JUDIT 3
3
1Ja' yu'un la staquic batel yaj'almantalic yu'un ac'o bat slequilc'opanic li ajvalile, yu'un ac'o ch'abiuc xa li c'ope, jech laj yalic: 2“Li vu'uncutique ac'o xicomcutic ta amozo, muc'ta ajvalil Nabucodonosor. Li' ta jpatan jbacutic ta atojol, pasbuncutic li c'usi tsc'an avo'ntone. 3Scotol li c'usitic oy cu'uncutique xchi'uc scotol li cosilalcutique, xchi'uc ti bu oy jtrigocutique, xchi'uc li jts'unub covolcutique oy ta ac'ob scotol. Pasbuncutic li c'usi chac'ane. 4Li jlumalcutic xchi'uc scotol li cristianoetique ja' xa amozotac, ventaino. Paso li c'usi tsc'an avo'ntone”, xiic.
5Li j'almantaletic te ic'otic ta stojol li Holofernese ja' jech laj yalbeic scotol noxtoc. 6Li Holofernese iyalic batel xchi'uc yajsoldadotac ta ti'ti' uc'um. La scomtsananbe xchabiel li lum bu setbilic ta coraltone ti bu la st'uj loq'uel li boch'otic ven lec tsotsic ti ac'o coltaatuc yu'une. 7Li jnaclumetic ta jujun lume laj yich'ic ta muc', laj yac'beic lec xotajtic nichimetic ta snuq'uic sventa scorona, xchi'uc la snupic ta ac'ot, ta son, ta vobetic. 8Pero li Holofernese la svuq'uesbe li sna sdiosique, xchi'uc la sts'etic comel li ch'ul te'etic yu'unic ti chich'ic ta muq'ue. La svuq'uesbeic comel scotol li sdiosic ta jujun lume c'u cha'al ja' no'ox ac'o yich'ic ta muc' li Nabucodonosor ta scotol li epal lumetic ti ta xchopolchop xc'opojique. La sc'opanic jech chac c'u cha'al sc'opanic Dios. 9C'alal ic'ot ta yeloval Esdrelón#3.9 Esdrelón - Ja' sbi li jun lum Jezreel ta giego c'op. Ja' ti bu ep la spasic muc'ta c'op ta vo'one ono'oxe (q'uelo Jue 4; 2 R 23.29; Ap16.16n). ta nopol Dotane te ta svitstical Judae, 10te la spas scarpanaic ta Gueba xchi'uc ta Escitópolis. Te ayinic jun u. Te la stsobic ep sve'elic ta sventa li yajsoldadotaque.
Currently Selected:
JUDIT 3: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.