Proverbios 2
2
Sc'oplal c'usi ta jtatic yu'un li bijubtasele
1Jnich'on, me chavich' ta muc' li c'usi chcale,
me chachabi ta avo'nton li jmantaltaque,
2me chavac' lec achiquin ta sventa li bijubtasele,
me chavac' lec ta avo'nton li tojobtasele,
3me xavocolet ta sc'anel li abijile,
me xa'avet ta sc'anel li lequil chanubtasele,
4me xajotet ta sa'el jech chac c'u cha'al chasa' saquil taq'uine,
me avac'ojbe yipal sa'el jech chac c'u cha'al chasa' c'ulejalile,
5chlic ana' c'u x'elan ta ich'el ta muc' li Muc'ul Diose,
chlic avotquin batel c'usi tsc'an li Diose.
6Yu'un li Muc'ul Diose ja' chijyac'butic li jbijiltique;
ja' chloc' tal ta ye stuc li bijubtasel xchi'uc li c'usi tsc'an ta xcotquintic batele.
7Ja' chac'be lequil bijubtasel li boch'otic tuc' c'usi tspasique;
ja' chchabi li boch'otic tuc' yo'ntonique.
8Ja' sventainojbe sbe li boch'otic yich'oj sjam smelolique;
ja' ta xchabibe sbe xanebic li boch'otic tuc' yo'ntonique.
9Jech noxtoc chlic ana' c'usi lec, c'usi tuc', c'usi melel,
jech chana' scotol c'usi lec ta pasel.
10C'alal chabijub leque;
chava'ay lec c'u yutsil li bijubele.
11Li tojobtasele te oy o sat ta atojol;
li bijubtasele ja' chaxchabiot.
12Ja' chaspajesot jech mu xabat ta chopol be.
Mu xac' batan ta stojol li boch'otic chopol c'usitic chalique,
13ti scomtsanojic li tuq'uil bee,
ti chanovic ta sbelal ic'al osile,
14ti xcuxet no'ox yo'nton tspasic c'usi chopole,
ti stsobetic no'ox ta spasel li xchopol talelique,
15ti ja' stamojic li be ti lucul-c'amale,
ti ja' xa yictaojic comel li tuq'uil bee.
16Jech noxtoc ja' ta scoltaot ta sventa li jmulavil antse,
ti ja' no'ox chlo'lavan ta sventa c'usi chale,#Pr 7.5.
17ti ja' sbajoj li smalal ta squeremal stsebalic to'oxe,
ti ch'ayem xa ta yo'nton li c'usi xchapanoj ta stojol Diose.
18Li snae oy xa ta sventa ch'ayel;
li sbee ja' xa sbe li boch'otic chamenique.
19Scotol li boch'otic te chbatic ta stojol li antse, mu xa sutic o tal;
mu xa xtal stamic yan velta li sbelal cuxlejale.
20Jnich'on, te me xaxanov o ta lequil bee;
ja' xatambe o batel sbeic li boch'otic tuc' yo'ntonique.
21Yu'un li boch'otic tuc' yo'ntonique te chnaquiic o ta banamil;
li boch'otic lequique j'ech'el te oyic o.
22Yan li boch'otic chopolique ta xich'ic nutsel loq'uel;
li jtoybaetique ta xich'ic bulel loq'uel.#Sal 37.9.
Currently Selected:
Proverbios 2: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.