1 Samuel 1
1
Ayin Samuel
1Ay jtuhl winic ta Ramataim, ha zuf-winic#1.1 O: Ramataim yu'un Zofin te ay ta witsiltic yu'un Efraín, Elcana sbihil, ha snich'an Jeroham snich'an Eliú, snich'an Tohu, snich'an Zuf, sts'umbal Efraín. 2Ay cheb yihnam, Ana sbihil te jtuhle, Penina sbihil te yane. Te Penina ay yalatac, yan te Ana mayuc yal stuquel. 3Te winic jujun ha'bil ya xloc' hahchel ta pueblo yu'un, ya xbaht ta Silo ta sch'uhuntayel soc ta ya'beyel milbil smahtan te Jehová te scuentahinej spisil, tey ta banti ay te cheb snich'nab Elí: ha te Ofni soc Finees, te sacerdotehetic yu'un Jehová.
4Te c'alal ya xc'oht yorahil te ya yac' milbil mahtanil te Elcana, ya ya'be swe'el te Penina te yihnam soc spisil queremetic soc ach'ixetic yu'un. 5Pero te Ana mero tsahbil we'elil ya ya'be stuquel, como c'ux ta yo'tan, aunque ma ba ac'ot ta alajel yu'un te Jehová. 6Te Penina, te smohlol ta antsil, bayel la yuts'in soc la ya'be smel yo'tan, yu'un ma ba ac'ot ta alajel yu'un te Jehová.
7Hich ya spasulan jujun ha'bil; te c'alal ya xmo bahel ta sna Jehová la ya'be smel yo'tan. Ha yu'un te Ana ya x'oc' soc ma ba ya xwe'. 8Te Elcana te smamalal hich ya yalbe: Ana, ¿bin yu'un ya x'oc'at? ¿bin yu'un ma xwe'at? ¿bin yu'un te yacat ta mel-o'tan? ¿Yu'un bal ma ba c'ax hichon ta atojol a te bin ut'il lajuntuhl al-nich'anetic? xchi.
9C'alal laj yo'tanic ta we'el uch'el ta Silo, hahch te Ana. Te sacerdote Elí hucul ta shuctajib ta nopol yoyal spuertahul te templo yu'un Jehová. 10Te Ana, soc bayel smel-o'tan la sc'opon te Jehová, soc bayel oc'. 11Hich jc'axel la yal ta jamal: Jehová te scuentahinej spisil, teme yac awilbe swocol te a'bat awu'un, teme yac ana'on soc teme ma ba ya xch'ay ta awo'tan te a'bat awu'un, teme yac awa'be jtuhl squerem-al te a'bat awu'une, jc'axel ya ca'be te Jehová te jayeb c'ahc'al cuxul, soc ma ba ya yich' set'el stsotsel sjol, xchi.
12C'alal halaj ta sc'oponel te Jehová, te Elí yac yilbebel sti'il ye. 13Te Ana yac ta c'op ta yo'tan, ha nax ya snic sba te sti'il ye, ma chicanuc te sc'ope; te Elí la scuy te yuch'oj. 14Ha yu'un te Elí la yalbe: ¿Bin to ora ya xlaj awo'tan ta yacubel? Ihquitaya te vino awu'un, la yut.
15Pero la sjac' te Ana: Ma'uc, cajwal, ho'on antson te bayel yacon ta mel-o'tan. Ma ba cuch'oj vino o bin pajuben, yacon ta yalel ta stojol Jehová te bin ay ta co'tan. 16Ma me xacuy ta chopol ants te awa'bate, como ta scuenta bayel jmel-o'tan soc jwocol yacon ta c'op c'alal ora, xchi.
17La sjac' te Elí: Jun awo'tan xbahat, soc te Dios yu'un Israel ac'a ya'bat te bin la ac'ambe ta stojol, xchi.
18Lecuc me ya xc'oht ta asit te a'bat awu'un, xchi te Ana. Hich suht bahel, we', soc tey mayuquix bin ora la smel yo'tan a.
19Hahchic ta sab, la sch'uhuntayic te Jehová, suhtic bahel ta sna ta Ramá. Te Elcana way soc te Ana te yihnam; te Jehová la sna' te antse. 20Hahch yal te Ana; c'alal ts'acay te tiempo ayin squerem-al, la ya'be sbihilin Samuel,#1.20 Samuel: c'ambil ta stojol Dios, xchi ta hebreo. yu'un la yal: La jc'ambe te Jehová, xchi.
21Patil te Elcana soc spisil mach'atic ay yu'un mohic bahel ta ya'beyel Jehová te milbil mahtanil te ya yac' jujun ha'bil soc te bin jc'axel yaloj ta jamal. 22Pero te Ana ma ba mo bahel stuquel, yu'un la yalbe te smamalal: Ma ba ya xbohon ha to teme hil schu' te alale, hich ya quic' bahel, ya ca'be ta stojol Jehová soc tey jc'axel ya xhil a, xchi.
23Te Elcana te smamalal Ana hich la sjac': Pasa te bin lec yac awa'iy, hilan li'i ha to c'alal yac awihquitaybe schu'; hich ac'a c'ohtuc ta pasel te bin yaloj te Jehová, xchi. Hich hil te antse, la scoltes te yal ha to c'alal hil schu' yu'un.
24Te c'alal hil schu' yu'un, la yic' bahel sjoquin ta sna Jehová ta Silo soc oxcoht jcolel torohetic,#1.24 oxcoht jcolel torohetic: hich ya yal ta hebreo, ay yantic antiguo hunetic te ya yal: jcoht toro te oxeb ya'bilal jun efa#1.24 22 litros harina soc jun vasija vino. Tut to a te alale. 25C'alal yich'ojix milel a te jcolel toro, la yiq'uic bahel te alal ta stojol Elí.
26Te Ana hich la yalbe te Elí: ¡Cajwal! Te bin ut'il cuxulat, cajwal, ho'on me te la jc'opon Jehová li' ta atojol. 27Ha te alal ini te la jc'opon Dios yu'une; te Jehová la ya'bon te bin la jc'ambe. 28Ha yu'un hich nix ya ca'be te Jehová. Te jayeb c'ahc'al cuxul, ha me yu'un stuquel te Jehová, xchi.
Tey la squejan sba ta sch'uhuntayel te Jehová.#1.28 Ma chicanuc teme ha te Elí te la squejan sba o teme te Ana. Ma ba chican ta lec ta hebreo.
Currently Selected:
1 Samuel 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.