Oseas 14
14
Sc'anel vocol ta stojol Israel yu'un ac'o sutuc ta stojol Dios
1Israel, sutan tal yan velta ta stojol li Dios avu'une,
yu'un yalemot ta lum ta scoj li amule.
2Sutanic tal ta stojol li Muc'ul Diose;
c'anbeic vocol ta stojol, jech xavalic:
“Pasbuncutic perdón scotol li jmulcutique;
tsacbuncutic li c'usi lec chacac'botcutique.
Li xq'uexol amoton chcac'cutique
ja'uc li c'usi chloc' ta quecutique.#Is 55.6-7.
3Li Asiriae mu xiscoltauncutic;
mu xicolcutic noxtoc ti c'alal chijatovcutic ta ca'etique.
Mu xa xcalbecutic, ‘Vo'ot diosot cu'uncutic’,
mu xa xcutcutic li c'usi pasbil ta jc'obcutique,
yu'un vo'ot no'ox ta aventa
xu' tstaic c'uxubinel li me'onetique”, utic.
Li Muc'ul Diose laj yal ti tscolta yan velta li israeletique
4Li Diose jech chal:
“Vu'un ta jpoxtabe li yo'ntonic ti xtal xbat no'oxe;
ta yutsil co'nton jtuc ta jc'anic,
yu'un ilecub xa co'nton ta stojolic.#Jer 30.15-17.
5Ja' jech chic'ot yu'unic jech chac c'u cha'al job osil;
xojobanic no'ox ta nich liquel jech chac c'u cha'al lirio nichim.
Ta sts'un sba lec yibelic jech chac c'u cha'al te'etic ta Líbano.
6Ta slim sba lec li sc'obc'obe.
Ja' jech slequil chbatic jech chac c'u cha'al oliva te';
ja' jech smuil yic' chbatic jech chac c'u cha'al smuil yic' te'etic ta Líbano.
7Li Israele ta xtal nacluc yan velta ta jyaxinal,
jech lec ta xch'i jech chac c'u cha'al trigo.
Lec ta xnichinic jech chac c'u cha'al ts'usub;
ta xpuc lec sc'oplalic jech chac c'u cha'al ya'lel ts'usub chloc' ta Líbano.
8Jech chlic yal li Efraine:
‘¿C'usi xa stu cu'un chquich' ta muc' li c'usitic cuybil ta diosetique?’, xi.
Yu'un vu'un ta xca'ibe li sc'opique, vu'un ta jq'uelic.
Ja' jech chic'ot yu'unic jech chac c'u cha'al jpets c'uc'toj ti lec yox oe;
vu'un ta jventa xu' tsatinic lec”, xi li muc'ul Diose.
Slajeb c'op
9Li boch'o bij ti xa'ibe lec smelole
ac'o ya'ibe lec smelol li c'op li'i:
Li be yu'un Muc'ul Diose lec tuc'.
Li boch'otic tuc' yo'ntonique ja' te chanovic batel;
yan li boch'otic chopolique te tsbosi yacanic.#Sal 1.6; Pr 4.7-12,18-19.
Currently Selected:
Oseas 14: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.