Tononkiran'i Salômôna 3
3
Manonofy mitady ilay tiany ravehivavy
(Ravehivavy)
1Isan’alina aho eo am-pandriako iny
dia mitady ilay tiako;
tadiaviko izy fa tsy hitako.
2Hifoha aho ka hitety ny tanàna,
hamakivaky arabe sy kianja,
mba hitady ilay tiako;
tadiaviko izy fa tsy hitako.
3Ireo mpiambina misafo ny tanàna
no tojo ahy ka anontaniako hoe:
«Mba hitanareo ve ilay tiako izay?»
4Vao nolalovako kely ireo,
dia hitako ilay tiako;
ka hazoniko izy fa tsy avelako,
raha tsy tongako any an-trano
ao an’efitr’ilay reny niteraka ahy.
(Ralehilahy)
5«Ry tovovavin’i Jerosalema ô,
noho ny amin’ny gazela
na ny dieravavy eny an-tsaha,
dia miangavy mafy anareo aho hoe:
Aza tairina na fohazina ilay tiako,
raha tsy efa sitrapony#3.5 Jereo 2.7 sy nta.!»
(Ravehivavy)
6Iza moa irỳ miakatra avy any an-taniefitra#3.6 Azo heverina fa tononkalo natao tamin’ny fanambadian’i Salômôna mpanjaka no averin’ilay zazavavy eto (and 6-11), ka ampihariny kosa indray amin’ilay olon-tiany, tahaka izay efa nampiharany ny fiantsoana hoe mpanjakako tao amin’ny 1.4,12.
tahaka ny setroka mitambolimbolina
ho etona mandraradraraka miora
sy emboka mamerovero
ary fofon-javamanitra isan-karazany?
7–I Salômôna eo amin’ny filanjàny iny,
otronin’ny miaramila enimpolo,
dia miaramila voafantina tamin’i Israely.
8Mirongo sabatra avokoa ireo
sady efa voasedra hiady.
Misakelika ny sabany avy izy
hiatrehana fanairana amin’ny alina.
9Nampanao filanjana ho azy
tamin’ny hazo avy any Libano
i Salômôna mpanjaka.
10Volafotsy no natao tanjany,
volamena ny fiankinana,
lamba volomparasy ny fipetrahana;
ary ny ao anatin’io filanjana io
dia ireo tovovavin’i Jerosalema
no nandravaka azy tamim-pitiavana.
11«Ry tovovavin’i Jerosalema ô,
andao hijery an’i Salômôna mpanjaka
manao ilay satroboninahitra
izay nasatroky ny reniny azy
tamin’ny androm-panambadiany,
dia ilay andro nifalian’ny fony.»
(Ralehilahy)
Currently Selected:
Tononkiran'i Salômôna 3: DIEM
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.