Matay 20
20
na paruwalruwan kana kiyakarun i budo na 'uma na trau
1<<na kanatal i itras kamawan i makalusu na vativatiyan: ulra a sasa na miya'uma kana budo semavalr mupatraran, pakikarun za trau mukuwa kikaruna kanantu budo na 'uma. 2tu kuretanay kana wari ziya veray kanazu za saya ginpiya, kemazu zi tu pauwayaw nazu mukuwa kikaruna kana budo na 'uma. 3karuwa za iwaya tuki a 'emanamanan, masalr ziya mukuwa kana iciva, mena'u za ulra a trau matikezir i kazu, iniyan za kakudayan, 4zi marengay kanazu: <usavak i inmu kikarun kana budo na 'uma a, vaveray ku kanmu kana penauwa na inuvalesan.> 5zi mukuwa lra nazu. i likuzan lra, muketrep zi zuwaya tuki a kare'alriyan zi teluwa tuki a alusu kadaw, masasalr ziya mupatraran i intaw, mararesan miya' lra za pakiyakarun na trau. 6a alusu kadaw adalrep za lruwatra tuki mu, mukuwa ziya i iciva i intaw, mena'u za ulra ziya a trau matikezir i kazu, zi kiyumalr kanazu: <kemuda zi temezer matikezir i kani iniyan za kakudayan awa?> 7temuvang nazu: <'alrana iniyan za trau pakikarun kaniyam.> zi tu kuwayaw marengay nazu: <nu kemazu mu, usavak i inmu kikarun kana budo na 'uma a.>
8<<a karaurauv mu, na miya'uma marengay kana kemakezeng: <vinayu na kiyakarun na trau zuwaya mapiya, paniniyay za inuvalesan kanazu, kemay kana likuzakuzan musavak piyanguwayan veray, palru kana inguwanguwayan musavak kemipiya veray.> 9nazu na zuwa kikarun a lruwatra tuki mu, kiveray za saya ginpiya kurisaesa. 10meredek lra kanazu na marasemavalr zuwa kikaruna na trau zuwa kiveraya za inuvalesan, nazu kema mianger 'azi mi ka'azi kiveray za marasazu, mawmu kemazu mawmau kiveray za saya ginpiya kurisaesa. 11a kiveray lra nazu mu, maselu marengay kana miya'uma: 12<nanni na likuzakuzan musavak kikarun na trau mawmau kikarun za saya tuki, mawmu temezer mi kurekadaw kikarun, zi nannu ipuvales kanazu maw kemazu mararesan kana ipuvales kaniyam!> 13temuvang na miya'uma kanazu na sasa: <ali, 'azi ku 'emuli'ulid kannu. amelri u muwai za saya wari mu saya ginpiya na inuvalesan ziyamaw? 14elaku nannu ginpiya zi uruma' a! vaveray ku kanizu na likuzakuzan musavak za maresan kannu, 15kamelriya lra iniyan ku za kezang manay kananku paisu ziyamaw? muramawan kaninku za 'azi ma'itril za trau, zi masepelr u ziyamaw?> >>
16kemazu zi marengay i Yēsu: <<kemani, nazu na kazu i likuzan mu, uri kaazu i ngawayan; na kazu i ngawayan mu, uri kaazu i likuzan.>>
i Yēsu karetatelun putralri marengay kanantu kiyanatrayan
(Maruko 10.32-34; Luka 18.31-34)
17i Yēsu a makuwa i Yērusalem mu, tu pilralrangaw i saninin nantu temakesi na papulu' zi zazuwa, kemakawang zi mararengay kanazu: 18<<kalrazam i inmu, harem makuwa ta i Yērusalem, Alrak na trau uri trima'anay veray kana ma'izang na rahan zi na sinsi kana Sēsiyo; nazu tu i sayvangaw za kiyanatrayan, 19zi tatuluzanay veray kana sizumayan na trau i intaw. tu i tariyaemanaw i intaw nazu, melrepit kantaw, trehetrehanay kana ziyuzika i intaw; mawmu katelu wari, kavavaaw i intaw.>>
kiniyaami za taina
(Maruko 10.35-45)
20'azin ni Zēbēdē murung kanantu alrak na ma'inayan na zazuwa zuwa kirepana'uwa kani Yēsu, semungal kantaw, kiyami za saya lremak.
21i Yēsu kiyumalr kantaw: <<maranger u za eman?>>
temuvang i intaw: <<tuvangaw ku paturus, anu mutu yawan u mu, nanku alrak na zazuwa, kemayana na sasa kannu i tarawalran, kemayana na sasa kannu i tarawiri.>>
22marengay i Yēsu: <<'azi mu malrazam za eman nanmu kiniyaami. nanku 'a'awan na 'apelrin na takilr, karuwa mu 'emaw ziyamaw?>>
temuvang nazu: <<karuwa mi!>>
23marengay i Yēsu kanazu: <<kemazu 'a'aw mu kananku na 'apelrin na takilr, mawmu iniyan ku za kezang kemuret i eman na kakayan kaninku i tarawalran zi i tarawiri. nanni na kakayanan mu, i Amalri nu penadang veray kani eman mu vaveray kani eman.>>
24zuma na papulu' na temakesi kinger kemani na kiniyaami mu, ka'ilremesan kana zazuwa na marewadi. 25i Yēsu venavina kanazu pazuwa i ngawayan, marengay kanazu: <<malrazam mu, na trau i punapunan ulra a yawan demikes mena'u kanazu, ulra na kemakezeng na putratrepa kanazu. 26mawmu, amelri mu kemani. kanmu i savakan i eman na utu ma'izang mu, i eman na utu pakarunan kanmu; 27i eman na maranger kazu i ngawayan mu, i eman na utu pakarunan kanmu. 28kamawan kana Alrak na trau, i intaw amelri zuwa kitara za trau, mawna zuwa temara kana trau, pawnung mawili za venaaw kana trau mapiya zi semunan kanantu uwavaawan.>>
paka'inava kana zazuwa na mavutri'
(Maruko 10.46-52; Luka 18.35-43)
29a muveruk i Yēliko nazu mu, salepun na trau kurelrang kani Yēsu kemakawang. 30ulra a zazuwa na mavutri' kemayan i ngaydiran kana dalan, a kinger za melalavat i Yēsu, zi kematamuni 'emuy'uy: <<Luzu a, Alrak ni Davidē, kalramanaw mi a!>>
31maselru mapiya kanazu, karapengan kema kanazu; mawmu marekatamuni 'emuy'uy nazu: <<Luzu a, Alrak ni Davidē, kalramanaw mi a!>>
32maziyazi i Yēsu, pazuwayaw nazu, kiyumalr marengay: <<kakudayanay mi za eman kema mu?>>
33temuvang nazu marengay: <<Luzu a, kiyami mi kannu pana'uwaw mi naniyam matra!>>
34purelraman lra i Yēsu, zi demikes kanantu matra nazu; payas maruwa mena'u nazu, zi kurelrang kani Yēsu.
Currently Selected:
Matay 20: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 20
20
na paruwalruwan kana kiyakarun i budo na 'uma na trau
1<<na kanatal i itras kamawan i makalusu na vativatiyan: ulra a sasa na miya'uma kana budo semavalr mupatraran, pakikarun za trau mukuwa kikaruna kanantu budo na 'uma. 2tu kuretanay kana wari ziya veray kanazu za saya ginpiya, kemazu zi tu pauwayaw nazu mukuwa kikaruna kana budo na 'uma. 3karuwa za iwaya tuki a 'emanamanan, masalr ziya mukuwa kana iciva, mena'u za ulra a trau matikezir i kazu, iniyan za kakudayan, 4zi marengay kanazu: <usavak i inmu kikarun kana budo na 'uma a, vaveray ku kanmu kana penauwa na inuvalesan.> 5zi mukuwa lra nazu. i likuzan lra, muketrep zi zuwaya tuki a kare'alriyan zi teluwa tuki a alusu kadaw, masasalr ziya mupatraran i intaw, mararesan miya' lra za pakiyakarun na trau. 6a alusu kadaw adalrep za lruwatra tuki mu, mukuwa ziya i iciva i intaw, mena'u za ulra ziya a trau matikezir i kazu, zi kiyumalr kanazu: <kemuda zi temezer matikezir i kani iniyan za kakudayan awa?> 7temuvang nazu: <'alrana iniyan za trau pakikarun kaniyam.> zi tu kuwayaw marengay nazu: <nu kemazu mu, usavak i inmu kikarun kana budo na 'uma a.>
8<<a karaurauv mu, na miya'uma marengay kana kemakezeng: <vinayu na kiyakarun na trau zuwaya mapiya, paniniyay za inuvalesan kanazu, kemay kana likuzakuzan musavak piyanguwayan veray, palru kana inguwanguwayan musavak kemipiya veray.> 9nazu na zuwa kikarun a lruwatra tuki mu, kiveray za saya ginpiya kurisaesa. 10meredek lra kanazu na marasemavalr zuwa kikaruna na trau zuwa kiveraya za inuvalesan, nazu kema mianger 'azi mi ka'azi kiveray za marasazu, mawmu kemazu mawmau kiveray za saya ginpiya kurisaesa. 11a kiveray lra nazu mu, maselu marengay kana miya'uma: 12<nanni na likuzakuzan musavak kikarun na trau mawmau kikarun za saya tuki, mawmu temezer mi kurekadaw kikarun, zi nannu ipuvales kanazu maw kemazu mararesan kana ipuvales kaniyam!> 13temuvang na miya'uma kanazu na sasa: <ali, 'azi ku 'emuli'ulid kannu. amelri u muwai za saya wari mu saya ginpiya na inuvalesan ziyamaw? 14elaku nannu ginpiya zi uruma' a! vaveray ku kanizu na likuzakuzan musavak za maresan kannu, 15kamelriya lra iniyan ku za kezang manay kananku paisu ziyamaw? muramawan kaninku za 'azi ma'itril za trau, zi masepelr u ziyamaw?> >>
16kemazu zi marengay i Yēsu: <<kemani, nazu na kazu i likuzan mu, uri kaazu i ngawayan; na kazu i ngawayan mu, uri kaazu i likuzan.>>
i Yēsu karetatelun putralri marengay kanantu kiyanatrayan
(Maruko 10.32-34; Luka 18.31-34)
17i Yēsu a makuwa i Yērusalem mu, tu pilralrangaw i saninin nantu temakesi na papulu' zi zazuwa, kemakawang zi mararengay kanazu: 18<<kalrazam i inmu, harem makuwa ta i Yērusalem, Alrak na trau uri trima'anay veray kana ma'izang na rahan zi na sinsi kana Sēsiyo; nazu tu i sayvangaw za kiyanatrayan, 19zi tatuluzanay veray kana sizumayan na trau i intaw. tu i tariyaemanaw i intaw nazu, melrepit kantaw, trehetrehanay kana ziyuzika i intaw; mawmu katelu wari, kavavaaw i intaw.>>
kiniyaami za taina
(Maruko 10.35-45)
20'azin ni Zēbēdē murung kanantu alrak na ma'inayan na zazuwa zuwa kirepana'uwa kani Yēsu, semungal kantaw, kiyami za saya lremak.
21i Yēsu kiyumalr kantaw: <<maranger u za eman?>>
temuvang i intaw: <<tuvangaw ku paturus, anu mutu yawan u mu, nanku alrak na zazuwa, kemayana na sasa kannu i tarawalran, kemayana na sasa kannu i tarawiri.>>
22marengay i Yēsu: <<'azi mu malrazam za eman nanmu kiniyaami. nanku 'a'awan na 'apelrin na takilr, karuwa mu 'emaw ziyamaw?>>
temuvang nazu: <<karuwa mi!>>
23marengay i Yēsu kanazu: <<kemazu 'a'aw mu kananku na 'apelrin na takilr, mawmu iniyan ku za kezang kemuret i eman na kakayan kaninku i tarawalran zi i tarawiri. nanni na kakayanan mu, i Amalri nu penadang veray kani eman mu vaveray kani eman.>>
24zuma na papulu' na temakesi kinger kemani na kiniyaami mu, ka'ilremesan kana zazuwa na marewadi. 25i Yēsu venavina kanazu pazuwa i ngawayan, marengay kanazu: <<malrazam mu, na trau i punapunan ulra a yawan demikes mena'u kanazu, ulra na kemakezeng na putratrepa kanazu. 26mawmu, amelri mu kemani. kanmu i savakan i eman na utu ma'izang mu, i eman na utu pakarunan kanmu; 27i eman na maranger kazu i ngawayan mu, i eman na utu pakarunan kanmu. 28kamawan kana Alrak na trau, i intaw amelri zuwa kitara za trau, mawna zuwa temara kana trau, pawnung mawili za venaaw kana trau mapiya zi semunan kanantu uwavaawan.>>
paka'inava kana zazuwa na mavutri'
(Maruko 10.46-52; Luka 18.35-43)
29a muveruk i Yēliko nazu mu, salepun na trau kurelrang kani Yēsu kemakawang. 30ulra a zazuwa na mavutri' kemayan i ngaydiran kana dalan, a kinger za melalavat i Yēsu, zi kematamuni 'emuy'uy: <<Luzu a, Alrak ni Davidē, kalramanaw mi a!>>
31maselru mapiya kanazu, karapengan kema kanazu; mawmu marekatamuni 'emuy'uy nazu: <<Luzu a, Alrak ni Davidē, kalramanaw mi a!>>
32maziyazi i Yēsu, pazuwayaw nazu, kiyumalr marengay: <<kakudayanay mi za eman kema mu?>>
33temuvang nazu marengay: <<Luzu a, kiyami mi kannu pana'uwaw mi naniyam matra!>>
34purelraman lra i Yēsu, zi demikes kanantu matra nazu; payas maruwa mena'u nazu, zi kurelrang kani Yēsu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023