Hezrà 2
2
Lisitry ny Jiosy niverina tany Palestinina
1Tamin’ireo olona#2.1 Ity lisitra ity dia hita koa ao amin’ny Ne 7.6-72 saingy misy fahasamihafana vitsivitsy. nobaboin’i Nebokadnetsara mpanjakan’i Babilôna ka nentiny ho any Babilônia, dia maro ny teraky ny faritanin’i Joda no niala sesitany ka nitodi-doha ho any Jerosalema sy Joda, samy niverina ho any an-tanànany avy; 2ireo no nandeha niaraka tamin’ireto mpitarika azy ireto, dia ry i Zerobabela, i Jesoa, i Nehemià, i Seraià, i Relaià, i Môrdôkay#2.2 Eo anelanelan’i Rahamià (=Relaia) sy i Môrdôkay, ny rijan-tenin’ny Ne 7.7 dia manampy ny hoe Nahamanỳ; manjary 12 amin’izay ireo mpitarika ny vahoaka. , i Bilsàna, i Mispara, i Bigvay, i Rehoma, ary i Bahanà. Izao kosa no isan’ny vatan-dehilahy tao anatin’izany andian’Israelita izany:
3ny terak’i Parehôsy dia nisy lehilahy 2 172;
4ny terak’i Sefatià dia nisy lehilahy 372;
5ny terak’i Arà dia nisy lehilahy 775;
6ny terak’i Pahata-Môaba, izany hoe ireo taranak’i Jesoa sy i Jôaba, dia nisy lehilahy 2 812;
7ny terak’i Helama dia nisy lehilahy 1 254;
8ny terak’i Zatò dia nisy lehilahy 945;
9ny terak’i Zakay dia nisy lehilahy 760;
10ny terak’i Banỳ dia nisy lehilahy 642;
11ny terak’i Bebay dia nisy lehilahy 623;
12ny terak’i Hazgada dia nisy lehilahy 1 222;
13ny terak’i Adônikama dia nisy lehilahy 666;
14ny terak’i Bigvay dia nisy lehilahy 2 056;
15ny terak’i Hadîna dia nisy lehilahy 454;
16ny terak’i Atera na hoe Hezekià#2.16 ny terak’i Atera na hoe Hezekià dia: dkt hafa ny terak’i Atera, izany hoe ireo taranak’i Hezekià, dia. dia nisy lehilahy 98;
17ny terak’i Betsay dia nisy lehilahy 323;
18ny terak’i Jôrà dia nosy lehilahy 112;
19ny terak’i Hasoma dia nisy lehilahy 223;
20ny terak’i Gibara dia nisy lehilahy 95;
21ny terak’i Betlehema dia nisy lehilahy 123#2.21 Ny anarana manokana hita amin’ny and 3-35 dia anaran’olona (and 3-20 sy and 31-32) na anaran-tanàna (and 21-30 sy and 33-35).;
22ny terak’i Netôfà dia nisy lehilahy 56;
23ny terak’i Hanatôta dia nisy lehilahy 128;
24ny terak’i Hazmavety dia nisy lehilahy 42;
25ny terak’i Kiriata-Jeharîma sy i Kefirà ary i Beerôta dia nisy lehilahy 743;
26ny terak’i Ramà sy i Geba dia nisy lehilahy 621;
27ny terak’i Mikmasy dia nisy lehilahy 122;
28ny terak’i Betela sy i Hay dia nisy lehilahy 223;
29ny terak’i Nebao dia nisy lehilahy 52;
30ny terak’i Magbisy dia nisy lehilahy 156;
31ny terak’ilay Helama anankiray dia nisy lehilahy 1 254;
32ny terak’i Harima dia nisy lehilahy 320;
33ny terak’i Lôda sy i Hadida ary i Onao dia nisy lehilahy 725;
34ny terak’i Jerikao dia nisy lehilahy 345;
35ny terak’i Senaà dia nisy lehilahy 3 630.
36Ny amin’ny mpisorona indray dia izao:
ny terak’i Jedaià, izany hoe ny fianakaviamben’i Jesoa dia nisy lehilahy 973;
37ny terak’i Imera dia nisy lehilahy 1 052;
38ny terak’i Pasehora dia nisy lehilahy 1 247;
39ny terak’i Harima dia nisy lehilahy 1 017.
40Ny amin’ny Levita koa dia izao:
ny terak’i Jesoa sy i Kadmiela mirahalahy, izay samy zanak’i Hôdavià, dia nisy lehilahy 74.
41Ny amin’ny antoko-mpihira koa dia izao:
ny terak’i Asafa dia nisy lehilahy 128.
42Ny amin’ny mpiandry varavarana koa dia ny terak’ireto olona manaraka ireto:
i Saloma, i Atera, i Talmôna, i Hakoba, i Hatità, ary i Sôbay; ka nisy lehilahy 139.
43Ny amin’ireo mpanampy ny Levita koa dia ny terak’ireto olona manaraka ireto: i Tsihà, i Hasofà, i Tabahôta, 44i Kerôsa, i Sihahà, i Padôna, 45i Lebanà, i Hagabà, i Hakoba, 46i Hagabo, i Salmay, i Hanàna; 47i Gidela, i Gahara, i Reaià, 48i Retsîna, i Nekôdà, i Gazama, 49i Hozà, i Pasea, i Besay, 50i Asnà, i Mehonima, i Nefosima, 51i Bakbòko, i Hakofà, i Harahora, 52i Batselota, i Mehidà, i Harsà, 53i Barkôsa, i Siserà, i Tema, 54i Netsia ary i Hatifà.
55Ny amin’ireo mpanompon’i Salômôna#2.55 Tsy dia fantatra mazava tsara ny amin’ireto mpanompon’i Salômôna ireto: araka ny and 58, io antokon’olona io dia tokony tsy hiavaka loatra amin’ireo mpanampy ny Levita (and 43). koa dia ny terak’ireto olona manaraka ireto: i Sôtahy, i Sôfereta, i Perodà, 56i Jakalà, i Darkôna, i Gidela, 57i Sefatià, i Hatila, i Pôkereta-Tsebaîma ary i Amỳ.
58Ny tontalin’ireo mpanampy ny Levita sy ireo mpanompon’i Salômôna dia nisy lehilahy 392.
59Ireo lehilahy mpiala sesitany niainga avy tany Tela-Mela sy Tela-Harsà na niainga avy tany Keroba sy Adanà ary Imera#2.59 Tela-Mela... Imera: tanàna tao amin’ny faritr’i Babilôna saingy tsy fantatra mazava ny toerana misy azy., saingy tsy nahalaza ny maha Israelita ny fianakaviany sy ny firazanany, 60dia ny taranak’i Delaià sy i Tôbià ary i Nekôdà; miisa 652 ireo lehilahy ireo.
61Nisy tamin’ireo mpisorona koa niharan’izany tarehin-javatra izany, dia ny taranak’i Hôbaià sy i Hakôtsa ary i Barzilay; (nantsoina araka izany anarana izany i Barzilay noho izy nanambady ny zanakavavin’i Barzilay izay avy any Gilehada). 62Nitady ny taratasy milaza ny firazanany ry zareo saingy tsy nahita; dia noheverina ho tsy madio ara-pivavahana izy ka nahantona tsy hanao fisoronana. 63Noraran’ny governora tsy hihinana ny zava-masina dia masina izy mandra-pitsangan’izay mpisorona anankiray hanapa-kevitra momba azy amin’ny alalan’ny Orîma sy Tomîma#2.63 Jereo Eks 28.30 sy nta..
64Nisy olona 42 360 no tontalin’ny Israelita tafangona. 65Niaraka taminy koa ny mpanompo lahy sy vavy miisa 7 337, ny mpihira lahy sy vavy miisa roanjato; 66ankoatra ireo ny soavaly miisa 736, ny mole miisa 245, 67ny rameva miisa 435 ary ny boriky miisa 6 720.
68Rehefa tonga tao an-tranon’ny TOMPO tany Jerosalema izy rehetra, dia nanao fanomezana an-tsitrapo ny loham-pianakaviana sasantsasany mba hananganana indray ny tranon’Andriamanitra eo amin’ilay toerany taloha. 69Nanome araka izay fari-pananany avy izy mba hanampy ny vola voavory hanaovana ny asa: dia volamena 500 kilao, sy volafotsy 2 800 kilao, ary fanamiam-pisoronana zato.
70Samy nipetraka teny amin’ny tanàna nasaina hipetrahany avy ny mpisorona sy ny levita ary ny sarambabem-bahoaka sasantsasany toy ny mpihira na mpiandry varavarana na mpanampy ny levita; fa ny Israelita hafa rehetra kosa dia samy nonina tao an-tanànany avy#2.70 Jereo 1 Tan 9.2; Ne 11.3..
Currently Selected:
Hezrà 2: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.