Matay 15
15
kakuwayanan na temuwamuwan
(Maruko 7.1-13)
1ulra papida na Palisay na trau zi na sinsi kana Sēsiyo kemay Yērusalem zuwa kirepana'uwa kani Yēsu, kiyumalr kantaw: 2<<kemuda zi nannu temakesi 'azi miyaturus kananta temuwamuwan na kakuwayanan? nu maekan pakangawayan mu 'azi miyaturus za kuret mauras za lima nazu!>>
3temuvang i Yēsu: <<kemuda zi mawili mu za iyaturusan kana kakuwayanan, zi semuveli mu kanantu seratr na Viruwa i itras awa? 4marengay na Viruwa i itras: <kirungetru mena'u na ma'izangan>; marengay ziya: <na penunang maselru kana ma'izangan mu, 'azika'azi piyanatrayin.> 5muveliyas mu marengay, nu ulra a trau kema marengay kana ma'izangan: <nanku paekan kanmu mu piya ku lra semunan patavang veray kana Viruwa i itras>, 6zi 'azi lra kiyarungetr mena'u kana ma'izangan i intaw. melak mu kana kakuwayanan zi venalis palremes kanantu vati na Viruwa i itras. 7na kitu'inavanava na trau a, i Isaya temuzu' kanmu tu iputralri marengay mu kemuda kana pamaw a! marengay intaw:
na Viruwa i itras kemani marengay:
8ini na zinekalranan kemaira kaninku kanantu udung,
mawmu nantu anger nazu mu mudawilr kaninku.
9tu kuret na trau maruwaruwa kamawanaw kananku seratr nazu;
semungal kaninku nazu iniyan za pauwayan peniya!>>
na puwalritr'a kana trau na eman
(Maruko 7.14-23)
10i Yēsu puwazuk ziya masalr kana zinekalranan zuwa i ngawayan kantaw, marengay kanazu: <<kingera mu, zi kalrazam! 11izu na musavak kemay kana udung na trau na eman mu 'azi pulralritra' za trau; izu na mupana kemay kanantu udung na trau mu kararuwa pulritra' za trau.>>
12i likuzan lra marengay na temakesi kani Yēsu: <<na Palisay na trau kinger kanannu ngay mu, salaw masamaz, malrazam u nay?>>
13temuvang i Yēsu: <<na amelri ziya tu isalem ni Amalri i itras na sinaleman mu peniya zazulrutren paramirami. 14amanan mele'i kanazu a! nazu mu maw na mavutri' mutu kemakezeng; na mavutri' kikezeng kana mavutri' mu, uwatani zazuwa kana kerutr i savakan.>>
15marengay i Pētēro: <<'alrazi rengayaw mi tu pauwayan ini na paruwalruwan.>>
16marengay i Yēsu: <<palrupalru harem maresan mu kana zuma na trau 'azi ziyan malrazam ziyamaw? 17kamelriya lra na 'azi mu malrazam, na kemay kanantu udung na trau musavak na eman ziya mu, musavak lra i tiyalr, zi mupana i'atelr? 18mawmu na mupana kemay kana udung mu maw na kemay i anger, i izu na maruwa pulralritra' za trau. 19'alrana mupana kemay i anger za trau mu ulra a marekudakuda na kuwatreng na piniangeran; nanni na kuwatreng na piniangeran kemakezeng kantaw mukuwa pupamelri malemu piyanatray, zemanga masiya', semasiya', tremakaw, venavetra', semiri kemuwatreng zi na zuma lra na pinamelriyan. 20ini peniya mawna tatena' pulralritra' kana trau. kema ta na 'azi muras za lima zi mekan izu na lremak mu 'azi pulralritra' za trau.>>
tu pakutatena'an a sasa na vavayan
(Maruko 7.24-30)
21muveruk i Yēsu kanizu na kinazuwan, muwaliki mukuwa i Taēr zi Siton i dalrep kana pinidare'an. 22i kazu ulra a sasa vavayan i Kanan zuwa kirepana'uwa kantaw, 'emuy'uy marengay: <<Luzu a, Alrak ni Davidē, kalramanaw ku a! kipalrar nanku alrak na vavayan, kananayan.>>
23i Yēsu 'azi temuvang za sasaya za ngay. na temakesi zuwa kiyami kantaw, marengay: <<'alrazi puveruku i intaw! kurelrang i intaw kanta, 'emuy'uy makadaladalan!>>
24temuvang i Yēsu: <<pinakarunan ku mawmau zuwa maya'a kana mu'atelr na siri i kani Iseraēl na trau.>>
25izu na vavayan a kinger kanini na ngay mu, zi malrituzu semungal kantaw i ngawayan, marengay: <<Luzu a, 'alrazi puwalrangay ku!>>
26marengay i Yēsu: <<melak kanantu aekanen na lralrak 'ematelr veray kana suwan paekan mu maw pamelri.>>
27marengay izu na vavayan: <<ai, Luzu a, mawmu tu inaekan zantu trau i ruma' na mutani kemay etu i itras na karekitekiteng mu mekan na suwan ziyanay!>>
28kemazu ziyanay marengay i Yēsu: <<tainayan, salaw ma'izang nannu pakutatena'an a! paturusanay nannu niranger pula'esiyay u!>> nantu alrak na vavayan mu 'inava lra a azu.
paka'inava kana marekudakuda na mikuwalengan
29muveruk i Yēsu i kazu na kinazuwan, zuwa kana danaw i Galili. paseki kana zenan i intaw, kemayan. 30zuwa ziya a salepun na trau miya'a kantaw, zi murung kana matripu', na mavutri', na 'azi 'iyanavayan tu zazek, na ma'umuy, zi kazuwan na mikuwalengan kana zuma na trau, tra'anay i kakuyan kani Yēsu; i Yēsu paka'inava kurisaesa kanazu. 31nazu na salepun na trau mena'u kana mararengay na ma'umuy, na 'azi 'iyanavayan tu zazek mu 'inava lra, kemakawang na matripu', mena'u na mavutri', salaw mare'alav, zi semenay pulihu kanantu Viruwa i itras na Iseraēl.
i Yēsu pakavetreker kana pata kuzulr na trau
(Maruko 8.1-10)
32i Yēsu pazuwa kana temakesi, marengay kanazu: <<salaw ku lraman kananni na salepun na trau, mukasa kaninku za teluwa wariyan lra nazu, harem iniyan lra za emaeman aekanen. 'azi ku muwai puveruk kanazu nu savelaw, makaud ta za malingatr mureve' i dadalan.>>
33marengay na temakesi: <<kazu kanini na mudawilr za zekalr na kinazuwan, auwa ta i iyan miya'a za aekanen pavetreker kanini na mulepun na trau awa?>>
34kiyumalr i Yēsu kanazu: <<ulra mu pidaya na pang?>>
temuvang nazu: <<pituwa na pang zi pidaya a kakitengan na vulraw.>>
35i Yēsu patalru kana zinekalranan kemayan i dadare'. 36melak kana pituwa na pang zi pidaya a kakitengan na vulraw, lrayuwan kana Viruwa i itras, pisa'aw, tuluzanay veray kana temakesi; na temakesi tu paniniyanay veray kana zinekalranan. 37mekan mapapiya, zi vetratrekeran lra. na temakesi tu apetraw na sama' na karekitekiteng, mavak matemuy za pituwa 'arayan. 38na mekan mu, pulakaw na vavayan zi na lralrak mu, ulra pata kuzulr na pinitrawan.
39kemazu zi tu vaverukaw na zinekalranan i Yēsu, zi muitras kana tamina, mukuwa i Makadan kana pinidare'an.
Currently Selected:
Matay 15: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 15
15
kakuwayanan na temuwamuwan
(Maruko 7.1-13)
1ulra papida na Palisay na trau zi na sinsi kana Sēsiyo kemay Yērusalem zuwa kirepana'uwa kani Yēsu, kiyumalr kantaw: 2<<kemuda zi nannu temakesi 'azi miyaturus kananta temuwamuwan na kakuwayanan? nu maekan pakangawayan mu 'azi miyaturus za kuret mauras za lima nazu!>>
3temuvang i Yēsu: <<kemuda zi mawili mu za iyaturusan kana kakuwayanan, zi semuveli mu kanantu seratr na Viruwa i itras awa? 4marengay na Viruwa i itras: <kirungetru mena'u na ma'izangan>; marengay ziya: <na penunang maselru kana ma'izangan mu, 'azika'azi piyanatrayin.> 5muveliyas mu marengay, nu ulra a trau kema marengay kana ma'izangan: <nanku paekan kanmu mu piya ku lra semunan patavang veray kana Viruwa i itras>, 6zi 'azi lra kiyarungetr mena'u kana ma'izangan i intaw. melak mu kana kakuwayanan zi venalis palremes kanantu vati na Viruwa i itras. 7na kitu'inavanava na trau a, i Isaya temuzu' kanmu tu iputralri marengay mu kemuda kana pamaw a! marengay intaw:
na Viruwa i itras kemani marengay:
8ini na zinekalranan kemaira kaninku kanantu udung,
mawmu nantu anger nazu mu mudawilr kaninku.
9tu kuret na trau maruwaruwa kamawanaw kananku seratr nazu;
semungal kaninku nazu iniyan za pauwayan peniya!>>
na puwalritr'a kana trau na eman
(Maruko 7.14-23)
10i Yēsu puwazuk ziya masalr kana zinekalranan zuwa i ngawayan kantaw, marengay kanazu: <<kingera mu, zi kalrazam! 11izu na musavak kemay kana udung na trau na eman mu 'azi pulralritra' za trau; izu na mupana kemay kanantu udung na trau mu kararuwa pulritra' za trau.>>
12i likuzan lra marengay na temakesi kani Yēsu: <<na Palisay na trau kinger kanannu ngay mu, salaw masamaz, malrazam u nay?>>
13temuvang i Yēsu: <<na amelri ziya tu isalem ni Amalri i itras na sinaleman mu peniya zazulrutren paramirami. 14amanan mele'i kanazu a! nazu mu maw na mavutri' mutu kemakezeng; na mavutri' kikezeng kana mavutri' mu, uwatani zazuwa kana kerutr i savakan.>>
15marengay i Pētēro: <<'alrazi rengayaw mi tu pauwayan ini na paruwalruwan.>>
16marengay i Yēsu: <<palrupalru harem maresan mu kana zuma na trau 'azi ziyan malrazam ziyamaw? 17kamelriya lra na 'azi mu malrazam, na kemay kanantu udung na trau musavak na eman ziya mu, musavak lra i tiyalr, zi mupana i'atelr? 18mawmu na mupana kemay kana udung mu maw na kemay i anger, i izu na maruwa pulralritra' za trau. 19'alrana mupana kemay i anger za trau mu ulra a marekudakuda na kuwatreng na piniangeran; nanni na kuwatreng na piniangeran kemakezeng kantaw mukuwa pupamelri malemu piyanatray, zemanga masiya', semasiya', tremakaw, venavetra', semiri kemuwatreng zi na zuma lra na pinamelriyan. 20ini peniya mawna tatena' pulralritra' kana trau. kema ta na 'azi muras za lima zi mekan izu na lremak mu 'azi pulralritra' za trau.>>
tu pakutatena'an a sasa na vavayan
(Maruko 7.24-30)
21muveruk i Yēsu kanizu na kinazuwan, muwaliki mukuwa i Taēr zi Siton i dalrep kana pinidare'an. 22i kazu ulra a sasa vavayan i Kanan zuwa kirepana'uwa kantaw, 'emuy'uy marengay: <<Luzu a, Alrak ni Davidē, kalramanaw ku a! kipalrar nanku alrak na vavayan, kananayan.>>
23i Yēsu 'azi temuvang za sasaya za ngay. na temakesi zuwa kiyami kantaw, marengay: <<'alrazi puveruku i intaw! kurelrang i intaw kanta, 'emuy'uy makadaladalan!>>
24temuvang i Yēsu: <<pinakarunan ku mawmau zuwa maya'a kana mu'atelr na siri i kani Iseraēl na trau.>>
25izu na vavayan a kinger kanini na ngay mu, zi malrituzu semungal kantaw i ngawayan, marengay: <<Luzu a, 'alrazi puwalrangay ku!>>
26marengay i Yēsu: <<melak kanantu aekanen na lralrak 'ematelr veray kana suwan paekan mu maw pamelri.>>
27marengay izu na vavayan: <<ai, Luzu a, mawmu tu inaekan zantu trau i ruma' na mutani kemay etu i itras na karekitekiteng mu mekan na suwan ziyanay!>>
28kemazu ziyanay marengay i Yēsu: <<tainayan, salaw ma'izang nannu pakutatena'an a! paturusanay nannu niranger pula'esiyay u!>> nantu alrak na vavayan mu 'inava lra a azu.
paka'inava kana marekudakuda na mikuwalengan
29muveruk i Yēsu i kazu na kinazuwan, zuwa kana danaw i Galili. paseki kana zenan i intaw, kemayan. 30zuwa ziya a salepun na trau miya'a kantaw, zi murung kana matripu', na mavutri', na 'azi 'iyanavayan tu zazek, na ma'umuy, zi kazuwan na mikuwalengan kana zuma na trau, tra'anay i kakuyan kani Yēsu; i Yēsu paka'inava kurisaesa kanazu. 31nazu na salepun na trau mena'u kana mararengay na ma'umuy, na 'azi 'iyanavayan tu zazek mu 'inava lra, kemakawang na matripu', mena'u na mavutri', salaw mare'alav, zi semenay pulihu kanantu Viruwa i itras na Iseraēl.
i Yēsu pakavetreker kana pata kuzulr na trau
(Maruko 8.1-10)
32i Yēsu pazuwa kana temakesi, marengay kanazu: <<salaw ku lraman kananni na salepun na trau, mukasa kaninku za teluwa wariyan lra nazu, harem iniyan lra za emaeman aekanen. 'azi ku muwai puveruk kanazu nu savelaw, makaud ta za malingatr mureve' i dadalan.>>
33marengay na temakesi: <<kazu kanini na mudawilr za zekalr na kinazuwan, auwa ta i iyan miya'a za aekanen pavetreker kanini na mulepun na trau awa?>>
34kiyumalr i Yēsu kanazu: <<ulra mu pidaya na pang?>>
temuvang nazu: <<pituwa na pang zi pidaya a kakitengan na vulraw.>>
35i Yēsu patalru kana zinekalranan kemayan i dadare'. 36melak kana pituwa na pang zi pidaya a kakitengan na vulraw, lrayuwan kana Viruwa i itras, pisa'aw, tuluzanay veray kana temakesi; na temakesi tu paniniyanay veray kana zinekalranan. 37mekan mapapiya, zi vetratrekeran lra. na temakesi tu apetraw na sama' na karekitekiteng, mavak matemuy za pituwa 'arayan. 38na mekan mu, pulakaw na vavayan zi na lralrak mu, ulra pata kuzulr na pinitrawan.
39kemazu zi tu vaverukaw na zinekalranan i Yēsu, zi muitras kana tamina, mukuwa i Makadan kana pinidare'an.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023