Eclesiástico 49
49
Sc'oplal Josías
1Li sna'ubil Josiase#2 R 22.1—23.30. ja' jech chac c'u cha'al pom ti ep scape,
ti toj ven mu yic' meltsanbil yu'un li boch'o sna' spasel muil poxiletique;
toj chi' ta alel cha'yic sc'oplal scotol li cristianoetique
jech chac c'u cha'al spom muc'ta pom cha'yic,
xchi'uc jech chac c'u cha'al oy son cha'yic ta yorail ve'ele.
2Yu'un ja' ta sventa la sutes yo'ntonic li steclumale,
xchi'uc la stup'be sc'oplal li c'usitic cuybilic ta diosetic ti ven chopolique.
3Jech la stuq'uibtas yo'nton ta stojol li Cajvaltique;
c'alal yorail toj chopol li cristianoetique, laj yac' ti ac'o yich'ic ta muc' li Diose.
Ja' sc'oplal slajeb ajvaliletic xchi'uc j'alc'opetic
4Ja' xa no'ox David, Ezequías xchi'uc li Josiase lec c'usi la spasic;
scotol li yantique ep la sa' smulic.
Ja' la scomtsanic li mantaletic yu'un li Dios ta vinajele;
li ajvaliletic ta Judae i'ictaatic comel,
5yu'un laj yaq'uic ta yan li stsatsalique,
xchi'uc li slequil yutsilique laj yaq'uic ta yanlum ajvalil.
6Li yajcontraique la xchiq'uic li lum ti t'ujbil yu'un Dios bu oy li ch'ulnae;
xocol icomtsanbatic li xoralique,#2 R 13.10-21.
7Ja' jech ic'ot ti c'u x'elan yaloj li Jeremiase,
ja' li boch'o laj yuts'intaique,#Cf. Jer 1.5-10; 21.1-10; 38.1-13.
ti voc'bil ono'ox ta j'alc'opal c'alal te to oy ta yut xch'ut sme'e,
ti ta ono'ox xbulat loq'uel, ti ta xjinesat, xchi'uc ta x'ulesate,
xchi'uc ti ta xcha'liquesvan, ti ta xcha'ts'unvan leque.
8Li Ezequiele i'ac'bat yil li xojobal Cajvaltique;
ja' Dios laj yac'be yil te ta sba yac'ol scareta li Querubinetique,#Ez 1.1-28.
9Yu'un li Diose laj yalbe sc'oplal Job noxtoc,
ja' li boch'o scotol ora tuc' c'usitic la spase.#Ez 14.14-20.
10Jech noxtoc li lajchab#49.10 Lajchab - Li'i ja' sc'oplal li lajchab its'inal yaj'alc'optac Diose. j'alc'opetique ac'o nichimanuc li sbaquilic te ta smuquinalique.
Yu'un ja' laj yac'beic spatubil yo'nton li Jacobe;
ja' la scoltaic ta scoj ti jbej no'ox yo'ntonic ta stojol Dios xchi'uc ti oy smalael li sc'oplal tsmalaique.
Ja' sc'oplal Zorobabel xchi'uc Josué
11¿C'uxi xu' chcalbetic lec sc'oplal li Zorobabele?
Yu'un ja' jech chac c'u cha'al yixtolal bats'i c'abal ya'yel.
12Ja' co'olic xchi'uc li Josuee, ja' li xnich'on Josedeque;#Hag 1.1,12; Zac 3.1.
ja'ic la xcha'va'anbeic li sna Dios ti c'alal cuxulic to'oxe,
xchi'uc la spasic li ch'ulna ti voc'bil o sventa chtun ta yich'el ta muc' li Cajvaltique,
ti bu ven lec sc'oplal ta sbatel osile.
Sc'oplal Nehemías
13Jech noxtoc ven lec sna'ubil li Nehemiase,#Neh 2.11—6.16.
ja' li boch'o la xcha'pas li tsatsal coralton ti yav xa comene;
ja' laj yac'be smactac xchi'uc sbajubiltac,
xchi'uc la xcha'pas li naclebal naetique.
Sloq'uebal lo'iletic sventa c'usi iyich'an alel
14Mu'yuc boch'o jech cristiano li' ta banamil jech chac c'u cha'al li Henoque,
yu'un ja' no'ox stuc iyich' chechel muyel ta vinajel.#Gn 5.24; Eclo 44.16.
15Mu'yuc boch'o jech ivoc' yan cristiano jech chac c'u cha'al li Josee,#Gn 39—50.
yu'un ja' la sbeiltas li xchi'iltaque, lec ich'bil ta muc' icom yu'un li steclumale,
ja' yu'un c'alal ta sbaquiltac la stuc'ulanbeic.
16Li Sem xchi'uc Sete toj lec icom sc'oplalic ta stojol li cristianoetique,#Gn 4.25-26; 5.32.
pero oy to boch'o ech'em muc' sc'oplal ta scotol cristianoetic ja' li Adane.#Cf. Gn 1.26-27; 2.7,19-20; 4.25.
Currently Selected:
Eclesiástico 49: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.