1 Tesalonicenses 1
1
Je̱'e̱ yajpókxu̶ñ
1U̶u̶ch Pablo, mu̶u̶d je̱'e̱ Silvano y je̱'e̱ Timoteo, cham u̶u̶ch adaa naky nguexy ma je̱'e̱ mu̶gu'uktu̶jk je̱'e̱ mu̶dyiibu̶ tzu̶naaygyu̶xpu̶ñ jim Tesalónica kajpt, je̱'e̱ mu̶dyiibu̶ tu'ugyu̶ yajpaatku̶xpu̶ñ ma je̱'e̱ Dios Teedy y je̱'e̱ Windzú̶n Jesucrístoju̶ñ. Wan je̱'e̱ Dios#1.1 Wan je̱'e̱ Dios oy'ajt may'ajt tuñ: nije̱' wiingpu̶ jaaybyu̶du̶jk myu̶naangu̶xy: wan je̱'e̱ Dios u̶u̶ch je̱'e̱ nDeedy ajtu̶m ajku̶xy y je̱'e̱ nWindzú̶n Jesucristo ajtu̶m ajku̶xy oy'ajt may'ajt tuñ. oy'ajt may'ajt tuñ ma miich ajku̶xyu̶ñ y xyajjotkujk'ajtku̶xu̶ch.
Je̱'e̱ mu̶bu̶jku̶ñ ijxpe̱jt je̱'e̱ mu̶dyiibu̶ je̱'e̱ Tesalónica ja'ay najty ye̱jkku̶xypyu̶ñ
2Je'emy u̶u̶ch je̱'e̱ Dioskujuuyu̶p nye̱jkku̶xy ma je̱'e̱ Diosu̶ñ mu̶u̶d miich kyu̶xpu̶ nigu̶xyu̶ ajku̶xy, y njatytimyjya'aymye̱jtzku̶xypy ko u̶u̶ch nDiosmu̶bu̶jktzoogu̶xy. 3Ja'anaam ja'atzojk miich nja'aymye̱jtzku̶xy ko u̶u̶ch je̱'e̱ Dios Teedy nmu̶bu̶jktzoogu̶xy ko miich tu'ug'aa tu'ugjoot tu̶ mduungu̶xy ma je̱' tyuungu̶ñ mu̶u̶d je̱'e̱ mmu̶bu̶jku̶ñ ajku̶xy, ko tu'ug'aa tu'ugjoot tu̶ mmu̶duungu̶xy mu̶u̶d je̱'e̱ tzojk'ajtu̶ñ ko tu'ug'aa tu'ugjoot mju̶jp'ijxku̶xy ko je̱'e̱ Windzú̶n Jesucristo xymyo'owaangu̶xy je̱'e̱ jugy'ajtu̶ñ wiinu̶u̶xu̶u̶bu̶, y je̱' tu̶ xypyube̱jtku̶xy neby tu̶ mme̱kxtujkku̶xyu̶ñ mu̶u̶d je̱'e̱ mu̶k'ajtu̶ñ neby tu̶ mjajt m'abe̱jtku̶xyu̶ñ. 4“Mu̶gu'uktu̶jk, Dios miich xychojkku̶xp xyjyu̶wu̶u̶ygyu̶xp, y nejwu̶u̶ygyu̶xypyu̶ch ko je̱' miich tu̶ xywyin'ijxku̶xy. 5Ko u̶u̶ch je̱'e̱ ayuuk tu̶y'ajt oy ngapxwa'kxku̶xy, je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ ma miich ajku̶xyu̶ñ, ka'p u̶u̶ch du'un nigoo ngapxy nmu̶dyaaky ajku̶xy, nan nyajni'igu̶xu̶'kku̶xu̶ch nandu'un ko u̶u̶ch je̱'e̱ Espíritu Santo myu̶k'ajt najty nmu̶dajtku̶xy, y nan mu̶u̶d je̱'e̱ tu̶y'ajt ko adayaaba ayuuk tu̶y'ajt tyu̶y'ajtu̶ch. Miich oy yajxón mnejwu̶u̶ygyu̶xy neby u̶u̶ch tu̶ nja'ay'ajtku̶xyu̶ñ ma miich ajku̶xyu̶ñ, nyajmu̶dzojkku̶xy je̱'e̱ mgu̶'u̶m'oy'ajtu̶ñ ajku̶xy.
6Miich ajku̶xy mbu̶jkku̶x je̱'e̱ ijxpe̱jt ma u̶u̶ch ajku̶xyu̶ñ y nan ma je̱'e̱ Windzú̶n Jesucrístoju̶ñ, y mgu'ubu̶jkku̶x je̱'e̱ ayuuk tu̶y'ajt mu̶u̶d je̱'e̱ xondaaku̶ñ je̱'e̱ mu̶dyiibu̶ je̱'e̱ Espíritu Santo najty xymyooygyu̶xpu̶ñ, oy du'un oynejpy tu̶ mgu'uját mgu'u'ayowu̶u̶ygyu̶xy. 7Y du'un je̱'e̱ ijxpe̱jt du'un tu̶ mye̱jkku̶xy ma je̱'e̱ mu̶bu̶jkpu̶du̶jk nigu̶xyu̶ ajku̶xyu̶ñ, je̱'e̱ mu̶dyiibu̶ jim Macedonia naaxjooty y jim Acaya naaxjooty tzu̶naaygyu̶xpu̶ñ. 8Y du'un je̱'e̱ ijxpe̱jt miich tu̶ mye̱jkku̶xy y tu̶ je̱'e̱ Windzú̶n Jesús y'ayuuk tyu̶y'ajt wya'kxta'ay. Ka'p jyimdu̶'ajtyu̶ch Macedonia y Acaya naaxjooty; xii yaa je̱'e̱ tu̶ wya'kxta'ay ma je̱'e̱ naax kajpt kú̶xyu̶ju̶ñ, y ñejwu̶u̶ygyu̶xypy je̱'e̱ ja'ay du'un neby je̱'e̱ Dios miich mmu̶bu̶jkku̶xyu̶ñ, y ka'p y'okpaatu̶nu̶ neby u̶u̶ch je̱'e̱ ja'ay njakyajmu̶dmu̶dyaakku̶xu̶chu̶ñ neby miich tu̶ mmu̶bu̶jkku̶xyu̶ñ. 9Je̱' du'un ku̶'u̶m nigapxp nimu̶dyaakku̶xp neby oy miich ngu'ijx nmu̶gápxku̶xyu̶ñ, neby u̶u̶ch miich oy yajxón xykyu'ubu̶jkku̶xyu̶ñ y nan ñayyajmu̶dmu̶dyaaku̶gu̶xy neby je̱'e̱ tzaadzéch kepychech o'owu̶datu̶u̶ ku̶xyu̶ tu̶ m'u̶xmajtzku̶xyu̶ñ, y tu̶ mbadu̶gu̶u̶ygyu̶xy je̱'e̱ juugypyu̶ y je̱'e̱ jaanchpyu̶ Dios neby mu̶baad mmu̶duungu̶xyu̶ñ. 10Nan nayyajmu̶dmu̶dyaaku̶gu̶xp nandu'un ko je̱'e̱ Jesús miich mju̶jp'ijxku̶xy wyimbida'añ ya naaxwiiñ, je̱'e̱ Dios y'Ung, je̱'e̱ mu̶dyiibu̶ je̱'e̱ Dios yajjuugypyu̶jku̶ñ. Y je̱'e̱ Jesús je̱' je̱'e̱ mu̶dyiibu̶ xyñiwa'anaanu̶mbu̶ñ ma je̱'e̱ mu̶j'ayo'on je̱'e̱ mu̶dyiibu̶ miimbu̶ñ je̱'e̱ mu̶dyiibu̶ je̱'e̱ Dios kye̱xe̱e̱mbyu̶ñ.
Currently Selected:
1 Tesalonicenses 1: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005