda mưk kabha haget piêh pacoh ngan angui arkatê halei piêh đôm ka Dit Biya Pô Lingik? 31Dit biya nan drơh yau tha athar kachwa, tuk drāk, nhu nạn axit yatha di dôm athar pajeh ngok tanưh; 32min tuk drāk bloh, nhu tamuh tagôk, gilaic jiơng prong yatha dalam dôm paka njam, dhān hala mưdom thangak cim barim hu mưda ngak thruh di ngok nan bihu.” 33Bhô angui ralô arkatê mưhiơk piêh lang anga, patui xagta tôk mưk khol nhu. 34Bhô ôh tuk halei lang ka khol nhu bloh ôh angui arkatê; min tuk mưdok karei thong dôm anưk xêh, Bhô lang yah abih ka khol nhu.
Pô Yê-su ngak gađang ribuk tathik
(Ma-thi-ơ 8:23-27; Lu-ka 8:22-25)
35Biêr harei xup vār nan, Pô Yê-su pađar dôm anưk xêh: “Khol drei xang tapa takai tathik gah dêh.” 36Hadei di tuk niga tapôr bôl, Bhô jang dok dalam gilai thong dôm anưk xêh ba Bhô nao; hu tha thanôn gilai pakan nao thubik. 37Tha binhôr ribuk prong brôk tagôk riyak tuh tamư gilai, thangak ia bak gilai; 38min Bhô krưh dok gah iku gilai gôl akok ngok patar bloh đih. Anưk xêh pamưdơh Bhô thong pathau: “Gru lơy, Gru ôh uh tarak khol drei mưtai ô?” 39Bhô mưdơh tagôk, xayok angin thong thurah ka tathik laic: “Xang gađang jwa mek!” Angin padơh vêt thong tathik biak gađang. 40Bloh Bhô đôm thong dôm anưk xêh: “Habar khol hư thur mưk lô nan? Ka hu sagar ô?” 41Dôm anưk xêh thur mưk harơh, đôm thong gaup: “Urang ni nạn thei bloh bahkan angin thong tathik lijang xang pang gon nhu?”
Currently Selected:
Mag 4: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 4
4
Arkatê ka urang drāk pajeh
(Ma-thi-ơ 13:1-23; Lu-ka 8:4-8)
1 #
Lu 5:1-3. Pô Yê-su gilaic raup lang pato gah takai tathik. Hu tha tapôr mưnuix biak ralô patom nhom yơng Bhô nan yơ Bhô xang tamư dok ngok tha thruh gilai, dok abih bôl bhap yơ dang ngok ar. 2Bhô angui arkatê pato pakai khol nhu ralô kabha. Dalam tuk pato, Bhô bican: 3“Xang pang ni! Hu tha urang tabiak nao drāk pajeh. 4Dalam tuk drāk tha thanôn athar lek tui jalan, cim mưrai dôn ƀang bih. 5Tha thanôn pakan lek ngok tanưh rađeh, ciêt hu takik haluk, kaywa lam ôh jalam nan yơ vêt tamuh tagôk. 6Min tuk ia harei tamuh tagôk gok pađiak cuh yơ nhu bôi thu kaywa nhu ôh hu gha. 7Tha thanôn pakan lek di krưh rôm darôi; darôi tamuh tagôk glong ngak ka tadar var thong ôh athal jiơng bihu. 8Tha thanôn pakan vơk lek ngok di libik tanưh siam bloh hu athal jiơng prong tagôk thong cak rôk, tha athar tabiak klau pluh, athar pakan nam pluh, athar pakan tha rituh.” 9Bhô gilaic bican: “Thei hu tangi piêh pang, xang pang!”
Ar anưd arkatê
10Tuk Pô Yê-su dok vơk tha drei, dôm urang dok yơng Bhô thubik thong tha pluh dwa Xêh Pachai mưrai tanhi Bhô ka dôm arkatê. 11Bhô bican: “Gruk palih kabal anưd Dit Biya Pô Lingik krung bihu ƀai brei ka khol hư; min jom thong mưnuix lingiu, yơ abih gruk jang dok dalam dôm arkatê, 12piêh ka khol nhu:
Iơk yơ kưk iơk, bloh ôh ƀôh,
Pang yơ kưk pang, bloh ôh thau;
Kađa laic mưnok nhu tumal bloh bihu ampun glaic kaic.”
13Bloh Bhô đôm: “Khol hư ôh thau arkatê ni habar? Yau nan yơ ngak habar thau bihu abih arkatê pakan? 14Mưnuix drāk pajeh, ar nạn drāk anga. 15Dôm athar tak jalan nạn dôm ra krung hu ciup pang anga bihu drāk tabiak, min nhu birau pang bloh yơ Sa-tan binhêt mưrai, poh blah anga krung hu drāk dalam tian khol nhu. 16Lijang yau nan rei, dôm athar drāk libik tanưh rađeh nạn dôm mưnuix tuk pang anga bui ôn takabal vêt; 17min anga ôh rak gha dalam tian, ciêt dok kađong tha kal; hajiơng tuk kaywa anga bloh gōk rijan hai gơk tatơk, khol nhu binhêt hanek jalơh. 18Dôm athar krưh rôm darôi drơh yau dôm urang pang anga, 19min gruk uh tarak di rai ni, gruk palwô ngal di ginup mưda, thong gruk ragơh tathrưg dôm paka pakan mưk khik tian khol nhu ngak ka anga gok tadar var ôh athal jiơng bihu. 20Dok dôm athar bihu drāk ngok tanưh siam drơh yau dôm mưnuix pang anga yơ takabal thong athal jiơng, athar ni jiơng klau pluh, athar pakan nam pluh, athar pakan vơk tha rituh.”
Arkatê ka mưnhưk
(Lu-ka 8:16-18)
21 #
Mat 5:15; Lu 11:33. Pô Yê-su gilaic tanhi mưnok nhu: “Hu thei ba mưnhưk cek ala jāk ngan ala katong lei? Ngan nạn cek di ngok kapuk mưnhưk? 22#Mat 10:26; Lu 12:2.Kaywa ôh hu kabha haget padaup dađaup, bloh ôh xang pabiđang, ôh hu kabha haget halaup bloh ôh bihu ba tabiak tanrak hadah. 23Mưyah thei hu tangi piêh pang, xang pang!” 24#Mat 7:2; Lu 6:38.Bhô gilaic bican: “Xang xanưng iơk kabha drei pang. Khol hư hakak ka khol hư nưm halei yơ khol hư lijang mưca bihu hakak vơk nưm nan, thong dok bihu brei paƀlwak vơk. 25#Mat 13:12; Mat 25:29; Lu 19:26.Kaywa thei hu mưca bihu brei paƀlwak; dok thei ôh hu mưca gok mưk takung kabha drei krưh dok hu.”
Arkatê ka athar pajeh
26Bhô bican vơk: “Dit Biya Pô Lingik lijang drơh yau tha urang drāk pajeh trun di tanưh, 27kanê đih ngan mưdơh, kanê mưlam ngan harei, athar pajeh jang kưk canưk mưta thong tamuh tagôk bloh urang nan ôh thau yau halei. 28Kaywa tanưh êng mưnưk mưboh mưla mưlêu, tamưrơp nạn phun danih, bloh throh thong jiơng athar. 29Tuk padai tathak, urang nan mưk vang tabiak ywak binhêt, kaywa bilan ywak krung hu mai.”
Arkatê ka athar kachwa
(Ma-thi-ơ 13:31-32; Lu-ka 13:18-19)
30Bhô gilaic bican: “Khol drei hu mưda mưk kabha haget piêh pacoh ngan angui arkatê halei piêh đôm ka Dit Biya Pô Lingik? 31Dit biya nan drơh yau tha athar kachwa, tuk drāk, nhu nạn axit yatha di dôm athar pajeh ngok tanưh; 32min tuk drāk bloh, nhu tamuh tagôk, gilaic jiơng prong yatha dalam dôm paka njam, dhān hala mưdom thangak cim barim hu mưda ngak thruh di ngok nan bihu.” 33Bhô angui ralô arkatê mưhiơk piêh lang anga, patui xagta tôk mưk khol nhu. 34Bhô ôh tuk halei lang ka khol nhu bloh ôh angui arkatê; min tuk mưdok karei thong dôm anưk xêh, Bhô lang yah abih ka khol nhu.
Pô Yê-su ngak gađang ribuk tathik
(Ma-thi-ơ 8:23-27; Lu-ka 8:22-25)
35Biêr harei xup vār nan, Pô Yê-su pađar dôm anưk xêh: “Khol drei xang tapa takai tathik gah dêh.” 36Hadei di tuk niga tapôr bôl, Bhô jang dok dalam gilai thong dôm anưk xêh ba Bhô nao; hu tha thanôn gilai pakan nao thubik. 37Tha binhôr ribuk prong brôk tagôk riyak tuh tamư gilai, thangak ia bak gilai; 38min Bhô krưh dok gah iku gilai gôl akok ngok patar bloh đih. Anưk xêh pamưdơh Bhô thong pathau: “Gru lơy, Gru ôh uh tarak khol drei mưtai ô?” 39Bhô mưdơh tagôk, xayok angin thong thurah ka tathik laic: “Xang gađang jwa mek!” Angin padơh vêt thong tathik biak gađang. 40Bloh Bhô đôm thong dôm anưk xêh: “Habar khol hư thur mưk lô nan? Ka hu sagar ô?” 41Dôm anưk xêh thur mưk harơh, đôm thong gaup: “Urang ni nạn thei bloh bahkan angin thong tathik lijang xang pang gon nhu?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.