Matay 16
16
kiyami za karepalripalri
(Maruko 8.11-13; Luka 12.54-56)
1ulra papida na Palisay na trau zi na Satukay na trau zuwa kirepana'uwa kani Yēsu, maranger pakakuwatreng kantaw, semeneng kiyami kantaw pupana za karepalripalri, puwasay kanantu i kakuda mu mawna kemay kana Viruwa i itras. 2marengay i Yēsu: <<nu karaurauv, marengay mu: <nu 'emanan mu 'azika'azi kemadaw, 'alrana mengezan i lingatr.> 3nu 'emanamanan, marengay mu: <harem kana wari mu kaulra a vali zi 'udalr, 'alrana 'emaremeremeng zi menezan i lingatr.> sayhuwan mu mena'u za nirekudayan i lingatr, mawmu ma'ulid mu patulre'ay mena'u tu nirekudayan kanini ziday#16.3 ulra pidaya na awatranan lulun iniyan za <<nu karaurauv ... nirekudayan kanini ziday>>.! 4kanini na ziday na trau kemazu kana kuwaatrengan, zemanga masiya'! kiyami mu za karepalripalri ziyamaw? nu amelri tu karepalripalri ni Yona mu, 'azi mu lra nana'u kana zuma za karepalripalri.>>
piya marengay i Yēsu, zi muwaday lra kanazu.
tu paresasemak na Palisay na trau zi Satukay na trau
(Maruko 8.14-21)
5na temakesi makalrang kana danaw mukuwa i makakuwaziyu kaitrasan kana dare', malalup lra murung za pang. 6marengay i Yēsu kanazu: <<temaranapawa mu, taranapaw kanantu paresasemak na Palisay na trau zi Satukay na trau.>>
7marepazayazayar na temakesi: <<marengay i intaw kanini na ngay mu maw 'alrana 'azi ta murung za pang a.>>
8malrazam i Yēsu kanazu za kemiyaanger za eman, zi kiyumalr kanazu: <<kemuda zi mazayazayar mu kana 'azi murung za pang na lremak ziyamaw? kamakitengan lra nanmu pakutatena'an! 9kemuda zi palru harem 'azi mu ziya malrazam! kamelriya lra na malalup mu za panini ku lra kana lruwatra na pang veray pakavetreker kana lruwatra kuzulr na trau ini na lremak ziyamaw? a azu mu misama' ziyan za pidaya 'arayan na karekitekitengan ziyamaw? 10ulra ziya izu na pituwa na pang veray pakavetreker kana pata kuzulr na trau, zi mazuk mu ziyan za pidaya 'arayan kana karekitekitengan ziyamaw? 11kemuda zi 'azi mu ziyan malrazam za amelri ku mararengay kana pang na lremak? temaranapawa mu kanantu paresemak kana Palisay na trau zi Satukay na trau!>>
12kema zi malrazam lra na temakesi kani Yēsu za amelri pataranapaw kanazu kana paresasemak za pang, mawna pataranapaw kanantu ipanadam na Palisay na trau zi na Satukay na trau.
pakanumaw i Pētēro kani Yēsu maw i Kiristo
(Maruko 8.27-30; Luka 9.18-21)
13i Yēsu meredek lra i Kaysaliya Filipi kana pinidare'an; kazu i kazu kiyumalr kana temakesi i intaw: <<marengay na trau lra i eman kema za Alrak na trau?>>
14temuvang nazu: <<ulra na marengay za maw na semasuwap i Yohanē; ulra na marengay za maw i Ēliya; zi ulra ziya na marengay za maw i Yēlimiya nu 'azi mu mawna zuma na patralritralri a sasa.>>
15kiyumalr i Yēsu kanazu: <<i inmu mu? rengay i inmu za i eman ku?>>
16temuvang i Simon Pētēro: <<i Kiristo u, maw a Alrak na vaaw munayun na Viruwa i itras.>>
17marengay i Yēsu: <<alrak ni Yohanē i Simon, tatena' u mika'inavayan lra; 'alrana ini na tatena' vati amelri tu ipanadam za trau kannu, maw i Amalri i itras na pakalrazam kannu. 18marengaya ku kannu, maw u i Pētēro, a danapan; kanini na danapan i itras, parahan ku kananku kiyokay, arusay nantu kezang na kiyanatrayan mu 'azi kiyaseker kantaw. 19vaveray ku kannu na tatusuk kana kanatal i itras, nannu pinaziyazi kani dare' mu, kuwaazu paziyazien i itras; nannu pinaturusan kani dare' mu, kuwaazu paturusen i itras.>>
20kemazu zi, i Yēsu patalru kana temakesi za iyauwauwa marengaya kani emaeman za maw i Kiristo i intaw.
i Yēsu putralri marengay tu kakuwatrengan zi kiyanatrayan
(Maruko 8.31--9.1; Luka 9.22-27)
21kemay a azu kemirakaz, i Yēsu patulre'ay papuanger kana temakesi, marengay: <<'azi ku ka'azi mukuwa i Yērusalem, kazu kana ciyoro, na ma'izang na rahan, zi na sinsi kana Sēsiyo uwaelep za sazu za ulepan, pawnung kipinatray, katatelu wari kavavaaw.>>
22kemezeng kani Yēsu mukuwa i saninin i Pētēro, 'emunus penelret kantaw, marengay: <<'azi! Luzu a, ini na lremak ka'azi'aziyan meredek kannu!>>
23marepiles i Yēsu marengay kani Pētēro: <<satang, uveruk! maw u nanku kalradu'an na varasa'; 'alrana nannu kiniyaanger amelri tu piniangeran na Viruwa i itras, maw tu piniangeran za trau.>>
24kemazu zi, marengay kana temakesi i Yēsu: <<nu ulra a trau kuwarelrang kaninku, zi tra'an i inu kannu, penazek kanantu ziyuzika alamu kurelrang kaninku. 25'alrana izu na maranger venaaw kanantu uwavaawan i intaw mu, muveliyas uwalremes za uwavaawan; izu na muramawan kaninku zi malremes tu uwavaawan mu, muveliyas aelak za uwavaawan. 26na trau nu kiseker melak lra kana punapunan peniya mu, mawmu savunganay lra tu uwavaawan i intaw, ulra a eman ka'inavayan ziyamaw? i intaw karuwa melak za eman venalis pareveliyas kanantu uwavaawan ziyamaw? 27Alrak na trau uri kazu kanantu lihu ni Temamataw i savakan, marelrang kanantu tēnsi zuwa. nu azu, tu i iturusanay kanantu paelrangan na trau kurisaesa venales. 28penazangala ku marengay kanmu, na matikezir i kani na trau mu, ulra na nu kiyanatray pakangawayan mu nana'u kana Alrak na trau zuwa kanazu i savakan demikes za kezang.>>
Currently Selected:
Matay 16: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 16
16
kiyami za karepalripalri
(Maruko 8.11-13; Luka 12.54-56)
1ulra papida na Palisay na trau zi na Satukay na trau zuwa kirepana'uwa kani Yēsu, maranger pakakuwatreng kantaw, semeneng kiyami kantaw pupana za karepalripalri, puwasay kanantu i kakuda mu mawna kemay kana Viruwa i itras. 2marengay i Yēsu: <<nu karaurauv, marengay mu: <nu 'emanan mu 'azika'azi kemadaw, 'alrana mengezan i lingatr.> 3nu 'emanamanan, marengay mu: <harem kana wari mu kaulra a vali zi 'udalr, 'alrana 'emaremeremeng zi menezan i lingatr.> sayhuwan mu mena'u za nirekudayan i lingatr, mawmu ma'ulid mu patulre'ay mena'u tu nirekudayan kanini ziday#16.3 ulra pidaya na awatranan lulun iniyan za <<nu karaurauv ... nirekudayan kanini ziday>>.! 4kanini na ziday na trau kemazu kana kuwaatrengan, zemanga masiya'! kiyami mu za karepalripalri ziyamaw? nu amelri tu karepalripalri ni Yona mu, 'azi mu lra nana'u kana zuma za karepalripalri.>>
piya marengay i Yēsu, zi muwaday lra kanazu.
tu paresasemak na Palisay na trau zi Satukay na trau
(Maruko 8.14-21)
5na temakesi makalrang kana danaw mukuwa i makakuwaziyu kaitrasan kana dare', malalup lra murung za pang. 6marengay i Yēsu kanazu: <<temaranapawa mu, taranapaw kanantu paresasemak na Palisay na trau zi Satukay na trau.>>
7marepazayazayar na temakesi: <<marengay i intaw kanini na ngay mu maw 'alrana 'azi ta murung za pang a.>>
8malrazam i Yēsu kanazu za kemiyaanger za eman, zi kiyumalr kanazu: <<kemuda zi mazayazayar mu kana 'azi murung za pang na lremak ziyamaw? kamakitengan lra nanmu pakutatena'an! 9kemuda zi palru harem 'azi mu ziya malrazam! kamelriya lra na malalup mu za panini ku lra kana lruwatra na pang veray pakavetreker kana lruwatra kuzulr na trau ini na lremak ziyamaw? a azu mu misama' ziyan za pidaya 'arayan na karekitekitengan ziyamaw? 10ulra ziya izu na pituwa na pang veray pakavetreker kana pata kuzulr na trau, zi mazuk mu ziyan za pidaya 'arayan kana karekitekitengan ziyamaw? 11kemuda zi 'azi mu ziyan malrazam za amelri ku mararengay kana pang na lremak? temaranapawa mu kanantu paresemak kana Palisay na trau zi Satukay na trau!>>
12kema zi malrazam lra na temakesi kani Yēsu za amelri pataranapaw kanazu kana paresasemak za pang, mawna pataranapaw kanantu ipanadam na Palisay na trau zi na Satukay na trau.
pakanumaw i Pētēro kani Yēsu maw i Kiristo
(Maruko 8.27-30; Luka 9.18-21)
13i Yēsu meredek lra i Kaysaliya Filipi kana pinidare'an; kazu i kazu kiyumalr kana temakesi i intaw: <<marengay na trau lra i eman kema za Alrak na trau?>>
14temuvang nazu: <<ulra na marengay za maw na semasuwap i Yohanē; ulra na marengay za maw i Ēliya; zi ulra ziya na marengay za maw i Yēlimiya nu 'azi mu mawna zuma na patralritralri a sasa.>>
15kiyumalr i Yēsu kanazu: <<i inmu mu? rengay i inmu za i eman ku?>>
16temuvang i Simon Pētēro: <<i Kiristo u, maw a Alrak na vaaw munayun na Viruwa i itras.>>
17marengay i Yēsu: <<alrak ni Yohanē i Simon, tatena' u mika'inavayan lra; 'alrana ini na tatena' vati amelri tu ipanadam za trau kannu, maw i Amalri i itras na pakalrazam kannu. 18marengaya ku kannu, maw u i Pētēro, a danapan; kanini na danapan i itras, parahan ku kananku kiyokay, arusay nantu kezang na kiyanatrayan mu 'azi kiyaseker kantaw. 19vaveray ku kannu na tatusuk kana kanatal i itras, nannu pinaziyazi kani dare' mu, kuwaazu paziyazien i itras; nannu pinaturusan kani dare' mu, kuwaazu paturusen i itras.>>
20kemazu zi, i Yēsu patalru kana temakesi za iyauwauwa marengaya kani emaeman za maw i Kiristo i intaw.
i Yēsu putralri marengay tu kakuwatrengan zi kiyanatrayan
(Maruko 8.31--9.1; Luka 9.22-27)
21kemay a azu kemirakaz, i Yēsu patulre'ay papuanger kana temakesi, marengay: <<'azi ku ka'azi mukuwa i Yērusalem, kazu kana ciyoro, na ma'izang na rahan, zi na sinsi kana Sēsiyo uwaelep za sazu za ulepan, pawnung kipinatray, katatelu wari kavavaaw.>>
22kemezeng kani Yēsu mukuwa i saninin i Pētēro, 'emunus penelret kantaw, marengay: <<'azi! Luzu a, ini na lremak ka'azi'aziyan meredek kannu!>>
23marepiles i Yēsu marengay kani Pētēro: <<satang, uveruk! maw u nanku kalradu'an na varasa'; 'alrana nannu kiniyaanger amelri tu piniangeran na Viruwa i itras, maw tu piniangeran za trau.>>
24kemazu zi, marengay kana temakesi i Yēsu: <<nu ulra a trau kuwarelrang kaninku, zi tra'an i inu kannu, penazek kanantu ziyuzika alamu kurelrang kaninku. 25'alrana izu na maranger venaaw kanantu uwavaawan i intaw mu, muveliyas uwalremes za uwavaawan; izu na muramawan kaninku zi malremes tu uwavaawan mu, muveliyas aelak za uwavaawan. 26na trau nu kiseker melak lra kana punapunan peniya mu, mawmu savunganay lra tu uwavaawan i intaw, ulra a eman ka'inavayan ziyamaw? i intaw karuwa melak za eman venalis pareveliyas kanantu uwavaawan ziyamaw? 27Alrak na trau uri kazu kanantu lihu ni Temamataw i savakan, marelrang kanantu tēnsi zuwa. nu azu, tu i iturusanay kanantu paelrangan na trau kurisaesa venales. 28penazangala ku marengay kanmu, na matikezir i kani na trau mu, ulra na nu kiyanatray pakangawayan mu nana'u kana Alrak na trau zuwa kanazu i savakan demikes za kezang.>>
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023