Mag 3
3
Pô Yê-su pajru rwak dalam harei Sa-ƀat
(Ma-thi-ơ 12:9-14; Lu-ka 6:6-11)
1Ƀang pakan, Pô Yê-su tamư thang nhom; pak nan hu tha urang likei gok iop tha palāk tangin. 2Khol nhu patom amat iơk Bhô hu pajru ka urang nan dalam harei Sa-ƀat halei, piêh palek palam Bhô. 3Bhô pađar urang iop tangin: “Xang dang tabiak di krưh ni!” 4Bloh Bhô tanhi khol nhu: “Dalam harei Sa-ƀat bihu idin ngak bruk siam ngan bruk jhak, dong mưnuix ngan pamưtai mưnuix?” Min khol nhu jang gađang krap. 5Bhô mong khol nhu, gam dangih gam padrôi kaywa tian khol nhu khang kưg, bloh bican thong urang iop tangin: “Xang yêr tangin tabiak.” Urang nan yêr tabiak, yơ tangin bihu dhit. 6Dôm urang Pha-ri-si tabiak nao, binhêt biai anngak thong dôm urang bha di kavôm Hê-rôt mưradhag Bhô piêh dwah ganap pamưtai Bhô.
Tapôr bôl ngok takai tathik
7Pô Yê-su mưthong dôm anưk xêh pleh nao gah tathik Ga-li-lê; tha tapôr mưnuix biak ralô mưng Ga-li-lê katung mưrai tui Bhô. Tak bikan, dok hu ralô tapôr mưnuix ralô drei pakan mưng Yu-đê, 8dhan Yê-ru-sa-lem, nưgar I-đu-mê, bhum gah dêh krong Yô-đar, nưgar tom dar dhan Ti-rơ thong dhan Si-đôn, tuk hamit ka abih bruk Bhô ngak, krung hu ba gaup mưrai tom Bhô. 9#Mag 4:1; Lu 5:1-3.Kaywa biak ralô urang, yơ Bhô pađar dôm anưk xêh thrap gap bibloh tha thruh gilai, klah di bôl bhap jhel ep Bhô. 10Bhô krung hu pajru dhit ralô urang rwak; kaywa nan, thei hu rwak jang ran patug jek Bhô piêh bihu ravơk Bhô. 11Hadôm tuk tan ok yang ƀôh Pô, mưnok nhu jang pam rup trun di anak Bhô thong prêu tagôk: “Pô nạn Anưk Pô Lingik!” 12Min Bhô pakaup ghat mưnok nhu pabiđang Bhô nạn thei.
Pô Yê-su rwah tha pluh dwa Xêh Pachai
(Ma-thi-ơ 10:1-4; Lu-ka 6:12-16)
13Pô Yê-su tagôk cơk, iêu dôm urang Bhô takrư thong khol nhu mưrai tom Bhô. 14Bhô padang tha pluh dwa urang, [iêu nạn Xêh Pachai]#3:14 [iêu nạn Xêh Pachai]: Dalam tha thanôn blah vak tangin ôh hu dôm akhar ni., piêh dok thong Bhô, pađar khol nhu nao lang pahơh, 15thong ƀai brei ka khol nhu aco gon tiaup dôm ajin. 16[Sani nạn tha pluh dwa Xêh Pachai Bhô krung hu padang:]#3:16 [Sani... padang:]: Dalam tha thanôn blah vak tangin ôh hu dôm akhar ni. Si-môn, Bhô patah angan nạn Phi-e-rơ, 17Ya-kơ anưk Xê-ƀê-đê thong Yâng adei Ya-kơ, Bhô patah angan dwa urang nạn Ƀô-a-nek, ar nạn anưk likei grum katal; 18Ar-rê, Phi-lip, Ƀa-thê-lê-mi, Ma-thi-ơ, Thô-ma, Ya-kơ anưk A-phê, Tha-đê, Si-môn mưnuix Ka-na-nê-an,#3:18 Ka-na-nê-an: Akhar ni tabiak mưng xap A-ram hu ar nạn “tati tatang, tatang tiak” Hadei di nan, kavôm Ka-na-nê-an ni hu angan Hi-lap nạn “Xê-lôt”, tha radak anưd mưnuix Yo Thaic anit diya, mưradhag vơk jakar Rô-ma. 19thong Yu-đa Ic-ka-ri-ôt nạn ra lambil Bhô.
Glaic hanoh niêm tal Pô Nưbi Ginrơh
(Ma-thi-ơ 12:22-32; Lu-ka 11:14-23; 12:10)
20Pô Yê-su nao thang, tha tapôr ralô patom gaup tak nan, thangak Bhô thong dôm anưk xêh ôh mưda ƀang bihu. 21Mưnga vôm Bhô hamit yau nan mai dwah vêt piêh khik Bhô vơk, kaywa mưnuix urang đôm laic “Bhô krung hu gok lihik amat.”
22 #
Mat 9:34; Mat 10:25. Dôm gru pato adat mưng dhan Yê-ru-sa-lem trun đôm: “Urang ni gok Ƀê-ên-xê-ƀun tamư, thong nhơ di gon ajin patao bloh tiaup ajin.” 23Pô Yê-su iêu khol nhu mưrai angui arkatê bloh đôm: “Sa-tan hu mưda êng tiaup Sa-tan bihu habar? 24Mưyah tha ia êng klah nưh yơ dit biya nan ôh mưda dang kajap bihu, 25Mưyah tha aboh thang êng klah nưh yơ aboh thang nan ôh mưda dok kađong bihu. 26Lijang yau nan, mưyah Sa-tan mưradhag vơk di êng drei thong klah nưh gaup, yơ nhu ôh mưda dang kajap bihu bloh krung hu puic rathi pajơ! 27Ôh thei hu mưda tamư thang tha urang hu ritdhi piêh poh blah ƀang angui bloh ôh kahria girak mưnuix nan dahlau; xang girak urang nan vơk, bloh mưng poh blah thang urang bihu.
28Biak, Ita đôm thong khol hư, dôm danuh glaic mưca bihu ampun ka anưk bik mưrôxak, hakê bih dôm panôic hanoh niêm khol nhu đôm tabiak. 29#Lu 12:10.Min thei đôm hanoh niêm tal Pô Nưbi Ginrơh mưca ôh tuk halei bihu ampun, min xang tavak glaic rit rai.” 30Bhô bican yau nan kaywa mưnok khol nhu đôm laic: “Urang ni gok tan ok yang mưk.”
Amek thong abih adei Pô Yê-su
(Ma-thi-ơ 12:46-50; Lu-ka 8:19-21)
31Amek thong abih adei Pô Yê-su mưrai, dang di lingiu thong brei ka mưnuix tamư iêu Bhô. 32Tapôr ralô krưh dok yơng Bhô, pathau thong Bhô: “Dêh amek thong dôm dei ai Gru,#3:32 dei ai Gru: Dalam tha thanôn blah vak tangin nạn dei ai likei thong dei ai kamei Gru. dok pak lingiu dêh, dok dwah Gru” 33Bhô thuuk: “Thei nạn amek Ita, thei nạn dôm dei ai Ita?” 34Bloh Bhô mong dôm urang dok tom dar drei thong đôm: “Sani nạn amek Ita thong dôm dei ai Ita! 35Thei ngak tui jamal Pô Lingik nạn laic dôm dei ai, thong amek Ita rei.”
Currently Selected:
Mag 3: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 3
3
Pô Yê-su pajru rwak dalam harei Sa-ƀat
(Ma-thi-ơ 12:9-14; Lu-ka 6:6-11)
1Ƀang pakan, Pô Yê-su tamư thang nhom; pak nan hu tha urang likei gok iop tha palāk tangin. 2Khol nhu patom amat iơk Bhô hu pajru ka urang nan dalam harei Sa-ƀat halei, piêh palek palam Bhô. 3Bhô pađar urang iop tangin: “Xang dang tabiak di krưh ni!” 4Bloh Bhô tanhi khol nhu: “Dalam harei Sa-ƀat bihu idin ngak bruk siam ngan bruk jhak, dong mưnuix ngan pamưtai mưnuix?” Min khol nhu jang gađang krap. 5Bhô mong khol nhu, gam dangih gam padrôi kaywa tian khol nhu khang kưg, bloh bican thong urang iop tangin: “Xang yêr tangin tabiak.” Urang nan yêr tabiak, yơ tangin bihu dhit. 6Dôm urang Pha-ri-si tabiak nao, binhêt biai anngak thong dôm urang bha di kavôm Hê-rôt mưradhag Bhô piêh dwah ganap pamưtai Bhô.
Tapôr bôl ngok takai tathik
7Pô Yê-su mưthong dôm anưk xêh pleh nao gah tathik Ga-li-lê; tha tapôr mưnuix biak ralô mưng Ga-li-lê katung mưrai tui Bhô. Tak bikan, dok hu ralô tapôr mưnuix ralô drei pakan mưng Yu-đê, 8dhan Yê-ru-sa-lem, nưgar I-đu-mê, bhum gah dêh krong Yô-đar, nưgar tom dar dhan Ti-rơ thong dhan Si-đôn, tuk hamit ka abih bruk Bhô ngak, krung hu ba gaup mưrai tom Bhô. 9#Mag 4:1; Lu 5:1-3.Kaywa biak ralô urang, yơ Bhô pađar dôm anưk xêh thrap gap bibloh tha thruh gilai, klah di bôl bhap jhel ep Bhô. 10Bhô krung hu pajru dhit ralô urang rwak; kaywa nan, thei hu rwak jang ran patug jek Bhô piêh bihu ravơk Bhô. 11Hadôm tuk tan ok yang ƀôh Pô, mưnok nhu jang pam rup trun di anak Bhô thong prêu tagôk: “Pô nạn Anưk Pô Lingik!” 12Min Bhô pakaup ghat mưnok nhu pabiđang Bhô nạn thei.
Pô Yê-su rwah tha pluh dwa Xêh Pachai
(Ma-thi-ơ 10:1-4; Lu-ka 6:12-16)
13Pô Yê-su tagôk cơk, iêu dôm urang Bhô takrư thong khol nhu mưrai tom Bhô. 14Bhô padang tha pluh dwa urang, [iêu nạn Xêh Pachai]#3:14 [iêu nạn Xêh Pachai]: Dalam tha thanôn blah vak tangin ôh hu dôm akhar ni., piêh dok thong Bhô, pađar khol nhu nao lang pahơh, 15thong ƀai brei ka khol nhu aco gon tiaup dôm ajin. 16[Sani nạn tha pluh dwa Xêh Pachai Bhô krung hu padang:]#3:16 [Sani... padang:]: Dalam tha thanôn blah vak tangin ôh hu dôm akhar ni. Si-môn, Bhô patah angan nạn Phi-e-rơ, 17Ya-kơ anưk Xê-ƀê-đê thong Yâng adei Ya-kơ, Bhô patah angan dwa urang nạn Ƀô-a-nek, ar nạn anưk likei grum katal; 18Ar-rê, Phi-lip, Ƀa-thê-lê-mi, Ma-thi-ơ, Thô-ma, Ya-kơ anưk A-phê, Tha-đê, Si-môn mưnuix Ka-na-nê-an,#3:18 Ka-na-nê-an: Akhar ni tabiak mưng xap A-ram hu ar nạn “tati tatang, tatang tiak” Hadei di nan, kavôm Ka-na-nê-an ni hu angan Hi-lap nạn “Xê-lôt”, tha radak anưd mưnuix Yo Thaic anit diya, mưradhag vơk jakar Rô-ma. 19thong Yu-đa Ic-ka-ri-ôt nạn ra lambil Bhô.
Glaic hanoh niêm tal Pô Nưbi Ginrơh
(Ma-thi-ơ 12:22-32; Lu-ka 11:14-23; 12:10)
20Pô Yê-su nao thang, tha tapôr ralô patom gaup tak nan, thangak Bhô thong dôm anưk xêh ôh mưda ƀang bihu. 21Mưnga vôm Bhô hamit yau nan mai dwah vêt piêh khik Bhô vơk, kaywa mưnuix urang đôm laic “Bhô krung hu gok lihik amat.”
22 #
Mat 9:34; Mat 10:25. Dôm gru pato adat mưng dhan Yê-ru-sa-lem trun đôm: “Urang ni gok Ƀê-ên-xê-ƀun tamư, thong nhơ di gon ajin patao bloh tiaup ajin.” 23Pô Yê-su iêu khol nhu mưrai angui arkatê bloh đôm: “Sa-tan hu mưda êng tiaup Sa-tan bihu habar? 24Mưyah tha ia êng klah nưh yơ dit biya nan ôh mưda dang kajap bihu, 25Mưyah tha aboh thang êng klah nưh yơ aboh thang nan ôh mưda dok kađong bihu. 26Lijang yau nan, mưyah Sa-tan mưradhag vơk di êng drei thong klah nưh gaup, yơ nhu ôh mưda dang kajap bihu bloh krung hu puic rathi pajơ! 27Ôh thei hu mưda tamư thang tha urang hu ritdhi piêh poh blah ƀang angui bloh ôh kahria girak mưnuix nan dahlau; xang girak urang nan vơk, bloh mưng poh blah thang urang bihu.
28Biak, Ita đôm thong khol hư, dôm danuh glaic mưca bihu ampun ka anưk bik mưrôxak, hakê bih dôm panôic hanoh niêm khol nhu đôm tabiak. 29#Lu 12:10.Min thei đôm hanoh niêm tal Pô Nưbi Ginrơh mưca ôh tuk halei bihu ampun, min xang tavak glaic rit rai.” 30Bhô bican yau nan kaywa mưnok khol nhu đôm laic: “Urang ni gok tan ok yang mưk.”
Amek thong abih adei Pô Yê-su
(Ma-thi-ơ 12:46-50; Lu-ka 8:19-21)
31Amek thong abih adei Pô Yê-su mưrai, dang di lingiu thong brei ka mưnuix tamư iêu Bhô. 32Tapôr ralô krưh dok yơng Bhô, pathau thong Bhô: “Dêh amek thong dôm dei ai Gru,#3:32 dei ai Gru: Dalam tha thanôn blah vak tangin nạn dei ai likei thong dei ai kamei Gru. dok pak lingiu dêh, dok dwah Gru” 33Bhô thuuk: “Thei nạn amek Ita, thei nạn dôm dei ai Ita?” 34Bloh Bhô mong dôm urang dok tom dar drei thong đôm: “Sani nạn amek Ita thong dôm dei ai Ita! 35Thei ngak tui jamal Pô Lingik nạn laic dôm dei ai, thong amek Ita rei.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.