Zakarià 2
2
Fahitana faharoa: ny tandroka sy ny mpanefy
1Nanopy maso aho, ka indreo hitako nisy tandroka efatra#2.1 Amin’ny dkt sasany ny and 1-4 dia mifamatotra amin’ny toko 1 ary noho izany dia lasa 1.18-21; ny and 5-17 amin’ny toko faha 2 kosa dia lasa 2.1-13.. 2Ary nanontaniako ilay anjely niresaka tamiko hoe:
–Inona moa no dikan’ireo tandroka ireo?
Dia hoy ny navaliny ahy:
–Ireo no firenena matanjaka izay nampihahaka ny mponin’i Joda sy i Israely ary i Jerosalema.
3Dia nampisehoan’ny TOMPO mpanefy efatra aho 4ka nanontany indray hoe:
–Tonga mba hanao inona moa ireto?
Ary dia namaly izy hoe:
–Ireto kosa dia tonga hampihorohoro sy hampiongana ny firenena matanjaka izay nitsangana hanohitra ny firenen’i Joda sady nampihahaka ny vahoakany mba tsy hisy na iray aza hanohitra azy.
Fahitana fahatelo: ny mpandrefy
5Nanopy maso indray aho, ka indro hitako nisy lehilahy nihazona tady fandrefesana. 6Ary nanontaniako izy hoe:
–Ho aiza moa ianao?
Dia hoy izy namaly ahy:
–Ho any Jerosalema aho handrefy azy hahitana ny sakany sy ny lavany.
7Dia nandroso ilay anjely niresaka tamiko, ary nisy anjely iray koa avy hitsena azy 8sady nandidy azy hoe:
–Mihazakazaha, dia ilazao io zatovolahy izay mihazona tady fandrefesana io hoe: «Tsy ho tanànamimanda i Jerosalema fa ho marobe ny olona sy ny biby honina ao aminy. 9Ary hoy ny teny hentitry ny TOMPO hoe: ‹Izaho no ho manda afo manodidina hiaro ny tanàna, ary ny voninahitro no ho eo afovoany›. »
Ny Tompo miantso ireo voasesitany
10Hoy ny teny hentitry ny TOMPO hoe:
«He! Ianareo izay naeliko
any amin’ny vazan-tany efatra,
mandosira ankehitriny,
ialao ny tany avaratra#2.10 tany avaratra: io fomba fiteny io dia milaza ny fanjakana babilônianina. Fa ny lalana izay mitondra avy eo mankany Palestinina dia mandalo any avaratra..»
Hoy koa ny teny hentitry ny TOMPO hoe:
11«He! Ry vahoakan’i Tsiôna
voasesitany ao Babilôna,
mitsoaha tao ianareo.»
12Fa ny TOMPOn’izao rehetra izao, Ilay naniraka ahy tamim-pahefana, dia miteny amin’ireo firenena izay namabo anareo hoe:
«Na zovy na zovy mikasika anareo,
dia mikasika ny anakandriamasoko.
13Eny, haninjirako tanana ireo firenena ireo
mba ho lasa babon’ireo nandevoziny.»
Amin’izay dia hiaiky ianareo fa ny TOMPOn’izao rehetra izao no naniraka ahy.
14Dia hoy koa ny teny hentitry ny TOMPO hoe:
«Mihobia sy mifalia, ry vahoakan’i Tsiôna,
fa indro avy honina ao afovoanareo Aho.
15Amin’izany andro izany,
firenena maro no hiraiki-po amiko
ka ho tonga vahoakako;
ary honina eo afovoanareo Aho.»
Amin’izay dia hiaiky ianareo fa ny TOMPOn’izao rehetra izao no naniraka ahy ho atỳ aminareo. 16Dia ho fananan’ny TOMPO indray i Joda ao amin’ny tany masina; ary mbola hifidy an’i Jerosalema indray Izy. 17Aoka ny voaary rehetra hangina eo anatrehan’ny TOMPO satria avy ao amin’ny fonena-masiny Izy no hipoitra tampoka.
Currently Selected:
Zakarià 2: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.