Matay 26
26
mianger mulrek pinatray kani Yēsu
(Maruko 14.1-2; Luka 22.1-2; Yohanē 11.45-53)
1a piya marengay i Yēsu kanini na ngay mu, marengay kana temakesi: 2<<malrazam mu, lalavat ziya za zuwaya wari zi mawna palalavat na wariyan, uri tratrima'anay na Alrak na trau, kitrehetreh kana ziyuzika i itras.>>
3a azu, na ma'izang na rahan zi na ciyoro i zekalr muwazuk kana ruma' na tinuma'izang na rahan kani Kayafa, 4mukasa muelrek kemiyaanger za 'a'evang kani Yēsu, pinatray kantaw. 5mawmu marengay nazu: <<'azi ta maruwa kazu kana semasaharan na wariyan kemakuda kanini na lremak, munu venavutrung na zinekalranan.>>
kida'us i Bētaniya
(Maruko 14.3-9; Yohanē 12.1-8)
6i Yēsu kazu i Bētaniya kana ruma' ni Simon na malripay; 7ulra a sasa vavayan murung za saya giyok na dalilr, inavakan patemuy kana salaw pazangal na ulringulr na lrawlraw. a maekan i Yēsu mu, izu na vavayan tu 'ilrayanay na ulringulr na lrawlraw kani Yēsu i tranguru'. 8a mena'u kanini na lremak na temakesi mu, pasalaw lra 'azi semangal, marengay: <<kemuda zi kemani kana meraranak? 9ini na ulringulr na lrawlraw mu karuwa mutrima' za 'azi saema za paisu puwalrang kana kalramalraman na trau!>>
10a malrazam lra i Yēsu mu, marengay kanazu: <<amanan na pakavangavang kanini na vavayan ziyamaw? muramawan kaninku kemakuda za saya 'inava a lremak i intaw. 11'alrana marayas ulra kurekasa kanmu na kalramalraman na trau, mawmu 'azi ku maruwa marayas kurekasa kanmu. 12tu 'ilrayanay na ulringulr na lrawlraw kaninku i zazek mu maw na muramawan kananku uwatrevelran penadang. 13penatezelra ku marengay kanmu, kana rukup makalusu ziya, ini na fukuing nu mupalenak meredek i iyan mu, na tratrautrau ziyan vavati kanantu kinakuda na lremak, patuanger kantaw.>>
tu trima'anay ni Yoda i Yēsu
(Maruko 14.10-11; Luka 22.3-6)
14nantu sito ni Yēsu na papulu' zi zazuwa mu, ulra a sasa Iskaliotē na trau i Yoda, mukuwa kirepana'uwa kana ma'izang na rahan i intaw, 15marengay: <<nu ku tuluzanay i Yēsu kanmu, wawai mu veray kaninku za eman?>> nazu melak za makatelun ginpiya veray kantaw. 16kemay a azu lra, maaya' kanantu kalre'ayanan meniwan kani Yēsu i Yoda.
mukasa kana temakesi keravi kana palalavat na wariyan
(Maruko 14.12-21; Luka 22.7-14, 21-23; Yohanē 13.21-30)
17kana puwaelak za paresasemak na wariyan kana pukaisa wari, zuwa na temakesi kiyumalr kani Yēsu: <<maranger u kaniyam za kazu i iyan muramawan kannu penadanga za keravien kana palalavat na wariyan?>>
18temuvang i Yēsu: <<uwa i kazekalran kirepana'uwa kanizu na trau, rengay kantaw: <marengay i sinsi: meraredek lra nanku wari; inku zi nanku temakesi kaazu kanannu ruma' kurelrang kana palalavat na wariyan.> >>
19na temakesi miturus kanantu ipatalru ni Yēsu mukuwa penadanga kanantu keravien nu palalavat na wariyan.
20a karaurauv mu, i Yēsu zi na papulu' zi zazuwa na sito kazu musungulr. 21a maekan mu, marengay i Yēsu: <<marengaya ku kanmu, kanmu i savak ulra a sasa naniwan kaninku.>>
22salaw mavangavang kemianger nazu, zi kiyumalr kantaw na sasa sasa: <<Luzu a, amelri i inku 'alra?>>
23temuvang i Yēsu: <<na mukasa kaninku kazu kana sara tematimus za pang mekan i izu na trau mu naniwan kaninku. 24kamawan kana nirengay i Sēsiyo, Alrak na trau uri kipakuwatreng; mawmu izu na trau na meniwan kana Alrak na trau mu mikuwatrengan lra! ini na trau mara'inava nu 'azi pinialrak!>>
25na meniwan kani Yēsu i Yoda mu kemazu kiyumalr: <<sinsi, amelri i inku 'alra?>> marengay i Yēsu: <<rengay i inu lra.>>
keravien ni Luzu
(Maruko 14.22-26; Luka 22.14-20; 1 Kolinto 11.23-25)
26a maekan nazu mu, melak i Yēsu kana pang, zi piyanguwayan ziya semunan kana lrayuwan na kiyanun, zi penisa', panini veray kana temakesi, marengay: <<elaku ekanu; i ini mu maw nanku zazek.>>
27kemazu mu, melak i intaw kana takilr, lrayuwan kana Viruwa i itras, zi tuluzanay veray kanazu, marengay: <<'awi i inmu mapiya; 28ini mu maw nanku dara', maw uwasay kana Viruwa i itras zi na trau tu pinatikezir kemuret na dara', muramawan za melapus kanantu pinamelriyan na trau mapiya zi mu'enun. 29marengaya ku kanmu, 'azi ku lra aasalr tremekel kanini na kutra, palru za i inku zi i inmu kazu kanantu kanatal ni Amalri tremekel kana vekal na kutra kanizu na wari.>>
30semenay za saya a senay nazu, zi mupatraran, mukuwa i Olēv zenan
putralri marengay i Yēsu 'azi pakanumaw kantaw i Pētēro
(Maruko 14.27-31; Luka 22.31-34; Yohanē 13.36-38)
31likuzan lra, marengay i Yēsu kana temakesi: <<nu karauv, muramawan mu kananku nirekudayan uwaaday mu 'ematelr kaninku mapiya; 'alrana marengay na Sēsiyo: <na Viruwa i itras piyanatray kana purarikan, zi tatepi' lra na mulepun na siri.> 32mawmu nu marevaaw ku mu, kinganguwayan ku kanmu mukuwa i Galili.>>
33marengay i Pētēro kani Yēsu: <<nu maw kemazu 'ematelr kannu na trau mapiya mu, 'azi ku 'a'atelr kannu!>>
34marengay i Yēsu kani Pētēro: <<marengaya ku kannu, nu karauv, pakangawayan za maruni na terukuk mu, paretatelun u 'azi pakanu malrazam kaninku.>>
35temuvang i Pētēro: <<arusay lra nu 'azi ku ka'azi mukasa kannu minatray, zi 'azi ku i pakanu 'azi malrazam kannu!>>
na zuma na temakesi mu kemani marengay mapiya.
na kiyanun i Gētsēmanē
(Maruko 14.32-42; Luka 22.39-46)
36i Yēsu zi na temakesi mukuwa za saya a kinazuwan, i Gētsēmanē kinuwa; tu kuwayaw marengay nazu: <<kayan i kani i inmu, auwa ku i kaziyu kiyanuna.>> 37kemazu zi tu pilralrangaw i Pētēro zi tu alrak na zazuwa ni Zēbēdē salrangan mukuwa. puteha mavangavang nana i anger i intaw, 38marengay kanazu: <<salaw nana ku anger, uri kiyanatranatray. kazekazu i kani i inmu, mukasa kaninku kasenekin a!>>
39parumungawayan kemakawang i intaw, mihelrupu i dare', kiyanun marengay: <<Ama a, anu kararuwa mu, kiyami ku kannu ipa'away ku kanini na 'apelrin na takilr! mawmu, amanan na iturusay nanku niranger, mawmau iturusi nannu nirangeran.>>
40mareveliyas mukuwa i intaw kanazu na tatelu na temakesi i kazu mu, mena'u kanazu za trurin lra alrupe' mapiya, zi marengay kani Pētēro: <<'azi mu kararuwa mukasa kaninku masenekin za saya tuki ziyamaw? 41kasenekin kiyanun, munu mukezeng zi zemelengan. maw kemazu muwai nanmu anger, mawmu salaw apelr na zazek.>>
42karepapuwan i Yēsu masalr mukuwa kiyanun marengay: <<Ama a, ini na 'apelrin na takilr anu 'azi karuwa kiruwaday kaninku, 'azi ku ka'azi 'emaw mu, kiyalriman pula'esi nannu nirangeran mu!>> 43i intaw mareveliyas ziya mukuwa kana temakesi i kazu, mena'u kanazu za masalr ziya trurin alrupe'; arusay za 'azi maruwa pali'atr kanantu matra.
44i Yēsu masasalr ziya muwaday kanazu, karetatelun mukuwa kiyanuna, tu nirengay mararesan kana i ngawayan. 45zi masalr ziya mareveliyas i intaw mukuwa kana temakesi i kazu, marengay: <<alralrupe'an mu ziyan, temalaulep mu ziyan? na'uwi a, na Alrak na trau kinaniwan kana mipinamelriyan na trau na wari meredek lra! 46karahan, arelra a! na'uwi a, izu na naniwan kaninku na trau mu zuwa lra!>>
ki'evang i Yēsu
(Maruko 14.43-50; Luka 22.47-53; Yohanē 18.3-12)
47a mararengay ziya i Yēsu mu, na papulu' zi zazuwa na sito kana sasa i Yoda zuwa lra. ulra salepun a trau murung za tazaw zi puwakepuk salrangan kantaw zuwa; nazu maw na ma'izang na rahan zi na ciyoro i zekalr na pazuwa. 48izu na meniwan kani Yēsu na trau mu pungaway venulri veray kanazu za kalrazaman, marengay: <<nu mukuwa ku umaya kani eman mu, maw i eman nanmu 'a'evangen na trau, 'evangu i intaw.>>
49i Yoda payas mukuwa kani Yēsu i ngawayan, marengay: <<sinsi, 'inava u!>> zi muma kantaw.
50marengay i Yēsu: <<ali, nannu niranger kemakuda mu, namuni kemakuda mu#26.50 <<maranger u kemakuda, anamun kemakuda mu>> karuwa marengay za <<ruwa u kemakudaya>>.!>>
kemazu zi, mungawayan nazu na trau, 'emevang kani Yēsu, demadikus kantaw. 51na mukasa kani Yēsu na trau i savakan mu, ulra a sasa penelretrus za tazaw, tremepa kana kuli na tinuma'izang na rahan veneresa, ladipay putani kanantu tralinga na saya. 52marengay i Yēsu kantaw: <<lrasezu na tazaw! 'alrana pahuwahu ziya kana tazaw mu, 'azika'azi minatray kana tazaw. 53kamelriya lra 'azi u malrazam za karuwa ku kipuwalrang kani Amalri, zi i intaw paayas pazuwa za muketrep zi zuwaya sevangan za tēnsi ziyamaw? 54nu kemani ku kemakuda mu, marengay na Sēsiyo, na lremak 'azika'azi kemani mupana nazu na ngay mu zi kuwadakuda mula'esi ziyamaw?>>
55kemazu mu, i Yēsu marengay kanazu na salepun na trau: <<murung mu za tazaw zi puwakepuk zuwa 'emevanga kaninku, kamawanaw ku kana malemu na trau ziyamaw? kana wariwari ziya mu kazu ku kana vangesar ruma' kemayan panadam za trau, zi 'azi mu 'emevang. 56mawmu, tu inupanayan ini na lremak peniya maw pula'esi kanantu nirengay na patralritralri i Sēsiyo.>>
a azu, na ulra ziya na temakesi 'ematelr kantaw mapiya, penapusar lra.
kisayvang i gikay
(Maruko 14.53-65; Luka 22.54-55, 63-71; Yohanē 18.13-14, 19-24)
57nazu na 'emevang kani Yēsu na trau urungaw i Yēsu mukuwa kana tinuma'izang na rahan kani Kayafa kanantu ruma'. kazu i kazu, na sinsi kana Sēsiyo zi na ciyoro penauwa kazu muwaazuk. 58i Pētēro kazu i dawilr kurelrang kani Yēsu, meredek kanantu vavalu na tinuma'izang na rahan. musavak i vavalu i Pētēro, kurekasa kana ki'alra'alra kemayan, menana'u kanini na lremak za kuwadakuda puludus. 59na ma'izang na rahan zi kana gikay peniya maranganger miya' za vavetra'an uwasay kokso kani Yēsu, piyanatray kantaw, 60ara ulra kazuwan na venavetra' kokso kantaw mu, mawmu 'azi pakaatrevung za uwawasay. talikuzakuzan, ulra a zazuwa mungawayan marengay: 61<<ini na trau marengay lra za: <karuwa ku mivas kanantu vangesar ruma' na Viruwa i itras, zi teluwa wariyan asalraw parahan.> >>
62matikezir na tinuma'izang na rahan, kiyumalr kani Yēsu: <<nanni na trau tu kokso kannu mu, iniyan u za tatuvangen za eman ziyamaw?>> 63mapeng i Yēsu. masalr ziya marengay paresan na tinuma'izang na rahan kantaw: <<temuzu' ku kana vaaw munayun na Viruwa i itras kanantu ngadan semeratr kannu putani za ngay marengay kaniyam, maw u i Kiristo, Alrak na Viruwa i itras?>>
64temuvang i Yēsu: <<ninnu nirengay i ini. mawmu marengaya ku kanmu, kemay harem, nana'u mu kana Alrak na trau kemayan kana pukasa za kezang i tarawalran, muitras kana kutrem i lingatr mulusu zuwa!>>
65na tinuma'izang na rahan a kinger kanini na ngay mu, papirisaw tu kavang i intaw, marengay: <<temariyaeman kana Viruwa i itras lra! amanan ta lra za trau puwasay. kinger mu lra kantaw mapiya za semiri kana Viruwa i itras i intaw; 66kemuda kema mu?>>
temuvang nazu: <<piyanatrayin i intaw!>>
67tu tamayay tu mudingan nazu, zi kemelreveng ziya kantaw. nazu na semelretra' i tralinga kantaw na trau 68marengay: <<Kiristo a, maw u na patralritralri! rengay ziya, i eman na semelretra' kannu?>>
'azi pakanumaw kani Yēsu i Pētēro
(Maruko 14.66-72; Luka 22.56-62; Yohanē 18.15-18, 25-27)
69i Pētēro kazu i patraran na vavalu kemayan, ulra a sasa na tinuma'izang na rahan tu pakarunan a vavayan mukuwani, marengay: <<maw u tu samawan kana Galili na trau i Yēsu.>>
70i Pētēro kazu i ngawayan kana trau 'azi pakanumaw lra. marengay i intaw: <<'azi ku malrazam za mararengay u za eman!>> 71kemazu mu mupatraran, meredek lra kana vavalu i sulray, ulra ziya sasa a vavayan na pakarunan mena'u kantaw, marengay kana kazu matikezir i kazu na trau: <<ini na trau maw a samawan kana Nazalē na trau i Yēsu.>>
72masasalr 'azi pakanumaw i Pētēro, putani za ngay marengay: <<'azi ku malrazalrazam kanizu na trau!>>
73'azi sawariyan, zuwa na matikezir i trapingiran na trau, marengay kani Pētēro: <<tatena' u za samawan kanazu; nannu piningayan kurekalrazaman lra.>>
74i Pētēro masasalr ziya penunang marengay: <<'azi ku malrazam kanizu na trau. nu 'azi tatena' ku nirengay mu, tu i pasavungaw ku na Viruwa i itras!>>
a azu, maruni na terukuk lra. 75kemani zi i Pētēro paranger lra kanantu nirengay ni Yēsu: <<nu maruni na terukuk pakanguwayan mu, paretatelun u 'azi pakanumaw kaninku.>> zi mupatraran i intaw, trematrangis pakirev.
Currently Selected:
Matay 26: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 26
26
mianger mulrek pinatray kani Yēsu
(Maruko 14.1-2; Luka 22.1-2; Yohanē 11.45-53)
1a piya marengay i Yēsu kanini na ngay mu, marengay kana temakesi: 2<<malrazam mu, lalavat ziya za zuwaya wari zi mawna palalavat na wariyan, uri tratrima'anay na Alrak na trau, kitrehetreh kana ziyuzika i itras.>>
3a azu, na ma'izang na rahan zi na ciyoro i zekalr muwazuk kana ruma' na tinuma'izang na rahan kani Kayafa, 4mukasa muelrek kemiyaanger za 'a'evang kani Yēsu, pinatray kantaw. 5mawmu marengay nazu: <<'azi ta maruwa kazu kana semasaharan na wariyan kemakuda kanini na lremak, munu venavutrung na zinekalranan.>>
kida'us i Bētaniya
(Maruko 14.3-9; Yohanē 12.1-8)
6i Yēsu kazu i Bētaniya kana ruma' ni Simon na malripay; 7ulra a sasa vavayan murung za saya giyok na dalilr, inavakan patemuy kana salaw pazangal na ulringulr na lrawlraw. a maekan i Yēsu mu, izu na vavayan tu 'ilrayanay na ulringulr na lrawlraw kani Yēsu i tranguru'. 8a mena'u kanini na lremak na temakesi mu, pasalaw lra 'azi semangal, marengay: <<kemuda zi kemani kana meraranak? 9ini na ulringulr na lrawlraw mu karuwa mutrima' za 'azi saema za paisu puwalrang kana kalramalraman na trau!>>
10a malrazam lra i Yēsu mu, marengay kanazu: <<amanan na pakavangavang kanini na vavayan ziyamaw? muramawan kaninku kemakuda za saya 'inava a lremak i intaw. 11'alrana marayas ulra kurekasa kanmu na kalramalraman na trau, mawmu 'azi ku maruwa marayas kurekasa kanmu. 12tu 'ilrayanay na ulringulr na lrawlraw kaninku i zazek mu maw na muramawan kananku uwatrevelran penadang. 13penatezelra ku marengay kanmu, kana rukup makalusu ziya, ini na fukuing nu mupalenak meredek i iyan mu, na tratrautrau ziyan vavati kanantu kinakuda na lremak, patuanger kantaw.>>
tu trima'anay ni Yoda i Yēsu
(Maruko 14.10-11; Luka 22.3-6)
14nantu sito ni Yēsu na papulu' zi zazuwa mu, ulra a sasa Iskaliotē na trau i Yoda, mukuwa kirepana'uwa kana ma'izang na rahan i intaw, 15marengay: <<nu ku tuluzanay i Yēsu kanmu, wawai mu veray kaninku za eman?>> nazu melak za makatelun ginpiya veray kantaw. 16kemay a azu lra, maaya' kanantu kalre'ayanan meniwan kani Yēsu i Yoda.
mukasa kana temakesi keravi kana palalavat na wariyan
(Maruko 14.12-21; Luka 22.7-14, 21-23; Yohanē 13.21-30)
17kana puwaelak za paresasemak na wariyan kana pukaisa wari, zuwa na temakesi kiyumalr kani Yēsu: <<maranger u kaniyam za kazu i iyan muramawan kannu penadanga za keravien kana palalavat na wariyan?>>
18temuvang i Yēsu: <<uwa i kazekalran kirepana'uwa kanizu na trau, rengay kantaw: <marengay i sinsi: meraredek lra nanku wari; inku zi nanku temakesi kaazu kanannu ruma' kurelrang kana palalavat na wariyan.> >>
19na temakesi miturus kanantu ipatalru ni Yēsu mukuwa penadanga kanantu keravien nu palalavat na wariyan.
20a karaurauv mu, i Yēsu zi na papulu' zi zazuwa na sito kazu musungulr. 21a maekan mu, marengay i Yēsu: <<marengaya ku kanmu, kanmu i savak ulra a sasa naniwan kaninku.>>
22salaw mavangavang kemianger nazu, zi kiyumalr kantaw na sasa sasa: <<Luzu a, amelri i inku 'alra?>>
23temuvang i Yēsu: <<na mukasa kaninku kazu kana sara tematimus za pang mekan i izu na trau mu naniwan kaninku. 24kamawan kana nirengay i Sēsiyo, Alrak na trau uri kipakuwatreng; mawmu izu na trau na meniwan kana Alrak na trau mu mikuwatrengan lra! ini na trau mara'inava nu 'azi pinialrak!>>
25na meniwan kani Yēsu i Yoda mu kemazu kiyumalr: <<sinsi, amelri i inku 'alra?>> marengay i Yēsu: <<rengay i inu lra.>>
keravien ni Luzu
(Maruko 14.22-26; Luka 22.14-20; 1 Kolinto 11.23-25)
26a maekan nazu mu, melak i Yēsu kana pang, zi piyanguwayan ziya semunan kana lrayuwan na kiyanun, zi penisa', panini veray kana temakesi, marengay: <<elaku ekanu; i ini mu maw nanku zazek.>>
27kemazu mu, melak i intaw kana takilr, lrayuwan kana Viruwa i itras, zi tuluzanay veray kanazu, marengay: <<'awi i inmu mapiya; 28ini mu maw nanku dara', maw uwasay kana Viruwa i itras zi na trau tu pinatikezir kemuret na dara', muramawan za melapus kanantu pinamelriyan na trau mapiya zi mu'enun. 29marengaya ku kanmu, 'azi ku lra aasalr tremekel kanini na kutra, palru za i inku zi i inmu kazu kanantu kanatal ni Amalri tremekel kana vekal na kutra kanizu na wari.>>
30semenay za saya a senay nazu, zi mupatraran, mukuwa i Olēv zenan
putralri marengay i Yēsu 'azi pakanumaw kantaw i Pētēro
(Maruko 14.27-31; Luka 22.31-34; Yohanē 13.36-38)
31likuzan lra, marengay i Yēsu kana temakesi: <<nu karauv, muramawan mu kananku nirekudayan uwaaday mu 'ematelr kaninku mapiya; 'alrana marengay na Sēsiyo: <na Viruwa i itras piyanatray kana purarikan, zi tatepi' lra na mulepun na siri.> 32mawmu nu marevaaw ku mu, kinganguwayan ku kanmu mukuwa i Galili.>>
33marengay i Pētēro kani Yēsu: <<nu maw kemazu 'ematelr kannu na trau mapiya mu, 'azi ku 'a'atelr kannu!>>
34marengay i Yēsu kani Pētēro: <<marengaya ku kannu, nu karauv, pakangawayan za maruni na terukuk mu, paretatelun u 'azi pakanu malrazam kaninku.>>
35temuvang i Pētēro: <<arusay lra nu 'azi ku ka'azi mukasa kannu minatray, zi 'azi ku i pakanu 'azi malrazam kannu!>>
na zuma na temakesi mu kemani marengay mapiya.
na kiyanun i Gētsēmanē
(Maruko 14.32-42; Luka 22.39-46)
36i Yēsu zi na temakesi mukuwa za saya a kinazuwan, i Gētsēmanē kinuwa; tu kuwayaw marengay nazu: <<kayan i kani i inmu, auwa ku i kaziyu kiyanuna.>> 37kemazu zi tu pilralrangaw i Pētēro zi tu alrak na zazuwa ni Zēbēdē salrangan mukuwa. puteha mavangavang nana i anger i intaw, 38marengay kanazu: <<salaw nana ku anger, uri kiyanatranatray. kazekazu i kani i inmu, mukasa kaninku kasenekin a!>>
39parumungawayan kemakawang i intaw, mihelrupu i dare', kiyanun marengay: <<Ama a, anu kararuwa mu, kiyami ku kannu ipa'away ku kanini na 'apelrin na takilr! mawmu, amanan na iturusay nanku niranger, mawmau iturusi nannu nirangeran.>>
40mareveliyas mukuwa i intaw kanazu na tatelu na temakesi i kazu mu, mena'u kanazu za trurin lra alrupe' mapiya, zi marengay kani Pētēro: <<'azi mu kararuwa mukasa kaninku masenekin za saya tuki ziyamaw? 41kasenekin kiyanun, munu mukezeng zi zemelengan. maw kemazu muwai nanmu anger, mawmu salaw apelr na zazek.>>
42karepapuwan i Yēsu masalr mukuwa kiyanun marengay: <<Ama a, ini na 'apelrin na takilr anu 'azi karuwa kiruwaday kaninku, 'azi ku ka'azi 'emaw mu, kiyalriman pula'esi nannu nirangeran mu!>> 43i intaw mareveliyas ziya mukuwa kana temakesi i kazu, mena'u kanazu za masalr ziya trurin alrupe'; arusay za 'azi maruwa pali'atr kanantu matra.
44i Yēsu masasalr ziya muwaday kanazu, karetatelun mukuwa kiyanuna, tu nirengay mararesan kana i ngawayan. 45zi masalr ziya mareveliyas i intaw mukuwa kana temakesi i kazu, marengay: <<alralrupe'an mu ziyan, temalaulep mu ziyan? na'uwi a, na Alrak na trau kinaniwan kana mipinamelriyan na trau na wari meredek lra! 46karahan, arelra a! na'uwi a, izu na naniwan kaninku na trau mu zuwa lra!>>
ki'evang i Yēsu
(Maruko 14.43-50; Luka 22.47-53; Yohanē 18.3-12)
47a mararengay ziya i Yēsu mu, na papulu' zi zazuwa na sito kana sasa i Yoda zuwa lra. ulra salepun a trau murung za tazaw zi puwakepuk salrangan kantaw zuwa; nazu maw na ma'izang na rahan zi na ciyoro i zekalr na pazuwa. 48izu na meniwan kani Yēsu na trau mu pungaway venulri veray kanazu za kalrazaman, marengay: <<nu mukuwa ku umaya kani eman mu, maw i eman nanmu 'a'evangen na trau, 'evangu i intaw.>>
49i Yoda payas mukuwa kani Yēsu i ngawayan, marengay: <<sinsi, 'inava u!>> zi muma kantaw.
50marengay i Yēsu: <<ali, nannu niranger kemakuda mu, namuni kemakuda mu#26.50 <<maranger u kemakuda, anamun kemakuda mu>> karuwa marengay za <<ruwa u kemakudaya>>.!>>
kemazu zi, mungawayan nazu na trau, 'emevang kani Yēsu, demadikus kantaw. 51na mukasa kani Yēsu na trau i savakan mu, ulra a sasa penelretrus za tazaw, tremepa kana kuli na tinuma'izang na rahan veneresa, ladipay putani kanantu tralinga na saya. 52marengay i Yēsu kantaw: <<lrasezu na tazaw! 'alrana pahuwahu ziya kana tazaw mu, 'azika'azi minatray kana tazaw. 53kamelriya lra 'azi u malrazam za karuwa ku kipuwalrang kani Amalri, zi i intaw paayas pazuwa za muketrep zi zuwaya sevangan za tēnsi ziyamaw? 54nu kemani ku kemakuda mu, marengay na Sēsiyo, na lremak 'azika'azi kemani mupana nazu na ngay mu zi kuwadakuda mula'esi ziyamaw?>>
55kemazu mu, i Yēsu marengay kanazu na salepun na trau: <<murung mu za tazaw zi puwakepuk zuwa 'emevanga kaninku, kamawanaw ku kana malemu na trau ziyamaw? kana wariwari ziya mu kazu ku kana vangesar ruma' kemayan panadam za trau, zi 'azi mu 'emevang. 56mawmu, tu inupanayan ini na lremak peniya maw pula'esi kanantu nirengay na patralritralri i Sēsiyo.>>
a azu, na ulra ziya na temakesi 'ematelr kantaw mapiya, penapusar lra.
kisayvang i gikay
(Maruko 14.53-65; Luka 22.54-55, 63-71; Yohanē 18.13-14, 19-24)
57nazu na 'emevang kani Yēsu na trau urungaw i Yēsu mukuwa kana tinuma'izang na rahan kani Kayafa kanantu ruma'. kazu i kazu, na sinsi kana Sēsiyo zi na ciyoro penauwa kazu muwaazuk. 58i Pētēro kazu i dawilr kurelrang kani Yēsu, meredek kanantu vavalu na tinuma'izang na rahan. musavak i vavalu i Pētēro, kurekasa kana ki'alra'alra kemayan, menana'u kanini na lremak za kuwadakuda puludus. 59na ma'izang na rahan zi kana gikay peniya maranganger miya' za vavetra'an uwasay kokso kani Yēsu, piyanatray kantaw, 60ara ulra kazuwan na venavetra' kokso kantaw mu, mawmu 'azi pakaatrevung za uwawasay. talikuzakuzan, ulra a zazuwa mungawayan marengay: 61<<ini na trau marengay lra za: <karuwa ku mivas kanantu vangesar ruma' na Viruwa i itras, zi teluwa wariyan asalraw parahan.> >>
62matikezir na tinuma'izang na rahan, kiyumalr kani Yēsu: <<nanni na trau tu kokso kannu mu, iniyan u za tatuvangen za eman ziyamaw?>> 63mapeng i Yēsu. masalr ziya marengay paresan na tinuma'izang na rahan kantaw: <<temuzu' ku kana vaaw munayun na Viruwa i itras kanantu ngadan semeratr kannu putani za ngay marengay kaniyam, maw u i Kiristo, Alrak na Viruwa i itras?>>
64temuvang i Yēsu: <<ninnu nirengay i ini. mawmu marengaya ku kanmu, kemay harem, nana'u mu kana Alrak na trau kemayan kana pukasa za kezang i tarawalran, muitras kana kutrem i lingatr mulusu zuwa!>>
65na tinuma'izang na rahan a kinger kanini na ngay mu, papirisaw tu kavang i intaw, marengay: <<temariyaeman kana Viruwa i itras lra! amanan ta lra za trau puwasay. kinger mu lra kantaw mapiya za semiri kana Viruwa i itras i intaw; 66kemuda kema mu?>>
temuvang nazu: <<piyanatrayin i intaw!>>
67tu tamayay tu mudingan nazu, zi kemelreveng ziya kantaw. nazu na semelretra' i tralinga kantaw na trau 68marengay: <<Kiristo a, maw u na patralritralri! rengay ziya, i eman na semelretra' kannu?>>
'azi pakanumaw kani Yēsu i Pētēro
(Maruko 14.66-72; Luka 22.56-62; Yohanē 18.15-18, 25-27)
69i Pētēro kazu i patraran na vavalu kemayan, ulra a sasa na tinuma'izang na rahan tu pakarunan a vavayan mukuwani, marengay: <<maw u tu samawan kana Galili na trau i Yēsu.>>
70i Pētēro kazu i ngawayan kana trau 'azi pakanumaw lra. marengay i intaw: <<'azi ku malrazam za mararengay u za eman!>> 71kemazu mu mupatraran, meredek lra kana vavalu i sulray, ulra ziya sasa a vavayan na pakarunan mena'u kantaw, marengay kana kazu matikezir i kazu na trau: <<ini na trau maw a samawan kana Nazalē na trau i Yēsu.>>
72masasalr 'azi pakanumaw i Pētēro, putani za ngay marengay: <<'azi ku malrazalrazam kanizu na trau!>>
73'azi sawariyan, zuwa na matikezir i trapingiran na trau, marengay kani Pētēro: <<tatena' u za samawan kanazu; nannu piningayan kurekalrazaman lra.>>
74i Pētēro masasalr ziya penunang marengay: <<'azi ku malrazam kanizu na trau. nu 'azi tatena' ku nirengay mu, tu i pasavungaw ku na Viruwa i itras!>>
a azu, maruni na terukuk lra. 75kemani zi i Pētēro paranger lra kanantu nirengay ni Yēsu: <<nu maruni na terukuk pakanguwayan mu, paretatelun u 'azi pakanumaw kaninku.>> zi mupatraran i intaw, trematrangis pakirev.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023