Matay 25
25
paruwalruwan kana papulu' na vulavulayan
1azu kana wari, na kanatal i itras kamawan i makalusu na vativatiyan: ulra a papulu' na vulavulayan midinikesan kana lrawlraw, mukuwa kiyatrevunga kana pinakaetim na ma'inayan. 2kanazu i savakan ma'ungaw na lralruwatr, sayhuwan na lralruwatr. 3na ma'ungaw murung za lrawlraw, mawmu 'azi mipadangan za karuwa na lrawlraw; 4na sayhuwan mu murung za lrawlraw, zi murung ziya pidaya dalilran za lrawlraw. 5puwari lra na pinakaetim na ma'inayan, na vulavulayan tungtung mapiya, trurin lra alrupe'.
6<<palru lra za parekazuwa 'esungan mu, ulra a trau 'emuy'uy: <meredek lra na pinakaetim na ma'inayan, upapana i inmu mapiya kiyatrevung kantaw!> 7masenekin na papulu' na vulavulayan, pasenanaw tu lrawlraw nazu. 8a azu mu, na ma'ungaw kema marengay kanazu na sayhuwan: <'alrazi sepadanay mi za saema za lrawlraw a, 'alrana uri 'a'evut lra naniyam lrawlraw.> 9temuvang marengay nazu na sayhuwan: <'azi, naniyam lrawlraw tatena' za 'azi kararuwa semepad veray kanmu, uwa trima' i tiyam i inmu a.> 10na ma'ungaw na vulavulayan a mukuwa tremima'a kana lrawlraw mu, na pinakaetim na ma'inayan mu meredek lra. izu na lralruwatr na mipinadangan na vulavulayan kurelrang kana pinakaetim na ma'inayan mukasa musavak, mukasa mukuwa kana pakaetim semasaharan, zi mu'alrev lra na 'alrevan.
11<<na zuma na vulavulayan meraredek i pakalikuzan lra. 'emuy'uy nazu: <na ma'izang a, na ma'izang a, 'alrazi truwalray mi ziya!> 12temuvang na pinakaetim na ma'inayan: <'azi ku malrazalrazam kanmu.> >>
13marengay i Yēsu: <<semeneng, kasenekin i inmu, 'alrana 'azi mu malrazam kanizu na wari, izu na tuki raredek nu aidan.>>
na paruwalruwan kana tatelu na pakarunan
(Luka 19.11-27)
14<<na kanatal i itras kamawan ziya kana vativatiyan i makalusu: ulra sasa a trau muwapatraran makuwa muzazangiya, tu pazuwayaw na pakarunan, tuluzanay kanazu na pinieman. 15i intaw paturus kanantu kinasayhu kanazu kurisaesa, na sasa vineray za lruwatra kuzulr kimpiya, na sasa vineray za zuwaya kuzulr, na sasa vineray za saya kuzulr, zi masikasik mukuwa lra. 16izu na kiveray za lruwatra kuzulr kimpiya mu, payas mukuwa kimatrima'a, mietan za lruwatra kuzulr lra. 17mararesan, izu na kiveray za zuwaya kuzulr kimpiya mu, kemazu mietan za zuwaya kuzulr lra. 18mawmu izu na kiveray za saya kuzulr kimpiya mu, mupatraran, kemerutr i dare' za saya vuwang, trevelraw nantu paisu na tawki.
19<<melavat za sawariyan lra, nazu na papida na pakarunan tu tawki muruma', zi marepaaip za paisu kanazu. 20izu na kiveray za lruwatra kuzulr kimpiya mu musavak, murung za zuma na lruwatra kuzulr, marengay: <tawki, veray u kaninku za lruwatra kuzulr kimpiya, na'uwi, mietan ku lra za lruwatra kuzulr.> 21marengay na tawki: <'inava, i inu na 'inava zi katalrimayan na pakarunan! katalrimayan u kana makiteng na paisu, pakakarun ku kannu demikes kana ma'izang na paisu. usavak kipalrang pa'inava kanantu semangalan kanannu tawki a!> 22izu na kiveray kana zuwaya kuzulr kimpiya mu musavak, marengay: <tawki, veray u kaninku za zuwaya kuzulr kimpiya, na'uwi, mietan ku za zuwaya kuzulr lra.> 23marengay na tawki: <'inava, i inu na 'inava zi katalrimayan na pakarunan, katalrimayan u kana makiteng na paisu, pakakarun ku kannu demikes kana ma'izang na paisu. usavak kipalrang pa'inava kanantu semangalan kanannu tawki a!> 24a azu, izu na kiveray za saya kuzulr kimpiya na pakarunan mu musavak, marengay: <tawki, malrazam ku maw u a pakirungetr na trau; na 'azi sinaleman na dare', mara'ani u, na 'azi 'inapiyar na dare', zi maepetr u. 25makaud ku, zi trevelraw nannu paisu makesavak kana dare'. 'alrazi na'uwi, nannu paisu ulra i kani.> 26maregay nantu tawki: <i inu na kuwatreng zi maratrang na pakarunan! nu malrazam u kaninku kana 'azi sinaleman na dare' mu kemazu mara'ani ku, kana 'azi 'inapiyar na dare' mu kemazu maepetr ku, 27pauwayanay mu nu i palrasezanay nanku paisu i gingko, mengara kaninku za muruma' mu, karuwa melak ziya kanantu taina na paisu zi tu alrak. 28elaku nantu kimpiya pukuwani i inmu, verayan kanizu na ulra za saya kuzaw kimpiya. 29'alrana, izu na ulra lra mu, puwapuwayay vaveray kantaw za marasazu, merevawa misama' i intaw; zi izu na iniyan mu, arusay na ulra kantaw na saema mu 'a'araway melak peniya. 30kema ta kanini na 'azi pakakudain na pakarunan mu, verelrangan pupatraran mukuwa kana 'aremengan i intaw; kazu i kazu, tratrangis i intaw, pakakaratr.> >>
na talikuzakuzan na sayvang
31<<a kazu mutu ayawan na Alrak na trau, na tēnsi kurelrang kantaw mukasa meredek mu, kakayan i intaw kana milihu na pazangal na kakayanan i itras; 32na tratrautrau ziyan i dare' uwaazuk kantaw i ngawayan. tu i parekazuwayaw za lepun nazu, kamawan kana purarikan kana takulris kemay kana takulris i savakan palimi' paresenengaw na siri. 33tu i tra'anay i tarawalran na siri, tra'anay i tarawiri na takulris. 34kemazu zi, na ayawan rarengay kana kazu i tarawalran na trau: <na kilraman kiveray za ka'inavayan kemay kani Amalri na trau a, alamu i inmu a! alamu kituluz kana kemay pinarevuwa' i punapunan zi ipadang kanmu na kanatal. 35'alrana savelaw ku lra mu, mu paekanay ku, 'aw ku mu, mu pa'away ku; zemelengan ku i sizumayan mu, mu vilinaw ku; 36maluwalu ku mu, mu pukavangay ku; kuwaleng ku mu, mu na'uway ku; muimeng ku mu, zuwa mu mena'uwa kaninku.> 37a azu mu, nazu na patezelr na trau tatuvang za: <Luzu a, mena'u mi a aidan za savelaw u lra, zi paekan kannu? 'aw lra, zi pa'aw kannu? 38mena'u a aidan kannu za zemelengan i sizumayan zi venilin kannu? mena'u kannu za maluwalu zi pukavang kannu? 39mena'u mi a aidan za kuwaleng u zi za muimeng u zi mukuwa mi mena'uwa kannu ziyamaw?> 40tatuvang na ayawan: <penazangala ku marengay kanmu, nanni na lremak muramawan mu kana kurelrang kaninku na maramakitekiteng na sasa zi kemakuda mu, mawna muramawan kaninku zi kemakuda lra!>
41<<kemazu zi, na ayawan rarengay kana kazu i tarawiri kantaw na trau: <uveruk! na kipunang kana Viruwa i itras na trau a, uwaday kaninku i inmu a! uwa usavak kanizu na ipadang kana palrar zi nantu sevang na 'azi ma'a'evut munayun na apuy i savakan! 42'alrana savelaw ku lra mu, 'azi mu paekan kaninku, 'aw ku mu, 'azi mu pa'aw kaninku; 43zemelengan ku i sizumayan mu, 'azi mu venilin kaninku; maluwalu ku mu, 'azi mu pukavang kaninku; kuwaleng ku zi za muimeng ku mu, 'azi mu mena'u kaninku.> 44a azu, rarengay nazu: <Luzu a, mena'u mi a aidan za savelaw u, zi za 'aw u, zi za zemelengan u i sizumayan, zi za maluwalu u, zi za kuwaleng u, zi za muimeng u, zi 'azi puwalrang kannu ziyamaw?> 45tatuvang na ayawan: <penazangala ku marengay kanmu, nu kemazu 'azi mu muramawan kana maramakitekiteng na sasa kemakuda mu, mawna 'azi muramawan kaninku kemakuda!> 46na kemani na trau mu kiyasavung munayun. kema ta kanazu na patezelr na trau mu, kiyatuluz kana uwavaawan munayun nazu.>>
Currently Selected:
Matay 25: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 25
25
paruwalruwan kana papulu' na vulavulayan
1azu kana wari, na kanatal i itras kamawan i makalusu na vativatiyan: ulra a papulu' na vulavulayan midinikesan kana lrawlraw, mukuwa kiyatrevunga kana pinakaetim na ma'inayan. 2kanazu i savakan ma'ungaw na lralruwatr, sayhuwan na lralruwatr. 3na ma'ungaw murung za lrawlraw, mawmu 'azi mipadangan za karuwa na lrawlraw; 4na sayhuwan mu murung za lrawlraw, zi murung ziya pidaya dalilran za lrawlraw. 5puwari lra na pinakaetim na ma'inayan, na vulavulayan tungtung mapiya, trurin lra alrupe'.
6<<palru lra za parekazuwa 'esungan mu, ulra a trau 'emuy'uy: <meredek lra na pinakaetim na ma'inayan, upapana i inmu mapiya kiyatrevung kantaw!> 7masenekin na papulu' na vulavulayan, pasenanaw tu lrawlraw nazu. 8a azu mu, na ma'ungaw kema marengay kanazu na sayhuwan: <'alrazi sepadanay mi za saema za lrawlraw a, 'alrana uri 'a'evut lra naniyam lrawlraw.> 9temuvang marengay nazu na sayhuwan: <'azi, naniyam lrawlraw tatena' za 'azi kararuwa semepad veray kanmu, uwa trima' i tiyam i inmu a.> 10na ma'ungaw na vulavulayan a mukuwa tremima'a kana lrawlraw mu, na pinakaetim na ma'inayan mu meredek lra. izu na lralruwatr na mipinadangan na vulavulayan kurelrang kana pinakaetim na ma'inayan mukasa musavak, mukasa mukuwa kana pakaetim semasaharan, zi mu'alrev lra na 'alrevan.
11<<na zuma na vulavulayan meraredek i pakalikuzan lra. 'emuy'uy nazu: <na ma'izang a, na ma'izang a, 'alrazi truwalray mi ziya!> 12temuvang na pinakaetim na ma'inayan: <'azi ku malrazalrazam kanmu.> >>
13marengay i Yēsu: <<semeneng, kasenekin i inmu, 'alrana 'azi mu malrazam kanizu na wari, izu na tuki raredek nu aidan.>>
na paruwalruwan kana tatelu na pakarunan
(Luka 19.11-27)
14<<na kanatal i itras kamawan ziya kana vativatiyan i makalusu: ulra sasa a trau muwapatraran makuwa muzazangiya, tu pazuwayaw na pakarunan, tuluzanay kanazu na pinieman. 15i intaw paturus kanantu kinasayhu kanazu kurisaesa, na sasa vineray za lruwatra kuzulr kimpiya, na sasa vineray za zuwaya kuzulr, na sasa vineray za saya kuzulr, zi masikasik mukuwa lra. 16izu na kiveray za lruwatra kuzulr kimpiya mu, payas mukuwa kimatrima'a, mietan za lruwatra kuzulr lra. 17mararesan, izu na kiveray za zuwaya kuzulr kimpiya mu, kemazu mietan za zuwaya kuzulr lra. 18mawmu izu na kiveray za saya kuzulr kimpiya mu, mupatraran, kemerutr i dare' za saya vuwang, trevelraw nantu paisu na tawki.
19<<melavat za sawariyan lra, nazu na papida na pakarunan tu tawki muruma', zi marepaaip za paisu kanazu. 20izu na kiveray za lruwatra kuzulr kimpiya mu musavak, murung za zuma na lruwatra kuzulr, marengay: <tawki, veray u kaninku za lruwatra kuzulr kimpiya, na'uwi, mietan ku lra za lruwatra kuzulr.> 21marengay na tawki: <'inava, i inu na 'inava zi katalrimayan na pakarunan! katalrimayan u kana makiteng na paisu, pakakarun ku kannu demikes kana ma'izang na paisu. usavak kipalrang pa'inava kanantu semangalan kanannu tawki a!> 22izu na kiveray kana zuwaya kuzulr kimpiya mu musavak, marengay: <tawki, veray u kaninku za zuwaya kuzulr kimpiya, na'uwi, mietan ku za zuwaya kuzulr lra.> 23marengay na tawki: <'inava, i inu na 'inava zi katalrimayan na pakarunan, katalrimayan u kana makiteng na paisu, pakakarun ku kannu demikes kana ma'izang na paisu. usavak kipalrang pa'inava kanantu semangalan kanannu tawki a!> 24a azu, izu na kiveray za saya kuzulr kimpiya na pakarunan mu musavak, marengay: <tawki, malrazam ku maw u a pakirungetr na trau; na 'azi sinaleman na dare', mara'ani u, na 'azi 'inapiyar na dare', zi maepetr u. 25makaud ku, zi trevelraw nannu paisu makesavak kana dare'. 'alrazi na'uwi, nannu paisu ulra i kani.> 26maregay nantu tawki: <i inu na kuwatreng zi maratrang na pakarunan! nu malrazam u kaninku kana 'azi sinaleman na dare' mu kemazu mara'ani ku, kana 'azi 'inapiyar na dare' mu kemazu maepetr ku, 27pauwayanay mu nu i palrasezanay nanku paisu i gingko, mengara kaninku za muruma' mu, karuwa melak ziya kanantu taina na paisu zi tu alrak. 28elaku nantu kimpiya pukuwani i inmu, verayan kanizu na ulra za saya kuzaw kimpiya. 29'alrana, izu na ulra lra mu, puwapuwayay vaveray kantaw za marasazu, merevawa misama' i intaw; zi izu na iniyan mu, arusay na ulra kantaw na saema mu 'a'araway melak peniya. 30kema ta kanini na 'azi pakakudain na pakarunan mu, verelrangan pupatraran mukuwa kana 'aremengan i intaw; kazu i kazu, tratrangis i intaw, pakakaratr.> >>
na talikuzakuzan na sayvang
31<<a kazu mutu ayawan na Alrak na trau, na tēnsi kurelrang kantaw mukasa meredek mu, kakayan i intaw kana milihu na pazangal na kakayanan i itras; 32na tratrautrau ziyan i dare' uwaazuk kantaw i ngawayan. tu i parekazuwayaw za lepun nazu, kamawan kana purarikan kana takulris kemay kana takulris i savakan palimi' paresenengaw na siri. 33tu i tra'anay i tarawalran na siri, tra'anay i tarawiri na takulris. 34kemazu zi, na ayawan rarengay kana kazu i tarawalran na trau: <na kilraman kiveray za ka'inavayan kemay kani Amalri na trau a, alamu i inmu a! alamu kituluz kana kemay pinarevuwa' i punapunan zi ipadang kanmu na kanatal. 35'alrana savelaw ku lra mu, mu paekanay ku, 'aw ku mu, mu pa'away ku; zemelengan ku i sizumayan mu, mu vilinaw ku; 36maluwalu ku mu, mu pukavangay ku; kuwaleng ku mu, mu na'uway ku; muimeng ku mu, zuwa mu mena'uwa kaninku.> 37a azu mu, nazu na patezelr na trau tatuvang za: <Luzu a, mena'u mi a aidan za savelaw u lra, zi paekan kannu? 'aw lra, zi pa'aw kannu? 38mena'u a aidan kannu za zemelengan i sizumayan zi venilin kannu? mena'u kannu za maluwalu zi pukavang kannu? 39mena'u mi a aidan za kuwaleng u zi za muimeng u zi mukuwa mi mena'uwa kannu ziyamaw?> 40tatuvang na ayawan: <penazangala ku marengay kanmu, nanni na lremak muramawan mu kana kurelrang kaninku na maramakitekiteng na sasa zi kemakuda mu, mawna muramawan kaninku zi kemakuda lra!>
41<<kemazu zi, na ayawan rarengay kana kazu i tarawiri kantaw na trau: <uveruk! na kipunang kana Viruwa i itras na trau a, uwaday kaninku i inmu a! uwa usavak kanizu na ipadang kana palrar zi nantu sevang na 'azi ma'a'evut munayun na apuy i savakan! 42'alrana savelaw ku lra mu, 'azi mu paekan kaninku, 'aw ku mu, 'azi mu pa'aw kaninku; 43zemelengan ku i sizumayan mu, 'azi mu venilin kaninku; maluwalu ku mu, 'azi mu pukavang kaninku; kuwaleng ku zi za muimeng ku mu, 'azi mu mena'u kaninku.> 44a azu, rarengay nazu: <Luzu a, mena'u mi a aidan za savelaw u, zi za 'aw u, zi za zemelengan u i sizumayan, zi za maluwalu u, zi za kuwaleng u, zi za muimeng u, zi 'azi puwalrang kannu ziyamaw?> 45tatuvang na ayawan: <penazangala ku marengay kanmu, nu kemazu 'azi mu muramawan kana maramakitekiteng na sasa kemakuda mu, mawna 'azi muramawan kaninku kemakuda!> 46na kemani na trau mu kiyasavung munayun. kema ta kanazu na patezelr na trau mu, kiyatuluz kana uwavaawan munayun nazu.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023