JOB 4
4
Biakson Awk A Hmaisabik
(4.1—14.22)
Elifas in hiti in a ti:
1-2Job, kei ṭong ve ningla
na hua pei maw?
Daite cun ka um thei nawn lo.
3Nangmah in mi tampi na zirh zo,
baan thacak lo pawl an baan tha
na cakter.
4Mi an baang ih an sawn an rilh
rero tikah,
Na ṭong fangkhat cu an dinsalnak
a si ṭheu.
5Atu na hrangih harsatnak tikcu
a ra thlen ve tikah,
na ning a hang ih na thin a nau.
6Na Pathian biak hi na hnangamnak
a si lo maw?
Mithiang na si ruangah beiseinak
ziangtal na nei lo maw?
7Ṭhatein ruat hnik!
Miding mi siatsuahnak an tong,
ti na thei dah maw?
Mawh nei lo mi hlohralnak an tong,
ti na thei dah maw?
8Mi tampi in ṭhatlonak cu
lo bangin an thlo ih,
Siatnak cu thlaici bangin an tuh,
ti ka hmu zo.
Ṭhatlonak le siatnak cu rawl
bangin an khawm ve ko.
9An parah Pathian a thin a hengih
thlisia bangin a siatsuah a si.
10Miṭha lo pawl cu kiosa bangin
an kio an huuk,
Asinain Pathian in a vuakdai hai ih
an ha pawl tla a khiak ṭheh.
11Deh ding le ei ding neilo kiosa
bangin an thi,
An faate pawl cu an ṭhekdarh
aw ṭheh.
12Voikhat cu ka hnenah a thupte in
thu a ra thleng;
Dimte in a rat ruangah ka thei
thei ceu a si.
13It that thei loih i tuahtu
zan mangsia bangtuk a si.
14Ka thin a phang ih ka thir,
Ka pumpuluk in ka khur.
15Thlarau in ka hmai thli bangin
i hun seem,
Ka hmul a tho surso.
16Cuih thlarau cu ka hmaiah
a ding ka hmu;
Ka zoh rero naón ziang a si ti
ka hliah thei lo.
Cule a dai zirziar mi sung ihsin
aw ka thei:
17“Pathian hmaiah miding an um
thei ngai pei maw?
Siamtu hmaiah minung zotal
a thianghlim thei pei maw?
18Pathian cun a palai pawl hman
a zum thei lo;
A vancungmi pawl lak hmanah
palhnak a hmu.
19Cuti a si ahcun tlak ih tuah mi
milai hi,
Leivut ihsin seemsuah mi,
phehlep vekih olte ih rialdip
thei mi milai cu a rinsan dingah
na zum maw?
20Milai cu zinglam ah a nung ko,
Asinain zanlam ah zohman ih theih
loin a thi ziar thei a si.
21A neih ciami hmuahhmuah cu
lon ṭheh a si;
Fimnak tlasam in a thi.
Currently Selected:
JOB 4: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.