Matay 19
19
na kireeman za panadam kana meretra' za 'azin na vavayan
(Maruko 10.1-12)
1piya lra marengay i Yēsu kananni na ngay mu, muveruk muwaday i Galili, mukuwa i Yorudan i makakuwaziyu kana pinidare'an i Yodaya. 2salepun na trau kurelrang kantaw, zi i intaw kazu i kazu paka'inava lra kanantu trau nazu na mikuwalengan.
3ulra papida na Palisay na trau zuwa kirepana'uwa kani Yēsu, maranger pakakuwatreng kantaw, kiyumalr kantaw: <<nanta kuret paturus kana 'azin na ma'inayan manay kana kazu ziyan na pauwayan meretra' 'ematelr kana 'azin na vavayan, pamaw ziyamaw?>>
4temuvang i Yēsu: <<'azi mu ziyan miip kanini na Sēsiyo ziyamaw? <a melrivak, na parevuwa' i Luzu demaway za ma'inayan zi demaway ziya za vavayan.> 5marengay na Viruwa i itras: <mawna kemani, na trau kiruwaaday kana ma'izangan, mukasa kana 'azin na vavayan, na zazuwa mutu sazazekan.> 6nu maw kemani mu, na mare'azin amelri lra zazuwa na trau, mawna sazazekan lra. semeneng, na pinarepa'uwa na Viruwa i itras mu, na trau 'azi parewadaday.>>
7kiyumalr na Palisay na trau kantaw: <<kemazu mu, kemuda zi i Mosē veray kaniyam za saya kuret, marengay kana 'azin na ma'inayan nu veray kana 'azin na vavayan za pararetra' na valray mu karuwa lra meretra' 'ematelr kantaw kema?>>
8temuvang i Yēsu: <<paturus i Mosē kanmu za meretra' kana 'azin na vavayan mu, maw 'alrana kamatru'ayan nanmu anger; mawmu palrivak parevuwa' i punapunan mu amelri kemani. 9marengaya ku kanmu, nu amelri maw 'azi patezelr na 'azin na vavayan mu, nu i eman lra nu meretra' 'ematelr kana 'azin na vavayan, zi masalr mukuwa mi'azina kana zuma na vavayan mu, mawna pamelri semiya' lra.>>
10marengay na temakesi: <<anu maw kemani nantu kireeman na mare'azin mu, para'inava nu 'azi mi'azin.>>
11temuvang i Yēsu: <<na kemani na panadam amelri maruwa kituluz na trau ziyan, mawmau na kiveray za pakamelri na iputrepa na kezang kana Viruwa i itras na trau mu karuwa kituluz. 12'alrana na trau nu 'azi mi'azin sazu nantu pauwayan: ulra na trau nantu kemazuwan 'azi kirepa'uwa mi'azin; ulra na trau tinuanger 'azi mi'azin; ulra zuma na trau mawili kana nirekudayan na kanatal i itras zi 'azi mi'azin. na maruwa kituluz kanini na ipanadam na trau mu kituluzi mu!>>.
'emaperez kana lralrak
(Maruko 10.13-16; Luka 18.15-17)
13ulra a trau murung za alrak zuwa kirepana'uwa kani Yēsu, maranger padikes kikiyanun kani Yēsu kanazu; mawmu maselru kanazu na trau na temakesi. 14mawmu marengay i Yēsu: <<pazuwayu na lralrak kaninku i kani, amanan na tala'aw nazu, 'alrana zinekalranan kana kanatal i itras mu penauwa maw na kamawan kanazu kemani na trau.>>
15kemazu mu, i Yēsu demikes kanazu, zi muveruk i kazu kana kinazuwan.
na miyaeman na vangesaran
(Maruko 10.17-31; Luka 18.18-30)
16kazu a paresan, ulra a trau zuwa kirepana'uwa kani Yēsu, marengay: <<sinsi, kemudaya ku za eman za 'inavayan zi karuwa ku kiveray kana uwavaawan munayun awa?>>
17temuvang i Yēsu: <<kemuda zi kiyumalr u kaninku kana kireeman za <'inavayan> na lremak awa? mawmu a sasa na 'inavayan. nu maranger u kiveray kana uwavaawan munayun, zi ika'azi miturus kana kuret.>>
18zi kiyumalr i intaw: <<na iyaiyan na kuret awa?>>
marengay i Yēsu: <<ipiyanatray za trau; isasiya'; itratrakaw; ivavetra' wasay; 19kirungetru mena'u na ma'izangan; kalramanu na 'udar, kamawan za lraman u kannu.>>
20temuvang izu na vangesaran: <<ini na kuret peniya miturus ku lra, kakuda ku ziya za eman ziyamaw?>>
21marengay i Yēsu: <<nu marager u za maramutulre'ay penauwa mu, uwa trima'an nannu piniemanan ziya, verayan na paisu kana kalramalraman na trau, zi kaulra nannu inepetr na piniemanan i itras; kemazu zi alamu kurelrang kaninku.>>
22izu na vangesaran a kinger kanini na ngay, zi sipeleng muveruk lra, 'alrana salaw miyaeman i intaw.
23kemazu zi, marengay i Yēsu kanantu temakesi: <<penatezelra ku marengay kanmu, na mipaisuwan na trau mutu zinekalranan kana kanatal i itras kemudakuda kana kakuwalengan a! 24masalra ku marengay kanmu, na mipaisuwan na trau nu utu zinekalranan kana kanatal na Viruwa i itras mu, marakakuwalengan kana rakuda za mulisek kana vuwang na daum!>>
25na temakesi kinger kanini na ngay mu, pasalaw mare'alav, zi kiyumalr: <<nu kema ta mu, ulra i eman na karuwa muvaaw ziyamaw?>>
26i Yēsu tremeketrek mena'u kanazu, marengay: <<na trau maw 'azi maruwa, mawmu kana Viruwa i itras, maruwa za eman ziyan.>>
27a azu, marengay i Pētēro: <<na'uwi, mi retra'anay na eman ziyan zuwa kurelranga kannu lra. uri karuwa mi kiveray za eman ziyamaw?>>
28marengay i Yēsu kanazu: <<marengaya ku kanmu, kazu nu aziyu lra kana vekalan na ziday, na Alrak na trau kemayan kana milihu na pazangal na kakayanan mu, inmu na kurelrang kaninku na trau kakayan kana muketrep zi zuwaya na pazangal na kakayanan i itras, zuwa sayvang kana Iseraēl na muketrep zi zuwaya na sepi' 'atayan. 29nu i eman lra, muramawan kaninku zi meretra' lra kanantu ruma', wadadiyan, ma'izangan, lralrak, zi 'uma mu, kiyaveray za pinakasaleman za ipuvales mapiya, pawnung kiyaveray kana uwavaawan munayun. 30mawmu, ulra kazuwan na kazu i ngawayan mu, uri kaazu i likuzan; na kazu i likuzan mu, uri kaazu i ngawayan.>>
Currently Selected:
Matay 19: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 19
19
na kireeman za panadam kana meretra' za 'azin na vavayan
(Maruko 10.1-12)
1piya lra marengay i Yēsu kananni na ngay mu, muveruk muwaday i Galili, mukuwa i Yorudan i makakuwaziyu kana pinidare'an i Yodaya. 2salepun na trau kurelrang kantaw, zi i intaw kazu i kazu paka'inava lra kanantu trau nazu na mikuwalengan.
3ulra papida na Palisay na trau zuwa kirepana'uwa kani Yēsu, maranger pakakuwatreng kantaw, kiyumalr kantaw: <<nanta kuret paturus kana 'azin na ma'inayan manay kana kazu ziyan na pauwayan meretra' 'ematelr kana 'azin na vavayan, pamaw ziyamaw?>>
4temuvang i Yēsu: <<'azi mu ziyan miip kanini na Sēsiyo ziyamaw? <a melrivak, na parevuwa' i Luzu demaway za ma'inayan zi demaway ziya za vavayan.> 5marengay na Viruwa i itras: <mawna kemani, na trau kiruwaaday kana ma'izangan, mukasa kana 'azin na vavayan, na zazuwa mutu sazazekan.> 6nu maw kemani mu, na mare'azin amelri lra zazuwa na trau, mawna sazazekan lra. semeneng, na pinarepa'uwa na Viruwa i itras mu, na trau 'azi parewadaday.>>
7kiyumalr na Palisay na trau kantaw: <<kemazu mu, kemuda zi i Mosē veray kaniyam za saya kuret, marengay kana 'azin na ma'inayan nu veray kana 'azin na vavayan za pararetra' na valray mu karuwa lra meretra' 'ematelr kantaw kema?>>
8temuvang i Yēsu: <<paturus i Mosē kanmu za meretra' kana 'azin na vavayan mu, maw 'alrana kamatru'ayan nanmu anger; mawmu palrivak parevuwa' i punapunan mu amelri kemani. 9marengaya ku kanmu, nu amelri maw 'azi patezelr na 'azin na vavayan mu, nu i eman lra nu meretra' 'ematelr kana 'azin na vavayan, zi masalr mukuwa mi'azina kana zuma na vavayan mu, mawna pamelri semiya' lra.>>
10marengay na temakesi: <<anu maw kemani nantu kireeman na mare'azin mu, para'inava nu 'azi mi'azin.>>
11temuvang i Yēsu: <<na kemani na panadam amelri maruwa kituluz na trau ziyan, mawmau na kiveray za pakamelri na iputrepa na kezang kana Viruwa i itras na trau mu karuwa kituluz. 12'alrana na trau nu 'azi mi'azin sazu nantu pauwayan: ulra na trau nantu kemazuwan 'azi kirepa'uwa mi'azin; ulra na trau tinuanger 'azi mi'azin; ulra zuma na trau mawili kana nirekudayan na kanatal i itras zi 'azi mi'azin. na maruwa kituluz kanini na ipanadam na trau mu kituluzi mu!>>.
'emaperez kana lralrak
(Maruko 10.13-16; Luka 18.15-17)
13ulra a trau murung za alrak zuwa kirepana'uwa kani Yēsu, maranger padikes kikiyanun kani Yēsu kanazu; mawmu maselru kanazu na trau na temakesi. 14mawmu marengay i Yēsu: <<pazuwayu na lralrak kaninku i kani, amanan na tala'aw nazu, 'alrana zinekalranan kana kanatal i itras mu penauwa maw na kamawan kanazu kemani na trau.>>
15kemazu mu, i Yēsu demikes kanazu, zi muveruk i kazu kana kinazuwan.
na miyaeman na vangesaran
(Maruko 10.17-31; Luka 18.18-30)
16kazu a paresan, ulra a trau zuwa kirepana'uwa kani Yēsu, marengay: <<sinsi, kemudaya ku za eman za 'inavayan zi karuwa ku kiveray kana uwavaawan munayun awa?>>
17temuvang i Yēsu: <<kemuda zi kiyumalr u kaninku kana kireeman za <'inavayan> na lremak awa? mawmu a sasa na 'inavayan. nu maranger u kiveray kana uwavaawan munayun, zi ika'azi miturus kana kuret.>>
18zi kiyumalr i intaw: <<na iyaiyan na kuret awa?>>
marengay i Yēsu: <<ipiyanatray za trau; isasiya'; itratrakaw; ivavetra' wasay; 19kirungetru mena'u na ma'izangan; kalramanu na 'udar, kamawan za lraman u kannu.>>
20temuvang izu na vangesaran: <<ini na kuret peniya miturus ku lra, kakuda ku ziya za eman ziyamaw?>>
21marengay i Yēsu: <<nu marager u za maramutulre'ay penauwa mu, uwa trima'an nannu piniemanan ziya, verayan na paisu kana kalramalraman na trau, zi kaulra nannu inepetr na piniemanan i itras; kemazu zi alamu kurelrang kaninku.>>
22izu na vangesaran a kinger kanini na ngay, zi sipeleng muveruk lra, 'alrana salaw miyaeman i intaw.
23kemazu zi, marengay i Yēsu kanantu temakesi: <<penatezelra ku marengay kanmu, na mipaisuwan na trau mutu zinekalranan kana kanatal i itras kemudakuda kana kakuwalengan a! 24masalra ku marengay kanmu, na mipaisuwan na trau nu utu zinekalranan kana kanatal na Viruwa i itras mu, marakakuwalengan kana rakuda za mulisek kana vuwang na daum!>>
25na temakesi kinger kanini na ngay mu, pasalaw mare'alav, zi kiyumalr: <<nu kema ta mu, ulra i eman na karuwa muvaaw ziyamaw?>>
26i Yēsu tremeketrek mena'u kanazu, marengay: <<na trau maw 'azi maruwa, mawmu kana Viruwa i itras, maruwa za eman ziyan.>>
27a azu, marengay i Pētēro: <<na'uwi, mi retra'anay na eman ziyan zuwa kurelranga kannu lra. uri karuwa mi kiveray za eman ziyamaw?>>
28marengay i Yēsu kanazu: <<marengaya ku kanmu, kazu nu aziyu lra kana vekalan na ziday, na Alrak na trau kemayan kana milihu na pazangal na kakayanan mu, inmu na kurelrang kaninku na trau kakayan kana muketrep zi zuwaya na pazangal na kakayanan i itras, zuwa sayvang kana Iseraēl na muketrep zi zuwaya na sepi' 'atayan. 29nu i eman lra, muramawan kaninku zi meretra' lra kanantu ruma', wadadiyan, ma'izangan, lralrak, zi 'uma mu, kiyaveray za pinakasaleman za ipuvales mapiya, pawnung kiyaveray kana uwavaawan munayun. 30mawmu, ulra kazuwan na kazu i ngawayan mu, uri kaazu i likuzan; na kazu i likuzan mu, uri kaazu i ngawayan.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023