Job 41
41
1“¿Me xu' chanit loq'uel ta nitubil choy li muc'ta Leviatane?#41.1 Leviatane - Q'uelo nota ta Job 3.8.,#Job 3.8; Sal 74.14; 104.26; Is 27.1.
¿Me xu' chachucbe ch'ojon ta yoc' sventa chanit loq'uel?
2¿Me xu' avu'un chaxojbe ch'ojon ta sni',
me xu' avu'un chaxojbe jelovel staq'uinal scov?
3¿Me xvocolet xa ta atojol yu'un ac'o ac'uxubin?
¿Me biq'uit xa xac' sba ta atojol?
4¿Me xu' chachapan achi'uc
yu'un ac'o comuc ta amozo ti jayib c'ac'al cuxule?
5¿Me xu' chachi'in ta tajimol jech chac c'u cha'al mut?
¿Me xu' chachuc yu'un ac'o yixtan avunin tsebetic?
6¿Me xu' chich' chapanbel stojol yu'un ac'o yich' manel?
¿Me xu' chich' bic'tal bojilanel sventa chich' chonel?
7¿Me xu' avu'un chavombe ta ts'ubts'ubni' taq'uin li snuculile?
¿Me xu' avu'un chavombe ta lanza li sjole?
8Me chavac' ac'ob ta sbae, chayac'bot lec avocol, mu xch'ay ta avo'nton o;
mu xa xac'an xapas jech ta yan velta.
9Li boch'o tsnop ti tstsal yu'une altic,
yu'un ja' no'ox me laj yile, chi' ta ora.
10Me oy boch'o tsa'ilanbe sjole, ta x'ilin;
mu'yuc boch'o xu' chnopaj ta stojol.
11¿Me oy boch'o oy c'usi laj yac'bun ba'yuc ti ja' xa no'ox ta jpac sutel tale?
Scotol li c'usi oy ta yolon vinajele ja' cu'un scotol.
12“Ta xcalbe sc'oplal noxtoc yoc sc'ob li Leviatane,#41.12 Leviatane - Q'uelo nota ta Job 3.8.
xchi'uc li slomoe, xchi'uc ti toj yan o c'u x'elan pasbil ti mu'yuc boch'o jech xco'laj xchi'uque.
13¿Boch'o xu' yu'un tsloq'uesbe li snuculile?
¿Boch'o xu' yu'un chnopaj batel sventa chac'be sfreno?
14¿Boch'o xu' yu'un chjach'be ye
ti cholol no'ox stanale, xchi'uc ti toj xi'bal sbae?
15Yu'un li snuculile lec tsots jech chac c'u cha'al macubbail;
lec xch'ijch'un stsatsal, lec pixil o li sbec'tale.
16Lec stsacojan sba;
me jutuc mu xjelov ic'.
17Lec tsots pac'ajtic ta sbec'tal;
mu xu' chich' cho'el.
18C'alal ch-at'isaje, xco'laj xchi'uc sacsevul yilel;
li sate xojoban jech chac c'u cha'al c'alal chloc' c'ac'al.#41.18 C'ac'al - Oy boch'o chalic jtotic.
19Ta yee chloc' yat c'oc',
xchi'uc nich c'oq'uetic yilel.
20Ta sni'e chloc' ch'ayil
jech chac c'u cha'al bin ti c'alal chvocane.
21Li yic'al yee tstsan yu'un li ac'ale;
chloc' ep c'oc' ta ye.
22Li snuq'ue bats'i tsots;
scotol li boch'o chilique ta xi'ic yu'un.
23Ti bu c'unic sc'oplale,
tsatsuben o jech chac c'u cha'al tsatsal taq'uin.
24Li yo'ntone mu sna' xnic jech chac c'u cha'al jbej ton;
lec tsots jech chac c'u cha'al cho'.
25C'alal chcotie, ta xi'ic li boch'otic tsots svu'elique;
c'alal chbaq'ue, ta xjatovic batel ta anil.
26Mu xu' chich' milel ta espada, ta lanza, ta flecha,
o me ta biq'uit lanza ti oy lec sni'e.
27Li taq'uine xco'laj no'ox xchi'uc jobel cha'ay;
li broncee xco'laj no'ox xchi'uc c'a'te' cha'ay.
28Mu xjatov yu'un li flechae;
me chich' ac'bel tone, xco'laj xchi'uc taqui jobel cha'ay.
29Me chich' majel ta te'e, xco'laj no'ox xchi'uc c'ajben cha'ay,
stse'in no'ox c'alal cha'ay xjubet xa batel li taq'uin ti lec ts'ubajtic sni'e.
30Ta xch'ute chincultic sba;
joc'bil chcom banamil yu'un ti c'alal chpatie.
31Li natil nabe chvocan yu'un jech chac c'u cha'al bin;
chvocan jech chac c'u cha'al vo' ti c'alal chich' ac'bel xpoxile.
32Ta spate chvocan comel li vo' yu'une;
sac jisan chcom yu'un jech chac c'u cha'al saquil jolal.
33Mu'yuc c'usi yan chanul ti xco'laj xchi'uque;
ja' no'ox stuc jech pasbil ti mu sna' xi'e.
34Mu'yuc stu chil li yantic chonetic ti tsots yo'ntonique;
ja' ajvalil yu'un scotol li chonbolometic ti bats'i simaronique —xi li Muc'ul Diose.
Currently Selected:
Job 41: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.