Matay 17
17
muvalis za pinizazekan
(Maruko 9.2-13; Luka 9.28-36)
1melavat lra za nanema wariyan mu, i Yēsu pilralrangaw i Pētēro zi i Yakob zi i Yohanē marewadi marapengan paseki za saya atras na zenan. 2kazu kanazu i ngawayan, muvalis nantu pinizazek ni Yēsu: nantu mudingan kamawan kana kadaw maresan semenan, nantu kavang kamawan kana senan maresan vulretri'. 3maherareher za, na tatelu na temakesi mena'u kani Mosē zi i Ēliya kazu kimazazayar kani Yēsu. 4i Pētēro marengay kani Yēsu: <<Luzu a, kazu ta i kani tatena' za 'inava! nu muwai u mu, parahana ku kana teluwa na talraviyaw i kani, vaveray kannu na saya, vaveray kani Mosē na saya, vaveray kani Ēliya na saya.>>
5a mararengay i Pētēro kanini na ngay mu, sa'upuwan a vulay na kutrem metrav kanazu; ulra a lrengaw kemay kana kutrem mupana, marengay: <<i ini mu ninku kinalraman na Alrak, sahar ku kantaw. i inmu kingeri iturus kantaw!>>
6kinger na temakesi kanini na lrengaw mu, pasalaw makaud, hemerupu i dare' mapapiya. 7kemakawang mukuwani i Yēsu, temapetap kanazu, marengay: <<karahan, ikakaud!>> 8teme'ang mena'u nazu, mawmau mena'u kani Yēsu, na zuma na trau iniyan lra mapiya.
9a muwalusu kana zenan nazu mu, i Yēsu patalru kanazu: <<Alrak na trau nu 'azi ziya marevaaw kemay kana kininatrayan a pakangawayan mu, iyauwauwa marengaya kana trau ziyan kana nina'uwan na pakamelri na nirekudayan.>>
10kemazu zi kiyumalr na temakesi kani Yēsu: <<kemuda zi marengay na sinsi kana Sēsiyo za 'azika'azi iyanguwayan zuwa kema kani Ēliya ziyamaw?>>
11temuvang i Yēsu: <<i Ēliya maw kinganguwayan zuwa padanga kana eman ziya. 12mawmu marengaya ku kanmu, mizinuwayan lra i Ēliya, mawmu 'azi malrazam na trau kantaw, muveliyas pasasevang temara kantaw. mararesan, Alrak na trau kuwaazu uri kitariyaeman kanazu.>>
13malrazam lra harem na temakesi nantu iyakuwa ni Yēsu mu maw mararengay kana semasuwap i Yohanē.
paka'inava kana kipalrar na alrak
(Maruko 9.14-29; Luka 9.37-43)
14a muveruk mukuwa nazu kana zinekalranan mu, ulra sasa a trau zuwa, malrituzu i ngawayan kani Yēsu. 15marengay: <<Luzu a, kalramanu nanku alrak! kuwaleng za merarutreng, salaw minanayan, marayas malradu' kana apuy zi za kana zanum i savakan. 16ku pilralrangaw mukuwa kirepana'uwa kanannu temakesi, mawmu 'azi maruwa paka'inava kantaw nazu.>>
17marengay i Yēsu: <<i inmu kanini na ziday na trau kemuda kana iniyan za pakutena'an, kemuda kana kuwatreng a! kaazu ku ziya kanmu i kani manueman za kasawariyan ziyamaw? saseker ku ziya kanmu palru nu aidan awa? urungu na alrak pukuwani!>> 18kemazu zi i Yēsu maselru kanizu na palrar; a mupatraran na palrar mu, tu kuwalengan na alrak payas 'inava lra.
19likuzan lra, na temakesi mulrek zuwa kiyumalra kani Yēsu: <<kemuda zi 'azi mi maruwa venerelrang kanizu na palrar ziyamaw?>>
20temuvang i Yēsu: <<'alrana 'azi penauwa nanmu pakutatena'an. penatezelra ku marengay kanmu, nu ulra mu kamawan kana 'apiyar na karasina kemazu tu ka'izang na pakutatena'an, arusay lra nu kema marengay kanini na zenan: <kemay kani uwasalr mukuwa i kaziyu!> zi uwaasalr i intaw mukuwa. iniyan za 'azi mu kararuwa kemakuda.>>#17.20 ulra pidaya na awatranan lulun puwayay za 21 vatras <<kema ta lra kemani na palrar, mawmau kuretalrima za 'emiway, zi kiyaanun mu kararuwa venawi pupatraran.>> (na'u Maruko 9.29)
i Yēsu masalr putralri marengay kanantu kiyanatrayan
(Maruko 9.30-32; Luka 9.43-45)
22a kazu muwazuk na temakesi ziya i Galili mu, marengay i Yēsu kanazu: <<Alrak na trau uri tatuluzanay kana lima za trau, 23tu i piyanatrayaw i intaw nazu, mawmu katelu wari kavavaaw i intaw.>>
kinger na temakesi mu salaw mavangavang.
puwasata kana sata na vangesar ruma'
24i Yēsu zi na temakesi zuwa i Kabēnum mu, ulra papida na kisasata kana sata na vangesar ruma' zuwa kirepana'uwa kani Pētēro, kiyumalr kantaw: <<nanmu sinsi puwasata kana sata na vangesar ruma' nay?>>
25temuvang i Pētēro: <<kakuwayanan kemazu pusata.>>
i Pētēro musavak kana ruma' mu, iyanguwayan kiyumalr i Yēsu kantaw: <<Simon, i eman na pusata veray kana yawan i punapunan za uwasavakan i zekalr na sata zi za sata na zinekalranan, maw i kanta na kanatal na trau nay? nu 'azi mu maw na zuma na kanatal na trau nay? kemuda nu kiniyaanger ziyamaw?>>
26marengay i Pētēro: <<maw na zuma na kanatal na trau.>> marengay i Yēsu: <<kemazu mu, i kanta na kanatal na trau mu karuwa 'azi pusata lra. 27mawmu 'aziya ta pamelri kananni na trau. uwa i ngaydiran kana danaw pangasip za vulraw i inu, elaku pukuwani na inguwanguwayan mupangasip na vulraw, pingangayu, nana'u u za saya himpiya; ini na himpiya karuwa pusata kanannu zi nanku sata na puwasata kana vangesar ruma', zi elaku verayan kanazu mu.>>
Currently Selected:
Matay 17: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 17
17
muvalis za pinizazekan
(Maruko 9.2-13; Luka 9.28-36)
1melavat lra za nanema wariyan mu, i Yēsu pilralrangaw i Pētēro zi i Yakob zi i Yohanē marewadi marapengan paseki za saya atras na zenan. 2kazu kanazu i ngawayan, muvalis nantu pinizazek ni Yēsu: nantu mudingan kamawan kana kadaw maresan semenan, nantu kavang kamawan kana senan maresan vulretri'. 3maherareher za, na tatelu na temakesi mena'u kani Mosē zi i Ēliya kazu kimazazayar kani Yēsu. 4i Pētēro marengay kani Yēsu: <<Luzu a, kazu ta i kani tatena' za 'inava! nu muwai u mu, parahana ku kana teluwa na talraviyaw i kani, vaveray kannu na saya, vaveray kani Mosē na saya, vaveray kani Ēliya na saya.>>
5a mararengay i Pētēro kanini na ngay mu, sa'upuwan a vulay na kutrem metrav kanazu; ulra a lrengaw kemay kana kutrem mupana, marengay: <<i ini mu ninku kinalraman na Alrak, sahar ku kantaw. i inmu kingeri iturus kantaw!>>
6kinger na temakesi kanini na lrengaw mu, pasalaw makaud, hemerupu i dare' mapapiya. 7kemakawang mukuwani i Yēsu, temapetap kanazu, marengay: <<karahan, ikakaud!>> 8teme'ang mena'u nazu, mawmau mena'u kani Yēsu, na zuma na trau iniyan lra mapiya.
9a muwalusu kana zenan nazu mu, i Yēsu patalru kanazu: <<Alrak na trau nu 'azi ziya marevaaw kemay kana kininatrayan a pakangawayan mu, iyauwauwa marengaya kana trau ziyan kana nina'uwan na pakamelri na nirekudayan.>>
10kemazu zi kiyumalr na temakesi kani Yēsu: <<kemuda zi marengay na sinsi kana Sēsiyo za 'azika'azi iyanguwayan zuwa kema kani Ēliya ziyamaw?>>
11temuvang i Yēsu: <<i Ēliya maw kinganguwayan zuwa padanga kana eman ziya. 12mawmu marengaya ku kanmu, mizinuwayan lra i Ēliya, mawmu 'azi malrazam na trau kantaw, muveliyas pasasevang temara kantaw. mararesan, Alrak na trau kuwaazu uri kitariyaeman kanazu.>>
13malrazam lra harem na temakesi nantu iyakuwa ni Yēsu mu maw mararengay kana semasuwap i Yohanē.
paka'inava kana kipalrar na alrak
(Maruko 9.14-29; Luka 9.37-43)
14a muveruk mukuwa nazu kana zinekalranan mu, ulra sasa a trau zuwa, malrituzu i ngawayan kani Yēsu. 15marengay: <<Luzu a, kalramanu nanku alrak! kuwaleng za merarutreng, salaw minanayan, marayas malradu' kana apuy zi za kana zanum i savakan. 16ku pilralrangaw mukuwa kirepana'uwa kanannu temakesi, mawmu 'azi maruwa paka'inava kantaw nazu.>>
17marengay i Yēsu: <<i inmu kanini na ziday na trau kemuda kana iniyan za pakutena'an, kemuda kana kuwatreng a! kaazu ku ziya kanmu i kani manueman za kasawariyan ziyamaw? saseker ku ziya kanmu palru nu aidan awa? urungu na alrak pukuwani!>> 18kemazu zi i Yēsu maselru kanizu na palrar; a mupatraran na palrar mu, tu kuwalengan na alrak payas 'inava lra.
19likuzan lra, na temakesi mulrek zuwa kiyumalra kani Yēsu: <<kemuda zi 'azi mi maruwa venerelrang kanizu na palrar ziyamaw?>>
20temuvang i Yēsu: <<'alrana 'azi penauwa nanmu pakutatena'an. penatezelra ku marengay kanmu, nu ulra mu kamawan kana 'apiyar na karasina kemazu tu ka'izang na pakutatena'an, arusay lra nu kema marengay kanini na zenan: <kemay kani uwasalr mukuwa i kaziyu!> zi uwaasalr i intaw mukuwa. iniyan za 'azi mu kararuwa kemakuda.>>#17.20 ulra pidaya na awatranan lulun puwayay za 21 vatras <<kema ta lra kemani na palrar, mawmau kuretalrima za 'emiway, zi kiyaanun mu kararuwa venawi pupatraran.>> (na'u Maruko 9.29)
i Yēsu masalr putralri marengay kanantu kiyanatrayan
(Maruko 9.30-32; Luka 9.43-45)
22a kazu muwazuk na temakesi ziya i Galili mu, marengay i Yēsu kanazu: <<Alrak na trau uri tatuluzanay kana lima za trau, 23tu i piyanatrayaw i intaw nazu, mawmu katelu wari kavavaaw i intaw.>>
kinger na temakesi mu salaw mavangavang.
puwasata kana sata na vangesar ruma'
24i Yēsu zi na temakesi zuwa i Kabēnum mu, ulra papida na kisasata kana sata na vangesar ruma' zuwa kirepana'uwa kani Pētēro, kiyumalr kantaw: <<nanmu sinsi puwasata kana sata na vangesar ruma' nay?>>
25temuvang i Pētēro: <<kakuwayanan kemazu pusata.>>
i Pētēro musavak kana ruma' mu, iyanguwayan kiyumalr i Yēsu kantaw: <<Simon, i eman na pusata veray kana yawan i punapunan za uwasavakan i zekalr na sata zi za sata na zinekalranan, maw i kanta na kanatal na trau nay? nu 'azi mu maw na zuma na kanatal na trau nay? kemuda nu kiniyaanger ziyamaw?>>
26marengay i Pētēro: <<maw na zuma na kanatal na trau.>> marengay i Yēsu: <<kemazu mu, i kanta na kanatal na trau mu karuwa 'azi pusata lra. 27mawmu 'aziya ta pamelri kananni na trau. uwa i ngaydiran kana danaw pangasip za vulraw i inu, elaku pukuwani na inguwanguwayan mupangasip na vulraw, pingangayu, nana'u u za saya himpiya; ini na himpiya karuwa pusata kanannu zi nanku sata na puwasata kana vangesar ruma', zi elaku verayan kanazu mu.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023