Matay 14
14
tu kininatrayan na semasuwap i Yohanē
(Maruko 6.14-29; Luka 9.7-9)
1a azu mu, na yawan i Galili i Hērodē kinger za lremak ni Yēsu, 2zi marengay kanantu pakalusu: <<ini na trau 'azika'azi maw na semasuwap i Yohanē marevaaw lra, zi na mikezang pupana kananni na karepalripalri.>>
3maw na kemani, i Hērodē mawili kanantu wadiyan i Filip tu 'azin i Hērodēya nantu nirekudayan, zi semeratr pa'evang kani Yohanē, demadikus kantaw zi imengaw i imengan. 4'alrana i Yohanē parepidapidan maselru kani Hērodē: <<iauwa mi'azina kani Hērodēya i inu.>> 5maranger pinatray kantaw i Hērodē, mawmu makaud kana zinekalranan, 'alrana pakanumaw kani Yohanē za maw a patralritralri kema.
6tu pinialrakan na wari ni Hērodē, tu alrak na vavayan ni Hērodēya kazu kana lavang i ngawayan maliyakasaw, salaw kikasemangal kani Hērodē. 7zi putani za ngay marengay kantaw i Hērodē: <<nu kiyami u za eman mu, muwai ku veray kannu peniya.>>
8temuru i tainataw kana alrak na vavayan, kiyami marengay: <<'alra zi payasu meretra' i sara nantu tranguru' na semasuwap ni Yohanē verayan kaninku!>>
9salaw mavangavang na yawan, mawmu piya lra putani za ngay i ngawayan kana lavang i intaw, kemazu lra semeratr paturus kanantu kiniyaami veray kantaw. 10kemazu zi pakarun za trau i Hērodē mukuwa i imengan, semelretev kanantu tranguru' ni Yohanē, 11tra'anay kana sara, veray kana alrak na vavayan ni Hērodēya; na alrak na vavayan temuluz veray kani tainataw. 12zuwa tu temakesi ni Yohanē, kiveray melak kana inulid, trevelraw lra, zi marengay kani Yēsu kanini na lremak.
i Yēsu pakavetreker kana lruwatra kuzulr na trau
(Maruko 6.30-44; Luka 9.10-17; Yohanē 6.1-13)
13kinger i Yēsu kanini na lremak, zi muitras kana tamina, muveruk kanizu na kinazuwan, mukuwa sasa za mudawilr kana zekalr. malrazam lra na zinekalranan, kemay kana zekazekalr kemakawang kurelrang kantaw. 14i Yēsu mukaitrasan kana dare', mena'u kanini na mulepun na trau mu, purelraman i anger, zi paka'inava kanantu kuwalengan nazu.
15a karaurauv mu, na temakesi zuwa kirepana'uwa kani Yēsu, marengay kantaw: <<'araremeng lra, zi maw a mudawilr i zekalr na kinazuwan i kani, 'alrazi rengay paruwadadayu lra na zinekalranan, pauwayu nazu i dalrep kana zekalr tremima'a za aekanen.>>
16temuvang i Yēsu: <<amanan paruwadadayaw mapapiya; paekani nazu i inmu.>>
17marengay na temakesi: <<kanta i kani mawmau ulra lruwatra a pang zi zuwaya vulraw.>>
18marengay i Yēsu: <<pukuwaniyu verayan kaninku.>> 19kemazu zi, patalru kana zinekalranan kemayan kana tralun i itras i intaw, zi melak kana lruwatra na pang zi zuwaya na vulraw, teme'ang mena'u piyaitras, lrayuwan kana Viruwa i itras, penisa' kana pang, temuluz veray kana temakesi, na temakesi tu paniniyanay ziya kana zinekalranan. 20mekan mapiya, pawnung vetratrekeran mapapiya lra. na temakesi tu azukaw na sama' na karekitekiteng, muavak matemuy kana muketrep zi zuwaya 'arayan. 21na mekan na pinitrawan, pulakaw na vavayan zi na lralrak mu, karuwa lruwatra kuzulr.
i Yēsu kemakawang kana zanum i itras
(Maruko 6.45-52; Yohanē 6.15-21)
22i likuzan lra kana lremak mu, i Yēsu payas hemelrahelr kana temakesi muitras kana tamina, iyanguwayan melavat makakuwaziyu kana dare', mengangara kantaw za puvaveruk kana zinekalranan. 23a muvaveruk lra na zinekalranan mu, sasa i intaw paseki mukuwa i zenan kiyanuna; palru za 'aremeng kazu ziyan muvilin i kazu. 24a azu mu, na tamina adawilr lra kana dare', patrepa za semuzesuz kana vali, kazu mahiyalahul kana kelun i savakan. 25a 'iyadenan lra mu, i Yēsu kazu kana danaw i itras kemakawang mukuwa kanantu temakesi. 26mena'u na temakesi kantaw za kazu kemakawang kana danaw i itras mu, pasalaw mare'alav, marengay: <<maw a palrar!>> makaud zi 'emuy'uy nazu mapiya.
27payas marengay i Yēsu kanazu: <<ikavangavang, maw i inku, ikakaud!>>
28marengay i Pētēro: <<Luzu a, nu maw i inu mu, pakakawangaw ku kana zanum i itras, mukuwa kannu i kazu!>>
29marengay i Yēsu: <<alamu!>> zi kemay i itras kana tamina mulusu i Pētēro, kazu kana zanum i itras kemakawang mukuwa kani Yēsu. 30mawmu mena'u i intaw kana salaw pakirev na vali mu, purekaud, zi muwatenep lra, zi 'emuy'uy: <<Luzu a, vaawaw ku!>>
31i Yēsu payas pupana za lima kemezeng kantaw, marengay: <<kamakitengan lra nannu pakutatena'an, kemuda zi 'azi u ziya kiputatena'?>>
32muitras lra kana tamina nazu mu, maziyazi lra na vali. 33na tamina i itras na temakesi mapiya malrituzu semungal kantaw, marengay: <<tatena' u za Alrak kana Viruwa i itras.>>
paka'inava kana kuwaaleng na trau i Gēnēsarēt
(Maruko 6.53-56)
34melavat lra nazu kana danaw, mukaitrasan i Gēnēsarēt kana dare'. 35na trau i kazu pakumaw menau' za maw i Yēsu mu, zi pakarun za trau mupatraran, na i dalrep i kazu kana pinidare'an na kuwaalengan ziyan mu urungaw zuwa kani Yēsu i ngawayan. 36kiyami nazu kani Yēsu padikes kana mikuwalengan na trau kanantu lrungpaw i kapuyungan; na demikes ziya na trau mu 'inava lra mapiya.
Currently Selected:
Matay 14: TPN
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023
Matay 14
14
tu kininatrayan na semasuwap i Yohanē
(Maruko 6.14-29; Luka 9.7-9)
1a azu mu, na yawan i Galili i Hērodē kinger za lremak ni Yēsu, 2zi marengay kanantu pakalusu: <<ini na trau 'azika'azi maw na semasuwap i Yohanē marevaaw lra, zi na mikezang pupana kananni na karepalripalri.>>
3maw na kemani, i Hērodē mawili kanantu wadiyan i Filip tu 'azin i Hērodēya nantu nirekudayan, zi semeratr pa'evang kani Yohanē, demadikus kantaw zi imengaw i imengan. 4'alrana i Yohanē parepidapidan maselru kani Hērodē: <<iauwa mi'azina kani Hērodēya i inu.>> 5maranger pinatray kantaw i Hērodē, mawmu makaud kana zinekalranan, 'alrana pakanumaw kani Yohanē za maw a patralritralri kema.
6tu pinialrakan na wari ni Hērodē, tu alrak na vavayan ni Hērodēya kazu kana lavang i ngawayan maliyakasaw, salaw kikasemangal kani Hērodē. 7zi putani za ngay marengay kantaw i Hērodē: <<nu kiyami u za eman mu, muwai ku veray kannu peniya.>>
8temuru i tainataw kana alrak na vavayan, kiyami marengay: <<'alra zi payasu meretra' i sara nantu tranguru' na semasuwap ni Yohanē verayan kaninku!>>
9salaw mavangavang na yawan, mawmu piya lra putani za ngay i ngawayan kana lavang i intaw, kemazu lra semeratr paturus kanantu kiniyaami veray kantaw. 10kemazu zi pakarun za trau i Hērodē mukuwa i imengan, semelretev kanantu tranguru' ni Yohanē, 11tra'anay kana sara, veray kana alrak na vavayan ni Hērodēya; na alrak na vavayan temuluz veray kani tainataw. 12zuwa tu temakesi ni Yohanē, kiveray melak kana inulid, trevelraw lra, zi marengay kani Yēsu kanini na lremak.
i Yēsu pakavetreker kana lruwatra kuzulr na trau
(Maruko 6.30-44; Luka 9.10-17; Yohanē 6.1-13)
13kinger i Yēsu kanini na lremak, zi muitras kana tamina, muveruk kanizu na kinazuwan, mukuwa sasa za mudawilr kana zekalr. malrazam lra na zinekalranan, kemay kana zekazekalr kemakawang kurelrang kantaw. 14i Yēsu mukaitrasan kana dare', mena'u kanini na mulepun na trau mu, purelraman i anger, zi paka'inava kanantu kuwalengan nazu.
15a karaurauv mu, na temakesi zuwa kirepana'uwa kani Yēsu, marengay kantaw: <<'araremeng lra, zi maw a mudawilr i zekalr na kinazuwan i kani, 'alrazi rengay paruwadadayu lra na zinekalranan, pauwayu nazu i dalrep kana zekalr tremima'a za aekanen.>>
16temuvang i Yēsu: <<amanan paruwadadayaw mapapiya; paekani nazu i inmu.>>
17marengay na temakesi: <<kanta i kani mawmau ulra lruwatra a pang zi zuwaya vulraw.>>
18marengay i Yēsu: <<pukuwaniyu verayan kaninku.>> 19kemazu zi, patalru kana zinekalranan kemayan kana tralun i itras i intaw, zi melak kana lruwatra na pang zi zuwaya na vulraw, teme'ang mena'u piyaitras, lrayuwan kana Viruwa i itras, penisa' kana pang, temuluz veray kana temakesi, na temakesi tu paniniyanay ziya kana zinekalranan. 20mekan mapiya, pawnung vetratrekeran mapapiya lra. na temakesi tu azukaw na sama' na karekitekiteng, muavak matemuy kana muketrep zi zuwaya 'arayan. 21na mekan na pinitrawan, pulakaw na vavayan zi na lralrak mu, karuwa lruwatra kuzulr.
i Yēsu kemakawang kana zanum i itras
(Maruko 6.45-52; Yohanē 6.15-21)
22i likuzan lra kana lremak mu, i Yēsu payas hemelrahelr kana temakesi muitras kana tamina, iyanguwayan melavat makakuwaziyu kana dare', mengangara kantaw za puvaveruk kana zinekalranan. 23a muvaveruk lra na zinekalranan mu, sasa i intaw paseki mukuwa i zenan kiyanuna; palru za 'aremeng kazu ziyan muvilin i kazu. 24a azu mu, na tamina adawilr lra kana dare', patrepa za semuzesuz kana vali, kazu mahiyalahul kana kelun i savakan. 25a 'iyadenan lra mu, i Yēsu kazu kana danaw i itras kemakawang mukuwa kanantu temakesi. 26mena'u na temakesi kantaw za kazu kemakawang kana danaw i itras mu, pasalaw mare'alav, marengay: <<maw a palrar!>> makaud zi 'emuy'uy nazu mapiya.
27payas marengay i Yēsu kanazu: <<ikavangavang, maw i inku, ikakaud!>>
28marengay i Pētēro: <<Luzu a, nu maw i inu mu, pakakawangaw ku kana zanum i itras, mukuwa kannu i kazu!>>
29marengay i Yēsu: <<alamu!>> zi kemay i itras kana tamina mulusu i Pētēro, kazu kana zanum i itras kemakawang mukuwa kani Yēsu. 30mawmu mena'u i intaw kana salaw pakirev na vali mu, purekaud, zi muwatenep lra, zi 'emuy'uy: <<Luzu a, vaawaw ku!>>
31i Yēsu payas pupana za lima kemezeng kantaw, marengay: <<kamakitengan lra nannu pakutatena'an, kemuda zi 'azi u ziya kiputatena'?>>
32muitras lra kana tamina nazu mu, maziyazi lra na vali. 33na tamina i itras na temakesi mapiya malrituzu semungal kantaw, marengay: <<tatena' u za Alrak kana Viruwa i itras.>>
paka'inava kana kuwaaleng na trau i Gēnēsarēt
(Maruko 6.53-56)
34melavat lra nazu kana danaw, mukaitrasan i Gēnēsarēt kana dare'. 35na trau i kazu pakumaw menau' za maw i Yēsu mu, zi pakarun za trau mupatraran, na i dalrep i kazu kana pinidare'an na kuwaalengan ziyan mu urungaw zuwa kani Yēsu i ngawayan. 36kiyami nazu kani Yēsu padikes kana mikuwalengan na trau kanantu lrungpaw i kapuyungan; na demikes ziya na trau mu 'inava lra mapiya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2023