Matay 21
21
milihu musavak i Yērusalem
(Maruko 11.1-11; Luka 19.28-40; Yohanē 12.12-19)
1kemakawang mudalrep i Yērusalem nazu, meredek lra i Olēv zenan na pinidare'an i Bētfaki na zekalr. i Yēsu pakarun za zazuwa kana temakesi iyanguwayan mukuwa. 2patalru kanazu: <<uwa i inmu i ngawayan kana zekalr. paayas mu nana'u za saya na rova zi saya makiteng na rova pinukasa irekep; vakevaku nazu, kezengu pukuwani verayan kaninku. 3nu ulra a trau marengay za eman kanmu mu, zi rengayu: <maanayin ni Luzu#21.3 <<Luzu>> karuwa marengay za <<nintu tawki kanazu>>. nazu>, tu i payasaw pakezeng kanmu pukuwani kanazu.>>
4ini na lremak mu maw pula'esi kanantu nirengay na patralritralri:
5uwa rengayu i Sion na kazekalran na lralrak:
na'uwi, zazuwa lra nanmu yawan!
kemaira zi muitras kana rova i intaw,
muitras kana makiteng na rova.
6na zazuwa na temakesi miturus kanantu ngay ni Yēsu mukuwa lra. 7nazu tu kezengaw na rova zi na makiteng na rova pukuwani lra, tu sapayanay nantu kavang i intaw kana rova i itras, zi papuitras kani Yēsu. 8na zinekalranan ulra kazuwan melak kanantu kavang i intaw lre'apanay i dalan, zi ulra ziya a trau melak kana inetek na kawi tu sa'az sapesapanay i dalan. 9na kemakawang i ngawayan na miturus i likuzan na trau kematamuni 'emuy'uy: <<na senay na lihu mukuwaya kana Alrak ni Davidē! kiyalriman kana Viruwa i itras veray za ka'inavayan kana pakalrang tu ngadan ni Luzu zi zuwa izu na sasa! na senay na lihu kaya kana maraitraitras na Viruwa i itras!>>
10musavak i Yēsu i Yērusalem mu, marenaun sazekalran. ulra a trau kiyumalr: <<i eman ini na trau?>>
11temuvang na zinekalranan: <<intaw maw Galili siyo i Nazalē na patralritralri i Yēsu.>>
kemirungetr pakavulay kana vangesar ruma' i Yēsu
(Maruko 11.15-19; Luka 19.45-48; Yohanē 2.13-22)
12musavak i Yēsu kana vangesar ruma', tu verelranganay pupatraran na matriyamatrima' ziyan i savak kana vangesar ruma' na trau. tu salikutrangaw na venavalis za ginpiya tu etu zi na menaniwan kana tutur tu lipad, 13marengay kanazu: <<vinavalrayan kana Sēsiyo, marengay na Viruwa i itras: <nanku na vangesar ruma' utu kiyaanunan na ruma'>, mawmu i inmu venaliyasaw putu ruma' kana male'es lra!>>
14ulra na mavutri' zi na matripu' zuwa kana vangesar ruma' miya'a kani Yēsu; zi tu paka'inavayaw nazu. 15na ma'izang na rahan zi na sinsi kana Sēsiyo mena'u zantu i kakuda a sazu na karepalripalri ni Yēsu, zi kinger ziya kana lralrak kazu kana vangesar ruma' i savak 'emuy'uy: <<semenay pulihu mukuwaya kana Alrak ni Davidē!>> zi salaw 'ilremes.
16kiyumalr kani Yēsu nazu: <<kinger u kanazu za 'emuway'uy za eman ziyamaw?>>
temuvang i Yēsu: <<kinger ku lra. na nirengay i Sēsiyo <na lralrak zi na vu'enin nu papupanayaw za vulay na senay na lihu> ini na ngay, 'azi mu miip ziyamaw?>>
17kemazu zi muwaday i Yēsu kanazu, mupana kana zekalr mukuwa kana kazekalran i Bētaniya, iyulray i kazu.
penunang kana tepur na kawi
(Maruko 11.12-14, 20-25)
18kazuwa wari a semavalr, a mareveliyas kana kazekalran i dadalan mu, savelaw lra i Yēsu. 19mena'u kana dalan i ngaydiran ulra sarakazan a tepur na kawi, zi mungawayan mukuwa, mawmu 'azi atrevung za emaeman, mawmau a vira'. mawna kemani zi temuzu' kana kawi marengay: <<'azi u lra aasalr mivuwa' munayun!>> izu na tepur na kawi payas marum lra.
20mena'u na temakesi kanini na nirekudayan mu, pasalaw maherareher. kiyumalr nazu: <<ini na kawi kemuda zi payas marum lra awa?>>
21temuvang i Yēsu: <<penazangala ku marengay kanmu, nu pakutatena' mu zi 'azi malrivak, zanku kinakuda kanini na tepur na kawi mu, kemazu karuwa mu kemakuda. 'azi mawmau kemani, arusay za karuwa mu marengay kanini na zenan: <karahan, uwa usavak kana lrevek i savakan!> zi 'azika'azi mula'esi. 22nu mipakutatena'an mu, nanmu kiniyaanun kiyaami mu aelak mu peniya.>>
kiyumalr kipatezelr za kezang ni Yēsu
(Maruko 11.27-33; Luka 20.1-8)
23a musavak i Yēsu kana vangesar ruma', penauwa za kazu pananadam kana trau mu, tu ma'izang na rahan zi na ciyoro i Yodaya na trau zuwa kirepana'uwa kantaw, kiyumalr kantaw: <<pakalrang u za eman kezangan kemakuda kananni na lremak? i eman na veray kanini na kezang kannu?>>
24temuvang i Yēsu kanazu: <<iyanguwayana ku ziya kiyumalr za saya a ngay kanmu, nu temuvang mu kaninku mu, zi rarengay ku kanmu za pakalrang ku za eman kezangan kikarun kananni na lremak. 25nantu kezang semuwap ni Yohanē maw kemay i iyan? maw kemay kana Viruwa i itras zi za maw kemay kana trau nay?>>
kemirakaz masakisaki nazu, marengay: <<pauwayanay mu kuwadakuda ta temuvang zi kapauwa awa? nu marengay ta <zuwa kemay kana Viruwa i itras>, rarengay i intaw za: <nu kemazu mu kemuda zi 'azi mu pakutatena' kani Yohanē ziyamaw?> 26nu marengay ta za <zuwa kemay kana trau>, kakaud ta kana zinekalranan kima'etrev kanta, 'alrana pakutatena' nazu mapiya kani Yohanē za maw a patralritralri.>> 27kemazu zi temuvang kani Yēsu nazu: <<'azi mi malrazam.>>
marengay i Yēsu kanazu: <<nu kemazu mu, 'azi ku rarengay kanmu za pakalrang ku za eman kezangan kemakuda kananni na lremak.>>
na paruwalruwan kana zazuwa na alrak na ma'inayan
28marengay ziya i Yēsu: <<ulra ziya zuma a saya paruwalruwan, maranger ku malrazam kananmu iyana'u. ulra a trau mialrak za zazuwa a ma'inayan, marengay i intaw kana ma'izang: <alrak a, uwa kikarun i inu kana budo na 'uma harem kana wari.> 29temuvang intaw: <'azi ku auwa.> mawmu muvalis nantu anger i likuzan lra, zi mukuwa lra. 30na temama mararesan kema marengay kana pukazuwa. temuvang na pukazuwa: <ai, ama, kaya ku.> mawmu 'azi mukuwa. 31ini na zazuwa na alrak mawna i iyan na miturus lra kanantu anger ni temamataw?>>
marengay nazu: <<izu na ma'izang na alrak.>>
marengay i Yēsu: <<penazangala ku marengay kanmu, na kisasata zi na kilihu kinganguwayan kanmu mutu zinekalranan kana kanatal na Viruwa i itras. 32'alrana semasuwap i Yohanē zuwa lra, i intaw pakalralrazam kanmu za tematena' na kakawangan, 'azi mu pakutatena' kantaw; mawmu muveliyas kiputatena' lra kantaw na kisasata zi na kilihu. mena'u mu zi kemazu 'azi muvalis za anger, 'azi ziya pakutatena' kantaw.>>
na paruwalruwan kana kuwatreng na kivulas kana 'uma
(Maruko 12.1-12; Luka 20.9-19)
33masalr ziya marengay i Yēsu: <<kinger ziya za zuma a saya za paruwalruwan i inmu! ulra sasa na miya'uma meravi za saya budo na 'uma, 'alazaw i paliyus, kemerutr i savakan kana 'uma za danaw kana papere'an za kutra, parahan za saya a tatungelan, zi tu pavulasanay na budo na 'uma kana kivulas kana 'uma, zi mupatraran mukuwa muzangiya lra i intaw. 34palru lra za mavul na budo mu, i intaw pakarun kana pakarunan mukuwa kana kivulas kana 'uma kiveraya kanantu tratrepa kiyaverain. 35na kivulas kana 'uma 'emevang kanantu pakarunan, temengez za sasa, pinatray za sasa, zi ruda'aw za varasa' a sasa. 36na miya'uma mu pakarun ziya za zuma na pakarunan mukuwa, marakazuwan kana ngawayan; na kivulas kana 'uma mu tu kuwazuwaw lra nazu kima'etrev. 37talikuzakuzan, na miya'uma pakarun kanantu alrak na ma'inayan mukuwa. kemianger i intaw za: <nu kemuda lra mu kaira nazu kananku alrak kema.> 38mawmu na kivulas kana 'uma mena'u kanizu na alrak mu, mazayazayar marengay: <ini na trau mu mawna kiyatuluz tremungulr kana miya'uma na trau, alamu a, ta pinatrayaw i intaw, zi karuwa ta 'emaraw melak kanantu pinieman!> 39kemazu zi 'emevang kantaw nazu, tu sukunanay pupatraran kana 'uma, zi pinatrayaw lra.
40<<kemani mu, na miya'uma kana budo nu muruma' mu, tu i kuwadakudayaw nazu na kivulas kana 'uma awa?>>
41marengay nazu: <<i intaw 'azika'azi kemalemu pinatray kananni na kuwatreng na trau, asalraw pavulas kana budo na 'uma kanazu na maruwa penauwa za wari veray kana kiyaverain kanazu na kivulas kana 'uma.>>
42marengay i Yēsu kanazu: <<'azi mu ziya miip kanantu ngay na Sēsiyo ziyamaw?
tu i'atelr na daykusang ini na varasa'
mutu marapazangazangal na pukaarekezan i makadare' na varasa'.
i ini maw tu kinakuda ni Luzu,
kazu kananta iyana'u mu kemuda kana kari'eri' a!>>
43masalr ziya marengay i Yēsu: <<semeneng, marengaya ku kanmu, nantu kanatal na Viruwa i itras tu i 'araway kemay kanmu i savakan, vaverayanay kanazu na maruwa mivuwa' na trau. [ 44i eman na malradu' kanini na varasa' i itras mu, uwarames tu zazek ni i eman; ini na varasa' nu mutani kani eman i zazek mu, zi kuwaazu tu i ruda'aw menakenak i eman.>>#21.44 ulra pidaya na awatranan lulun iniyan za 44 vatras (na'u Luka 20.18).]
45na ma'izang na rahan zi na Palisay na trau kinger kani Yēsu za mararengay kananni na paruwalruwan mu, malrazam kani Yēsu za maw mararengay kanazu, 46zi maranger za 'emevang kantaw. mawmu makaud kana zinekalranan nazu, 'alrana zinekalranan mu pakanumau kani Yēsu za maw a patralritralri.
Currently Selected:
Matay 21: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 21
21
milihu musavak i Yērusalem
(Maruko 11.1-11; Luka 19.28-40; Yohanē 12.12-19)
1kemakawang mudalrep i Yērusalem nazu, meredek lra i Olēv zenan na pinidare'an i Bētfaki na zekalr. i Yēsu pakarun za zazuwa kana temakesi iyanguwayan mukuwa. 2patalru kanazu: <<uwa i inmu i ngawayan kana zekalr. paayas mu nana'u za saya na rova zi saya makiteng na rova pinukasa irekep; vakevaku nazu, kezengu pukuwani verayan kaninku. 3nu ulra a trau marengay za eman kanmu mu, zi rengayu: <maanayin ni Luzu#21.3 <<Luzu>> karuwa marengay za <<nintu tawki kanazu>>. nazu>, tu i payasaw pakezeng kanmu pukuwani kanazu.>>
4ini na lremak mu maw pula'esi kanantu nirengay na patralritralri:
5uwa rengayu i Sion na kazekalran na lralrak:
na'uwi, zazuwa lra nanmu yawan!
kemaira zi muitras kana rova i intaw,
muitras kana makiteng na rova.
6na zazuwa na temakesi miturus kanantu ngay ni Yēsu mukuwa lra. 7nazu tu kezengaw na rova zi na makiteng na rova pukuwani lra, tu sapayanay nantu kavang i intaw kana rova i itras, zi papuitras kani Yēsu. 8na zinekalranan ulra kazuwan melak kanantu kavang i intaw lre'apanay i dalan, zi ulra ziya a trau melak kana inetek na kawi tu sa'az sapesapanay i dalan. 9na kemakawang i ngawayan na miturus i likuzan na trau kematamuni 'emuy'uy: <<na senay na lihu mukuwaya kana Alrak ni Davidē! kiyalriman kana Viruwa i itras veray za ka'inavayan kana pakalrang tu ngadan ni Luzu zi zuwa izu na sasa! na senay na lihu kaya kana maraitraitras na Viruwa i itras!>>
10musavak i Yēsu i Yērusalem mu, marenaun sazekalran. ulra a trau kiyumalr: <<i eman ini na trau?>>
11temuvang na zinekalranan: <<intaw maw Galili siyo i Nazalē na patralritralri i Yēsu.>>
kemirungetr pakavulay kana vangesar ruma' i Yēsu
(Maruko 11.15-19; Luka 19.45-48; Yohanē 2.13-22)
12musavak i Yēsu kana vangesar ruma', tu verelranganay pupatraran na matriyamatrima' ziyan i savak kana vangesar ruma' na trau. tu salikutrangaw na venavalis za ginpiya tu etu zi na menaniwan kana tutur tu lipad, 13marengay kanazu: <<vinavalrayan kana Sēsiyo, marengay na Viruwa i itras: <nanku na vangesar ruma' utu kiyaanunan na ruma'>, mawmu i inmu venaliyasaw putu ruma' kana male'es lra!>>
14ulra na mavutri' zi na matripu' zuwa kana vangesar ruma' miya'a kani Yēsu; zi tu paka'inavayaw nazu. 15na ma'izang na rahan zi na sinsi kana Sēsiyo mena'u zantu i kakuda a sazu na karepalripalri ni Yēsu, zi kinger ziya kana lralrak kazu kana vangesar ruma' i savak 'emuy'uy: <<semenay pulihu mukuwaya kana Alrak ni Davidē!>> zi salaw 'ilremes.
16kiyumalr kani Yēsu nazu: <<kinger u kanazu za 'emuway'uy za eman ziyamaw?>>
temuvang i Yēsu: <<kinger ku lra. na nirengay i Sēsiyo <na lralrak zi na vu'enin nu papupanayaw za vulay na senay na lihu> ini na ngay, 'azi mu miip ziyamaw?>>
17kemazu zi muwaday i Yēsu kanazu, mupana kana zekalr mukuwa kana kazekalran i Bētaniya, iyulray i kazu.
penunang kana tepur na kawi
(Maruko 11.12-14, 20-25)
18kazuwa wari a semavalr, a mareveliyas kana kazekalran i dadalan mu, savelaw lra i Yēsu. 19mena'u kana dalan i ngaydiran ulra sarakazan a tepur na kawi, zi mungawayan mukuwa, mawmu 'azi atrevung za emaeman, mawmau a vira'. mawna kemani zi temuzu' kana kawi marengay: <<'azi u lra aasalr mivuwa' munayun!>> izu na tepur na kawi payas marum lra.
20mena'u na temakesi kanini na nirekudayan mu, pasalaw maherareher. kiyumalr nazu: <<ini na kawi kemuda zi payas marum lra awa?>>
21temuvang i Yēsu: <<penazangala ku marengay kanmu, nu pakutatena' mu zi 'azi malrivak, zanku kinakuda kanini na tepur na kawi mu, kemazu karuwa mu kemakuda. 'azi mawmau kemani, arusay za karuwa mu marengay kanini na zenan: <karahan, uwa usavak kana lrevek i savakan!> zi 'azika'azi mula'esi. 22nu mipakutatena'an mu, nanmu kiniyaanun kiyaami mu aelak mu peniya.>>
kiyumalr kipatezelr za kezang ni Yēsu
(Maruko 11.27-33; Luka 20.1-8)
23a musavak i Yēsu kana vangesar ruma', penauwa za kazu pananadam kana trau mu, tu ma'izang na rahan zi na ciyoro i Yodaya na trau zuwa kirepana'uwa kantaw, kiyumalr kantaw: <<pakalrang u za eman kezangan kemakuda kananni na lremak? i eman na veray kanini na kezang kannu?>>
24temuvang i Yēsu kanazu: <<iyanguwayana ku ziya kiyumalr za saya a ngay kanmu, nu temuvang mu kaninku mu, zi rarengay ku kanmu za pakalrang ku za eman kezangan kikarun kananni na lremak. 25nantu kezang semuwap ni Yohanē maw kemay i iyan? maw kemay kana Viruwa i itras zi za maw kemay kana trau nay?>>
kemirakaz masakisaki nazu, marengay: <<pauwayanay mu kuwadakuda ta temuvang zi kapauwa awa? nu marengay ta <zuwa kemay kana Viruwa i itras>, rarengay i intaw za: <nu kemazu mu kemuda zi 'azi mu pakutatena' kani Yohanē ziyamaw?> 26nu marengay ta za <zuwa kemay kana trau>, kakaud ta kana zinekalranan kima'etrev kanta, 'alrana pakutatena' nazu mapiya kani Yohanē za maw a patralritralri.>> 27kemazu zi temuvang kani Yēsu nazu: <<'azi mi malrazam.>>
marengay i Yēsu kanazu: <<nu kemazu mu, 'azi ku rarengay kanmu za pakalrang ku za eman kezangan kemakuda kananni na lremak.>>
na paruwalruwan kana zazuwa na alrak na ma'inayan
28marengay ziya i Yēsu: <<ulra ziya zuma a saya paruwalruwan, maranger ku malrazam kananmu iyana'u. ulra a trau mialrak za zazuwa a ma'inayan, marengay i intaw kana ma'izang: <alrak a, uwa kikarun i inu kana budo na 'uma harem kana wari.> 29temuvang intaw: <'azi ku auwa.> mawmu muvalis nantu anger i likuzan lra, zi mukuwa lra. 30na temama mararesan kema marengay kana pukazuwa. temuvang na pukazuwa: <ai, ama, kaya ku.> mawmu 'azi mukuwa. 31ini na zazuwa na alrak mawna i iyan na miturus lra kanantu anger ni temamataw?>>
marengay nazu: <<izu na ma'izang na alrak.>>
marengay i Yēsu: <<penazangala ku marengay kanmu, na kisasata zi na kilihu kinganguwayan kanmu mutu zinekalranan kana kanatal na Viruwa i itras. 32'alrana semasuwap i Yohanē zuwa lra, i intaw pakalralrazam kanmu za tematena' na kakawangan, 'azi mu pakutatena' kantaw; mawmu muveliyas kiputatena' lra kantaw na kisasata zi na kilihu. mena'u mu zi kemazu 'azi muvalis za anger, 'azi ziya pakutatena' kantaw.>>
na paruwalruwan kana kuwatreng na kivulas kana 'uma
(Maruko 12.1-12; Luka 20.9-19)
33masalr ziya marengay i Yēsu: <<kinger ziya za zuma a saya za paruwalruwan i inmu! ulra sasa na miya'uma meravi za saya budo na 'uma, 'alazaw i paliyus, kemerutr i savakan kana 'uma za danaw kana papere'an za kutra, parahan za saya a tatungelan, zi tu pavulasanay na budo na 'uma kana kivulas kana 'uma, zi mupatraran mukuwa muzangiya lra i intaw. 34palru lra za mavul na budo mu, i intaw pakarun kana pakarunan mukuwa kana kivulas kana 'uma kiveraya kanantu tratrepa kiyaverain. 35na kivulas kana 'uma 'emevang kanantu pakarunan, temengez za sasa, pinatray za sasa, zi ruda'aw za varasa' a sasa. 36na miya'uma mu pakarun ziya za zuma na pakarunan mukuwa, marakazuwan kana ngawayan; na kivulas kana 'uma mu tu kuwazuwaw lra nazu kima'etrev. 37talikuzakuzan, na miya'uma pakarun kanantu alrak na ma'inayan mukuwa. kemianger i intaw za: <nu kemuda lra mu kaira nazu kananku alrak kema.> 38mawmu na kivulas kana 'uma mena'u kanizu na alrak mu, mazayazayar marengay: <ini na trau mu mawna kiyatuluz tremungulr kana miya'uma na trau, alamu a, ta pinatrayaw i intaw, zi karuwa ta 'emaraw melak kanantu pinieman!> 39kemazu zi 'emevang kantaw nazu, tu sukunanay pupatraran kana 'uma, zi pinatrayaw lra.
40<<kemani mu, na miya'uma kana budo nu muruma' mu, tu i kuwadakudayaw nazu na kivulas kana 'uma awa?>>
41marengay nazu: <<i intaw 'azika'azi kemalemu pinatray kananni na kuwatreng na trau, asalraw pavulas kana budo na 'uma kanazu na maruwa penauwa za wari veray kana kiyaverain kanazu na kivulas kana 'uma.>>
42marengay i Yēsu kanazu: <<'azi mu ziya miip kanantu ngay na Sēsiyo ziyamaw?
tu i'atelr na daykusang ini na varasa'
mutu marapazangazangal na pukaarekezan i makadare' na varasa'.
i ini maw tu kinakuda ni Luzu,
kazu kananta iyana'u mu kemuda kana kari'eri' a!>>
43masalr ziya marengay i Yēsu: <<semeneng, marengaya ku kanmu, nantu kanatal na Viruwa i itras tu i 'araway kemay kanmu i savakan, vaverayanay kanazu na maruwa mivuwa' na trau. [ 44i eman na malradu' kanini na varasa' i itras mu, uwarames tu zazek ni i eman; ini na varasa' nu mutani kani eman i zazek mu, zi kuwaazu tu i ruda'aw menakenak i eman.>>#21.44 ulra pidaya na awatranan lulun iniyan za 44 vatras (na'u Luka 20.18).]
45na ma'izang na rahan zi na Palisay na trau kinger kani Yēsu za mararengay kananni na paruwalruwan mu, malrazam kani Yēsu za maw mararengay kanazu, 46zi maranger za 'emevang kantaw. mawmu makaud kana zinekalranan nazu, 'alrana zinekalranan mu pakanumau kani Yēsu za maw a patralritralri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023