Jonás 3
3
Li cristianoetic ta lum Ninivee la sutes yo'ntonic
1Li Jonase ic'opanat yan velta yu'un li Muc'ul Diose, jech i'albat: 2“Lican, batan ta muc'ta lum Nínive; bat albo ya'yic li c'usi laj calbote”, x'utat.
3Jech ilic li Jonase; ibat ta muc'ta lum Nínive jech chac c'u cha'al i'albat yu'un li Muc'ul Diose. Li Ninivee bats'i muc'ta lum ta jyalel, bats'i jamal; ta oxib to c'ac'al chlaj jxantic scotol. 4Jech te i'och batel ta lum li Jonase; ja' jun c'ac'al ixanov batel. Te x'avet batel, jech laj yal: “Le' ta cha'vinic (40) c'ac'ale ta xlaj scotol li lum li'i”, xi.
5Li cristianoetic ta lum Ninivee la xch'unic c'usi laj yal li Diose, jech lic yictaic ixim ta sjunul slumalic, xchi'uc la slapic c'u'il sventa at-o'nton ti c'ux ta lapele. C'alal ta biq'uit ta muc' la slapic.#Mt 12.41; Lc 11.32. 6Li a'yej le'e ic'ot c'alal ta stojol li ajvalil te ta lume. C'alal laj ya'ye, la snit loq'uel li sc'u' sventa ajvalilale; la slap c'u'il sventa at-o'nton ti c'ux ta lapele, xchi'uc iyal ta xchotleb, ichoti ta tantic. 7Lic yaq'uic jun mantal ta sjunul lum xchi'uc scotol li j'abteletic yu'une, jech laj yalic: “Ta sjunul jlumaltic xchi'uc c'alal ta jts'unub covoltic, mu'yuc ta xijve' jchi'uctic; mu'yuc ta xcuch'tic vo', me jutuc mu'yuc c'usi ta jtuntic o. 8Ja' xa no'ox ac'o jlaptic c'u'il sventa at-o'nton ti c'ux ta lapele; c'alal ta jts'unub covoltic tsots xa'oq'uic ta stojol li Diose. Comtsanic li chopol be atamojic jujunoxuque xchi'uc scotol li tsatsal uts'intael chapasique. 9Oy yic'al jech xu' chlic c'uxubajcutic ta yo'nton li Diose, jech chlaj sc'ac'al yo'nton ta jtojoltic, jech mu xijchamutic o”, xiic.
10C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.
Currently Selected:
Jonás 3: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.