Colosenses 4
4
1Miich windzu̶ndu̶jk ajku̶xy, oy tu'uda'agy ja'ay'ajtku̶x y yajtuungu̶x je̱'e̱ mduumbu̶du̶jk ni'idoogypyu̶ ajku̶xy du'un neby pyadyiiju̶ñ. Ja'aymye̱jtzku̶x ko je̱'e̱ mgwentu̶ miich nandu'un mgu̶'u̶ye̱jkku̶xu̶ch ma je̱'e̱ Windzu̶nu̶ñ, je̱'e̱ mu̶dyiibu̶ jiiby tzajpjooty yajpaatpu̶ñ.
2Mu̶bu̶jktzoodu̶u̶gu̶x je̱'e̱ Dios cham mnayjyu̶jp'ijxu̶gu̶xy ma je̱'e̱ju̶ñ y cham je̱'e̱ Dioskujuuyu̶p mye̱jkku̶xy. 3Nan mu̶bu̶jktzoogu̶x je̱'e̱ Dios nandu'un mu̶u̶d u̶u̶ch kyu̶xpu̶ ajku̶xy, wan u̶u̶ch je̱'e̱ Dios nnu̶u̶ ndu'u xy'awaatzu̶ch ajku̶xy neby u̶u̶ch je̱'e̱ ayuuk tu̶y'ajt mu̶baad ngapxwa'kxku̶xyu̶ñ y neby u̶u̶ch je̱'e̱ tu̶y'ajt mu̶baad nigápxku̶xyu̶ñ je̱'e̱ mu̶dyiibu̶ ijty jékyu̶p yu'uch ijtpu̶ñ, je̱' ko mu̶u̶d adaa tu̶y'ajt yu'uchpyu̶ u̶u̶ch yam nbujxtu̶jk'u̶ña'ay. 4Mu̶bu̶jktzoogu̶x je̱'e̱ Dios neby u̶u̶ch mu̶baad oy wa'adz nigapxyu̶ñ neby pyaadyiiju̶ñ ndúnu̶chu̶ch.
5Oy yajxón ja'ay'ajtku̶x mu̶u̶d je̱'e̱ ja'ay ajku̶xy je̱'e̱ mu̶dyiibu̶ je̱'e̱ Cristo ka'p mu̶bu̶jkku̶xyu̶ñ y ka'p je̱'e̱ mxu̶u̶ mtiempo nigoo myajtu̶gooygyu̶xy. 6Wan je̱'e̱ mgapxy myu̶dya'agy oygyu'umaayñu̶ ity ajku̶xy y oy'amdo'ijtnu̶, y nan mjajtku̶xu̶py neby je̱'e̱ ja'ay mu̶baad nidu'ug nidu'ug m'adzoowimbijtku̶xyu̶ñ.
Pablo myu̶gu'ugtu̶jk yajpókxu̶ñ jak'yajniguéxy
7Je̱'e̱ nmu̶gu'ug Tíquico ajtu̶m, je̱'e̱ mu̶dyiibu̶ u̶u̶ch oy ndzojkypy nju̶wu̶u̶ybyu̶ñ, je̱'e̱ mu̶dyiibu̶ u̶u̶ch oy tu'uda'agy tu̶ xypyubetyu̶ñ y je̱'e̱ mu̶dyiibu̶ je̱'e̱ Windzú̶n Jesús kipxy tu̶ mu̶duñu̶ñ mu̶u̶d u̶u̶ch, je̱' ku̶xyu̶ xyajmu̶dmu̶dyaakku̶xu̶p neby u̶u̶ch ya nyajpaadyu̶ñ ko naty jim ñu̶kxy ma miich ajku̶xyu̶ñ. 8Paady u̶u̶ch je̱'e̱ yam nguexy ma miich ajku̶xyu̶ñ, wan xyajmu̶dmu̶dyaakku̶xu̶ch neby u̶u̶ch yam nyajpaatku̶xyu̶ñ y neby xyjyootmu̶kmooygyu̶xu̶chu̶ñ. 9Kipxy u̶u̶ch je̱'e̱ Tíquico yam nguexy mu̶u̶d je̱'e̱ Onésimo, je̱'e̱ nmu̶gu'ug ajtu̶m je̱'e̱ mu̶dyiibu̶ oy ndzojkypy nju̶wu̶u̶by ajtu̶mu̶ñ y je̱'e̱ mu̶dyiibu̶ u̶u̶ch oy tu'uda'agy tu̶ xypyubetyu̶ñ, miich mja'ay je̱'e̱ ajku̶xy. Y je̱' ku̶xyu̶ xyajmu̶dmu̶dyaakku̶xu̶p tii ya tuunu̶p jajtu̶bu̶ñ ma u̶u̶ch ya nyajpaatku̶xyu̶ñ.
10Je̱'e̱ Aristarco je̱'e̱ nmu̶gu'ugu̶ch je̱'e̱ mu̶dyiibu̶ u̶u̶ch yaa kipxy nmu̶dpujxtu̶jk'u̶ñaaybyu̶ñ, je̱' yajpókxu̶ñ xyajnigue̱jxku̶xp, y nandu'un je̱'e̱ Marcos, je̱'e̱ Bernabé y'uch. Miich ajku̶xy tu̶ je̱'e̱ ayuuk du'un mmu̶doogu̶xy ko je̱'e̱ Marcos ñu̶kxa'añ ma miich ajku̶xyu̶ñ; pu̶nu̶ nu̶kxp xykyu'ijxku̶xy xymyu̶gápxku̶xy, ku'ubu̶jkku̶x oy yajxón. 11Nan xyajnigue̱jxku̶xp je̱'e̱ Jesús yajpókxu̶ñ, je̱'e̱ mu̶dyiibu̶ tyijku̶xypyu̶ñ Justo. Adaadu̶'ajty je'eyu̶ judío ja'ay ajku̶xy je̱'e̱ mu̶dyiibu̶ u̶u̶ch tu̶ xymyu̶dtuñu̶ñ ko u̶u̶ch je̱'e̱ Dios y'ane̱'e̱mu̶ñ tu̶ ngapxwa'kxu̶, y nan adaaju̶ch je̱'e̱ mu̶jjootkujk'ajtu̶ñ tu̶ xymyooygyu̶xy. 12Cham je̱'e̱ Epafras je̱'e̱ yajpókxu̶ñ xyajnigue̱jxku̶xy, je̱'e̱ Cristo Jesús tyuumbu̶, je̱' miich mja'ay je̱'e̱ ajku̶xy y je'emy Dios je̱'e̱ mu̶nukxtaaktu̶y mu̶u̶d miich kyu̶xpu̶ ajku̶xy, neby je̱'e̱ ayuuk tu̶y'ajt mu̶baad tu'ug'aa tu'ugjoot mmu̶bu̶jkku̶xyu̶ñ y ka'p m'u̶xtu̶gu̶'u̶wa'kku̶xu̶ch, y neby mu̶baad nigu̶'u̶ nideky mnaygyu̶'u̶ye̱jku̶gu̶xy mduungu̶xu̶ch neby je̱'e̱ Dios tzokyu̶ñ. 13U̶u̶ch je̱'e̱ tu̶y'ajt nmu̶u̶d ko je̱'e̱ Epafras mu̶k xyñidaj xyñimaaygyu̶xy y nandu'un mu̶u̶d je̱'e̱ mu̶dyiibu̶ jim Laodicea tzu̶naaygyu̶xpu̶ñ y jim Hierápolis tzu̶naaygyu̶xpu̶ñ. 14Cham je̱'e̱ Lucas je̱'e̱ yajpókxu̶ñ xyajnigue̱jxku̶xy, je̱'e̱ tzooydyuumbu̶, je̱'e̱ mu̶dyiibu̶ u̶u̶ch oy ndzojkypy nju̶wu̶u̶ybyu̶ñ y nandu'un je̱'e̱ Demas.
15Ye̱jku̶ygyu̶ch je̱'e̱ nyajpókxu̶ñ ajku̶xy ma je̱'e̱ mu̶bu̶jkpu̶du̶jk, je̱'e̱ mu̶dyiibu̶ jim Laodicea tzu̶naaygyu̶xpu̶ñ. Nan ye̱jku̶ygyu̶ch je̱'e̱ nyajpókxu̶ñ ajku̶xy ma je̱'e̱ Ninfa,#4.15 Ninfa (je̱'e̱ to'oxyu̶jk): nije̱' wiingpu̶ versión myu̶na'añ: Ninfas (je̱'e̱ ya'aydyu̶jk). y nan ma je̱'e̱ mu̶bu̶jkpu̶du̶jk je̱'e̱ mu̶dyiibu̶ jim nayyo'oymyujku̶gu̶xpu̶ñ ma je̱' tyu̶jku̶ñ. 16Ko naty adaa naky miich tu̶ mgapxtaaygyu̶xy, ke̱jxtu̶gajtzku̶x ma je̱'e̱ mu̶bu̶jkpu̶du̶jk ajku̶xyu̶ñ je̱'e̱ mu̶dyiibu̶ jim Laodicea tzu̶naaygyu̶xpu̶ñ, wan jim nandu'un kápxku̶xu̶ch, y miich ajku̶xy nan kápxku̶x je̱'e̱ naky nandu'un je̱'e̱ mu̶dyiibu̶ naty jim Laodicea tzombu̶ñ. 17Tuungu̶x je̱'e̱ may'ajt, nu̶maaygyu̶x je̱'e̱ Arquipo: “Jatytimykyuydyún je̱'e̱ tuung ku̶xyu̶, je̱'e̱ mu̶dyiibu̶ je̱'e̱ Windzú̶n Dios tu̶ xyajni'ipú̶kyu̶ñ.”
18U̶u̶ch Pablo, cham adaa yajpókxu̶ñ nyajnijayu̶u̶ygyu̶xy mu̶u̶d u̶u̶ch je̱'e̱ ngu̶'u̶mgu̶'u̶ ngu̶'u̶mleetra. Ja'aymye̱jtzku̶x ko u̶u̶ch yam nbujxtu̶jk'u̶ña'ay. Wan je̱'e̱ Dios oy'ajt may'ajt tuñ ma miich ajku̶xyu̶ñ. Jaanch adaa du'un.
Currently Selected:
Colosenses 4: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005