Matai 3
3
Yohani Umosi nubulumbilili bwake
(Mar 1.1-8; Luk 3.1-17; Yoh 1.19-28)
1Popapo mmasiku gala alinkuboneka Yohani Umosi, alinkulumbilila ndukubo lwa nkisu kya Yudai, alinkuti, 2#Mat 4.17; Mar 1.15“Amupindukege, buno ubutwa bwa kumwanya busegelile.” 3#Yes 40.3Namanga uyu yo uyu ayobigwe nunsololi Yesaya apa atigi,
“Ilisyulya nkoleli likukolela mmatengele;
amutendekesyege injila ya Ntwa,
mugolosyege imisebo gyake.”
4 #
2 Banyaf 1.8
Umwene Yohani yo afwalaga unselekesye gwa lusyoya lwa ngamila, numpango gwa lukoba munsana; ifyakulya fyake gali gomapalalila nulukilwa mmatengele. 5Abandu balinkunkulukila aba nkaya ka Yerusalemu naba nkisu kya Yudai bosa, naba nkisu kyosa iki kilipipi nulusoko lwa Yordani; 6umwene alinkubosya ndusoko lwa Yordani, bo bikwilata imbibi syabo.
7 #
Mat 12.34; 23.33 Lelo bo ababwene abaFarisai na baSadukai ba bingi bikwisa kulosyo lwake, alinkubabula alinkuti, “Mweluko lwa njoka umwe, ywani abasokile umwe ukusibopa ingalalisi isi sikwisaga? 8Mulipaga lelo iseke isi sibagisenie nulupinduko; 9#Yoh 8.33kangi munginogonaga mundumbula syinu ukuti, ‘Tuli na tata Abrahamu,’ buno nikubabula une nikuti, Kyala abagile ukubasumukisya amabwe aga Abrahamu ukuya banake. 10#Mat 7.19Indwaga yibikigwe ngani pafikolo fya mipiki; lelo umpiki gosa ugu gutikupa iseke inunu, go gukutumuligwaga nukusopigwa mmoto. 11Une ne gwaki nikubokesya namisi ga lupinduko, loli uyu ikwisaga munyuma mmyangu, yo angindile une amaka; kangi yo ngabagila nukumpimbila ifilato fyake. Umwene yo isakubokesyaga na Mbepo Mwikemo numoto. 12Yo ali nuluselo lwakupetela nkiboko kyake; isakubunganiaga ingano nkituba, loli unkupili go isakugukosyaga numoto ugu gutikusimamo.”
Ukosigwa kwa Yesu
(Mar 1.9-11; Luk 3.21-22; Yoh 1.31-34)
13Popapo Yesu alinkufuma nkisu kya Galilai, alinkubuka pa lusoko lwa Yordani kwa Yohani, ukuti yo akamosyege, 14loli umwene alinkulonda ukunkanisya alinkuti, “Une nabagile ukosigwa nanugwe, kangi nugwe kwisa kumyagu?”
15Yesu alinkuti, “Oko siyege bo bunobuno lilino, buno kutubagile ukusimalisya syosa isi Kyala ikulonda,” popapo Yohani alinkumwitikisya. 16Umwene Yesu bo osigwe, alinkufyuka nakalinga ukufuma mmisi; popapo kumwanya kulinkwiguka, alinkumbona Mbepo gwaKyala ikusololoka ukuti ngunde ikwisa pamyake. 17#Bwa 22.2; Salimo 2.7; Yes 42.1; Mat 12.18; 17.5; Mar 1.11; Luk 9.35Ilisyu lilinkufuma kumwanya lilinkuti, “Uyu yo Mwanangu unkundwe, uyu nikyelile nagwe.”
Currently Selected:
Matai 3: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.