Matay 18
18
i eman na maraayawayawan
(Maruko 9.33-37; Luka 9.46-48)
1a azu mu, zuwa kiyumalra na temakesi kani Yēsu: <<kana kanatal i itras i eman na maraayawayawan?>>
2i Yēsu venina pazuwa za sasa za alrak, tu patikeziraw i paduk kanazu, 3marengay: <<penatezelra ku marengay kanmu, nu 'azi mu muwasalr, muvalis kamawan za lralrak mu, ka'azi'aziyan mu karuwa mutu zinekalranan kana kanatal i itras. 4kamawan kanini na alrak kemazu kana kemaira, mawna maraayawayawan kana kanatal i itras. 5na mawili kaninku zi temara za kemani a sasa za alrak mu, mawna temara kaninku.>>
iauwa kemezenga za trau pupamelri
(Maruko 9.42-48; Luka 17.1-2)
6<<nu i eman lra tu pakiruwadayaw za sasa na mara'azi'azi kirungetr na sinziya kaninku mu, mara'inava tilu'ay kana ma'izang na varasa' na ailangan kanantu ni'en, tenepaw pinatrayaw i intaw kana asavak na lrevek. 7ini na punapunan maruwaruwa ulra a pakiruwaday za trau kaninku na lremak, kemuda kana kalramalraman a! kemani na lremak maw uwapanayan, mawmu izu na paredaway kana kemani na lremak na trau mu uwaelep lra za kuwatrengan!
8<<nu lima na saya awlra nu kuy na saya nu papamelri kannu mu, salretevu puelak, 'atelran. iniyan za lima za kuy zi kiveray za uwavaawan munayun mu, para'inava kana ulra peniya na lima zi na kuy zi ki'atelr kana 'azi ma'a'evut mavengangeveng na apuy i savakan lra. 9nu matra na saya nu papamelri kannu mu, kerutru pupana, 'atelran. nu karasa za matra zi kiveray kana uwavaawan munayun mu, para'inava za sazu kana mimatra za zuwaya zi ki'atelr pusavak i zikok kana apuy i savakan lra.>>
na paruwalruwan kana zemelengan na takulris
(Luka 15.3-7)
10<<temaranapawa mu, ipakanueman kani emaeman na mara'azi'azi kirungetr na trau. marengaya ku kanmu, kazu i itras, nantu tēnsi nazu marayas tikakeziran kipakarun i ngawayan kani Amalri i itras.#18.10 ulra pidaya na awatranan lulun puwayay za 11 vatras <<'alrana Alrak na trau tu iyazuwa mu na pauwayan maw venavaaw kana mu'atelr na trau>> (na'u Luka 19.11 vutrel).
12<<talram kemianger i inmu, anu ulra a trau mitakulris za saleman, zi zemelengan a saya, kamelriya lra 'azi venilin kana makaiwa zi iwaya i zenan, zi mukuwa miya'a kanizu na zemelengan na takulris ziyamaw? 13marengaya ku kanmu, nu atrevung lra kanini na sasaya na zemelengan na takulris mu 'azika'azi semangal, parasemangal lra i intaw kana ulra kanizu na makaiwa zi iwaya na 'azi zemelengan na takulris! 14mararesan, nanmu Temama i itras#18.14 <<nanmu Temama i itras>> zuma ulra pidaya na awatranan lulun vinavalray za <<i Amalri i itras>>. 'azi muwai pazelengan kani emaeman kana mara'azi'azi kirungetr na trau.>>
temara kana mipamelriyan na wadadiyan
15<<anu nannu wadadiyan pamelri kannu mu#18.15 <<nannu wadadiyan pamelri kannu>> zuma ulra pidaya na awatranan lulun vinavalray za <<nannu wadadiyan pimamelri>>., uwa kirepana'uwa kantaw, rengayu kanantu pinamelriyan; mawmu mawmau nu zazuwa mu zi karuwa kemani. anu kinger i intaw kanannu ipuanger na ngay mu, zi mietan u lra kanannu wadadiyan. 16anu 'azi muwai kinger i intaw mu, daulru a zuma a sasa zi za zazuwa parelrang mukuwa; kemani mu, na sayasaya na i kaselru na ngay ziya ulra a zazuwa zi za tatelu karuwa wasay. 17nu kemazu 'azi muwai kinger i intaw mu, ini na lremak kemay rakaz palru puludus pakalrazami na kiyokay. i intaw nu 'azi muwai kinger kana kiyokay mu, pakiresanu kana 'alra'alra nu 'azi mu kamawanu kana kisasata temara lra.>>
papaziyazi zi na paturus
18<<semeneng, marengaya ku kanmu, nanmu pinaziyazi kani dare' mu, kuwaazu paziyazien i itras; nanmu pinaturusan kani dare' mu, kuwaazu paturusen i itras.
19<<masalra ku ziya marengay kanmu, kazu mu i dare', nu ulra a zazuwa mukasa za nirangeran kiyanun mu, nu kiyami lra za eman mu, i Amalri i itras 'azika'azi paturus pula'esi kanmu. 20'alrana, nu ulra zazuwa zi za tatelu pakalrang kananku ngadan kazu muwazuk mu, kazu ku kanazu i savakan.>>
na paruwalruwan kana 'azi melalapus kana pinamelriyan za trau na kuwatreng na pakarunan
21a azu mu, i Pētēro zuwa kiyumalra kani Yēsu: <<Luzu a, ku wadadiyan pamelri kaninku, lalapus ku kantaw za parepidan awa? karuwa nu parepitun nay?>>
22marengay i Yēsu: <<amelri parepitun, mawna makapitun na parepitun.#18.22 <<pitupulu' na puripituwa>> karuwa marengay za <<puripitu pulu' pitu>>. 23'alrana kanatal i itras mu kamawan kana vativatiyan i makalusu: ulra a sasa yawan uri marepaip za paisu kanantu pakarunan. 24a kemirakaz maip i intaw mu, ulra a trau pilralrang za sasa a mikiyam kantaw za pidapidaya kuzaw na kimpiya a pakarunan zuwa i ngawayan kantaw. 25'alrana ini na trau iniyan za paisu za parevelaliyas za kiyam, zi semeratr na yawan niwananay i intaw mutu kuli, parelranganay nantu 'azin, lralrak, zi na ulra ziyan peniya niwananay, maruwaya putrima' kanantu kiyam. 26izu na pakarunan malrituzu i ngawayan kana yawan, kilraman kiyami marengay: <kalramanaw ku ziya! 'azi ku ka'azi pareveliyas kananku kiyam peniya.> 27purelraman lra na yawan, zi tu puelakaw lra nantu kiyam, pawnung puveruk lra kantaw.
28<<a mupatraran izu na pakarunan mu, kiretrevung za sasa kanantu lralrang kikarun. ini tu lralrang mikiyam kantaw za pidaya paisu, zi 'emevang kantaw i intaw, mere'ere' kanantu ni'en, marengay: <pareveliyasu na kiyam kaninku na paisu!> 29malrituzu tu lralrang, kilraman kiyami marengay: <'alrazi kalramanaw ku a, 'azi ku ka'azi pareveliyas peniya!> 30mawmu 'azi muwai i intaw, muveliyas tu paimenganay nantu lralrang, mengangara za piya pareveliyas kanantu kiyam. 31zuma na lralrang mena'u kanini na lremak tu pinakalrangan mu 'iyalremesan mapiya; mukuwa kirepana'uwa kana yawan nazu, pakalrazam kantaw ini na lremak kemay rakaz palru puludus. 32kemazu mu na yawan pazuwa kanizu na pakarunan, marengay kantaw: <inu na kuwatreng na kuli, mawmau 'alrana kiyami u kaninku, zi ku puelakaw lra peniya nannu kiyam, 33kakuwayanan mu 'azi u kalralraman kanannu lralrang, kamawan kaninku za lraman kannu ziyamaw?> 34salaw 'ilremes na yawan, tu imengaw kipasavung i intaw, mengangara kantaw za pareveliyas kanantu kiyam peniya.>>
35marengay i Yēsu: <<inmu kurisaesa nu 'azi mu muwai kemay i anger melapus za wadadiyan mu, i Amalri i itras kuwaazu temara kanmu.>>
Currently Selected:
Matay 18: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 18
18
i eman na maraayawayawan
(Maruko 9.33-37; Luka 9.46-48)
1a azu mu, zuwa kiyumalra na temakesi kani Yēsu: <<kana kanatal i itras i eman na maraayawayawan?>>
2i Yēsu venina pazuwa za sasa za alrak, tu patikeziraw i paduk kanazu, 3marengay: <<penatezelra ku marengay kanmu, nu 'azi mu muwasalr, muvalis kamawan za lralrak mu, ka'azi'aziyan mu karuwa mutu zinekalranan kana kanatal i itras. 4kamawan kanini na alrak kemazu kana kemaira, mawna maraayawayawan kana kanatal i itras. 5na mawili kaninku zi temara za kemani a sasa za alrak mu, mawna temara kaninku.>>
iauwa kemezenga za trau pupamelri
(Maruko 9.42-48; Luka 17.1-2)
6<<nu i eman lra tu pakiruwadayaw za sasa na mara'azi'azi kirungetr na sinziya kaninku mu, mara'inava tilu'ay kana ma'izang na varasa' na ailangan kanantu ni'en, tenepaw pinatrayaw i intaw kana asavak na lrevek. 7ini na punapunan maruwaruwa ulra a pakiruwaday za trau kaninku na lremak, kemuda kana kalramalraman a! kemani na lremak maw uwapanayan, mawmu izu na paredaway kana kemani na lremak na trau mu uwaelep lra za kuwatrengan!
8<<nu lima na saya awlra nu kuy na saya nu papamelri kannu mu, salretevu puelak, 'atelran. iniyan za lima za kuy zi kiveray za uwavaawan munayun mu, para'inava kana ulra peniya na lima zi na kuy zi ki'atelr kana 'azi ma'a'evut mavengangeveng na apuy i savakan lra. 9nu matra na saya nu papamelri kannu mu, kerutru pupana, 'atelran. nu karasa za matra zi kiveray kana uwavaawan munayun mu, para'inava za sazu kana mimatra za zuwaya zi ki'atelr pusavak i zikok kana apuy i savakan lra.>>
na paruwalruwan kana zemelengan na takulris
(Luka 15.3-7)
10<<temaranapawa mu, ipakanueman kani emaeman na mara'azi'azi kirungetr na trau. marengaya ku kanmu, kazu i itras, nantu tēnsi nazu marayas tikakeziran kipakarun i ngawayan kani Amalri i itras.#18.10 ulra pidaya na awatranan lulun puwayay za 11 vatras <<'alrana Alrak na trau tu iyazuwa mu na pauwayan maw venavaaw kana mu'atelr na trau>> (na'u Luka 19.11 vutrel).
12<<talram kemianger i inmu, anu ulra a trau mitakulris za saleman, zi zemelengan a saya, kamelriya lra 'azi venilin kana makaiwa zi iwaya i zenan, zi mukuwa miya'a kanizu na zemelengan na takulris ziyamaw? 13marengaya ku kanmu, nu atrevung lra kanini na sasaya na zemelengan na takulris mu 'azika'azi semangal, parasemangal lra i intaw kana ulra kanizu na makaiwa zi iwaya na 'azi zemelengan na takulris! 14mararesan, nanmu Temama i itras#18.14 <<nanmu Temama i itras>> zuma ulra pidaya na awatranan lulun vinavalray za <<i Amalri i itras>>. 'azi muwai pazelengan kani emaeman kana mara'azi'azi kirungetr na trau.>>
temara kana mipamelriyan na wadadiyan
15<<anu nannu wadadiyan pamelri kannu mu#18.15 <<nannu wadadiyan pamelri kannu>> zuma ulra pidaya na awatranan lulun vinavalray za <<nannu wadadiyan pimamelri>>., uwa kirepana'uwa kantaw, rengayu kanantu pinamelriyan; mawmu mawmau nu zazuwa mu zi karuwa kemani. anu kinger i intaw kanannu ipuanger na ngay mu, zi mietan u lra kanannu wadadiyan. 16anu 'azi muwai kinger i intaw mu, daulru a zuma a sasa zi za zazuwa parelrang mukuwa; kemani mu, na sayasaya na i kaselru na ngay ziya ulra a zazuwa zi za tatelu karuwa wasay. 17nu kemazu 'azi muwai kinger i intaw mu, ini na lremak kemay rakaz palru puludus pakalrazami na kiyokay. i intaw nu 'azi muwai kinger kana kiyokay mu, pakiresanu kana 'alra'alra nu 'azi mu kamawanu kana kisasata temara lra.>>
papaziyazi zi na paturus
18<<semeneng, marengaya ku kanmu, nanmu pinaziyazi kani dare' mu, kuwaazu paziyazien i itras; nanmu pinaturusan kani dare' mu, kuwaazu paturusen i itras.
19<<masalra ku ziya marengay kanmu, kazu mu i dare', nu ulra a zazuwa mukasa za nirangeran kiyanun mu, nu kiyami lra za eman mu, i Amalri i itras 'azika'azi paturus pula'esi kanmu. 20'alrana, nu ulra zazuwa zi za tatelu pakalrang kananku ngadan kazu muwazuk mu, kazu ku kanazu i savakan.>>
na paruwalruwan kana 'azi melalapus kana pinamelriyan za trau na kuwatreng na pakarunan
21a azu mu, i Pētēro zuwa kiyumalra kani Yēsu: <<Luzu a, ku wadadiyan pamelri kaninku, lalapus ku kantaw za parepidan awa? karuwa nu parepitun nay?>>
22marengay i Yēsu: <<amelri parepitun, mawna makapitun na parepitun.#18.22 <<pitupulu' na puripituwa>> karuwa marengay za <<puripitu pulu' pitu>>. 23'alrana kanatal i itras mu kamawan kana vativatiyan i makalusu: ulra a sasa yawan uri marepaip za paisu kanantu pakarunan. 24a kemirakaz maip i intaw mu, ulra a trau pilralrang za sasa a mikiyam kantaw za pidapidaya kuzaw na kimpiya a pakarunan zuwa i ngawayan kantaw. 25'alrana ini na trau iniyan za paisu za parevelaliyas za kiyam, zi semeratr na yawan niwananay i intaw mutu kuli, parelranganay nantu 'azin, lralrak, zi na ulra ziyan peniya niwananay, maruwaya putrima' kanantu kiyam. 26izu na pakarunan malrituzu i ngawayan kana yawan, kilraman kiyami marengay: <kalramanaw ku ziya! 'azi ku ka'azi pareveliyas kananku kiyam peniya.> 27purelraman lra na yawan, zi tu puelakaw lra nantu kiyam, pawnung puveruk lra kantaw.
28<<a mupatraran izu na pakarunan mu, kiretrevung za sasa kanantu lralrang kikarun. ini tu lralrang mikiyam kantaw za pidaya paisu, zi 'emevang kantaw i intaw, mere'ere' kanantu ni'en, marengay: <pareveliyasu na kiyam kaninku na paisu!> 29malrituzu tu lralrang, kilraman kiyami marengay: <'alrazi kalramanaw ku a, 'azi ku ka'azi pareveliyas peniya!> 30mawmu 'azi muwai i intaw, muveliyas tu paimenganay nantu lralrang, mengangara za piya pareveliyas kanantu kiyam. 31zuma na lralrang mena'u kanini na lremak tu pinakalrangan mu 'iyalremesan mapiya; mukuwa kirepana'uwa kana yawan nazu, pakalrazam kantaw ini na lremak kemay rakaz palru puludus. 32kemazu mu na yawan pazuwa kanizu na pakarunan, marengay kantaw: <inu na kuwatreng na kuli, mawmau 'alrana kiyami u kaninku, zi ku puelakaw lra peniya nannu kiyam, 33kakuwayanan mu 'azi u kalralraman kanannu lralrang, kamawan kaninku za lraman kannu ziyamaw?> 34salaw 'ilremes na yawan, tu imengaw kipasavung i intaw, mengangara kantaw za pareveliyas kanantu kiyam peniya.>>
35marengay i Yēsu: <<inmu kurisaesa nu 'azi mu muwai kemay i anger melapus za wadadiyan mu, i Amalri i itras kuwaazu temara kanmu.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023