Zakarià 3
3
Fahitana fahefatra: i Josoa mpisorombe
1Ary nasehon’ny TOMPO tamiko i Josoa mpisorombe izay nitsangana teo anatrehan’ny anjelin’ny TOMPO. Ary nijoro teo ankavanan’i Josoa i Satàna#3.1 i Satàna na hoe ilay mpiampanga, jereo Jôb 1.6-12. mba hiampanga azy. 2Dia hoy ilay anjelin’ny TOMPO tamin’i Satàna:
–Hanery anao hangina anie ny TOMPO; eny, hanery anao hangina anie ny TOMPO Izay efa nifidy an’i Jerosalema! Fa tsy toy ny forohana nalaina tamin’ny afo va i Josoa#3.2 anjely: araka ny dkt siriaka tranainy izay mitombina kokoa; hebreo Ny Tompo. –forohana nalaina tamin’ny afo: sary ahatsiarovana fa i Josoa dia tafaverina an-tsesitany niaraka tamin’ireo andiany voalohany nody an-tanindrazana (Hez 2.36).?
3Ary nitafy akanjo maloto i Josoa no nitsangana teo anoloan’ilay anjely. 4Dia niteny io anjely io ka nandidy ireo olona teo akaikin’i Josoa hoe:
–Esory aminy ny fitafiana maloto.
Dia hoy kosa ilay anjely tamin’i Josoa:
–Indro efa nesoriko ny fahotanao ka hampiakanjoako fitafiana mihaja ianao.
5Ary nandidy ireo olona indray ilay anjely hanisy hamama madio eo an-dohan’i Josoa. Dia nasiany hamama#3.5 ny hamama sy ny fitafiana tsara dia izay fitondran’ny mpisorona manao ny raharahany (jereo Eks 28.39-43) madio ny lohany sady nampiakanjoiny fitafiana madio teo anatrehan’ilay anjelin’ny TOMPO izy. 6Ary nilaza fanambarana tamin’i Josoa ilay anjelin’ny TOMPO nanao hoe:
7«Izao no lazain’ny TOMPOn’izao rehetra izao:
Raha izoranao ny sori-dàlako,
ka tandremanao ny didiko,
dia ianao no hiandraikitra ny tranoko
sy hitandrina ny kianjan’ny tempoly
ary hisy hataoko mpanoro hevitra anao
amin’ireto olona mijoro etoana ireto.»
Ny fahatongavan’ny Mesia «Solofo»
8«Koa mihainoa, ry Josoa mpisorombe
sy ianareo mpisorona namany rehetra
izay mipetraka eo akaikiny,
satria fambara ny famonjena ho avy ianareo.
Indro fa hasehoko ilay mpanompoko,
dia ilay antsoina hoe Itsimoka#3.8 Itsimoka: io teny io toa milaza ny mpandimby ara-dalàna ny fiandrianam-panjakana, izay mety ho ilay mesia* andrasana, jereo Jer 23.5; 33.15..
9Eo anatrehan’i Josoa
no ametrahako vato anankiray,
dia vato tokana
misy maso fito mamiratra.
Indro hasiako soratra eo aminy,
ary indray andro monja
no hanesorako ny helok’ity tany ity,
hoy ny teny hentitra avy amiko TOMPOn’izao rehetra izao#3.9 Araka ny olona sasany, io vato io no anehoana an’ohatra ny tempoly ary ireo maso fito mamiratra no anambaràna ny fanetrehan’Andriamanitra mpiaro..
10Amin’izany andro izany ianareo
dia samy ho finaritra hifanasa
ho eo ambany voaloboka aman’aviavinareo,
hoy ny teny hentitra avy amiko TOMPOn’izao rehetra izao.»
Currently Selected:
Zakarià 3: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.