Daniel (dc) 1
1
Ja'o c'alal la sc'opan Dios li Azariase
24Te xlajun xanubajic liquel te ta c'oc' ti bu xpulpune; li oxibique te xla'etic liquel ta stojbeic ta vocol Dios. 25Li Azariase#3.25 Azariase - Ja' sbi ta hebreo c'op li jun ti laj yich'ic tiq'uel ta hornoe, ja' ti ijelbat sbi yu'un li muc'ta ajvalile. Abed-nego yan sbi i'ac'bat. iva'i lic sc'opan Dios ti c'alal ja'o te oyic ta yut hornoe, jech laj yal:
26“Ich'bilucot ta muc' atuc Cajval, vo'ot Diosot yu'un jtot jme'cutic. Ich'biluc ta muc' ach'ul bi ta sbatel osil.#1 Cr 29.10-12. 27Scotol li c'usi laj apas ta jtojolcutique lec tuc'. Ta scotol li avabtele jbelot no'ox; li c'usitic chapase lec tuq'uic; lec tuc' chachapan li c'usitic chc'ot ta pasele.#Cf. Neh 9.33; Tb 3.2-6; Ap 16.7; 19.2. 28Toj lec tuc' li avabtele, toj lec tuc' li chapanel avu'une. Ja' yu'un laj atac tal li vocolil ta jtojolcutic xchi'uc ta stojol li ch'ul lum Jerusalén ti slumal jtot jme'cutique.#Dn 9.5-8; Bar 1.15-16. Li jvocolcutic laj avac'buncutic tale ta melel yu'un lec tuc' li chapanel avu'une, ja' ta scoj jmulcutic. 29Ta melel jtaoj jmulcutic ta atojol, la jpascutic c'usitic chopol, la jvoc' jbacutic ta atojol. La jpascutic scotol c'usitic chopol muliletic. Ja' mu'yuc la jch'uncutic li mantaletic avu'une; 30mu'yuc la jpascutic li avabtel avaloje, ti ja' sventa jlequilalcutique. 31Ti laj avac'buncutic tal li c'usitic chopole, scotol li c'usitic laj apasbuncutique lec tuc' li chapanel avu'une.#Cf. Lv 26.14-41; Dt 28.15,63-67. 32Ja' yu'un laj avac'uncutic ta sc'ob li cajcontracutique, ja' li boch'otic mu xich'icot ta muq'ue, ti bu mu'yuc lequil mantaletic yu'unique, ti jbajmantaletique, ti toj chopolique ja' li ajvalil ti mu'yuc lec ta xchapanvane ti ja' no'ox stuc ven chopol ta sbejel banamile. 33Li' ta orae mu'yuc xa c'usi xu' chcalcutic ta scoj ti soquem xa jc'oplalcutic ti yalemuncutic xa ta q'uexlale. Toj biq'uituncutic xa, vu'uncutic li avajtuneluncutic ti li' oyuncutic ta atojole, xchi'uc ti ta xquich'otcutic ta muq'ue. 34Yu'un vo'ot ta aventa, mu me xacomtsanuncutic sbatel osil, mu me xach'ay li c'usi achapanoje,#Ex 32.11-13. 35mu me xajalan li c'uxubinel ta scoj ti c'usitic avalojbe ono'ox Abraham ti toj lec xavotquine,#Cf. 2 Cr 20.7; Is 41.8; Stg 2.23. xchi'uc Isaac ja' li avajtunele, ti ja' ono'ox Israel ti t'ujbil avu'une, 36ti chavac' boluc ep smomnich'nabtaque, jech chac c'u cha'al li c'analetic ta vinajele, jech chac c'u cha'al li yi' ta ti'nabe.#Gn 15.5; 22.17. 37Cajval, ta scoj jmulcutic ti jech juteb licomcutic yu'un li yantic lumetique; abul jba licomcutic ta sbejel banamil. 38Mu'yuc xa ajvalil cu'uncutic, mu'yuc xa jpasmantal cu'uncutic, mu'yuc j'alc'op cu'uncutic, mu'yuc xa boch'o ta xchic' matanal, mu'yuc xa boch'o chac' matanaletic, xchi'uc mu'yuc boch'o stsob matanaletic, xchi'uc mu'yuc boch'o xchic' pom, xchi'uc mu'yuc xa snail bu xcac'botcutic sba sat c'usi chloc' cu'uncutic ti c'uxi tstaic li c'uxubinel avu'une. 39Yu'un toj unijem li co'ntoncutique, mu'yuc xa stsatsal co'ntoncutic, tsacbun li ca'yejcutique yu'un ja' xa jechuncutic jech chac c'u cha'al chic'bil ch'ium chij, tot vacax, ti ep ta mil jubenal ch'ium chijetic chich'ic chiq'uel chic'otcutique.#Sal 51.16-17(18-19). 40Li' ta orae chcac' jbacutic ta matanal ta atojol, vu'uncutic ti li' oyuncutic ta atojole; mu me tsalbiluc xicomcutic.#Sal 25.3. 41Ja' yu'un li' ta orae ta jts'aclinotcutic ta scotol co'ntoncutic, yu'un vo'ot no'ox ta jxi'otcutic yu'un vo'ot no'ox ta jc'an ta xcotquincutic asat; mu me xavac'uncutic ta labanel. 42Oyuc me yabulal jbacutic chavil, c'uxubajcuncuticuc me ta avo'nton. 43Coltauncutic me ta avu'el c'u cha'al laj avac' ta ilel sq'uelubil atsatsal ono'oxe; ac'bun quilcutic yutsilal ach'ul bi, Cajval. 44Ja' ac'o bic'tajicuc xchi'uc ja' ac'o yalicuc ta q'uexlal li boch'otic ta xilbajinuncutic vu'uncutic li avajtuneluncutique, ja' ac'o lajuc sc'oplal li svu'elique.#Sal 35.26; 40.15(16). 45Tsalbo vo'ot li stsatsalique c'u cha'al ac'o sna'ic ti vo'ot no'ox atuc Muc'ul Diosot, ti vo'ot no'ox ech'em alequilal ta sbejel banamile”, xi la sc'opan Dios li Azariase.#Sal 83.18(19).
46Li yaj'abteltac ajvalile, ja' li boch'o itic'vanic ochel ta hornoe, mu xlaj yo'ntonic ta xchuchel li c'oq'ue; ta jujuliquel chaq'uilanbeic scasil, xuch' xchi'uc socolil noetic xchi'uc xvach'il ts'usubtic. 47Lic natubuc li yat c'oq'ue, chib xcha'vinic metro xchi'uc o'lol stayalil xjelov ta sba yac'ol li hornoe.#Dn 3.22. 48C'alal natuben li yat c'oque, itsaqueic ta yat c'oc' li caldeaetic ti te oyic ta spat xocon hornoe. 49Li yaj'almantal Muc'ul Diose te iyal tal ta horno ti bu oy li Azarías xchi'uc xchi'iltaque. C'alal ivule, lic sjam sba batel ta ti'ti' horno li yat c'oq'ue. 50C'alal ja'o te oy li j'almantale, ilic ta jubetel ic', ja' jech siquil chac sjob osil li yut hornoe. Li c'oq'ue mu'yuc xa c'oc', jech mu'yuc xc'aq'uic xchi'uc mu'yuc c'usi spasic jutuc, mu'yuc c'usi c'ux cha'yic.#Dn 3.27.
Ja'o c'alal iq'uejinic ta yut horno li oxib queremetique#1.51 Li q'uejimol li' chal batele ja' co'ol jech chac c'u cha'al chq'uejinic c'alal tstsob sbaic sventa chich'ic ta muc' Diose, yu'un ta sliquesic ta jujucoj li sq'uejimolique. Li q'ueoj le'e ja' sventa c'alal chich'ic tal scotol c'usitic oy yu'unic sventa chich'ic ta muc' li Muc'ul Diose, yu'un ja' Yajval scotol li c'usitic oye.
51Jech yu'un li oxibique iliquic ta la'etel ta q'uejimol, ta xalbeic slequilal Dios xchi'uc ta stojbeic ta vocol ti c'alal ja'o te oyic ta yut hornoe, jech ta xalic:
52“Ich'bilucot ta muc' Cajval, Dios yu'un jtot jme'cutic;
atuc no'ox ich'bilot ta muc' xchi'uc toybilot ta sbatel osil.
Ich'biluc ta muc' ach'ul bi yu'un toj ech'em alequilal;
atuc no'ox ich'bilot ta muc' xchi'uc toybilot ta sbatel osil.
53Ich'bilucot ta muc' te ta ach'ulna, yu'un ja' te oy li alequilale;
atuc' no'ox ich'bilot ta muc' xchi'uc toybilot ta sbatel osil.
54Ich'bilucot ta muc' vo'ot ti te chotolot ta apasubmantale;
atuc no'ox ich'bilot ta muc' xchi'uc toybilot ta sbatel osil.
55Ich'bilucot ta muc' atuc yu'un chajal ta asat li natil xabe
xchi'uc oy ta ac'ob scotol li querubinetique;
atuc no'ox ich'bilot ta muc' xchi'uc toybilot ta sbatel osil.
56Ich'bilucot ta muc' te ta ba toc ta vinajel;
atuc no'ox ich'bilot ta muc' xchi'uc toybilot ta sbatel osil.
57“Yabteloxuc acotolic li Muc'ul Diose,#Sal 145.10.
ich'ic ta muc', albeic slequilal tojbeic ta vocol ta sbatel osil.
58J'almantaletic yu'un Muc'ul Dios,#Sal 103.20; 148.2.
ich'ic ta muc', albeic slequilal tojbeic ta vocol ta sbatel osil.
59Vinajel, ich'o ta muc' li Muc'ul Diose;
albo slequilal xchi'uc toyo ta sbatel osil.
60Vo'etic ti te oyoxuc ta vinajele, ich'ic ta muc' li Muc'ul Diose;
albeic slequilal xchi'uc toyic ta sbatel osil.
61Jayib oy avu'elic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
62C'ac'al xchi'uc u, ich'ic ta muc' li Muc'ul Diose;
albeic slequilal xchi'uc toyic ta sbatel osil.
63C'analetic ta vinajel, ich'ic ta muc' li Muc'ul Diose;#Sal 148.3-4.
albeic slequilal xchi'uc toyic ta sbatel osil.
64Job osil xchi'uc vo'etic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
65Acotolic iq'uetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
66C'oc' xchi'uc xq'uixinal osil, ich'ic ta muc' li Muc'ul Diose;
albeic slequilal xchi'uc toyic ta sbatel osil.
67Siquilaltic xchi'uc q'uepelaltic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
68Job osiletic xchi'uc pimil botetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
69Botetic xchi'uc siquetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
70Tayo xchi'uc pimil tayo, ich'ic ta muc' li Muc'ul Diose,#Sal 148.8.
albeic slequilal xchi'uc toyic ta sbatel osil.
71C'ac'altic xchi'uc ac'ubaltic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
72Sac osil xchi'uc ic'al osil, ich'ic ta muc' li Muc'ul Diose;
albeic slequilal xchi'uc toyic ta sbatel osil.
73Sacsevul xchi'uc toquetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
74“Banamil, ich'o ta muc' li Muc'ul Diose;
albo slequilal xchi'uc toyo ta sbatel osil.
75Tseletic xchi'uc vitsetic, ich'ic ta muc' li Muc'ul Diose;#Sal 14.9.
albeic slequilal xchi'uc toyic ta sbatel osil.
76Scotol li c'usitic chach'iic li' ta banamile, ich'ic ta muc' li Muc'ul Diose;
albeic slequilal xchi'uc toyic ta sbatel osil.
77Nio'etic, ich'ic ta mu' li Muc'ul Diose;
albeic slequilal xchi'uc toyic ta sbatel osil.
78Nabetic xchi'uc uc'umetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
79Muc'ta choyetic xchi'uc bic'tal choyetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
80Acotolic mutetic ta vinajel, ich'ic ta muc' li Muc'ul Diose;
albeic slequilal xchi'uc toyic ta sbatel osil.
81Ts'unub ovoliletic, ich'ic ta muc' li Muc'ul Diose;#Sal 148.10.
albeic slequilal xchi'uc toyic ta sbatel osil.
82“Xnich'nab cristianoetic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
83Israeletic, ich'ic ta muc' li Muc'ul Diose;
albeic slequilal xchi'uc toyic ta sbatel osil.
84Paleetic, ich'ic ta muc' li Muc'ul Diose;#Sal 135.19.
albeic slequilal xchi'uc toyic ta sbatel osil.
85Jtuneletic, ich'ic ta muc' li Muc'ul Diose;#Sal 134.1.
albeic slequilal xchi'uc toyic ta sbatel osil.
86Ch'ulelaletic xchi'uc vo'oxuc xch'uleloxuc li boch'otic tuc' yo'ntonique ich'ic ta muc' li Muc'ul Diose;
albeic slequilal xchi'uc toyic ta sbatel osil.
87Ch'ul cristianoetic xchi'uc vo'oxuc ti biq'uit chapas abaique, ich'ic ta muc' li Muc'ul Diose;
albeic slequilal xchi'uc toyic ta sbatel osil.
88Ananías, Azarías xchi'uc Misael, quich'tic ta muc' li Muc'ul Diose;
albeic slequilal xchi'uc toyic ta sbatel osil.
Yu'un ja' la sloq'uesutic ta c'atinbac
xchi'uc la spojutic ta sventa lajel;
ja' la scoltautic ta yut horno ti bu ven xi'bal sba li yat c'oq'ue,
ja' la spojutic loq'uel ta o'lol yat c'oc'.
89Tojbeic ta vocol li Muc'ul Diose,
yu'un ja' no'ox stuc ven lec li c'uxubinel yu'une;
mu sna' xlaj sbatel osil.#Cf. 1 Cr 16.34; 2 Cr 5.13; 7.3; Esd 3.11; Sal 100.5; 106.1; 107.1; 118.1; 136.1-26; Jer 33.11; 1 Mac 4.24.
90Albeic slequilal, vo'oxuc ti avich'ojic ta muc' Muc'ul Dios,
ja' li Dios yu'unic ec li yantic diosetique;
ich'ic ta muc' albeic slequilal,
yu'un li c'uxubinel yu'une mu sna' xlaj sbatel osil”, xiic.
Currently Selected:
Daniel (dc) 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.