JOB 2
2
Satan In Job A Hniksak Sal
1 Bawipa ih hmaiah vanmi pawl an ra khawm ni a thleng sal ih Satan khal cu an hnenah a tel ve lala. 2Cutikah Bawipa in, “Khui inso na rat?” tiah a sut.
Satan in, “Leilung pumpuluk suk le so ka vahnak in ka ra,” tiah a let.
3 Bawipa in, “Ka siahhlawh Job khi na hmu maw? Leitlun ah amah bangtuk miṭha le rinsantlak zohman an um lo. Keimah i bia ih thil ṭha lo zianghman a tuah lo. Zianghman thuhla um loin Job cu, ‘Ka siatsuah ding,’ na ti ih i leem ruangah ka lo lungkimpi; asinain Job cu a hlan vek thotho in rintlak in a nung a si,” tiah a ti.
4Satan in, “Zovek milai khal sisehla amah ih nunnak hnak cun a neih mi hmuahhmuah a hnong sawn ding a si. 5A taksa khi vun tuahmawh ngaingai cila hmaiton rori ah a lo cam mai ding,” tiah a sawn.
6Curuangah Bawipa in, “Na tivek cun si ko seh. Na kut sungah a um a si. Asinain amah cu na that lo pei,” tiah Satan kha a ti.
7Satan cu Bawipa ih umnak ihsin a feh ih Job ih taksa pumpuluk ah, a luzim ihsin a kezik tiang, hma sia a suahter ciamco. 8Cutikah Job cu a feh ih vutcam lakah to tahrat in a hma cu hlamphei thawn a kheuh. 9A nupi in a hnenah, “A hlan vek thotho in rinsantlak in na um lai hrih mawsi? Ziangah so Pathian cu cam tahratin na thih sawn lo!” tiah a ti.
10Cutikah Job in, “Nunau aa vekin na ṭong a si cu! Pathian in thilṭha in pek tikah kan lung a awi. Harsatnak kan hnenih a thlenter tikah ziangah so kan phunzai rero ding?” tiah a ti. Hi bangtuk in a tuar naón Job cun Pathian parah ṭongsia kam khat hman a ṭong lo.
Job Ih Rualpi Pawl An Ra
11Job ih rualpi pathum cu Teman #2.11 Teman khua cu Palestine ram ihsin thlanglam nisuahnak lamih a ummi Edom ram ih khawpi a si. khua in Elifas, Shuah #2.11 Shuah ram cu Zufrates Tivapi kiang ram a si. ram in Bildad le Naamah#2.11 Naamah ram cu khuitawk ah a um ti theih a si lo. ram in Zofar an si. Job ih zonzaih retheih tuarnak kha an theih tikah a hnenah va leng in riahsiatpi ding le hneem dingah an feh. 12Hla nawnih an hei hmuh tikah Job cu an theithiam lo. Job a si ti an theih ngah tikah cun riahsia ninghang in an ṭap an raak ih hnipuan thlek in leivut kha vanah an khirh ih an lu tla ah an theh aw. 13Cule leilung parah ni sarih le zansarih sung an to ih a tuar natsatzia an hmuh ruangah zohman kaa khat hman an ṭong lo.
Currently Selected:
JOB 2: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.