Hezrà 3
3
Namerina indray ny fanompoam-pivavahana i Jesoa sy i Zerôbabela
1Nony tonga ny volana fahafito, ireo Israelita rehetra, izay efa samy tafapetraka teny amin’ny tanànany avy, dia nivory tany Jerosalema#3.1 Ny volana fahafito (septambra-ôktôbra) dia ahitana fety jiosy maromaro izay samy manan-danja, voatanisa ao amin’ny Lev 23.23-43. Jereo manokana Lev 23.24 sy nta. toy ny olona iray ihany. 2Tamin’izay i Jesoa, zanakalahin’i Jôtsadàka, sy ireo mpisorona mpiombom-panompoana aminy, ary koa i Zerôbabela, zanakalahin’i Sealtiela, sy ireo olona iray tarika aminy no nirotsaka nanorina ny alitaran’Ilay Andriamanitr’i Israely mba hanolorana sorona dorana manontolo, araka izay voasoratra ao amin’ny lalànan’i Mosesy, olon’Andriamanitra#3.2 Jereo 2 Tan 4.1, ampit Eks 27.1-2.. 3Na dia nampahatahotra azy aza ireo valovotaka tao Joda, dia naorin’ny Israelita teo amin’ny toerany taloha ihany ny alitara; ary teo amboniny no nanolorany sorona dorana manontolo ho an’ny TOMPO, dia ireo sorona fanao maraina sy hariva#3.3 valovotaka: vahiny niorim-ponenana tao Joda nandritra ny naha voasesitany an’ireo Israelita. –na dia nampatahotra asehon’ny toko 4 fa nisy tokoa ny anton-javatra nampatahotra an’ireo Jiosy tafaverina avy any an-tsesitany. –sorona dorana... hariva: jereo Eks 29.38-39; Nom 28.3-4.. 4Avy eo dia nanao ny fankalazana ny Tranotomboka araka ny voasoratra koa ny Israelita ka nanolotra sorona dorana manontolo isan’andro araka izay voafetra hatao isan’andro#3.4 Jereo Nom 29.12-38.. 5Taorian’izany dia natolotry ry zareo ny sorona dorana manontolo tsy tapaka sy ny sorona dorana manontolo fanao amin’ny voaloham-bolana na amin’ny fankalazana rehetra voatokana ho an’ny TOMPO#3.5 Jereo Nom 28.11–29.39. ary koa ny avy amin’izay rehetra manao fanatitra an-tsitrapo ho Azy TOMPO. 6Amin’izao andro voalohan’ny volana fahafito izao ny Israelita no nanomboka nanolotra sorona dorana manontolo ho an’ny TOMPO, na dia mbola tsy nalatsaka akory aza ny fototr’ilay tempolin’ny TOMPO.
7Dia nomeny vola ny mpipai-bato sy ny mpandrafitra; nomeny hanina amam-pisotro sy menaka ny Tirianina sy ny Tsidônianina mba hitondra hazo sedera avy any Libano ka hitatitra azy an-dranomasina hatrany Jafao#3.7 Jafao seranana mitodika amin’ny Ranomasina Mediteranea; ankehitriny izy dia voatelin’i Tela-Aviva. –Ity and ity dia ampit 1 Mp 5.15-25.. Araka ny fanomezan-dàlana nomen’i Kirôsa amperôran’i Persia no nanaovan’ny Israelita izany. 8Ary tamin’ny volana#3.8 volana faharoa aprily-mey 537 tal J.K. faharoan’ny taona faharoa nahatongavany teo amin’ny tranon’Andriamanitra tao Jerosalema, dia nisantatra ilay asa i Zerobabela zanakalahin’i Sealtiela, sy i Jesoa zanakalahin’i Jôtsadàka mbamin’ireo mpisorona mpiombom-panompoana aminy sy ny levita ary izay rehetra tafaverina avy any an-tsesitany ka tonga tao Jerosalema. Nanendry ny Levita hatramin’ny roapolo taona no ho miakatra ny daholobe mba ho tonian’izao asa amin’ny tranon’ny TOMPO izao; 9ary niray hina nijoro ho tonian’ny mpiasa ireo levita: dia ry i Jesoa sy i Kadmiela mirahalahy zanak’i Hôdavià mbamin’ny taranany avy, ireo zanakalahin’i Henadada#3.9 Tsy mazava loatra ny rijan-teny hebreo eto amin’ity and ity. mbamin’ny taranany avy, ary koa levita hafa mpiray foko aminy.
10Nony nandatsaka ny fototr’ilay tempolin’ny TOMPO ireo mpiasa, dia nasaina nanatrika teo ny mpisorona nanao fanamiana sy nitondra trômpetra ary koa ny levita terak’i Asafa nitondra kipantsona, mba hidera ny TOMPO araka ny nandidian’i Davida mpanjakan’i Israely#3.10 Jereo 1 Tan 25.1.. 11Dia nidera sy nisaotra ny TOMPO ireto terak’i Asafa ka nanao hira nifamalivaly hoe: «Tsara ny Tompo, ary maharitra mandrakizay ny fitiavany an’i Israely!» Nihoby mafy koa ny vahoaka rehetra raha nidera ny TOMPO#3.11 Izany fiverenan-kira litorjika izany dia fahita koa ohatra ao amin’ny Jer 33.11; 1 Tan 16.34; 2 Tan 5.13 ary indrindra ao amin’ny Sal 136. –Ny hobin-kafaliana dia anisan’ny litorjia fa tsy hoe horakoraka be fahatany., satria vita ny fototry ny tranon’ny TOMPO.
12Maro ny mpisorona sy ny levita ary ny loham-pianakaviana, dia ireo antitra efa nahita ilay trano taloha, no nitomany mafy dia mafy nony nalatsaka teo imasony ny fototr’izany trano vaovao izany; nefa maro koa no nanandra-peo nihoby sy nifaly. 13Ka dia tsy hay navahany ny hobin-kafalian’ny andaniny sy ny feo fitomanian’ny ankilany, satria samy nanao horakoraka mafy sy re lavitra tokoa ny olona.
Currently Selected:
Hezrà 3: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.