DAAN PEKSALNAK 32
32
1“Maw lei le van, ka ṭong hi
ngaihnik uh,
Ka simmi hi ṭhateón theihnik uh.
2Ka thuzirhmi cu vanruah bangin
surseh,
Lei parah dai bangin tlaseh.
Ka ṭong cu thingkung note parah,
Ruahhmai bangin tlaseh.
Ruah neemte bangin
hrampi note parah surseh.
3 Bawipa ih hmin cu ka
thangṭhat ding,
Nannih in a maksaknak thu nan
sim ding.
4“Bawipa cu nanmah ṭantu
bawi cak bik a si,
A tuahmi tinkim hi a dik ih
a famkim a si.
Nan Pathian cu a dikmi le
rinsantlak a si,
A dikmi le a famkimmi lawng
a tuah.
5Asinain nannih hlawhhlang phun,
A minung si dingah a tlak lomi,
Misual le mibum hmang phun nan si.
6Hitión maw Bawipa ih parah
nan nun ding?
Mi-aa le theihthiamnak nei lo
minung pawl!
Amah cu a lo Siamtu nan Pa a si,
Miphun phun khatih a lo tuahtu
cu Amah a si.
7“A cem ciami tikcu khi vun
ruatsal hnik uh.
Hlanlaipi ih tikcu caan kha.
Nan pa sut uhla a lo sim ding,
Nan patar pawl dil uhla
an phuang ding.
8Cungnungbik in miphun pawl ram
a pek hai,
An umnak dingah hmun a zem.
Mi phun hrangah ramri a bun sak,
Israel ih fapa pawl,
An tam an mal zoh in a zem.
9Asinain Jakob tefa pawl cu
Amah hrangah a hril.
10“Nelrawn ah vakvai in
an tawi kha a hmu,
Thlaleer ramṭhing ih thlika
nelrawn ah.
A humhim ih a kilkhawi hai,
Amah ih mitmu a kilkhawi tlukin.
11Muvanlai in a bu a hnin ih,
a fano tlun ah a zam;
Cule a fano cu zuan a zirh ih,
Himtein a thla parih a cawi
bangin,
Bawipa in Israel mi cu,
Himteón a cawi a si.
12 Bawipa lawngin a minung
pawl cu a hruai,
Ramdang khawzing tel loin.
13“Leitlun ih hmunsang pawl cu
a ukter ih,
Lo sungih a suakmi pawl an ei.
Lung tumpipi lakah khuaitizu
an tong ih,
Lung sepsel lakih olif kung ṭha
siti thawn a cawm hai.
14An caw le an me pawl ih hnawi
cu a tam,
Tuu, me le caw ṭha bik pawl
an nei.
Sangvut lakah sangvut ṭha bik
an ei ih,
Sabit lakih sabit thaw bik an in.
15“Bawipa ih minung Jeshurun #32.15 Jeshurun timi hi mi ding tican a si. A sawh duhmi cu Israel mi an si.
pawl cu
An lian ih an puarthau,
Rawl an khopzet ih an thau.
Anmah Seemsuahtu an Pathian cu
dung an tun ih,
An Runtu Lungpi maksak an hnong.
16Milem an biaknak Bawipa in
a thiik ih,
Thil borhhlawh an tuah ruangah
a thin a heng.
17An raithawinak cu Pathian hnen
si loin,
Khawsia hnenah an pek,
Israel mi pawl in an biak dah lomi
khawzing hnen ah,
An pupa pawl ih an ṭihzah lomi,
Tubaite a ra thlengmi pathian lem
hnen ahcun.
18Nanmah lo Seemsuahtu Lungpi cu
nan thlauthla,
Nanmah lo hringtu Pathian maksak
nan hngilh.
19“Cumi cu Bawipa in a hmu ih
a thin a heng,
Amah ih fanu le fapa pawl in
an hnon ruangah.
20‘Annih ih hmu lo dingah
ka hmai ka thup ding,
Ziang an cang ding ti
ka zohhnik pei,’ a ti.
Hi tefa mibum hmang le
mi zuangzam pawl!
21Pathian a si lomi ruangah
ka thiik a si,
An milem pawl ruangah ka thin
a heng.
Curuangah siartlaklo miphun
hmangin,
An thin ka hengter ding ih,
Mi hlothlau phun ruangah,
An thiik ka siatter ding.
22Ka thinhengnak cu mei bangin
a alh ding ih,
Leilung le a thuaiih a um hmuah
a kang ṭheh ding.
Lei le a thlairawl a kang ding,
Tlang pawl ih hram ṭoh-nak cu
a kang ṭheh ding.
23“An parah catbaang loin,
Vanduainak ka thlenter ding ih,
Anmah donak ah ka conkiang pawl
ka hmang ding.
24Rilrawnnak le khurhnat in
an thi ding ih,
Tuksumza natsia in an thi ding.
Ramsa hrang pawl anmah dehtu
dingah ka thlah ding ih,
Mi cuk hrang turnei rul pawl
an lakah ka vakter ding.
25Raldonak ruangah lamzin tluanah
an thi ding ih,
Thinlau in innsung khalah
an thi ding.
Fala tlangval pawl an thi ding ih,
Nauno le patar pawl tla
an luat lo ding.
26Ka ṭhekdarh thluh hai ding
tiin ka ruat,
Zohman ih an thuhla theih thei
nawn lo dingin.
27Asinain an ral pawl in,
‘Kanmah in kan neh ṭheh a si,
Pathian cahnak zianghman
a tel lo tiah,
Tluangkhawng hlah hai seh,’ a ti.
28“Israel cu theihthiamnak nei lo
phun a si,
Fimnak zianghman a nei lo.
29Ziangruangah ral kan sung
ti an hmu thei lo,
Ziangah hiti in kan cang, ti khal
an zoh thiam lo.
30Ziang ruangah so mi pakhat in
thawngkhat a neh ih,
Mi pahnih lawngin thawnghra
an dawihlo thei?
Bawipa an Pathian in
a tlansan ih,
An Pathian cakzet cun a dungtun
hai ruangah a si.
31Thungai ti-ah cun, an lungpi in
Kan Lungpi a tluk lo,
Israel ih Pathian a tluk lo,
ti kha kan ral pawl in an thei.
32An sabit cu Sodom ihsin a rami,
Gomorrah ihsin a keuhmi sabit hri,
Thihsii in a khatmi rah le
a khaami sabit bawr an si.
33An sabitti cu rul pawl ih tur
vek a si,
ṭihnungza rulha tur vek a si.
34“Bawipa in an ral pawl ih
thiltuahmi cu a thei,
Anmah hrem dingah a khawl cia zo,
tikcu ṭha lawng a bawh.
35 Bawipa in phu a lak ding
phuhlamnak cu Amah ih ta a si.
An rilh an bahnak tikcu a nai zo,
An siatnak ni a ra thleng cing
ding.
36 Bawipa in Amah ih mi pawl
A minung pawl cu a run ding,
An tha a cem, ti a hmuh tikah
Amah riantu pawl cu a zaangfah
ding,
Miluat tile sal ti um cuang loin
Zohman an taang nawn lo,
ti a hmuh tikah cun.
37Cutikah Bawipa in,
A minung pawl cu a sut ding:
‘Khuiah so nan rinsan zetmi,
khawzing cakzet pawl cu an si?
38Nan thawinak thau a eitu pawl le,
Nan sabit thawthaw a intu pawl cu?
Atu-ah ra in lo bawm hai seh,
Nanmah hum dingah ra tlan hai seh.
39“‘Keimah lawng, Keimah lawng
rori hi Pathian cu ka si,
Pathian taktak a dang zohman
an um lo.
Ka that ih ka nungter,
ka hriam ih ka damter,
Ka kut sung ihsin a dirhsuak
theitu
zohman an um lo.
40Keimah cu a nungmi Pathian
ka si ih,
Van lamah ka baan phar in le,
Ka nunnak saal in thu ka kam:
41Ka ralnam tleu cu ka taathriam
ding ih,
Thudik in thu ka rel ding.
Ka ral pawl parah phu ka lak
ding ih,
I huatu pawl cu ka hrem ding.
42Ka conkiang pawl cu an thisen in
a ciah ding ih,
Ka ralnam in i raltu pawl ka saat
ding.
Keimah i dotu hotu samsau pawl,
zohman ka zuah lo ding ih,
Hriamhma a pu mi le thawngtla
mi khal,
an thi ding,’ a ti ding.
43“Maw leilung mi pawl,
Bawipa ih minung pawl thawn
nan lung awi uh,
A minung a thattu pawl cu
a hrem ding ih,
A ral pawl parah phu a lak ding.
A minung le an ramsungih mawhnak cu,
A kholhfai thluh ding a si.”
44Moses le Nun ih fapa Joshua in hi hla cu Israel misenpi theihhngan ah an seh.
Moses Thucah Neta Bik
45Moses in Pathian thukham pawl cu Israel mi pawl hnenih a sim ṭheh tikah, 46“Tuih sunih ka lo pekmi thukham pawl hi thlun dingah ralringte in nan thinlung sungah khum uh. Nan faale pawl tla in an thlunnak dingah zirh uh. 47Hi daan pawl hi nan hrangah tican nei lo an si lo, nan nunnak an si. Thlun uhla nan luah dingmi Jordan Tiva ral ramah reipi nan um ding,” tiah a ti.
48Cuih ni ṭhiamṭhiam ah Bawipa in Moses hnenah, 49“Jerikho khawpi ihsin nisuahnak lam, Moab ramsung, Abarim Tlangtluan ah hung feh awla, Nebo Tlang parah hung kai aw; cutawkih sin Israel mi pawl ka pek dingmi Kanaan ram cu va cuan aw. 50Na u Aaron cu Hor Tlang ah a thi zo; nang khal Nebo Tlangah na thi ding, 51ziangahtile Israel mi hmuhhnganah nan pahnih in keimah rinsan loin nan nung. Zin nelrawn, Kadesh khua kiang, tidai umnak Meribah ih nan um laiah khan Israel mi pawl hmuhhnganah upatnak pe loin ka thang in siat a si. 52Kanaan ram cu hlavaang in na hei thlir ding naón Israel mi pawl ka pek dingmi ramah cun na lut lo ding,” tiah a ti.
Currently Selected:
DAAN PEKSALNAK 32: FCL
Highlight
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.