Mag 5
5
Pô Yê-su tiaup ajin pak Ghê-ra-sê
(Ma-thi-ơ 8:28-34; Lu-ka 8:26-39)
1Pô Yê-su mưthong dôm anưk xêh tapa tal takai tathik gah dêh, dalam nưgar Ghê-ra-sê. 2Tuk Bhô yam tabiak truh di gilai, binhêt hu tha urang gok tan ok yang mưk mưng gahur đôic mưrai pak anak Bhô. 3Urang ni đih dok dalam libik dôm gahur tanum, kanê angui talei threng lijang ôh thei khik nhu bihu. 4Ralô ƀang gok buh anuh takai, pathreng tangin, min nhu jang joh threng taleh anuh, ôh thei tal prưn padap bihu. 5Luic harei mưlam nhu kưk thơk đông bih gahur tal ƀôn cơk, prêu ot bloh mưk patau tong birah rup. 6Tuk ƀôh Pô Yê-su mưng dêh mai, nhu đôic mai, pam rup di anak Bhô, 7thong prêu tagôk: “Yê-su lơy, Anưk Pô Lingik Glong Yatha, dahlak hu tavak tave haget thong Bhô? Nưmax angan Pô Lingik dahlak likau Pô jôi ngak raƀah ka dahlak.” 8Kaywa Pô Yê-su birau bican: “Hơic tan ok yang, xang tabiak truh di urang ni.” 9Bloh Bhô gilaic tanhi: “Hư angan haget?” Tan ok yang thuuk: “Angan dahlak nạn ‘Jabôl#5:9 Jabôl: Tha avan pubha jabôl Rô-ma hu nôic 5000-6000 urang.,’ kaywa khol dahlak biak ralô.” 10Tan ok yang gilaic neh likau di Bhô jôi tiaup khol nhu tabiak truh di nưgar ni. 11Kal nan hu tha tapôr pabui biak ralô krưh dok ƀang ngok bađen ƀôn. 12Dôm tan ok yang neh dal: “Likau di Bhô brei ka khol dahlak tamư tapôr pabui dêh.” Pô Yê-su brei idin. 13Dôm tan ok yang tabiak truh di urang nan bloh tamư dalam tapôr pabui. Abih tapôr nôic dwa ribau drei, mưng bađen camreh blāk trun tathik thong karam mưtai dalam nan.
14Dôm urang glang pabui đôic daup thong ƀeg khao nan tabiak graup mưdin, palei pala, bôl bhap katung gaup mưrai piêh iơk kabha haget krung hu mưjiơng tabiak. 15Tuk tal libik Pô Yê-su, khol nhu ƀôh mưnuix krung hu gok dôm ajin “Jabôl” tamư dok tak nan, cuk khan ao thong mat ar jangeh yơ khol nhu biak thur mưk. 16Dôm urang krung hu ƀôh di mưta apakar lak ka khol nhu pang bruk krung hu mưjiơng tabiak ka mưnuix gok dôm ajin mưk thong ka tapôr pabui. 17Khol nhu likau di Bhô niga truh canar tanưh drei.
18Tuk Bhô trun gilai, mưnuix takrung gok dôm ajin mưk likau tui Bhô. 19Min Pô Yê-su ôh brei idin thong bican: “Xang nao thang, mưrai tom dôm urang gaup patian thong lak vơk ka khol nhu dôm kabha prong pabha bloh Pô krung hu ngak ka hư, thong Bhô krung hu athur alim hư yau halei.” 20Urang nan nao graup bhum Đê-ka-ƀô-lơ#5:20 Đê-ka-ƀô-lơ: Ar nạn “Tha pluh Dhan.” lak vơk dôm kabha prong pabha bloh Pô Yê-su krung hu ngak ka drei, abih drei jang plơng kadơng.
Anưk kamei Yai-ru thong urang kamei gok darah mai
(Ma-thi-ơ 9:18-26; Lu-ka 8:40-56)
21Pô Yê-su gilaic [trun gilai]#5:21 [trun gilai]: Dalam tha thanôn blah vak tangin ôh hu dôm akhar ni. thrang tapa takai tathik gah dêh. Tha tapôr mưnuix biak ralô patom gaup tom dar Bhô tuk Bhô dok pak takai tathik. 22Kal nan, tha dalam dôm kar mong iơk thang nhom mai angan nạn Yai-ru. Tuk ƀôh Pô Yê-su ong pam rup di takai Bhô, 23neh likau laic: “Anưk kamei xit dahlak thi mưtai. Likau di Gru mưrai tom thong cek tangin ngok kamôn, piêh ka kamôn bihu pajru dhit thong diup.” 24Pô Yê-su nao thong Yai-ru. Tha tapôr mưnuix biak ralô mưthong tui nao thong jhel ep Bhô. 25Dalam nan hu tha urang kamei hu gok darah mai krung hu tha pluh dwa thun. 26Livik mai muk krung hu raƀi raƀưp thong ralô gru bet, karang bih jiên drap ar min rwak ôh mưdam, bloh bik harei bik trak paƀlwak. 27Muk krung hu hamit đôm ka Pô Yê-su yơ tablak tamư di krưh tapôr ralô, mưrai gah likuk bloh ravơk ao Bhô. 28Kaywa muk êng xanưng: “Ciêt hajat gok bihu ao Bhô yơ mưca drei bihu dhit.” 29Binhêt darah bơk vơk. Muk thau laic drei krung bihu pajru dhit. 30Pô Yê-su binhêt krưn thau tha xagta tapa tapôr ralô thong tanhi: “Thei krung hu ravơk ao Ita?” 31Dôm anưk xêh pathau: “Gru ƀôh tapôr ralô pablak jhel Gru, habar Gru dok tanhi: ‘Thei ravơk ao Ita?’” 32Bhô mong tom dar piêh iơk thei krung hu ngak kabha nan. 33Urang kamei thau kabha krung hu mưjiơng mưrai ka drei nan yơ hôic tatơk drei, mưrai khôi di takai Bhô thong đôm tabiak thong yah yaic thong Bhô abih gruk jat. 34Pô Yê-su bican: “Hơic anưk kamei Ita, sagar anưk krung hu pajru dhit ka anưk; xang nao thug siam thong bihu dhit rwak.”
35Tuk Bhô krưh dok đôm, hu urang mưng thang Yai-ru mưrai đôm thong ong: “Anưk kamei ong krung hu mưtai bloh, dok ngak mưduh Gru haget vơk?” 36Ôh tavak tian#5:36 Ôh tavak tian: Dalam tha thanôn blah vak tangin nạn Di tuk pang. tal dôm panôic nan, Pô Yê-su pađar kar mong iơk thang nhom: “Jôi hôic, ciêt dial bloh min.” 37Bhô ôh brei ka thei tui drei, klāk tabiak Phi-e-rơ, Ya-kơ, thong Yâng, adei Ya-kơ. 38Tal thang Yai-ru ƀôh abih urang ngak rôn thrưng, hia cok, prêu carit carot, 39Bhô yam tamư thang thong đôm thong khol nhu: “Habar khol hư ngak rôn thrưng thong hia cok yau nan? Ôh njaup kamôn xit ni mưtai ô, min nhu krưh dok đih.” 40Khol nhu klao bilei Bhô. Bhô tiaup khol nhu tabiak lingiu, bloh ba amek amư kamôn xit mưthong klau anưk xêh nao tal libik kamôn xit krưh dok đih. 41Bhô pan tangin kamôn xit thong bican: “Ta-li-tha kum;” ar nạn: “Ni kamôn kamei, xang bruh tagôk.” 42Kamôn kamei binhêt bruh tagôk thong yam nao, kaywa kamôn krung hu tha pluh dwa thun. Abih drei jang plơng kadơng. 43Bhô kakei kloh ghat thurah ka khol nhu jôi brei ka thei thau bruk ni, thong pađar khol nhu brei ka kamôn xit ƀang.
Currently Selected:
Mag 5: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Mag 5
5
Pô Yê-su tiaup ajin pak Ghê-ra-sê
(Ma-thi-ơ 8:28-34; Lu-ka 8:26-39)
1Pô Yê-su mưthong dôm anưk xêh tapa tal takai tathik gah dêh, dalam nưgar Ghê-ra-sê. 2Tuk Bhô yam tabiak truh di gilai, binhêt hu tha urang gok tan ok yang mưk mưng gahur đôic mưrai pak anak Bhô. 3Urang ni đih dok dalam libik dôm gahur tanum, kanê angui talei threng lijang ôh thei khik nhu bihu. 4Ralô ƀang gok buh anuh takai, pathreng tangin, min nhu jang joh threng taleh anuh, ôh thei tal prưn padap bihu. 5Luic harei mưlam nhu kưk thơk đông bih gahur tal ƀôn cơk, prêu ot bloh mưk patau tong birah rup. 6Tuk ƀôh Pô Yê-su mưng dêh mai, nhu đôic mai, pam rup di anak Bhô, 7thong prêu tagôk: “Yê-su lơy, Anưk Pô Lingik Glong Yatha, dahlak hu tavak tave haget thong Bhô? Nưmax angan Pô Lingik dahlak likau Pô jôi ngak raƀah ka dahlak.” 8Kaywa Pô Yê-su birau bican: “Hơic tan ok yang, xang tabiak truh di urang ni.” 9Bloh Bhô gilaic tanhi: “Hư angan haget?” Tan ok yang thuuk: “Angan dahlak nạn ‘Jabôl#5:9 Jabôl: Tha avan pubha jabôl Rô-ma hu nôic 5000-6000 urang.,’ kaywa khol dahlak biak ralô.” 10Tan ok yang gilaic neh likau di Bhô jôi tiaup khol nhu tabiak truh di nưgar ni. 11Kal nan hu tha tapôr pabui biak ralô krưh dok ƀang ngok bađen ƀôn. 12Dôm tan ok yang neh dal: “Likau di Bhô brei ka khol dahlak tamư tapôr pabui dêh.” Pô Yê-su brei idin. 13Dôm tan ok yang tabiak truh di urang nan bloh tamư dalam tapôr pabui. Abih tapôr nôic dwa ribau drei, mưng bađen camreh blāk trun tathik thong karam mưtai dalam nan.
14Dôm urang glang pabui đôic daup thong ƀeg khao nan tabiak graup mưdin, palei pala, bôl bhap katung gaup mưrai piêh iơk kabha haget krung hu mưjiơng tabiak. 15Tuk tal libik Pô Yê-su, khol nhu ƀôh mưnuix krung hu gok dôm ajin “Jabôl” tamư dok tak nan, cuk khan ao thong mat ar jangeh yơ khol nhu biak thur mưk. 16Dôm urang krung hu ƀôh di mưta apakar lak ka khol nhu pang bruk krung hu mưjiơng tabiak ka mưnuix gok dôm ajin mưk thong ka tapôr pabui. 17Khol nhu likau di Bhô niga truh canar tanưh drei.
18Tuk Bhô trun gilai, mưnuix takrung gok dôm ajin mưk likau tui Bhô. 19Min Pô Yê-su ôh brei idin thong bican: “Xang nao thang, mưrai tom dôm urang gaup patian thong lak vơk ka khol nhu dôm kabha prong pabha bloh Pô krung hu ngak ka hư, thong Bhô krung hu athur alim hư yau halei.” 20Urang nan nao graup bhum Đê-ka-ƀô-lơ#5:20 Đê-ka-ƀô-lơ: Ar nạn “Tha pluh Dhan.” lak vơk dôm kabha prong pabha bloh Pô Yê-su krung hu ngak ka drei, abih drei jang plơng kadơng.
Anưk kamei Yai-ru thong urang kamei gok darah mai
(Ma-thi-ơ 9:18-26; Lu-ka 8:40-56)
21Pô Yê-su gilaic [trun gilai]#5:21 [trun gilai]: Dalam tha thanôn blah vak tangin ôh hu dôm akhar ni. thrang tapa takai tathik gah dêh. Tha tapôr mưnuix biak ralô patom gaup tom dar Bhô tuk Bhô dok pak takai tathik. 22Kal nan, tha dalam dôm kar mong iơk thang nhom mai angan nạn Yai-ru. Tuk ƀôh Pô Yê-su ong pam rup di takai Bhô, 23neh likau laic: “Anưk kamei xit dahlak thi mưtai. Likau di Gru mưrai tom thong cek tangin ngok kamôn, piêh ka kamôn bihu pajru dhit thong diup.” 24Pô Yê-su nao thong Yai-ru. Tha tapôr mưnuix biak ralô mưthong tui nao thong jhel ep Bhô. 25Dalam nan hu tha urang kamei hu gok darah mai krung hu tha pluh dwa thun. 26Livik mai muk krung hu raƀi raƀưp thong ralô gru bet, karang bih jiên drap ar min rwak ôh mưdam, bloh bik harei bik trak paƀlwak. 27Muk krung hu hamit đôm ka Pô Yê-su yơ tablak tamư di krưh tapôr ralô, mưrai gah likuk bloh ravơk ao Bhô. 28Kaywa muk êng xanưng: “Ciêt hajat gok bihu ao Bhô yơ mưca drei bihu dhit.” 29Binhêt darah bơk vơk. Muk thau laic drei krung bihu pajru dhit. 30Pô Yê-su binhêt krưn thau tha xagta tapa tapôr ralô thong tanhi: “Thei krung hu ravơk ao Ita?” 31Dôm anưk xêh pathau: “Gru ƀôh tapôr ralô pablak jhel Gru, habar Gru dok tanhi: ‘Thei ravơk ao Ita?’” 32Bhô mong tom dar piêh iơk thei krung hu ngak kabha nan. 33Urang kamei thau kabha krung hu mưjiơng mưrai ka drei nan yơ hôic tatơk drei, mưrai khôi di takai Bhô thong đôm tabiak thong yah yaic thong Bhô abih gruk jat. 34Pô Yê-su bican: “Hơic anưk kamei Ita, sagar anưk krung hu pajru dhit ka anưk; xang nao thug siam thong bihu dhit rwak.”
35Tuk Bhô krưh dok đôm, hu urang mưng thang Yai-ru mưrai đôm thong ong: “Anưk kamei ong krung hu mưtai bloh, dok ngak mưduh Gru haget vơk?” 36Ôh tavak tian#5:36 Ôh tavak tian: Dalam tha thanôn blah vak tangin nạn Di tuk pang. tal dôm panôic nan, Pô Yê-su pađar kar mong iơk thang nhom: “Jôi hôic, ciêt dial bloh min.” 37Bhô ôh brei ka thei tui drei, klāk tabiak Phi-e-rơ, Ya-kơ, thong Yâng, adei Ya-kơ. 38Tal thang Yai-ru ƀôh abih urang ngak rôn thrưng, hia cok, prêu carit carot, 39Bhô yam tamư thang thong đôm thong khol nhu: “Habar khol hư ngak rôn thrưng thong hia cok yau nan? Ôh njaup kamôn xit ni mưtai ô, min nhu krưh dok đih.” 40Khol nhu klao bilei Bhô. Bhô tiaup khol nhu tabiak lingiu, bloh ba amek amư kamôn xit mưthong klau anưk xêh nao tal libik kamôn xit krưh dok đih. 41Bhô pan tangin kamôn xit thong bican: “Ta-li-tha kum;” ar nạn: “Ni kamôn kamei, xang bruh tagôk.” 42Kamôn kamei binhêt bruh tagôk thong yam nao, kaywa kamôn krung hu tha pluh dwa thun. Abih drei jang plơng kadơng. 43Bhô kakei kloh ghat thurah ka khol nhu jôi brei ka thei thau bruk ni, thong pađar khol nhu brei ka kamôn xit ƀang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.